യുവജ​നങ്ങൾ ചോദി​ക്കു​ന്നു...

ഞാൻ സ്‌നാ​പ​ന​മേൽക്കാൻ തയ്യാറാ​ണോ?

പ്രിയപ്പെട്ട വാച്ച്‌ടവർ സൊ​സൈ​റ​റിക്ക്‌:

എന്റെ പേര്‌ ഷാരോൻ എന്നാണ്‌, എനിക്ക്‌ 13 വയസ്സുണ്ട്‌. ഞാൻ സ്‌നാ​പ​ന​മേൽക്കാൻ തയ്യാറാ​ണോ എന്നു ഞാൻ സംശയി​ച്ചു​കൊ​ണ്ടി​രി​ക്ക​യാ​യി​രു​ന്നു. ഞാൻ തയ്യാറാ​ണെന്ന്‌ വിചാ​രി​ക്കു​ന്നു, എന്നാൽ എനിക്ക്‌ ഇപ്പോ​ഴും ഉറപ്പില്ല. മററു യുവ ക്രിസ്‌ത്യാ​നി​ക​ളു​ടെ മനസ്സു​ക​ളി​ലും ഈ തോന്നൽ ഉണ്ടെന്ന്‌ എനിക്ക്‌ ഉറപ്പുണ്ട്‌. ദയവായി, എന്നെ നേർവ​ഴി​ക്കു നയിക്കാൻ സഹായി​ക്കു​ന്ന​തിന്‌ നിങ്ങൾ ഒരു ലേഖന​മെ​ഴു​തു​മോ?

ഷാരോൻ പറഞ്ഞതു നേരാണ്‌. തീർച്ച​യാ​യും സ്‌നാ​പനം ദൈവ​ഭ​യ​മുള്ള അനേകം യുവാ​ക്ക​ളു​ടേ​യും ചിന്തയി​ലുണ്ട്‌. യഹോ​വ​യു​ടെ സാക്ഷി​ക​ളു​ടെ​യി​ട​യിൽ, യുവജ​നങ്ങൾ ദൈവത്തെ സേവി​ക്കു​ന്ന​തി​നുള്ള തീരു​മാ​നം തങ്ങൾ സ്വന്തമാ​യി എടുക്ക​ണ​മെ​ന്നും തങ്ങൾക്കു വേണ്ടി തങ്ങളുടെ മാതാ​പി​താ​ക്കൾക്ക്‌ തീരമാ​ന​മെ​ടു​ക്കാൻ കഴിയു​ക​യില്ല എന്നും തിരി​ച്ച​റി​യു​ന്നു. യേശു​ക്രി​സ്‌തു​വി​ന്റെ അനുഗാ​മി​കൾ ദൈവ​ത്തി​നു സമർപ്പി​ച്ച​തി​നെ ലക്ഷ്യ​പ്പെ​ടു​ത്തു​ന്ന​തിന്‌ ജലസ്‌നാ​പ​ന​മേൽക്ക​ണ​മെന്ന്‌ അവൻ കൽപ്പി​ച്ചി​ട്ടു​ണ്ടെ​ന്നും അവർ വിലമ​തി​ക്കു​ന്നു.—മത്തായി 28:19, 20.

ദൈവ​ത്തി​ന്റെ ഒരു സമർപ്പിത ദാസ​നെ​ന്ന​നി​ല​യിൽ പരസ്യ പ്രഖ്യാ​പനം നടത്തു​ന്നത്‌ ഒരു വലിയ ഉത്തരവാ​ദി​ത്വ​മാണ്‌. കേവലം നിങ്ങളു​ടെ സ്‌നേ​ഹി​ത​രെ​യും മാതാ​പി​താ​ക്ക​ളെ​യും പ്രീതി​പ്പെ​ടു​ത്തു​ന്ന​തി​നു​വേണ്ടി നിശ്ചയ​മാ​യും നിങ്ങൾ അതി​ലേക്ക്‌ എടുത്തു​ചാ​ടു​ക​യില്ല. അതുകൂ​ടാ​തെ, സ്‌നാ​പ​ന​ത്തിന്‌ ആരും നിങ്ങളെ ബലം പ്രയോ​ഗി​ച്ചു നിർബ​ന്ധി​ക്ക​യു​മ​രുത്‌. (സങ്കീർത്തനം 110:3) എന്നിരു​ന്നാ​ലും, എല്ലാവ​രും, തന്റെ ശിഷ്യ​രാ​യി​ത്തീ​രു​ന്ന​തി​നുള്ള “ചെലവു കണക്കാ​ക്ക​ണ​മെന്ന്‌” യേശു ഉപദേ​ശി​ക്ക​തന്നെ ചെയ്‌തു. (ലൂക്കോസ്‌ 14:28) അതിന്‌, നിങ്ങൾ ക്രിസ്‌തു​വി​ന്റെ ശിഷ്യ​നാ​യി​ത്തീ​രാൻ ആഗ്രഹി​ക്ക​ണ​മോ വേണ്ടയോ എന്ന്‌ തൂക്കി​നോ​ക്കണം എന്നർത്ഥ​മില്ല. വ്യക്തമാ​യും ചെയ്യേണ്ട ശരിയായ സംഗതി​യാ​ണത്‌. യഹോ​വ​യു​ടെ ഒരു സാക്ഷി​യാ​യി​രി​ക്കു​ന്ന​തിൽ എന്തുൾപ്പെ​ട്ടി​രി​ക്കു​ന്നു എന്നത്‌ നിങ്ങൾ പൂർണ്ണ​മാ​യും അറിഞ്ഞി​രി​ക്കണം.a അടുത്ത​താ​യി, നിങ്ങൾ ഈ ഉത്തരവാ​ദി​ത്വം ഏറെറ​ടു​ക്കാൻ യഥാർത്ഥ​ത്തിൽ തയ്യാറാ​ണോ​യെന്ന്‌ നിശ്ചയ​പ്പെ​ടു​ത്തണം.—സദൃശ​വാ​ക്യ​ങ്ങൾ 20:25 താരത​മ്യ​പ്പെ​ടു​ത്തുക.

