ഉപദ്രവം നേരി​ടുന്ന ക്രിസ്‌ത്യാ​നി​കൾക്കു​വേണ്ടി പ്രാർഥി​ക്കു​ക

ശുശ്രൂ​ഷയെ തടസ്സ​പ്പെ​ടു​ത്താൻ സാത്താൻ ഉപദ്രവം അഴിച്ചു​വി​ടു​മെന്ന്‌ ബൈബിൾപ്ര​വ​ചനം പറയുന്നു. (യോഹ 15:20; വെളി 12:17) മറ്റു ദേശങ്ങ​ളിൽ ഉപദ്രവം നേരി​ടുന്ന സഹക്രി​സ്‌ത്യാ​നി​കളെ നമുക്ക്‌ എങ്ങനെ സഹായി​ക്കാം? അവർക്കു​വേണ്ടി പ്രാർഥി​ക്കാം. “നീതി​മാ​ന്റെ ഉള്ളുരു​കി​യുള്ള പ്രാർഥ​ന​യ്‌ക്കു വലിയ ശക്തിയുണ്ട്‌.”—യാക്ക 5:16.

നമ്മൾ എന്താണ്‌ പ്രാർഥി​ക്കേ​ണ്ടത്‌? ഭയത്തിന്‌ കീഴ്‌പ്പെ​ടാ​തെ ധൈര്യ​ത്തോ​ടെ മുന്നോട്ട്‌ പോകാൻ സഹോ​ദ​രീ​സ​ഹോ​ദ​ര​ന്മാ​രെ സഹായി​ക്ക​ണമേ എന്ന്‌ യഹോ​വ​യോട്‌ പ്രാർഥി​ക്കാം. (യശ 41:10-13) കൂടാതെ അധികാ​രി​കൾക്കു പ്രസം​ഗ​പ്ര​വർത്ത​ന​ത്തോട്‌ ഒരു അനുകൂ​ല​മ​നോ​ഭാ​വം ഉണ്ടായി​രി​ക്കു​ന്ന​തി​നു​വേ​ണ്ടി​യും നമുക്ക്‌ പ്രാർഥി​ക്കാം. ‘സമാധാ​ന​ത്തോ​ടെ സ്വസ്ഥമാ​യി ജീവി​ക്കാൻ’ അതു നമ്മളെ സഹായി​ക്കും.—1തിമ 2:1, 2.

പൗലോ​സി​നും പത്രോ​സി​നും ഉപദ്രവം നേരി​ട്ട​പ്പോൾ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ അവരുടെ പേര്‌ എടുത്തു​പ​റഞ്ഞ്‌ പ്രാർഥി​ച്ചു. (പ്രവൃ 12:5; റോമ 15:30, 31) ഇന്ന്‌, ഉപദ്രവം നേരി​ടുന്ന സഹോ​ദ​ര​ങ്ങ​ളു​ടെ പേരുകൾ നമുക്ക്‌ അറിയി​ല്ലെ​ങ്കി​ലും അവരുടെ രാജ്യ​മോ പ്രദേ​ശ​മോ സഭയോ ഒക്കെ എടുത്തു​പ​റ​ഞ്ഞു​കൊണ്ട്‌ പ്രാർഥി​ക്കാ​നാ​കു​മോ?

ഉപദ്രവം നേരി​ടുന്ന ഏതെല്ലാം ദേശങ്ങളിലെ ക്രിസ്‌ത്യാ​നി​കൾക്കുവേണ്ടിയാണ്‌ നിങ്ങൾ പ്രാർഥി​ക്കാൻ ആഗ്രഹി​ക്കു​ന്നത്‌? ആ ദേശങ്ങളുടെ പേരുകൾ എഴുതുക.