കണ്ണടക​ളി​ലേക്ക്‌ ഒരു എത്തി​നോ​ട്ടം

ബ്രിട്ടനിലെ ഉണരുക! ലേഖകൻ

കണ്ണടക​ളു​ടെ സഹായ​ത്തോ​ടെ​യാ​ണോ നിങ്ങൾ ഇതു വായി​ക്കു​ന്നത്‌? കൊള്ളാം, നിങ്ങൾ ഒരു പ്രകാ​ര​ത്തി​ലും ഒററയ്‌ക്കല്ല. ദൃഷ്ടാ​ന്ത​ത്തിന്‌, ബ്രിട്ടീഷ്‌ ജനസം​ഖ്യ​യു​ടെ ഏതാണ്ട്‌ 60 ശതമാനം ഇപ്പോൾ കണ്ണടകൾ ധരിക്കു​ന്നു.

കണ്ണടകൾ ധരിക്കു​ന്നതു വളരെ സർവസാ​ധാ​ര​ണ​മാ​യി​ത്തീർന്നി​രി​ക്കു​ന്നു. അവ സംബന്ധി​ച്ചു നിങ്ങളു​ടെ സ്‌നേ​ഹി​തർ എന്തെങ്കി​ലും അഭി​പ്രാ​യം പറയു​ന്നെ​ങ്കിൽ അതു മിക്കവാ​റും നിങ്ങൾ ഫ്രെയി​മി​ന്റെ സ്‌​റൈറൽ മാറി​യ​തു​കൊ​ണ്ടോ അവ ധരിക്കാ​തി​രി​ക്കാൻ തീരു​മാ​നി​ച്ച​തു​കൊ​ണ്ടോ ആയിരി​ക്കാം. മൂക്കി​നു​മീ​തെ കൂടി ഊർന്നി​റ​ങ്ങു​ക​യോ ഈർപ്പം പററി​പ്പി​ടി​ക്കു​ക​യോ ചെയ്യാ​ത്ത​പക്ഷം കണ്ണടക​ളെ​ക്കു​റി​ച്ചു ചിന്തി​ക്കാ​തെ​തന്നെ അവ ധരിക്കു​ക​യും എടുത്തു​മാ​റ​റു​ക​യും ചെയ്യു​മാ​റു നമ്മിൽ മിക്കവ​രും കണ്ണടക​ളു​മാ​യി അത്രയ്‌ക്ക്‌ ഇണങ്ങി​ച്ചേർന്നി​രി​ക്കു​ന്നു.

എന്നിരു​ന്നാ​ലും മിക്ക കണ്ണടധാ​രി​ക​ളും സ്‌​റൈ​റ​ലുള്ള ഫ്രെയി​മു​ക​ളെ​ക്കാൾ സാധാരണ കാഴ്‌ച​ശക്തി ഇഷ്ടപ്പെ​ടു​ന്നു. കണ്ണടകൾ ഒരു ശല്യമാ​യി​രി​ക്കാൻ കഴിയും. എങ്കിൽപ്പോ​ലും കാഴ്‌ച​ശക്തി കുറഞ്ഞ​വർക്ക്‌ ഇതു മുമ്പൊ​രി​ക്ക​ലും ലഭിച്ചി​ട്ടി​ല്ലാത്ത ഒരു അനു​ഗ്ര​ഹ​മാണ്‌.

