മേലാൽ ഒരു നിരോ​ധിത ഗ്രന്ഥം അല്ല

കഴിഞ്ഞ കുറെ ദശാബ്ദ​ങ്ങ​ളാ​യി ബൈബി​ളി​നോ​ടുള്ള കത്തോ​ലി​ക്കാ​സ​ഭ​യു​ടെ മനോ​ഭാ​വ​ത്തിന്‌ ചില കത്തോ​ലി​ക്കാ രാജ്യ​ങ്ങ​ളിൽ കാതലായ മാറ്റം ഉണ്ടായി​ട്ടുണ്ട്‌. ബൈബിൾ വായനയെ തീർത്തും കുറ്റം വിധി​ച്ചി​ട്ടി​ല്ലെ​ങ്കി​ലും അതിനു നേരെ നെറ്റി​ചു​ളി​ച്ചി​രുന്ന നാളുകൾ പ്രായം ചെന്ന കത്തോ​ലി​ക്കർ ഇന്നും ഓർക്കു​ന്നുണ്ട്‌. കത്തോ​ലി​ക്കാ ഭൂരി​പ​ക്ഷ​മുള്ള പല രാജ്യ​ങ്ങ​ളി​ലും സാധാരണ ജനം ഒഴിവാ​ക്കേണ്ട ഒരു പ്രോ​ട്ട​സ്‌റ്റൻറ്‌ പുസ്‌തകം ആയിട്ടാണ്‌ അവർ ബൈബി​ളി​നെ വീക്ഷി​ച്ചി​രു​ന്നത്‌.

പതി​നെ​ട്ടും പത്തൊ​മ്പ​തും നൂറ്റാ​ണ്ടു​ക​ളിൽ ഫ്രാൻസിൽ നിലനി​ന്നി​രന്ന സ്ഥിതി​വി​ശേഷം സംബ്ബന്ധിച്ച്‌ ഫ്രാൻസി​ലെ റൂവനി​ലുള്ള വലിയ സെമി​നാ​രി​യി​ലെ തിരു​വെ​ഴു​ത്തു പ്രൊ​ഫസ്സർ ആയ ജോർജ്ജസ്‌ ഓസൗ തന്റെ സഭാം​ഗീ​കാ​ര​മുള്ള ലാ പരോൾ ഡിഡ്യൂ (ദൈവ​വ​ചനം) എന്ന പുസ്‌ത​ക​ത്തിൽ ഇങ്ങനെ എഴുതി: “ബൈബിൾ പാരാ​യണം പ്രോ​ത്സാ​ഹി​പ്പി​ച്ചി​രു​ന്നില്ല. . . . വാസ്‌ത​വ​ത്തിൽ പുരോ​ഹി​ത​വർഗ്ഗ​ത്തി​ന്റെ​യും ബുദ്ധി​ജീ​വി​ക​ളു​ടെ​തായ ചില വൃത്തങ്ങ​ളു​ടെ​യും കാര്യം ഒഴിച്ചാൽ വിശുദ്ധ ഗ്രന്ഥം മേലിൽ കത്തോ​ലി​ക്ക​രാ​രും വായി​ച്ചി​രു​ന്നില്ല. അത്‌ [കത്തോ​ലി​ക്കാ] പുസ്‌ത​ക​ശാ​ല​ക​ളിൽ നിന്ന്‌ അപ്രത്യ​ക്ഷ​മാ​യി​ക്ക​ഴി​ഞ്ഞി​രു​ന്നു. ബൈബിൾ അപകട​കാ​രി​യും അനാ​രോ​ഗ്യ​കാ​രി​യും ആയ ഒരു ഗ്രന്ഥം ആണെന്ന ധാരണ തുടർച്ച​യാ​യി പോറ്റി​പ്പു​ലർത്ത​പ്പെ​ട്ടു​പോ​ന്നു. . . . കന്യാ​സ്‌ത്രി മഠങ്ങളി​ലും ക്രിസ്‌ത്യൻ (കത്തോ​ലി​ക്കാ) വിദ്യാ​ഭ്യാ​സ സ്ഥാപന​ങ്ങ​ളി​ലും അതിന്‌ വിലക്ക്‌ കൽപ്പി​ക്കു​ക​യും ചെയ്‌തു.”