‘എനിക്കു വേണ്ടത്ര പ്രായ​മു​ണ്ടോ?’

കൗമാ​ര​പ്രാ​യ​ക്കാർ പ്രായം കൂടു​മ്പോൾ തങ്ങൾക്ക്‌ ചില പ്രത്യേക പദവി​ക​ളും ഉത്തരവാ​ദി​ത്വ​ങ്ങ​ളും ആസ്വദി​ക്കാ​നുള്ള അവകാ​ശ​മു​ണ്ടെന്ന്‌ മിക്ക​പ്പോ​ഴും വിചാ​രി​ക്കു​ന്നു. അവർ കുടുംബ കാർ ഓടി​ക്കാൻ നിർബ​ന്ധം​പി​ടി​ക്കു​ന്ന​തി​നും തങ്ങളുടെ സ്വന്തം പണം ചെലവ​ഴി​ക്കാൻ ആഗ്രഹി​ച്ചു​കൊണ്ട്‌ സ്‌കൂൾപ​ഠ​ന​ത്തി​നു​ശേ​ഷ​മുള്ള ജോലിക്ക്‌ അനുവാ​ദം ലഭിക്കു​ന്ന​തിന്‌ അപേക്ഷി​ക്കു​ന്ന​തി​നും തിരക്കു​കൂ​ട്ടു​ന്നു. എന്നാൽ സ്‌നാ​പ​ന​ത്തി​ന്റെ കാര്യം വരു​മ്പോൾ, അനേകം യുവജ​ന​ങ്ങ​ളും തങ്ങൾ വളരെ ചെറു​പ്പ​മാ​ണെ​ന്നോ ആ ഉത്തരവാ​ദി​ത്വ​ത്തിന്‌ തയ്യാറാ​യി​ട്ടി​ല്ലെ​ന്നോ ഉള്ള ഭാവേന ഒഴിക​ഴി​വു കണ്ടെത്തു​ന്നു. ആൻഡ്രെ എന്നു പേരായ ഒരു യുവാവ്‌ ഇപ്രകാ​രം നിരീ​ക്ഷി​ക്കു​ന്നു: “വളരെ​യ​ധി​കം യുവാക്കൾ സ്‌നാ​പ​ന​പ്പെ​ടു​ന്ന​തിന്‌ 17-ഓ 18-ഓ വയസ്സാ​കു​ന്ന​തു​വരെ കാത്തി​രി​ക്കു​ന്നു, അത്‌ കുറച്ചു പ്രായ​ക്കൂ​ടു​ത​ലാണ്‌.” എന്തു​കൊണ്ട്‌? “എന്തു​കൊ​ണ്ടെ​ന്നാൽ അതി​നേ​ക്കാൾ വളരെ മുമ്പ്‌ അവർ സ്വന്തമാ​യി മററു തീരു​മാ​നങ്ങൾ എടുക്കാൻ തക്ക പ്രായ​മു​ള്ള​വ​രാണ്‌.”

