എതിർപ്പു നേരി​ടാൻ പുതി​യ​വരെ സജ്ജരാ​ക്കു​ക

¹ ആളുകൾ ബൈബിൾ പഠിക്കു​ക​യും ‘ഭക്തി​യോ​ടെ ജീവി​ക്കാൻ’ തീരു​മാ​നി​ക്കു​ക​യും ചെയ്യു​മ്പോൾ സാത്താൻ അവരെ ലക്ഷ്യമി​ടു​ന്നു. (2 തിമൊ. 3:12) സഹപ്ര​വർത്ത​ക​രിൽനി​ന്നോ സഹപാ​ഠി​ക​ളിൽനി​ന്നോ അയൽക്കാ​രിൽനി​ന്നോ എതിർപ്പു നേരി​ടാം. അവരുടെ ക്ഷേമത്തിൽ താത്‌പ​ര്യ​മുള്ള ബന്ധുക്ക​ളിൽനി​ന്നാ​കു​മ്പോൾ അത്‌ നേരി​ടുക കൂടുതൽ പ്രയാ​സ​മാ​യി​രി​ക്കും.—മത്താ. 10:21; മർക്കൊ. 3:21.

² എതിർപ്പ്‌ പ്രതീ​ക്ഷി​ക്കേ​ണ്ട​താണ്‌: എതിർപ്പു പ്രതീ​ക്ഷി​ക്കേ​ണ്ട​താ​ണെ​ന്നും തങ്ങൾ ക്രിസ്‌തു​വി​ന്റെ യഥാർഥ അനുഗാ​മി​ക​ളാ​യി​ത്തീ​രു​ന്ന​തി​ന്റെ തെളി​വാണ്‌ അതെന്നും പുതി​യവർ മനസ്സി​ലാ​ക്കേ​ണ്ട​തുണ്ട്‌. (യോഹ. 15:20) ചില​പ്പോൾ യഹോ​വ​യു​ടെ സാക്ഷി​ക​ളെ​ക്കു​റി​ച്ചുള്ള തെറ്റി​ദ്ധാ​ര​ണ​ക​ളാ​കാം എതിർപ്പു​കൾക്കു കാരണം. യേശു​ക്രി​സ്‌തു​വി​ന്റെ ഒരു അനുഗാ​മി​യാ​യി​രി​ക്കു​ന്ന​തി​ന്റെ​യും ദൈവത്തെ അനുസ​രി​ക്കു​ന്ന​തി​ന്റെ​യും പേരിൽ അപമാനം സഹിക്കു​ന്നത്‌ വലിയ സന്തോഷം കൈവ​രു​ത്തു​മെന്ന്‌ മനസ്സിൽ പിടി​ക്കുക. (പ്രവൃ. 5:27-29, 40, 41) യഹോവ സ്‌നേ​ഹ​പു​ര​സ്സരം പിന്തു​ണ​യ്‌ക്കു​മെന്ന ഉറപ്പു​ണ്ടാ​യി​രി​ക്കാൻ പുതി​യ​വരെ സഹായി​ക്കുക. (സങ്കീ. 27:10; മർക്കൊ. 10:29, 30) വിശ്വ​സ്‌തത കാത്തു​സൂ​ക്ഷി​ക്കു​ന്ന​തി​ലൂ​ടെ അഖിലാണ്ഡ പരമാ​ധി​കാ​രം സംബന്ധിച്ച വിവാ​ദ​വി​ഷ​യ​ത്തിൽ യഹോ​വ​യു​ടെ പക്ഷത്ത്‌ നിലയു​റ​പ്പി​ക്കാൻ നിങ്ങൾക്കാ​കും.—സദൃ. 27:11.

³ സൂക്ഷ്‌മ പരിജ്ഞാ​ന​ത്തി​ന്റെ പങ്ക്‌: ബൈബിൾ വിദ്യാർഥി​കൾ അഭിമു​ഖീ​ക​രി​ക്കുന്ന പ്രശ്‌നങ്ങൾ എന്തുത​ന്നെ​യാ​യാ​ലും സൂക്ഷ്‌മ പരിജ്ഞാ​നം നേടു​ന്ന​തിൽ തുട​രേ​ണ്ട​തി​ന്റെ പ്രാധാ​ന്യം തിരി​ച്ച​റി​യാൻ അവരെ സഹായി​ക്കുക. പഠിക്കുന്ന കാര്യങ്ങൾ അവരുടെ ആലങ്കാ​രിക ഹൃദയ​ത്തിൽ ആഴ്‌ന്നി​റ​ങ്ങു​ന്നതു തടയാ​നാണ്‌ എതിർപ്പി​ലൂ​ടെ സാത്താൻ ശ്രമി​ക്കു​ന്നത്‌. (സദൃ. 4:23; ലൂക്കൊ. 8:13) വിശ്വാ​സ​ത്തിൽ ‘വേരൂ​ന്ന​ണ​മെ​ങ്കിൽ’ ദൈവ​വ​ച​ന​ത്തി​ന്റെ സൂക്ഷ്‌മ​പ​രി​ജ്ഞാ​നം സമ്പാദി​ക്കു​ന്ന​തിൽ അവർ തുടരു​ക​തന്നെ വേണം.—സങ്കീ. 1:2, 3; കൊലൊ. 2:6, 7.

⁴ സഹിഷ്‌ണുത ആവശ്യം: ഏതുതരം പരി​ശോ​ധ​നകൾ ഉണ്ടായാ​ലും സഹിഷ്‌ണുത അനിവാ​ര്യ​മാണ്‌. അതിന്‌ സത്‌ഫ​ലങ്ങൾ ഉളവാ​ക്കാ​നാ​കും. (ലൂക്കൊ. 21:16-19) പുതി​യവർ എതിർപ്പു​കൾ സഹിച്ചു​നിൽക്കു​മ്പോൾ അവർക്കും മറ്റുള്ള​വർക്കും പ്രയോ​ജനം ലഭിക്കും. വിശ്വ​സ്‌ത​ത​യോ​ടെ സഹിച്ചു നിൽക്കു​ന്ന​വരെ സമൃദ്ധ​മാ​യി അനു​ഗ്ര​ഹി​ക്കാൻ യഹോവ പ്രാപ്‌ത​നാ​ണെന്ന്‌ അവർ അനുഭ​വി​ച്ച​റി​യും.—യാക്കോ. 1:12.

⁵ തെസ്സ​ലൊ​നീ​ക്യ​യി​ലുള്ള സഹോ​ദ​ര​ന്മാർ ആത്മീയ​മാ​യി പുരോ​ഗ​മി​ക്കു​ന്നത്‌ കണ്ടപ്പോൾ പൗലൊസ്‌ അപ്പൊ​സ്‌തലൻ സന്തോ​ഷി​ച്ചു. അവരെ​പ്രതി അവൻ ദൈവ​ത്തിന്‌ നന്ദി പറഞ്ഞു. സത്യം സ്വീക​രി​ക്കാൻ അവരിൽ പലരെ​യും സഹായി​ച്ചത്‌ അവനാ​യി​രു​ന്നു. (2 തെസ്സ. 1:3-5) എതിർപ്പു നേരി​ടാ​നും സഹിച്ചു​നിൽക്കാ​നും ബൈബിൾ വിദ്യാർഥി​കളെ സജ്ജരാ​ക്കു​ന്ന​പക്ഷം നമുക്കും അതേ സന്തോ​ഷ​വും സംതൃ​പ്‌തി​യും അനുഭ​വി​ക്കാ​നാ​കും.