ആദ്യകാല ദൃശ്യ​സ​ഹാ​യി​കൾ

റോമൻ ചക്രവർത്തി​യായ നീറോ ദ്വന്ദ്വ​യുദ്ധ മത്സരങ്ങൾ കൂടുതൽ നന്നായി കാണാൻ മരതക​ത്തിൽനിന്ന്‌ ഒരു ലെൻസ്‌ ഉണ്ടാക്കി​ച്ച​താ​യി പറയ​പ്പെ​ടു​ന്നു—കുറഞ്ഞു​വ​രുന്ന കാഴ്‌ച​ശക്തി മെച്ച​പ്പെ​ടു​ത്താൻ ഫലപ്ര​ദ​മ​ല്ലാത്ത ചെല​വേ​റിയ ഒരു മാർഗം. സമാന​മാ​യി പ്രാചീന കാലങ്ങ​ളിൽ സ്‌ഫടി​ക​ക്ക​ണ്ണാ​ടി​യിൽനി​ന്നും സ്‌ഫടി​ക​ക്ക​ല്ലിൽനി​ന്നും കുപ്പി​ക്ക​ല്ലിൽനി​ന്നും ഗോ​മേ​ദ​ക​ത്തിൽനി​ന്നും പുഷ്യ​രാ​ഗ​ത്തിൽനി​ന്നും ലെൻസു​കൾ ഉണ്ടാക്കി​യി​രു​ന്നു. എന്നാൽ 1268 എന്ന വർഷ​ത്തോ​ട​ടുത്ത്‌ ഇംഗ്ലീഷ്‌ സന്ന്യാ​സി​യായ റോജർ ബേക്കൺ ഒരു സ്‌ഫടിക ഗോള​ത്തി​ന്റെ ഛേദം വായനാ​സ​ഹാ​യി​യാ​യി എങ്ങനെ ഉപയോ​ഗി​ക്കാം എന്നു വർണിച്ചു. അതേ കാലഘ​ട്ട​ത്തോ​ട​ടു​ത്തു​തന്നെ ആദ്യത്തെ കണ്ണടകൾ—ഫ്രെയി​മു​ക​ളിൽ പരുക്കൻ ലെൻസു​കൾ ഘടിപ്പി​ച്ചവ—പ്രത്യ​ക്ഷ​പ്പെ​ട്ടു​തു​ടങ്ങി.

അവ ആദ്യം കണ്ടുപി​ടി​ച്ചത്‌ ആരാണ്‌—ഇററലി​ക്കാ​രോ ചൈനാ​ക്കാ​രോ? ഏതാണ്ട്‌ ഒരേ കാലത്തു​തന്നെ ഈ രണ്ടു നാടു​ക​ളി​ലും ഈ ഉപകരണം കണ്ടുതു​ട​ങ്ങി​യ​തു​കൊണ്ട്‌ ഇതൊരു തർക്കവി​ഷ​യ​മാണ്‌. ഒരു വശത്ത്‌, ഇററലി​യി​ലെ ഫ്‌ളോ​റൻസി​ലുള്ള ഒരു കല്ലറ ഈ ശിലാ​ഖ​ചി​തം വഹിക്കു​ന്നു: “ഫ്‌ളോ​റൻസി​ലുള്ള ആർമാത്തി കുടും​ബ​ത്തി​ലെ സാൽവി​നോ ഡാർമാ​റേറാ ഇവിടെ അന്ത്യവി​ശ്രമം കൊള്ളു​ന്നു. കണ്ണടകൾ കണ്ടുപി​ടി​ച്ച​യാൾ. ദൈവം അയാളു​ടെ പാപങ്ങൾ പൊറു​ക്കട്ടെ.” അദ്ദേഹം എന്നാണു മരിച്ച​തെന്ന്‌ ആർക്കും ഒരു നിശ്ചയ​വു​മില്ല—1285, 1317, അല്ലെങ്കിൽ 1340. അതേസ​മയം, ഇററലി​യി​ലെ മഹാ പര്യ​വേ​ക്ഷ​ക​നായ മാർക്കോ പോളോ 13-ാം നൂററാ​ണ്ടി​ന്റെ ഒടുവിൽ ചൈന​യിൽ എത്തി​ച്ചേർന്ന​പ്പോൾ ധാരാ​ള​മാ​ളു​കൾ കണ്ണടകൾ ധരിച്ചി​രു​ന്നതു കണ്ടതായി ഓർമി​ക്കു​ന്നു. പൊ.യു. (പൊതു​യു​ഗം) 500 മുതൽ ചൈന​യിൽ കണ്ണടകൾ ധരിച്ചി​രു​ന്ന​താ​യി ഐതി​ഹ്യം പറയുന്നു.