അതെ, നിങ്ങൾ ഒരു കൗമാ​ര​പ്രാ​യ​ക്കാ​ര​നാണ്‌ എന്ന വസ്‌തുത മാത്രം ‘രണ്ടു വ്യത്യസ്‌ത അഭി​പ്രാ​യ​ങ്ങൾക്കി​ട​യിൽ അയഞ്ഞനി​ല​പാ​ടി​നുള്ള’ ഒഴിക​ഴി​വാ​യി​രി​ക്കു​ന്നില്ല, അത്‌ ഒരു ക്രിസ്‌ത്യാ​നി​യെന്ന നിലയിൽ ഒരു നിലപാ​ടെ​ടു​ക്കു​ന്ന​തിൽനിന്ന്‌ ഒഴിഞ്ഞി​രി​ക്കു​ന്ന​തി​നുള്ള ശരിയായ കാരണ​വു​മാ​യി​രി​ക്കു​ന്നില്ല. (1 രാജാ​ക്കൻമാർ 18:21) “നിന്റെ യൗവന​കാ​ലത്ത്‌ നിന്റെ സ്രഷ്ടാ​വി​നെ ഓർത്തു​കൊ​ള്ളുക,” എന്ന്‌ ബൈബിൾ ഉദ്‌ബോ​ധി​പ്പി​ക്കു​ന്നു. (സഭാ​പ്ര​സം​ഗി 12:1) തീരെ ഇളം​പ്രാ​യ​ത്തിൽ യഹോ​വയെ സേവി​ക്കാൻ തുടങ്ങിയ ഒരുവ​നാ​യി​രു​ന്നു പ്രവാ​ച​ക​നായ ശമൂവേൽ. (1 ശമൂവേൽ 3:1-18; 12:2) സങ്കീർത്ത​ന​ക്കാ​ര​നായ ദാവീ​ദി​നും സമാന​മാ​യി ഇപ്രകാ​രം പറയാൻ കഴിഞ്ഞു: “യഹോ​വ​യായ കർത്താവേ, നീ എന്റെ പ്രത്യാ​ശ​യാ​കു​ന്നു; ബാല്യം​മു​തൽ നീ എന്റെ ആശ്രയം തന്നേ.”—സങ്കീർത്തനം 71:5.

സമാന​മാ​യി, ഇന്ന്‌ ആയിര​ക്ക​ണ​ക്കിന്‌ യുവാക്കൾ—കൗമാ​ര​പ്രാ​യ​ത്തി​നു മുമ്പുള്ള ചിലർ ഉൾപ്പെടെ—ദൈവത്തെ സേവി​ക്കു​ന്ന​തി​നു​വേണ്ടി ഒരു സമർപ്പണം ചെയ്യാൻതക്ക ഉത്തരവാ​ദി​ത്വ​ബോ​ധ​മു​ള്ള​വ​രാ​ണെന്ന്‌ തെളി​യി​ച്ചി​രി​ക്കു​ന്നു. ചില കൗമാ​ര​പ്രാ​യ​ക്കാർ സ്‌നാ​പ​നം​പോ​ലെ ദൂരവ്യാ​പ​ക​ഫ​ല​ങ്ങ​ളുള്ള ഒരു തീരു​മാ​നം ചെയ്യു​ന്ന​തിൽ ഗൗരവ​മി​ല്ലാ​ത്ത​വ​രും അങ്ങേയ​ററം ഉത്തരവാ​ദി​ത്വ​ബോ​ധ​മി​ല്ലാ​ത്ത​വ​രും വൈകാ​രി​ക​മാ​യി അപക്വ​രു​മാ​ണെന്ന്‌ സമ്മതി​ക്കു​ന്നു. (സദൃശ​വാ​ക്യ​ങ്ങൾ 22:15) എന്നാൽ അത്‌ നിങ്ങളു​ടെ കാര്യ​ത്തിൽ യഥാർത്ഥ​ത്തിൽ സത്യമാ​ണോ? (ഈ കാര്യ​ത്തിൽ നിസ്സം​ശ​യ​മാ​യും നിങ്ങളു​ടെ മാതാ​പി​താ​ക്കൾക്ക്‌ വളരെ​യ​ധി​കം പറയാ​നു​ണ്ടാ​യി​രി​ക്കും.) ദൈവം ഒരു കൗമാ​ര​പ്രാ​യ​ക്കാ​രന്‌ ഒരു 40 കാരന്റെ പക്വത ഉണ്ടായി​രി​ക്കാൻ പ്രതീ​ക്ഷി​ക്ക​യില്ല. നിങ്ങൾ “യുവാ​ക്കൾക്കു സഹജമായ ആഗ്രഹങ്ങൾ”ക്കു വിധേ​യ​രാ​ണെന്ന്‌ അവൻ നന്നായി അറിയു​ന്നു. (2 തിമൊ​ഥെ​യോസ്‌ 2:22, NW) എന്നാൽ നിങ്ങൾ ന്യായ​മാ​യി ഗൗരവ​മു​ള്ള​വ​നും ഉത്തരവാ​ദി​ത്വ​ബോ​ധ​മു​ള്ള​വ​നും ആയിരി​ക്ക​ത്ത​ക്ക​വണ്ണം ആവശ്യ​മായ പ്രായ​മു​ള്ള​വ​നാ​ണെ​ങ്കിൽ എല്ലാ സാധ്യ​ത​യു​മ​നു​സ​രിച്ച്‌ ഒരു സമർപ്പണം നടത്താൻ പരിഗ​ണി​ക്കു​ന്ന​തിന്‌ ആവശ്യ​മായ പ്രായ​മു​ള്ള​വ​നാ​യി​രി​ക്കും. എന്നിരു​ന്നാ​ലും, നിങ്ങൾ ചോദി​ക്കേണ്ട മററു ചോദ്യ​ങ്ങ​ളുണ്ട്‌.