അനന്തരം കാര്യങ്ങൾ മാറാൻ തുടങ്ങി ഫ്രാൻസി​ലെ ഫ്രെജസ്‌, ടൗലൺ എന്നീ പ്രദേ​ശ​ങ്ങ​ളു​ടെ കത്തോ​ലി​ക്കാ സഭയിലെ ബിഷപ്പായ മിക്‌നെറ്റ്‌ വിഗ​റെ​ക്‌സ്‌ ഡിക്‌ഷ്‌ണയർ ഡി ലാ ബൈബിൾ (1891-1912) എന്ന ബൈബിൾ നിഘണ്ടു​വി​നുള്ള തന്റെ ആമുഖ​ത്തിൽ ഇങ്ങനെ എഴുതി: “സത്യമാ​യും ഫ്രാൻസിൽ ബൈബിൾ പഠനത്തി​ന്റെ ഒരു പുത്തനു​ണർവ്വിന്‌ നാം സാക്ഷ്യം വഹിച്ചു​കൊ​ണ്ടി​രി​ക്കു​ക​യാണ്‌. ഇരുപത്‌ വർഷങ്ങൾക്ക്‌ മുമ്പ്‌ [ബൈബിൾ ചോദ്യ​ങ്ങൾ] സഭാം​ഗ​ങ്ങ​ളാ​യി​ത്തീർന്ന​വ​രു​ടെ ഒരു പരിമി​ത​മായ വൃത്തത്തിൽ മാത്രമേ താത്‌പ​ര്യം ഉണർത്തി​യി​രു​ന്നു​ള്ളു. . . . ബൈബിൾ വായന​ക്കും പഠനത്തി​നും അൽപ്പാൽപ്പ​മായ പ്രാധാ​ന്യ​മേ കൽപ്പി​ച്ചി​രു​ന്നു​ള്ളു. അക്കാര്യ​ങ്ങ​ളൊ​ന്നും ചർച്ച ചെയ്‌തി​രു​ന്നി​ല്ല​താ​നും. അഥവാ ഒരു ഭക്തനായ സാമാ​ന്യൻ യെശയ്യാ​വി​ന്റെ​യോ സദൃശ​വാ​ക്യ​ങ്ങ​ളു​ടെ​യോ പുസ്‌തകം ഉദ്ദരി​ച്ചു​പോ​യാൽ ആളുകൾ അയാളെ ആശ്ചര്യ​ത്തോ​ടെ നോക്കു​ക​യും പ്രോ​ട്ട​സ്‌റ്റൻറി​സ​ത്തി​ലേക്ക്‌ ഇയാൾക്ക്‌ രഹസ്യ​ചാ​യ്‌വു​ണ്ടോ എന്ന്‌ അയാ​ളെ​ക്കു​റിച്ച്‌ സംശയി​ക്കു​ക​യും ചെയ്‌തു പോന്നി​രു​ന്നു!”

പ്രോ​ട്ട​സ്‌റ്റൻറ്‌ ബൈബിൾ സൊ​സൈ​റ്റി​യു​ടെ വർദ്ധി​ച്ചു​വ​രുന്ന പ്രവർത്ത​നങ്ങൾ കണ്ട്‌ 1893-ൽ ലിയോ XIII-ാമൻ പാപ്പാ​യും 1920-ൽ ബെനഡിക്ട്‌ XV-മൻ പാപ്പാ​യും ബൈബിൾ പഠനം സംബ്ബന്ധിച്ച പൊതു വിജ്ഞാ​നങ്ങൾ പ്രസി​ദ്ധീ​ക​രി​ച്ചി​രു​ന്നു. പക്ഷേ ഈ പേപ്പൽ കത്തുകൾ സാധാ​ര​ണ​ക്കാ​രെ​ക്കാൾ ദൈവ​ശാ​സ്‌ത്ര​ജ്ഞൻമാ​രെ​യും പുരോ​ഹി​ത​വർഗ്ഗ​ത്തെ​യും ആണ്‌ അധിക​വും സ്വാധീ​നി​ച്ചത്‌.

രണ്ടാം വത്തിക്കാൻ കൗൺസി​ലോട്‌ കൂടി​യാണ്‌ (1962-1965) യഥാർത്ഥ​മാ​റ്റം വന്നു ചേർന്നത്‌. കൗൺസിൽ ഇങ്ങനെ പ്രഖ്യാ​പി​ച്ചു: “സകല വിശ്വ​സ്‌ത​ക്രി​സ്‌ത്യാ​നി​ക​ളും മതതീ​ഷ്‌ണു​കൾ വിശേ​ഷി​ച്ചും ദിവ്യ തിരു​വെ​ഴു​ത്തു​ക​ളു​ടെ നിരന്തര വായന​യി​ലൂ​ടെ ‘യേശു​ക്രി​സ്‌തു​വി​ന്റെ വിശി​ഷ്ട​ജ്ഞാ​നം’ ഗ്രഹി​ക്കാൻ വിശുദ്ധ വൈദീ​കാ​ലോ​ച​നാ​സഭ (സിനഡ്‌) ആത്മാർത്ഥ​മാ​യും വിശേ​ഷ​വി​ധി​യാ​യും ഉദ്‌ബോ​ധി​പ്പി​ക്കു​ന്നു. (ഫിലോ​മോൻ 3, 8) ‘എന്തെന്നാൽ തിരു​വെ​ഴു​ത്തി​നെ സംബ്ബന്ധി​ച്ചുള്ള അജ്ഞത ക്രിസ്‌തു​വി​നെ​ക്കു​റി​ച്ചുള്ള അജ്ഞതയാണ്‌’ [എന്ന്‌ ജറോം പറഞ്ഞി​രു​ന്നു].