ഏതായാ​ലും ഒടുവിൽ, 16-ാം നൂററാ​ണ്ടാ​യ​പ്പോ​ഴേ​ക്കും വെനീ​സി​ലും ന്യൂറം​ബർഗി​ലും മററു​ചില യൂറോ​പ്യൻ കേന്ദ്ര​ങ്ങ​ളി​ലും കണ്ണട വ്യവസാ​യം തഴച്ചു​വ​ള​രു​ന്നു​ണ്ടാ​യി​രു​ന്നു. കണ്ണടകൾ ഏററവും പ്രിയ​പ്പെട്ട ആഭരണ​ങ്ങ​ളാ​യി മാറി, തെരുവു കച്ചവട​ക്കാർ അതു വിററി​രു​ന്നു. പക്ഷേ കഷ്ടം, വിൽപ്പ​ന​ക്കാർ തങ്ങളുടെ വിൽപ്പ​ന​ച്ച​ര​ക്കു​കൊണ്ട്‌ യാതൊ​രു​വിധ കാഴ്‌ചാ​പ​രി​ശോ​ധ​ന​യും അനുവ​ദി​ച്ചി​രു​ന്നില്ല. അതു​കൊ​ണ്ടു വാങ്ങു​ന്നവൻ തന്റെ ആകാരം മെച്ച​പ്പെ​ടു​ത്തി​യെ​ങ്കി​ലും അവശ്യം കാഴ്‌ച​ശക്തി മെച്ച​പ്പെ​ടു​ത്തി​യില്ല!

കണ്ണടകൾ ഇന്ന്‌

കണ്ണടകൾ ഉത്തരോ​ത്തരം പരിഷ്‌ക​രി​ക്ക​പ്പെ​ട്ടു​പോ​ന്നു. അവ റിബണു​കൾക്കൊ​ണ്ടു ചെവി​യോ​ടോ സ്‌പ്രി​ങ്ങു​കൊ​ണ്ടുള്ള ഒരു ക്ലിപ്പ്‌ മുഖാ​ന്തരം മൂക്കി​നോ​ടോ ഘടിപ്പി​ച്ചി​രു​ന്നു. പതി​നെ​ട്ടാം നൂററാ​ണ്ടി​ന്റെ ആരംഭ​മാ​യ​പ്പോ​ഴേ​ക്കും കട്ടിയുള്ള കാലുകൾ മൂലം കണ്ണടകളെ ചെവി​യോ​ടു ചേർത്തു ബന്ധിപ്പി​ച്ചു​നിർത്തുന്ന ആശയവു​മാ​യി ആരോ മുന്നോ​ട്ടു വന്നു. ഇപ്പോ​ഴും ഏററവും ജനപ്രീ​തി​യുള്ള രീതി ഇതുത​ന്നെ​യാണ്‌.

ലെൻസ്‌ നിർമാ​ണ​വും നാടകീ​യ​മാ​യി പുരോ​ഗ​മി​ച്ചു. ഉയർന്ന ഗുണ​മേൻമ​യുള്ള ഗ്ലാസ്‌ സുതാ​ര്യ​മായ ക്രിസ്‌ററൽ പദാർഥ​ങ്ങൾക്കു പകരം സ്ഥാനം പിടിച്ചു. പ്രിസ​ങ്ങൾക്കൊ​ണ്ടുള്ള സർ ഐസക്‌ ന്യൂട്ടന്റെ 17-ാം നൂററാ​ണ്ടി​ലെ പരീക്ഷ​ണങ്ങൾ പ്രകാശ അപവർത്തനം സംബന്ധി​ച്ചുള്ള അറിവി​നു വഴി​തെ​ളി​ച്ചു. വാച്ചു​ന​ന്നാ​ക്കു​ന്നവർ ഉപയോ​ഗി​ക്കുന്ന ലെൻസു​കൾ ശാസ്‌ത്രീയ കൃത്യ​ത​യോ​ടെ നിർമി​ക്കാൻ കഴിഞ്ഞു.