‘ഞാൻ ആവശ്യ​ത്തിന്‌ അറിവു നേടി​യി​ട്ടു​ണ്ടോ?’

എഫ്‌. ഫിലിപ്പ്‌ റൈസി​നാ​ലുള്ള ദി അഡോ​ള​സെൻറ്‌ എന്ന പുസ്‌തകം ഇപ്രകാ​രം നിരീ​ക്ഷി​ക്കു​ന്നു, “മതത്തെ​സം​ബ​ന്ധിച്ച ഒരു ഉപരിതല, നിസ്സാര ബോധം മിക്ക​പ്പോ​ഴും ആക്രമ​ണ​ത്തി​ലും പരി​ശോ​ധ​ന​യി​ലും നിലനിൽക്കു​ക​യില്ല.” എന്നാൽ, മി. റൈസ്‌ ഇപ്രകാ​രം കുറി​ക്കൊ​ള്ളു​ന്നു: “ഇന്നത്തെ യുവാക്കൾ സങ്കടക​ര​മാം​വി​ധം ആവശ്യ​ത്തി​നു വിവരം ലഭിക്കാ​ത്ത​വ​രാണ്‌ എന്നതിന്‌ ചില സൂചനകൾ ഉണ്ട്‌. പ്രൊ​ട്ട​സ്‌റ​റൻറ്‌, യഹൂദ യൂണി​വേ​ഴ്‌സി​റ​റി​ക​ളി​ലെ രണ്ടാം​വർഷ വിദ്യാർത്ഥി​ക​ളു​ടെ ബൈബിൾവി​ജ്ഞാ​ന​ത്തി​ന്റെ ഒരു പഠനം, പഴയ നിയമ​ത്തി​ന്റെ​യും പുതിയ നിയമ​ത്തി​ന്റെ​യും യഥാർത്ഥ​ത്തി​ലുള്ള അജ്ഞത വെളി​പ്പെ​ടു​ത്തി.”

സ്‌നാ​പ​ന​മേൽക്കുന്ന ഒരുവ​നെ​ക്കു​റിച്ച്‌ ഇതു സത്യമാ​യി​രി​ക്ക​രുത്‌. ഒരു ശിഷ്യ​നാ​യി​രി​ക്കു​ക​യോ പഠിപ്പി​ക്ക​പ്പെ​ട്ട​വ​നാ​യി​രി​ക്കു​ക​യോ ചെയ്യു​ന്ന​തിന്‌ ഒരുവൻ ആദ്യമാ​യി ‘അറിവു നേടി’യിരി​ക്കണം. (യോഹ​ന്നാൻ 17:3; മത്തായി 28:19) അതു​കൊണ്ട്‌ സ്‌നാ​പ​ന​മേൽക്കു​ന്ന​തി​നു മുമ്പ്‌ നിങ്ങൾ കുറഞ്ഞ​പക്ഷം, “ദൈവ​ത്തി​ന്റെ വിശുദ്ധ പ്രഖ്യാ​പ​നങ്ങൾ സംബന്ധിച്ച പ്രാഥ​മിക കാര്യങ്ങൾ” എങ്കിലും അറിഞ്ഞി​രി​ക്ക​ണ​മെ​ന്നത്‌ ന്യായ​യു​ക്ത​മ​ല്ല​യോ? (എബ്രായർ 5:12, NW) അതിൽ, ദേഹി, മരിച്ച​വ​രു​ടെ അവസ്ഥ, ദൈവ​നാ​മ​ത്തി​ന്റെ വിശു​ദ്ധീ​ക​രണം, രാജ്യം, മറുവില എന്നിവ​പോ​ലുള്ള കാര്യങ്ങൾ സംബന്ധിച്ച്‌ ബൈബി​ളി​ന്റെ പഠിപ്പി​ക്കൽ എന്തെന്ന്‌ അറിയു​ന്നത്‌ ഉൾപ്പെ​ടു​ന്നു.

