ക്രിസ്ത്യാനികളായി ജീവിക്കാം
നിർമലമായ പെരുമാറ്റവും ആഴമായ ബഹുമാനവും ഹൃദയം കവരും
ക്രിസ്ത്യാനികളായിത്തീരുന്ന ഭാര്യമാരുടെ ക്രിസ്തുതുല്യമായ പെരുമാറ്റമാണു മിക്കപ്പോഴും അവരുടെ ഭർത്താക്കന്മാരെ സത്യത്തിലേക്ക് ആകർഷിക്കുന്നത്. എന്നാൽ ചിലപ്പോൾ വർഷങ്ങളോളം അങ്ങനെയുള്ള ഭാര്യമാർ കഷ്ടപ്പാടുകൾ സഹിക്കേണ്ടിവന്നേക്കാം. (1പത്ര 2:21-23; 3:1, 2) നിങ്ങൾ അന്യായമായി കഷ്ടത സഹിക്കുന്നെങ്കിൽ എപ്പോഴും നന്മകൊണ്ട് തിന്മയെ കീഴടക്കുക. (റോമ 12:21) നിങ്ങളുടെ വാക്കുകളെക്കാൾ നിങ്ങളുടെ മാതൃക നല്ല ഫലം ഉണ്ടാക്കിയേക്കാം.
കാര്യങ്ങളെക്കുറിച്ചുള്ള ഇണയുടെ കാഴ്ചപ്പാട് എന്താണെന്നു മനസ്സിലാക്കാൻ ശ്രമിക്കുക. (ഫിലി 2:3, 4) സഹാനുഭൂതിയും അനുകമ്പയും കാണിക്കുക. നിങ്ങൾക്കുള്ള ഉത്തരവാദിത്വങ്ങൾ ഏറ്റവും നന്നായി ചെയ്യുക. ഇണ പറയുന്നതു ശ്രദ്ധിച്ച് കേൾക്കുക. (യാക്ക 1:19) ക്ഷമയുള്ളവരായിരിക്കുക. ഇണയെ നിങ്ങൾ സ്നേഹിക്കുന്നെന്ന് ഉറപ്പുകൊടുക്കുക. ഇണ നിങ്ങളോടു അതേ ദയയും ആദരവും ഒന്നും കാണിക്കുന്നില്ലെങ്കിലും നിങ്ങളുടെ വിശ്വസ്തത യഹോവ വിലയുള്ളതായി കാണുന്നു എന്ന് ഉറപ്പുണ്ടായിരിക്കുക.—1പത്ര 2:19, 20.
ഭാരം ചുമക്കാൻ യഹോവ സഹായിക്കുന്നു എന്ന വീഡിയോ കാണുക. എന്നിട്ട് പിൻവരുന്ന ചോദ്യങ്ങൾക്ക് ഉത്തരം കണ്ടെത്തുക:
വിവാഹത്തിനു ശേഷമുള്ള ആദ്യനാളുകളിൽ ഗ്രെയ്സ് ലീയുടെ ജീവിതം എങ്ങനെയായിരുന്നു?
ബൈബിൾസത്യത്തിലേക്ക് എന്താണു ഗ്രെയ്സിനെ ആകർഷിച്ചത്?
സ്നാനത്തിനു ശേഷം പ്രശ്നങ്ങളുണ്ടായപ്പോൾ ഗ്രെയ്സ് സഹോദരി എങ്ങനെയാണു പിടിച്ചുനിന്നത്?
ഗ്രെയ്സ് സഹോദരി ഭർത്താവിനുവേണ്ടി എന്താണു പ്രാർഥിച്ചത്?
നിർമലമായ പെരുമാറ്റവും ആഴമായ ബഹുമാനവും കാണിച്ചതുകൊണ്ട് ഗ്രെയ്സ് സഹോദരിക്ക് എന്തെല്ലാം അനുഗ്രഹങ്ങളാണു ലഭിച്ചത്?
നിർമലമായ പെരുമാറ്റവും ആഴമായ ബഹുമാനവും ശക്തിയേറിയതാണ്!