എന്റെ ബൈബിൾ കഥാപു​സ്‌തകം—സഭാ പുസ്‌ത​കാ​ധ്യ​യ​ന​ത്തിന്‌

¹ ദൈവ​ത്തി​ന്റെ ലിഖി​ത​വ​ചനം ലോക​മെ​മ്പാ​ടു​മുള്ള ദശലക്ഷ​ങ്ങ​ളു​ടെ ജീവി​ത​ത്തി​നു മാറ്റം​വ​രു​ത്തി​യി​രി​ക്കു​ന്നു; അത്ര ശക്തമാണ്‌ അതിലെ സന്ദേശം. (എബ്രാ. 4:12) ബൈബിൾവി​വ​ര​ണങ്ങൾ വായി​ക്കു​ക​യും ഭാവന​യിൽ കാണു​ക​യും ചെയ്യു​മ്പോൾ ദൈവ​വ​ചനം നമ്മെ​യോ​രോ​രു​ത്ത​രെ​യും സ്വാധീ​നി​ക്കാൻ തുടങ്ങു​ന്നു. അതിലെ വിവര​ണങ്ങൾ ഒരു പഴംപു​രാ​ണമല്ല. ജീവസ്സു​റ്റ​വ​യാണ്‌ അതിലെ വചനങ്ങൾ, അവ നിവൃ​ത്തി​യി​ലേക്ക്‌ മുന്നേ​റു​ക​യു​മാണ്‌. എന്റെ ബൈബിൾ കഥാപു​സ്‌തകം ഉപയോ​ഗിച്ച്‌ ദൈവ​ത്തി​ന്റെ ലിഖി​ത​വ​ചനം സഭാ പുസ്‌ത​കാ​ധ്യ​യ​ന​ത്തിൽ സമഗ്ര​മാ​യി പരിചി​ന്തി​ക്കു​ന്നത്‌ നമ്മെ അത്യന്തം സഹായി​ക്കും.

² അടിസ്ഥാന ബൈബിൾപ​രി​ജ്ഞാ​നം വളരെ രസകര​വും എളുപ്പം ഗ്രഹി​ക്കാ​വു​ന്ന​തു​മായ വിധത്തിൽ അവതരി​പ്പി​ച്ചി​രി​ക്കുന്ന ഒരു പുസ്‌ത​ക​മാ​ണിത്‌. ഇതിൽ ബൈബിൾസം​ഭ​വങ്ങൾ കാലാ​നു​ക്ര​മ​ത്തിൽ നൽകി​യി​രി​ക്കു​ന്നു. ഇതിലുള്ള വർണചി​ത്രങ്ങൾ നല്ലൊരു പഠനസ​ഹാ​യി​യാണ്‌, ബൈബിൾസം​ഭ​വങ്ങൾ ഭാവന​യിൽ കാണാൻ അവ നമ്മെ സഹായി​ക്കു​ന്നു. (സങ്കീ. 77:12) ഫലത്തിൽ, ദൈവ​ഭ​ക്ത​രായ അബ്രാ​ഹാം, ഇസ്‌ഹാക്ക്‌, യാക്കോബ്‌ തുടങ്ങിയ ഗോ​ത്ര​പി​താ​ക്ക​ന്മാ​രോ​ടൊ​പ്പം ‘നടക്കാൻ’ ഈ പുസ്‌തകം നമ്മെ പഠിപ്പി​ക്കും. സാറാ, റിബെക്കാ, മോവാ​ബ്യ​സ്‌ത്രീ​യായ രൂത്ത്‌ എന്നിങ്ങനെ യഹോ​വയെ വിശ്വ​സ്‌ത​മാ​യി സേവിച്ച സ്‌ത്രീ​കളെ നമുക്കു ‘കാണാ​നാ​കും.’ യേശു​ക്രി​സ്‌തു ഗിരി​പ്ര​ഭാ​ഷ​ണ​വും മറ്റും നടത്തു​ന്നത്‌ ‘കേൾക്കാൻ’പോലും നമുക്കാ​കും. സഭാ പുസ്‌ത​കാ​ധ്യ​യ​ന​ത്തി​നാ​യി നന്നായി തയ്യാറാ​യി​ക്കൊണ്ട്‌ തിരു​വെ​ഴു​ത്തു​ക​ളി​ലെ പ്രബോ​ധ​നാ​ത്മ​ക​മായ ഈ വിവര​ണ​ങ്ങ​ളിൽനി​ന്നെ​ല്ലാം പ്രയോ​ജനം നേടാൻ നമുക്കു ശ്രമി​ക്കാം. ദൈവ​വ​ചനം വായി​ക്കാ​നും അതിലൂ​ടെ കൂടു​ത​ലായ സന്തോ​ഷ​വും ഗ്രാഹ്യ​വും നേടാ​നു​മുള്ള നമ്മുടെ ദൃഢനി​ശ്ച​യത്തെ ഈ പഠനം അരക്കി​ട്ടു​റ​പ്പി​ക്കും, തീർച്ച!