നിങ്ങൾ ക്രിസ്‌തീയ യോഗ​ങ്ങ​ളിൽ നിങ്ങളു​ടെ മാതാ​പി​താ​ക്ക​ളോ​ടൊ​ത്തു പോകു​ന്ന​തി​നാൽ മാത്രം ബൈബിൾ സംബന്ധിച്ച്‌ ചില കാര്യങ്ങൾ അറിഞ്ഞി​രി​ക്കു​മെ​ന്നത്‌ സത്യം തന്നെ. എന്നാൽ ആ വിധത്തിൽ ലഭിക്കുന്ന അറിവ്‌ ഉപരി​പ്ല​വ​വും “ആക്രമ​ണ​ത്തി​ന്റെ​യും പരി​ശോ​ധ​ന​യു​ടെ​യും കീഴിൽ നിലനിൽക്കാൻ” സാധ്യ​ത​യി​ല്ലാ​ത്ത​തു​മാ​യി​രു​ന്നേ​ക്കാം. നിങ്ങൾ മററു​ള്ള​വ​രോട്‌ നിങ്ങളി​ലുള്ള “പ്രത്യാ​ശ​യു​ടെ കാരണം” പറയാൻ പ്രാപ്‌ത​രാ​യി​രി​ക്കണം.—1 പത്രോസ്‌ 3:15.

ടെറി ബൈബിൾ സത്യങ്ങൾ വിശ്വ​സി​ക്കു​ന്നു​വെന്ന്‌ പറയുന്നു. എന്നാൽ അവൾ ഇപ്രകാ​രം ഏററു പറയുന്നു: “എന്റെ തന്നെ ചോദ്യ​ങ്ങൾ ചോദി​ക്കു​ക​യും അവക്ക്‌ ഉത്തരം നൽകു​ക​യും ചെയ്‌തു​കൊണ്ട്‌ ഞാൻ ഒരിക്ക​ലും സംതൃ​പ്‌തി​പ്പെ​ട്ടി​ട്ടില്ല. ഈ അടുത്ത​കാ​ലത്ത്‌, ഞാൻ അപ്രകാ​രം ചെയ്യാൻ തുടങ്ങി.” അത്തരത്തി​ലുള്ള ഒരു ബൈബി​ള​ദ്ധ്യ​യ​ന​പ​രി​പാ​ടി​യു​ടെ ഫലമോ? “എന്റെ വിശ്വാ​സം വർദ്ധി​ക്കു​ക​യും എനിക്ക്‌ ആളുക​ളോട്‌ യഥാർത്ഥ ബോധ്യ​ത്തോ​ടെ സംസാ​രി​ക്കാൻ കഴിയു​മെന്ന്‌ ഞാൻ ഇപ്പോൾ കണ്ടെത്തു​ക​യും ചെയ്യുന്നു. ഇതാണോ സത്യം എന്ന്‌ തങ്ങളോ​ടു​തന്നെ ചോദി​ക്കു​ന്ന​തിന്‌ പേടി​ക്ക​രുത്‌ എന്ന്‌ ഞാൻ സാക്ഷി​ക​ളായ എല്ലാ യൗവന​ക്കാ​രോ​ടും പറയുന്നു. കണ്ടുപി​ടി​ക്കുക! ഗവേഷണം ചെയ്യുക, പഠിക്കുക. ‘എല്ലാം നിശ്ചയ​പ്പെ​ടു​ത്തുക.’ അപ്പോൾ മുഴു​ഹൃ​ദ​യ​ത്തോ​ടെ യഹോ​വക്ക്‌ നിങ്ങ​ളെ​ത്തന്നെ സമർപ്പി​ക്കു​ന്ന​തി​നു കഴിയും.”—1 തെസ്സ​ലോ​നി​ക്യർ 5:21.

“വചനം ചെയ്യു​ന്നവർ”