അമേരി​ക്കൻ രാജ്യ​ത​ന്ത്ര​ജ്ഞ​നായ ബെഞ്ചമിൻ ഫ്രാങ്ക്‌ളിൻ 1784-ൽ തന്റെ കണ്ണടക​ളോ​ടു ബന്ധപ്പെട്ടു തനിക്കു​ണ്ടാ​യി​രുന്ന ഒരു പ്രശ്‌ന​ത്തി​നു വിദഗ്‌ധ​മായ പരിഹാ​രം കണ്ടുപി​ടി​ച്ചു. വായി​ക്കാ​നു​പ​യോ​ഗിച്ച അദ്ദേഹ​ത്തി​ന്റെ ഗ്ലാസുകൾ ദീർഘ​ദൂര കാഴ്‌ച​യു​മാ​യി യോജി​ക്കാ​തെ വന്നു, അകലെ​യുള്ള വസ്‌തു​ക്കൾ കാണാൻ അദ്ദേഹം ഉപയോ​ഗി​ച്ചി​രു​ന്നതു വായന​യ്‌ക്കു യോജി​ച്ച​വ​യാ​യി​രു​ന്നില്ല. അതു​കൊ​ണ്ടു തുടർച്ച​യാ​യി രണ്ടു ജോഡി ഗ്ലാസുകൾ മാറി​വെ​ക്കു​ന്ന​തി​നു പകരം അദ്ദേഹം ഇപ്രകാ​രം ന്യായ​വാ​ദം ചെയ്‌തു, രണ്ടുതരം ലെൻസു​കൾ ഒരു ജോഡി ഗ്ലാസു​ക​ളിൽത്തന്നെ എന്തു​കൊ​ണ്ടു യോജി​പ്പി​ച്ചു​കൂ​ടാ? ഇപ്രകാ​രം രണ്ടു ചില്ലുള്ള കണ്ണടകൾ ജൻമ​മെ​ടു​ത്തു. എന്നിരു​ന്നാ​ലും പിന്നെ​യും നൂറു വർഷങ്ങൾ കഴിഞ്ഞാണ്‌ അവ നിർമി​ക്കു​ന്ന​തി​നുള്ള ഫലപ്ര​ദ​മായ മാർഗങ്ങൾ വികസി​ച്ചത്‌.

പ്രത്യേ​ക​മാ​യ ആവശ്യങ്ങൾ നിറ​വേ​റ​റാൻ പലതര​ത്തി​ലുള്ള കണ്ണടകൾ ലഭ്യമാണ്‌. തെറി​ക്കുന്ന വസ്‌തു​ക്ക​ളിൽനി​ന്നു തൊഴി​ലാ​ളി​ക​ളു​ടെ കണ്ണുകളെ സംരക്ഷി​ക്കാൻ സുരക്ഷിത ഗ്ലാസു​ക​ളാ​യി പല പാളികൾ ഉള്ളതോ കട്ടി കൂട്ടി​യ​തോ ആയ ഗ്ലാസുകൾ പിടി​പ്പി​ക്കാ​വു​ന്ന​താണ്‌. ചില ലെൻസു​കൾ പ്രകാശ സംവേ​ദ​ക​ത്വം (photosensitive) ഉള്ളതാണ്‌: തീവ്ര​സൂ​ര്യ​പ്ര​കാ​ശ​ത്തിൽ കാണി​ക്കു​മ്പോൾ അവ ഇരുണ്ട​താ​യി​ത്തീ​രു​ന്നു, നിഴലി​ലോ മുറി​ക്കു​ള്ളി​ലോ ആയിരി​ക്കു​മ്പോൾ അവ വീണ്ടും തെളി​ഞ്ഞു​വ​രു​ന്നു. ഇനിയും മററു​ചില ഗ്ലാസുകൾ പ്ലാസ്‌റ​റി​ക്കാണ്‌, അതു കണ്ണടക​ളു​ടെ ഭാരം ഗണ്യമാ​യി കുറയ്‌ക്കു​ക​യും കട്ടി​യേ​റിയ ലെൻസു​കൾ ധരിക്കുന്ന ആളുക​ളു​ടെ അസൗക​ര്യം കുറയ്‌ക്കു​ക​യും ചെയ്യുന്നു.