തൽഫല​മാ​യി 1966-ൽ ഒരു കത്തോ​ലി​ക്കാ പാരായണ ഗൈഡ്‌ എന്ന പുസ്‌ത​ക​ത്തി​ന്റെ രചയി​താ​ക്കൾക്ക്‌ ഇങ്ങനെ എഴുതാൻ കഴിഞ്ഞു: “ഇപ്പോൾ നൂറ്റാ​ണ്ടു​ക​ളാ​യി ഒരു സാമാന്യ കത്തോ​ലി​ക്കൻ ബൈബി​ളി​നെ ഒരു ദിവ്യ നിശ്വസ്‌ത ഗ്രന്ഥമാ​യും പാരമ്പ​ര്യ​ത്തോ​ടൊ​പ്പം അതിനെ സർവ്വ കത്തോ​ലി​ക്കാ പഠിപ്പി​ക്ക​ലു​ക​ളു​ടെ​യും ഉറവി​ട​മാ​യും കരുതി​പ്പോ​ന്നി​രി​ക്കു​ന്നു. പക്ഷേ ബൈബിൾ പാരാ​യ​ണ​ത്തോ​ടുള്ള തന്റെ സമീപ​ന​ത്തിൽ അതീവ കരുത​ലു​ണ്ടാ​യി​രി​ക്കു​ന്ന​തി​നും കഴിവ​തും വൈദീക, മതമേൽനോ​ട്ട​ത്തിൽ അതു വായി​ക്കു​ന്ന​തി​നും അയാൾ ബുദ്ധി​യു​പ​ദേ​ശി​ക്ക​പ്പെ​ട്ടി​ട്ടു​മുണ്ട്‌ . . . സന്തോ​ഷ​വ​ശാൽ ഈ സ്ഥിതിക്ക്‌ സമൂല​മാ​റ്റം സംഭവി​ച്ചി​രി​ക്കു​ന്നു. ഇന്ന്‌ കത്തോ​ലി​ക്കർ പുസ്‌ത​ക​ങ്ങ​ളു​ടെ പുസ്‌തകം വായി​ക്കു​ന്ന​തിന്‌ എല്ലാ വശങ്ങളിൽ നിന്നും പ്രചോ​ദി​പ്പി​ക്ക​പ്പെ​ടു​ക​യും ബുദ്ധി​യു​പ​ദേ​ശി​ക്ക​പ്പെ​ടു​ക​യും അഭ്യർത്ഥി​ക്ക​പ്പെ​ടു​ക​യും ചെയ്‌തു​കൊ​ണ്ടി​രി​ക്കു​ന്നു.”—ഇറ്റാലി​ക്‌സ്‌ ഞങ്ങളു​ടേത്‌.

സഭയുടെ അംഗീ​കാ​ര​മുള്ള പുസ്‌ത​ക​ങ്ങ​ളിൽ തിന്നെ​ടു​ക്ക​പ്പെട്ട ഈ ഉദ്ധരണി​ക​ളെ​ല്ലാം കാണി​ക്കു​ന്നത്‌ ബൈബിൾ മേലാൽ കത്തോ​ലി​ക്കർക്ക്‌ നിരോ​ധി​ക്ക​പ്പെട്ട ഒരു ഗ്രന്ഥം അല്ല എന്നാണ്‌. എന്നിരു​ന്നാ​ലും അവസാന ഉദ്ധരണി കാണി​ക്കുന്ന പ്രകാരം കത്തോ​ലി​ക്കർ അവരുടെ സഭയുടെ പാരമ്പ​ര്യ​വും കണക്കി​ലെ​ടു​ക്കേ​ണ്ട​തുണ്ട്‌ ഇത്‌ ആത്മാർത്ഥ​ത​യുള്ള കത്തോ​ലി​ക്കർക്കും സഭയ്‌ക്കു​പോ​ലും ഒരു പുതിയ പ്രശ്‌നം സൃഷ്ടി​ക്കു​ന്നു എന്ന്‌ നാം പിൻവ​രുന്ന ലേഖന​ത്തിൽ കാണാൻ പോക​യാണ്‌. (g86 6/8)