എന്നിരു​ന്നാ​ലും നാം, “വചനത്തി​ന്റെ കേൾവി​ക്കാർ മാത്ര​മാ​യി​രി​ക്കാ​തെ, ചെയ്യു​ന്ന​വ​രും ആയിരി​ക്കണം.” (യാക്കോബ്‌ 1:22) നിങ്ങൾക്ക്‌ സ്‌നാ​പ​ന​ത്തിന്‌ നിങ്ങ​ളെ​ത്തന്നെ പ്രത്യ​ക്ഷ​പ്പെ​ടു​ത്തു​ന്ന​തി​നും ഗൗരവ​മുള്ള തെററു​കൾ മറച്ചു​കൊണ്ട്‌ ‘താൻ എന്തെന്ന്‌ ഒളിച്ചു​വെ​ക്കുന്ന’ ഒരുവ​നാ​യി​രി​ക്കു​ന്ന​തി​നും കഴിയു​ക​യില്ല. (സങ്കീർത്തനം 26:4) അത്തരത്തി​ലുള്ള തെററു​ക​ളിൽ ലൈം​ഗിക അധാർമ്മി​ക​ത​യും അമിത കുടി​യും മയക്കു​മ​രു​ന്നു ദുരു​പ​യോ​ഗ​വും അല്ലെങ്കിൽ 1 കൊരി​ന്ത്യർ 6:9, 10-ൽ പരാമർശി​ക്ക​പ്പെ​ട്ടി​രി​ക്കുന്ന പാപങ്ങ​ളിൽ ഏതെങ്കി​ലും ഉൾപ്പെ​ടു​ന്നു. നിങ്ങൾക്ക്‌ ഈ വഴിക്കുള്ള ഏതെങ്കി​ലും പ്രശ്‌നങ്ങൾ ഉണ്ടായി​രു​ന്നി​ട്ടു​ണ്ടെ​ങ്കിൽ ഏതെങ്കി​ലും ക്രിസ്‌തീയ മൂപ്പ​നോട്‌ സംസാ​രി​ക്കു​ന്ന​തിന്‌ നിങ്ങളു​ടെ മാതാ​പി​താ​ക്ക​ളോ​ടൊ​രു​മിച്ച്‌ എന്തു​കൊണ്ട്‌ ക്രമീ​ക​രണം ചെയ്‌തു​കൂ​ടാ? ദയാപൂർവക സഹായം നിങ്ങൾക്കു നൽക​പ്പെ​ടു​മെന്ന്‌ ഉറപ്പു​ള്ള​വ​രാ​യി​രി​ക്കുക.—യാക്കോബ്‌ 5:14, 15.

നിങ്ങൾ നിങ്ങളു​ടെ മാതാ​പി​താ​ക്ക​ളോട്‌ പെരു​മാ​റുന്ന വിധം സംബന്ധി​ച്ചോ ക്രിസ്‌തീയ മൂപ്പൻമാ​രിൽനി​ന്നു വരുന്ന ബുദ്ധി​യു​പ​ദേ​ശ​ത്തോ​ടുള്ള വീക്ഷണം സംബന്ധി​ച്ചോ നിങ്ങൾ സ്‌നേ​ഹി​തരെ തിര​ഞ്ഞെ​ടു​ക്കു​ന്നതു സംബന്ധി​ച്ചു​പോ​ലു​മോ ചില മാററങ്ങൾ വരു​ത്തേ​ണ്ട​തും ആവശ്യ​മാ​യി​രു​ന്നേ​ക്കാം. (സദൃശ​വാ​ക്യ​ങ്ങൾ 6:20; 13:20; 1 കൊരി​ന്ത്യർ 15:33; എബ്രായർ 13:17) അത്തരം മാററങ്ങൾ വരുത്തു​ന്നത്‌ എളുപ്പ​മ​ല്ലാ​യി​രി​ക്കാം, എന്നാൽ സദൃശ​വാ​ക്യ​ങ്ങൾ 11:19 നമ്മെ ഓർമ്മി​പ്പി​ക്കു​ന്നു: “നീതി​യിൽ സ്ഥിര​പ്പെ​ട്ടി​രി​ക്കു​ന്നവൻ ജീവനെ പ്രാപി​ക്കു​ന്നു; ദോഷത്തെ പിന്തു​ട​രു​ന്ന​വ​നോ തന്റെ മരണത്തി​ന്നാ​യി പ്രവർത്തി​ക്കു​ന്നു.”

നിങ്ങൾ പൂർണ്ണ​രാ​യി​രി​ക്ക​ണ​മെന്ന്‌ യഹോവ ആവശ്യ​പ്പെ​ടു​ന്നു​വോ? ഒരിക്ക​ലു​മില്ല. “‘ഞാൻ എന്റെ ഹൃദയത്തെ ശുദ്ധീ​ക​രി​ച്ചു പാപം ഒഴിഞ്ഞു നിർമ്മ​ല​നാ​യി​രി​ക്കു​ന്നു’ എന്നു ആർക്കു പറയാം?” എന്ന്‌ സദൃശ​വാ​ക്യ​ങ്ങൾ 20:9 ചോദി​ക്കു​ന്നു. അപൂർണ്ണ​രെ​ന്ന​നി​ല​യിൽ നാം ഇപ്പോ​ഴും തെററു​കൾ ചെയ്യു​ന്ന​തിന്‌ ചായ്‌വു​ള്ള​വ​രാണ്‌. എന്നാൽ ക്രിസ്‌തു​വി​ന്റെ മറുവി​ല​യാൽ, നമുക്ക്‌ ദൈവ​ത്തോ​ടു നല്ല നിലയിൽ നിൽക്കാൻ കഴിയും. (1 യോഹ​ന്നാൻ 2:1, 2) ദൃഷ്ടാ​ന്ത​ത്തിന്‌, സ്വയം​ഭോ​ഗം​പോ​ലെ​യുള്ള ചീത്തശീ​ല​ത്തി​നെ​തി​രെ കഠിന​പോ​രാ​ട്ടം നടത്തുന്ന ഒരു യുവാ​വി​നോ യുവതി​ക്കോ താൻ അവശ്യം സ്‌നാ​പ​ന​ത്തിന്‌ അയോ​ഗ്യ​നാ(യാ)ണ്‌ എന്ന്‌ വിചാ​രി​ക്കേ​ണ്ട​യാ​വ​ശ്യ​മില്ല.b സമർത്ഥ​മാ​യി അനീതി​യെ ചെറു​ക്കു​ന്ന​തി​നാൽ നിശ്ചയ​മാ​യും ഒരുവന്‌ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കാൻ കഴിയും!—സദൃശ​വാ​ക്യ​ങ്ങൾ 27:11.