‘കണ്ണടക​ളോ? എനിക്കോ?’

ഒരുപക്ഷേ, പൂർണ കാഴ്‌ച​ശ​ക്തി​കൊണ്ട്‌ അനു​ഗ്ര​ഹി​ക്ക​പ്പെട്ട ഒരു ഭാഗ്യ​വാ​നാ​യി​രി​ക്കാം നിങ്ങൾ. സാധ്യ​ത​യ​നു​സ​രിച്ച്‌ അത്‌ അധിക​നാ​ള​ത്തേ​ക്കാ​വില്ല.

‘ഒരു ദിവസം ഞാൻ കണ്ണട ധരി​ക്കേണ്ടി വന്നേക്കാം എന്നാണോ നിങ്ങൾ പറയു​ന്നത്‌?’ എന്നു നിങ്ങൾ ചോദി​ച്ചേ​ക്കാം. അതേ, ഇപ്പോൾ നിങ്ങൾക്കു നല്ല കാഴ്‌ച​ശ​ക്തി​യു​ണ്ടെ​ങ്കിൽപ്പോ​ലും നിങ്ങൾ മിക്കവാ​റും കണ്ണട ധരിക്കാ​നാ​ണു സാധ്യത. എന്തു​കൊണ്ട്‌? പറയാം, 45—അല്ലെങ്കിൽ അതിൽ കൂടുതൽ—വയസ്സാ​കു​ന്ന​തോ​ടെ വെള്ളെ​ഴു​ത്തി​ന്റെ (presbyopia) ഫലങ്ങൾ നിങ്ങൾ കണ്ടുതു​ട​ങ്ങി​യേ​ക്കാം എന്നതാണ്‌ ഒരു കാരണം. ആ വാക്കു കേട്ടു ഭയപ്പെ​ടു​ക​യൊ​ന്നും വേണ്ട. നിങ്ങളു​ടെ യൗവന​ത്തി​ലേ​തു​പോ​ലെ നിങ്ങളു​ടെ കണ്ണിലെ ലെൻസു​കൾ അടുത്തുള്ള വസ്‌തു​ക്ക​ളിൽനിന്ന്‌ അകലെ​യുള്ള വസ്‌തു​ക്ക​ളി​ലേക്കു ഫലപ്ര​ദ​മാ​യി ഫോക്കസ്‌ മാററു​ക​യില്ല എന്നതാണ്‌ അതിന്റെ അർഥം. വാർധ​ക്യ​ത്തി​ന്റെ പ്രക്രി​യ​യിൽ ഒടു​ക്കേ​ണ്ടി​വ​രുന്ന പിഴക​ളിൽ ഒന്നു മാത്ര​മാ​ണു കണ്ണടകൾ.

നിങ്ങളു​ടെ മാതാ​പി​താ​ക്കൾ കണ്ണടകൾ ധരിക്കു​ന്നു​ണ്ടോ? കാഴ്‌ച സംബന്ധിച്ച പ്രശ്‌നങ്ങൾ ജനിത​ക​മാ​ണെന്നു പലരും വിചാ​രി​ക്കു​ന്നു. അങ്ങനെ​യെ​ങ്കിൽ ഒരു ദിവസം നിങ്ങൾ കണ്ണട ധരി​ക്കേണ്ടി വരു​മെ​ന്നത്‌ ഇപ്പോൾത്തന്നെ പാരമ്പ​ര്യ​ത്താൽ നിശ്ചയി​ക്ക​പ്പെ​ട്ടി​രി​ക്കു​ന്നു.

