യേശു പുൽത്തൊട്ടിയിൽ

ലൂക്ക 2:7-ൽ “പുൽത്തൊ​ട്ടി” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഫാന്റെനേ എന്ന ഗ്രീക്കുപദത്തിന്റെ അർഥം “തീറ്റ കൊടു​ക്കുന്ന സ്ഥലം” എന്നാണ്‌. മൃഗങ്ങൾക്കു തീറ്റ കൊടു​ക്കാൻ ഉപയോ​ഗി​ച്ചി​രുന്ന വലിയ ചുണ്ണാ​മ്പു​കൽപ്പാ​ത്രങ്ങൾ പലസ്‌തീ​നിൽനിന്ന്‌ പുരാ​വ​സ്‌തു​ശാ​സ്‌ത്രജ്ഞർ കണ്ടെത്തി​യി​ട്ടുണ്ട്‌. ഒറ്റക്കല്ലിൽ കൊത്തി​യെ​ടുത്ത അത്തരം പാത്ര​ങ്ങൾക്ക്‌ 0.9 മീ. (3 അടി) നീളവും 0.5 മീ. (1.5 അടി) വീതി​യും 0.6 മീ. (2 അടി) ഉയരവും ഉണ്ടായി​രു​ന്നു. ഇത്തരം പാത്ര​ങ്ങ​ളാ​യി​രി​ക്കാം പുൽത്തൊ​ട്ടി​യാ​യി ഉപയോ​ഗി​ച്ചി​രു​ന്നത്‌. ഇനി യേശു​വി​നെ കിടത്തിയ പുൽത്തൊ​ട്ടി, മൃഗങ്ങളെ പാർപ്പി​ച്ചി​രുന്ന ഗുഹക​ളു​ടെ കൽഭി​ത്തി​ക​ളിൽ വെട്ടി​യു​ണ്ടാ​ക്കി​യ​താ​യി​രി​ക്കാ​നും സാധ്യ​ത​യുണ്ട്‌. കാരണം, പിൽക്കാ​ല​ങ്ങ​ളിൽ ആളുകൾ അത്തരം പുൽത്തൊ​ട്ടി​ക​ളും നിർമി​ച്ചി​രു​ന്നു.