‘ഞാൻ ദൈവത്തെ എന്റെ സ്‌നേ​ഹി​ത​നാ​ക്കി​യി​ട്ടു​ണ്ടോ?’

ഒരു പക്ഷേ ഏററവും നിർണ്ണാ​യ​ക​മായ ചോദ്യം ദൈവ​ത്തോ​ടുള്ള ബന്ധം ഉൾപ്പെ​ടു​ന്ന​താ​യി​രി​ക്കാം. ഓർമ്മി​ക്കുക: നിങ്ങൾ നിങ്ങ​ളെ​ത്തന്നെ സമർപ്പി​ക്കു​ന്നത്‌, ഒരു വേലക്കു​വേ​ണ്ടി​യോ ഒരു പക്ഷത്തി​നു​വേ​ണ്ടി​യോ ഒരു സ്ഥാപന​ത്തി​നു​വേ​ണ്ടി​പ്പോ​ലു​മോ അല്ല, എന്നാൽ ദൈവ​ത്തി​നു​ത​ന്നെ​യാണ്‌. ദൈവം ശ്രദ്ധ ഇല്ലാത്ത, വിദൂ​ര​സ്‌ത​നാ​ണെന്ന്‌ തോന്നു​ന്നു​വോ? അതോ, നിങ്ങൾ അവനെ ഒരു വ്യക്തി​യെന്ന നിലയിൽ അറിയു​ക​യും സ്‌നേ​ഹി​ക്കു​ക​യും ചെയ്യു​ന്നു​വോ? (പുറപ്പാട്‌ 34:6, 7) അങ്ങനെ​യെ​ങ്കിൽ, നിങ്ങൾ അവനു​മാ​യി മിക്ക​പ്പോ​ഴും സംസാ​രി​ക്കു​ന്ന​താ​യി കണ്ടെത്തും, യാന്ത്രി​ക​മാ​യല്ല, എന്നാൽ ഹൃദയ​ത്തിൽനിന്ന്‌.—സങ്കീർത്തനം 62:8.

നിങ്ങൾ ദൈവ​ത്തെ​ക്കു​റിച്ച്‌ മററു​ള്ള​വ​രോ​ടു സംസാ​രി​ക്കു​ന്ന​തിന്‌ പരമാർത്ഥ​ത്തിൽ നിർബ​ന്ധി​ത​രാ​യി കണ്ടെത്തു​ക​യും ചെയ്യും. (2 കൊരി​ന്ത്യർ 5:14 താരത​മ്യ​പ്പെ​ടു​ത്തുക.) സദൃശ​വാ​ക്യ​ങ്ങൾ 15:7 പറയുന്നു: “ജ്ഞാനി​ക​ളു​ടെ അധരങ്ങൾ പരിജ്ഞാ​നം വിതറു​ന്നു.” നിങ്ങൾ ക്രമമാ​യി മററു​ള്ള​വ​രോ​ടു പ്രസം​ഗി​ച്ചു​കൊണ്ട്‌ അപ്രകാ​രം ചെയ്യു​ന്നു​വോ? അതോ നിങ്ങൾ ഉല്ലാസ​ത്തി​നും വിനോ​ദ​ത്തി​നും വേണ്ടി​യോ മടിമു​ഖാ​ന്ത​രം​പോ​ലു​മോ മററു​ള്ളവർ ദൈവത്തെ അറിയു​ന്ന​തിന്‌ അവരെ സഹായി​ക്കു​ന്ന​തിൽനിന്ന്‌ പിന്നോ​ക്കം മാറി​നിൽക്കു​ന്നു​വോ?—സദൃശ​വാ​ക്യ​ങ്ങൾ 19:24.