എന്നിരു​ന്നാ​ലും, കാല​ക്ര​മ​ത്തിൽ വാർധ​ക്യ​വും ജീനു​ക​ളും ശീലങ്ങ​ളും മോശ​മായ ഫലങ്ങളിൽ കലാശി​ക്കു​ക​യും ദീർഘ​ദൃ​ഷ്ടി (hyperopia), ഹ്രസ്വ​ദൃ​ഷ്ടി (myopia), അബിന്ദു​കത ([astigmatism] കോർണി​യാ​യു​ടെ അപൂർണ​മായ ഒരു വളവ്‌), കോങ്കണ്ണ്‌ (strabismus) തുടങ്ങിയ സാധാരണ കാഴ്‌ചാ​വൈ​ക​ല്യ​ങ്ങൾ ഉളവാ​ക്കു​ക​യും ചെയ്‌തേ​ക്കാം. മുകളിൽ കൊടു​ത്തി​രി​ക്കു​ന്ന​തിൽ ഏതെങ്കി​ലും നിങ്ങളെ ബാധി​ച്ചി​ട്ടു​ണ്ടെ​ങ്കിൽ ഒരു നേത്ര​രോഗ വിദഗ്‌ധനെ (കണ്ണുപ​രി​ശോ​ധിച്ച്‌ അനു​യോ​ജ്യ​മായ കണ്ണട നിർദേ​ശി​ക്കുന്ന ഒരു ചികി​ത്സ​ക​നെ​പ്പോ​ലുള്ള ഒരുവനെ) സന്ദർശി​ക്കു​ന്നതു നന്നായി​രി​ക്കും. നിങ്ങൾക്കി​ഷ്ട​മുള്ള ഒരു ജോഡി ഫ്രെയി​മു​കൾ തിര​ഞ്ഞെ​ടു​ക്കുക എന്നതാണു പിന്നത്തെ കാര്യം.—ചതുരം കാണുക.

നിങ്ങളു​ടെ കണ്ണടകൾ പരിപാ​ലി​ക്കൽ

കണ്ണടകൾ വളരെ വിലയു​ള്ള​താ​യി​രു​ന്നേ​ക്കാം. നിങ്ങളു​ടെ ദൈനം​ദിന കാര്യാ​ദി​കൾ നിർവ​ഹി​ക്കാൻ നിങ്ങൾ അവയെ ആശ്രയി​ക്കു​ന്നു​ണ്ടാ​കാം. അതു​കൊണ്ട്‌ അവ നന്നായി പരിപാ​ലി​ക്കുക. നിങ്ങൾ അവ എടുത്തു​മാ​റ​റു​മ്പോൾ ലെൻസു​കൾ താഴേ​ക്കാ​ക്കി ഒരിക്ക​ലും വയ്‌ക്ക​രുത്‌. അതി​ന്റെ​മേൽ വന്ന്‌ ഇരിക്കാ​വു​ന്ന​തോ ചവിട്ടാ​വു​ന്ന​തോ ആയ ഒരു സ്ഥലത്തു നിങ്ങൾ അവ വയ്‌ക്കു​ന്നി​ല്ലെന്ന്‌ ഉറപ്പു​വ​രു​ത്തുക. കണ്ണടകൾ പെട്ടെന്നു വൃത്തി​ഹീ​ന​മാ​കു​ന്നു, അതു​കൊ​ണ്ടു ലെൻസു​കൾ മാർദ​വ​മുള്ള ഉണങ്ങിയ തുണി​കൊ​ണ്ടു ദിവസ​വും തുടയ്‌ക്കണം. ഫ്രെയി​മു​കൾ ചൂടുള്ള സോപ്പു​വെ​ള്ള​ത്തിൽ ഇടയ്‌ക്കി​ട​യ്‌ക്കു കഴുകണം. കണ്ണടകൾ ധരിക്കുന്ന പ്രായം കുറഞ്ഞ കുട്ടികൾ നിങ്ങൾക്കു​ണ്ടെ​ങ്കിൽ, കൂടുതൽ കൂടെ​ക്കൂ​ടെ അവരുടെ ഗ്ലാസുകൾ വൃത്തി​യാ​ക്കേണ്ട ആവശ്യം നിങ്ങൾ കണ്ടേക്കാം.

