മാന്റ തിരണ്ടി​യു​ടെ അരിപ്പ

മാന്റ തിരണ്ടി​കൾ കടലി​ലൂ​ടെ സഞ്ചരി​ക്കു​മ്പോൾ കടൽവെ​ള്ള​ത്തോ​ടൊ​പ്പം ജലോ​പ​രി​ത​ല​ത്തിൽ കാണുന്ന ചെറു​ജീ​വി​ക​ളെ​യും സസ്യങ്ങ​ളെ​യും (പ്ലാങ്ക്‌ടൺ) അകത്താ​ക്കു​ന്നു. ഇതെല്ലാം ഈ തിരണ്ടി​യു​ടെ വായിലെ ഒരു അരിപ്പ​യി​ലേക്ക്‌ എത്തുന്നു. ഈ അരിപ്പ​യാ​കട്ടെ, പ്ലാങ്ക്‌ടണെ കടൽവെ​ള്ള​ത്തിൽനിന്ന്‌ വേർതി​രിച്ച്‌ തൊണ്ട​യി​ലേക്കു വിടുന്നു. തിരണ്ടിക്ക്‌ അവ ഭക്ഷിക്കാം. എന്നാൽ കടൽവെള്ളം മാന്റ തിരണ്ടി​യു​ടെ ചെകി​ള​ക​ളി​ലൂ​ടെ പുറ​ത്തേക്ക്‌ ഒഴുകി​പ്പോ​കും. അത്ഭുത​ക​ര​മായ കാര്യം, ഈ അരിപ്പ​യു​ടെ ദ്വാര​ങ്ങ​ളെ​ക്കാൾ ചെറിയ പ്ലാങ്ക്‌ടൺപോ​ലും മാന്റ തിരണ്ടി​കൾക്ക്‌ അരി​ച്ചെ​ടു​ക്കാ​നാ​കും എന്നതാണ്‌. ഇതെക്കു​റിച്ച്‌ ഒരു ശാസ്‌ത്ര​ലേ​ഖ​ക​നായ എഡ്‌ യോങ്‌ പറഞ്ഞത്‌ ഇങ്ങനെ​യാണ്‌: ഈ കഴിവ്‌ “തികച്ചും അസാധ്യ​മെന്നു തോന്നി​യേ​ക്കാ​വുന്ന ഒന്നാണ്‌.”

സവി​ശേ​ഷത: മാന്റ തിരണ്ടി​യു​ടെ അരി​ച്ചെ​ടു​ക്കാ​നുള്ള സംവി​ധാ​നം അഞ്ചു കമാനങ്ങൾ (arches) പോ​ലെ​യാണ്‌ കാണ​പ്പെ​ടു​ന്നത്‌. ഈ കമാനങ്ങൾ ഇരുവ​ശ​ത്തും പല്ലുക​ളുള്ള ചീപ്പു​കൾപോ​ലെ​യാണ്‌ ഇരിക്കു​ന്നത്‌. അവയിലെ ചില പല്ലുകൾ മുന്നോ​ട്ടും ചിലത്‌ പിന്നോ​ട്ടും ചെരി​ഞ്ഞി​രി​ക്കു​ന്നു. ഈ പല്ലുകൾ കടൽവെ​ള്ളത്തെ വേർതി​രി​ക്കും. അങ്ങനെ കുറച്ച്‌ വെള്ളം പല്ലുകൾക്കു മുകളി​ലൂ​ടെ​യും കുറച്ച്‌ വെള്ളം പല്ലുകൾക്കി​ട​യി​ലൂ​ടെ​യും കടന്നു​പോ​കു​ന്നു. അപ്പോൾ ചെറിയ ചുഴികൾ രൂപ​പ്പെ​ടു​ന്നു.

പ്ലാങ്ക്‌ട​ണോ മറ്റു ഭക്ഷ്യപ​ദാർഥ​ങ്ങ​ളോ ഈ പല്ലുക​ളിൽ വന്ന്‌ തട്ടു​മ്പോൾ അവ തെറിച്ച്‌ ചുഴി​യിൽപ്പെ​ടു​ക​യും അങ്ങനെ തൊണ്ട​യിൽ എത്തുക​യും ചെയ്യും. അവി​ടെ​നിന്ന്‌ ഈ ഭക്ഷ്യപ​ദാർഥങ്ങൾ തിരണ്ടി വിഴു​ങ്ങും. പല്ലുകൾക്കി​ട​യി​ലൂ​ടെ പോകാൻ സാധ്യ​ത​യുള്ള ചെറിയ പ്ലാങ്ക്‌ടൺപോ​ലും ചുഴി​യിൽപ്പെ​ടു​മ്പോൾ അതിന്റെ സഞ്ചാര​വേഗത വർധി​ക്കും, നേരെ തൊണ്ട​യിൽ എത്തുക​യും ചെയ്യും. അരി​ച്ചെ​ടു​ക്കാ​നുള്ള ഈ സംവി​ധാ​ന​മു​ള്ള​തു​കൊണ്ട്‌ ചെറിയ പദാർഥ​ങ്ങൾപോ​ലും ഈ വിടവു​ക​ളി​ലൂ​ടെ കടൽവെ​ള്ള​ത്തി​ലേക്കു പോകാ​തെ തിരണ്ടി​കൾക്ക്‌ കഴിക്കാ​നാ​കു​ന്നു.

അതു​പോ​ലെ, മാന്റ തിരണ്ടി​കൾ എത്ര വേഗത്തിൽ സഞ്ചരി​ച്ചാ​ലും, അവ അകത്തോട്ട്‌ എടുക്കുന്ന വെള്ളത്തിൽ പ്ലാങ്ക്‌ടൺ എത്രയ​ധി​കം ഉണ്ടെങ്കി​ലും ഈ സംവി​ധാ​ന​ത്തിൽ പദാർഥങ്ങൾ അടിഞ്ഞു​കൂ​ടി അടഞ്ഞു​പോ​കു​ന്നില്ല, അതു സ്വയം വൃത്തി​യാ​ക്കു​ക​യും ചെയ്യും.

ഹാനി​ക​ര​മാ​യ ചെറിയ പ്ലാസ്റ്റിക്‌ കണങ്ങൾ വേർതി​രിച്ച്‌ മലിന​ജലം ശുദ്ധീ​ക​രി​ക്കു​ന്ന​തി​നു​വേണ്ടി, ഫിൽട്ട​റു​കൾ രൂപകൽപ്പന ചെയ്യു​ന്ന​തിന്‌ മാന്റ തിരണ്ടി​യു​ടെ ഈ അരി​ച്ചെ​ടു​ക്കൽ വിദ്യ പകർത്താ​നാ​കു​മെന്നു ഗവേഷകർ കരുതു​ന്നു.

നിങ്ങൾക്ക്‌ എന്തു തോന്നു​ന്നു? മാന്റ തിരണ്ടി​യു​ടെ അരി​ച്ചെ​ടു​ക്കാ​നുള്ള ഈ സംവി​ധാ​നം പരിണ​മി​ച്ചു​വ​ന്ന​താ​ണോ അതോ ആരെങ്കി​ലും രൂപകല്പന ചെയ്‌ത​താ​ണോ?