അതേ, സ്‌നാ​പനം അർത്ഥവ​ത്താ​യി​രി​ക്കു​ന്ന​തിന്‌ ദൈവം നിങ്ങളു​ടെ ഏററവും അടുത്ത സുഹൃ​ത്താ​യി​രി​ക്കണം. (യാക്കോബ്‌ 2:23.) ഇപ്പോൾ അപ്രകാ​ര​മ​ല്ലെ​ങ്കിൽ കുററം ദൈവ​ത്തി​ന്റെയല്ല, എന്തു​കൊ​ണ്ടെ​ന്നാൽ അവൻ തന്നെ അന്വേ​ഷി​ക്കു​ന്ന​തിന്‌ എല്ലാവ​രേ​യും ഊഷ്‌മ​ള​മാ​യി ക്ഷണിക്കു​ന്നു. (പ്രവൃ​ത്തി​കൾ 17:27) വ്യക്തി​പ​ര​മായ പഠനത്തി​ലും പ്രാർത്ഥ​ന​യി​ലും അവന്റെ ജനത്തോ​ടുള്ള സഹവാ​സ​ത്തി​ലും നിർബ​ന്ധ​പൂർവം പിടി​ച്ചു​നിൽക്കു​ന്നു​വെ​ങ്കിൽ നിങ്ങൾക്ക്‌ ക്രമേണ ദൈവ​ത്തോട്‌ കൂടുതൽ അടുത്തു വരുന്ന​താ​യി അനുഭ​വ​പ്പെ​ടും. (റോമർ 12:12; 1 തിമൊ​ഥെ​യോസ്‌ 4:15; എബ്രായർ 10:24, 25) സ്‌നാ​പനം അത്തരത്തിൽ ‘ദൈവ​ത്തോ​ടു അടുത്തു വരുന്ന​തി​ന്റെ’ സ്വാഭാ​വി​ക​മായ ഫലമാ​യി​രി​ക്കും.—യാക്കോബ്‌ 4:8.

ദൃഷ്ടാ​ന്ത​ത്തിന്‌ സിൻഡി എന്നു പേരായ ഒരു പെൺകു​ട്ടി​യു​ടെ കാര്യം പരിഗ​ണി​ക്കുക. അവൾ എഴുതു​ന്നു: “14-ാം വയസ്സിൽ ഞാൻ സ്‌നാ​പ​ന​മേ​ററു. അപ്രകാ​രം ചെയ്യു​ന്ന​തി​നുള്ള വൈമ​ന​സ്യ​മു​ണ്ടാ​യി​രി​ക്കു​ന്ന​തെ​ങ്ങ​നെ​യെന്ന്‌ എനിക്ക​റി​യാം. എന്നാൽ നിങ്ങൾക്കു ചെയ്യാൻ കഴിയു​ന്ന​തിൽ വെച്ച്‌ ഏററവും അത്ഭുത​ക​ര​മായ കാര്യം ഇതാ​ണെന്ന്‌ പറയാൻ ഞാൻ ആഗ്രഹി​ക്കു​ന്നു. യഹോവ നിങ്ങളെ അംഗീ​ക​രി​ച്ചി​രി​ക്കു​ന്നു​വെ​ന്നും അവൻ ‘നിന്നെ ഒരുനാ​ളും കൈവി​ടു​ക​യില്ല, ഉപേക്ഷി​ക്ക​യു​മില്ല’ എന്നും അറിയു​ന്ന​തി​നെ​ക്കു​റി​ച്ചു സങ്കൽപ്പി​ക്കുക! (എബ്രായർ 13:5) താൻ യഹോ​വക്കു തന്നെത്തന്നേ സമർപ്പി​ക്ക​ണ​മോ എന്ന്‌ ആരെങ്കി​ലും എന്നോടു ചോദി​ച്ചി​രു​ന്നെ​ങ്കിൽ വേണ​മെന്നു ഞാൻ പറയു​മാ​യി​രു​ന്നു! എന്നാൽ മററാ​രെ​യെ​ങ്കി​ലും പ്രീതി​പ്പെ​ടു​ത്തു​ന്ന​തിന്‌ അതു ചെയ്യരുത്‌. നിങ്ങൾക്ക്‌ ആഗ്രഹ​മു​ള്ള​തു​കൊണ്ട്‌ അതു ചെയ്യുക.” (g90 4/8)

[അടിക്കു​റി​പ്പു​കൾ]

[13-ാം പേജിലെ ചിത്രം]

അനേകം യുവജ​നങ്ങൾ സ്‌നാ​പ​ന​ത്തിന്‌ യോഗ്യ​രാണ്‌. നിങ്ങളോ?