നിങ്ങളു​ടെ ഗ്ലാസു​ക​ളു​ടെ പൊരു​ത്തം (alignment) തെററു​ക​യും അതു പിന്നീടു യോജി​ക്കാ​തെ വരിക​യും ചെയ്യു​ക​യാ​ണെ​ങ്കിൽ എന്ത്‌? സ്വയം നന്നാക്കു​ക​യെന്ന സാഹസം ഏറെറ​ടു​ക്കു​ന്ന​തി​നു പകരം കണ്ണടവ്യാ​പാ​രി​യു​ടെ അടുക്കൽ അതു കൊണ്ടു​ചെ​ല്ലുക.

നന്നായി പരിപാ​ലി​ക്കു​മ്പോൾ നിങ്ങളു​ടെ ഗ്ലാസു​ക​ളിൽനി​ന്നു നിങ്ങൾക്കു നല്ല സേവനം ലഭിക്കും. ഓ, അത്‌ ഇപ്പോ​ഴും ഇടയ്‌ക്കി​ട​യ്‌ക്ക്‌ ഒരു ശല്യമാ​യി​രു​ന്നേ​ക്കാം, എന്നാൽ അവ നിങ്ങളു​ടെ കാഴ്‌ച​ശക്തി മെച്ച​പ്പെ​ടു​ത്തു​ക​തന്നെ ചെയ്യുന്നു—ഒരുപക്ഷേ നിങ്ങളു​ടെ ആകാര​ത്തെ​പ്പോ​ലും. തീർച്ച​യാ​യും ധരിക്കു​മ്പോ​ഴുള്ള ബുദ്ധി​മു​ട്ടി​നു​തക്ക മൂല്യ​മു​ള്ള​തല്ലേ അത്‌? (g93 7/8)

[14-ാം പേജിലെ ചതുരം]

കണ്ണടകളും ഫാഷനും

‘ഗ്ലാസുകൾ എന്നെ വിരൂ​പ​നാ​ക്കും!’ തങ്ങൾ കണ്ണടകൾ ധരി​ക്കേ​ണ്ടി​വ​രും എന്നു കേൾക്കു​മ്പോൾ പലരും അങ്ങനെ പറയുന്നു. എന്നിരു​ന്നാ​ലും, ഒരു ജോഡി ഗ്ലാസുകൾ പുകഴ്‌ച ലഭിക്കുന്ന അലങ്കാര വസ്‌തു​വാ​യി​രി​ക്കാൻ കഴിയു​മാറ്‌ ഫാഷൻ നിർമാ​താ​ക്കൾ കണ്ണടകൾ നിർമി​ക്കാൻ തങ്ങളുടെ മികവു​കൾ അത്രമാ​ത്രം ഉപയോ​ഗ​പ്പെ​ടു​ത്തി​യി​രി​ക്കു​ന്നു.

ഫ്രെയിം നിർമാ​താ​ക്കൾ ഭാരം കുറഞ്ഞ, ദീർഘ​കാ​ലം നിലനിൽക്കുന്ന പ്ലാസ്‌റ​റി​ക്കു​കൾ പ്രയോ​ജ​ന​പ്പെ​ടു​ത്തി​യി​രി​ക്കു​ന്നു എന്നത്‌ ഒരു സംഗതി​യാണ്‌. വർണത്തി​ന്റെ​യും വലിപ്പ​ത്തി​ന്റെ​യും അന്തമി​ല്ലാത്ത വൈവി​ധ്യം പ്രദാനം ചെയ്‌തു​കൊ​ണ്ടു​തന്നെ. കൂടാതെ, ഉയർന്ന അപവർത്ത​നാ​ങ്ക​മുള്ള (refractive-index) ഗ്ലാസ്‌ ഉപയോ​ഗി​ച്ചു​കൊ​ണ്ടു നന്നായി വലുതാ​ക്കി​ക്കാ​ണി​ക്കുന്ന കട്ടികു​റഞ്ഞ ലെൻസു​കൾ ഉണ്ടാക്കുക സാധ്യ​മാണ്‌. പ്രകാ​ശത്തെ പ്രതി​ഫ​ലി​പ്പി​ക്കാത്ത ഒരു പാളി​കൊണ്ട്‌ ആവരണം ചെയ്‌തു​ക​ഴി​യു​മ്പോൾ അവ പുറ​മേ​നിന്ന്‌ ഏറെക്കു​റെ അദൃശ്യ​മാ​യി​ത്തീ​രു​ന്നു.

നിങ്ങൾ ഫാഷൻ അടയാ​ഭ​ര​ണ​ങ്ങൾക്കുള്ള സ്ഥാനം​തന്നെ ഫ്രെയി​മു​കൾക്കും നൽകി​യേ​ക്കാം. നല്ല വശങ്ങളെ വലുതാ​ക്കി​ക്കാ​ണി​ക്കു​ക​യും അത്ര നല്ലതല്ലാ​ത്ത​വയെ ചെറു​താ​ക്കി​ക്കാ​ണി​ക്കു​ക​യും ചെയ്‌തു​കൊ​ണ്ടു നിങ്ങളു​ടെ മുഖത്തി​ന്റെ ആകൃതി​ക്കു യോജി​ക്കുന്ന ഫ്രെയി​മു​കൾ തിര​ഞ്ഞെ​ടു​ക്കാൻ ബ്രിട്ട​നി​ലെ ഓപ്‌റ​റി​ക്കൽ ഇൻഫർമേഷൻ കൗൺസിൽ നിർമിച്ച ഒരു ലഘുപ​ത്രിക ശുപാർശ ചെയ്യുന്നു. ദൃഷ്ടാ​ന്ത​ത്തിന്‌, നിങ്ങളു​ടെ മുഖം കൂടുതൽ വണ്ണം കുറഞ്ഞ​താ​യി തോന്നി​ക്കാൻ നിങ്ങൾ ആഗ്രഹി​ക്കു​ന്നു​വോ? അങ്ങനെ​യെ​ങ്കിൽ കണ്ണടയു​ടെ പാലത്തി​നു കട്ടികൂ​ടിയ നിറമു​ള്ള​തും കാലു​ക​ളിൽ നിറം കുറഞ്ഞു​വ​രു​ന്ന​തു​മായ ഫ്രെയി​മു​കൾ തിര​ഞ്ഞെ​ടു​ക്കാൻ പത്രിക പറയുന്നു. നിങ്ങൾക്ക്‌ ഇടുങ്ങിയ കണ്ണുക​ളാ​ണോ ഉള്ളത്‌? എങ്കിൽ പാലത്തിൽ കട്ടികു​റ​ഞ്ഞും പുറം വശങ്ങളിൽ കട്ടികൂ​ടി​യ​തും ആയ നിറങ്ങ​ളുള്ള ഫ്രെയി​മു​കൾ തിര​ഞ്ഞെ​ടു​ക്കുക. വ്യത്യസ്‌ത സ്‌​റൈ​റ​ലു​കൾ പരി​ശോ​ധി​ച്ചു നോക്കി വ്യത്യസ്‌ത ഫലങ്ങൾ പഠിക്കുക. സത്യസ​ന്ധ​മായ അഭി​പ്രാ​യം പറയുന്ന ഒരു സുഹൃ​ത്തി​നെ കൂടെ കൊണ്ടു​പോ​കു​ന്നതു നിങ്ങൾക്കു സഹായ​മാ​യി​രി​ക്കും.

കണ്ണടകൾ വളരെ മുഷി​പ്പ​നാ​ണെന്നു നിങ്ങൾക്കു തോന്നു​ന്നെ​ങ്കിൽ, കോൺടാ​ക്‌ററ്‌ ലെൻസു​കൾ ധരിക്കു​ന്ന​തി​നെ​ക്കു​റി​ച്ചു പരിചി​ന്തി​ക്കുക. പല ആളുകൾക്കും ദിവസം മുഴുവൻ സൗകര്യ​പ്ര​ദ​മാ​യി അവ ധരിക്കാ​നാ​യേ​ക്കാം.