³ ഈ പുസ്‌ത​ക​ത്തി​ലെ ഓരോ പാഠത്തി​നും രണ്ടു സെറ്റ്‌ ചോദ്യ​ങ്ങ​ളുണ്ട്‌. ആദ്യ​ത്തേത്‌, പഠിച്ച കഥയു​ടെ​യും അതിലെ വിവര​ണ​ങ്ങ​ളു​ടെ​യും ഒരു പുനര​വ​ലോ​ക​ന​മാണ്‌. ഒരു കഥ മുഴു​വ​നും വായി​ച്ച​ശേഷം അധ്യയ​ന​നിർവാ​ഹകൻ ഈ ചോദ്യ​ങ്ങൾ ചോദി​ക്കും. കഥയിലെ വിവര​ണ​ങ്ങ​ളു​ടെ അടിസ്ഥാ​ന​ത്തിൽ ഹ്രസ്വ​വും നേരി​ട്ടു​ള്ള​തു​മായ ഉത്തരങ്ങൾവേണം നൽകാൻ. ചോദ്യ​ങ്ങൾ എല്ലായ്‌പോ​ഴും കഥയിലെ സംഭവ​ങ്ങ​ളു​ടെ ക്രമത്തി​ലാ​യി​രി​ക്ക​ണ​മെ​ന്നില്ല.

⁴ തുടർന്ന്‌ അധ്യയ​ന​നിർവാ​ഹകൻ, കഥയിൽനി​ന്നു പഠിക്കാ​നാ​കുന്ന പാഠം പ്രദീ​പ്‌ത​മാ​ക്കാൻ ഉദ്ദേശി​ച്ചുള്ള രണ്ടാമത്തെ സെറ്റ്‌ ചോദ്യ​ങ്ങൾ ചോദി​ക്കും. ഈ ചോദ്യ​ങ്ങ​ളി​ലോ​രോ​ന്നി​നും​മു​മ്പാ​യി ഒരു തിരു​വെ​ഴു​ത്തു​ഭാ​ഗം പരാമർശി​ച്ചി​രി​ക്കും. അവയിൽ ചിലത്‌ അൽപ്പം വലുതാണ്‌. അധ്യയ​ന​ത്തി​നാ​യി തയ്യാറാ​കു​മ്പോൾത്തന്നെ എല്ലാവ​രും ഈ ഭാഗങ്ങൾ വായി​ക്കേ​ണ്ട​താണ്‌. ഓരോ ചോദ്യ​ത്തി​നു​ശേ​ഷ​വും ഏതാനും തിരു​വെ​ഴു​ത്തു​കൾ പരാമർശി​ച്ചി​ട്ടു​ണ്ടാ​കും. ഉത്തരം കണ്ടെത്താൻ അവ നിങ്ങളെ സഹായി​ക്കും. പരാമർശിത തിരു​വെ​ഴു​ത്തു​കൾ വിവര​ണ​ത്തി​ലെ പ്രസക്ത ആശയങ്ങ​ളു​മാ​യി ബന്ധപ്പെ​ട്ടി​രി​ക്കു​ന്നത്‌ എങ്ങനെ​യെന്നു കാണി​ക്കുന്ന ഉത്തരങ്ങൾ പറയാൻ നിർവാ​ഹകൻ സദസ്യരെ പ്രോ​ത്സാ​ഹി​പ്പി​ക്കണം. പരിചി​ന്തി​ക്കുന്ന ബൈബിൾഭാ​ഗ​ത്തി​നും അതിന്റെ പ്രയു​ക്ത​ത​യ്‌ക്കും ശ്രദ്ധ​കൊ​ടു​ക്കാൻ അവരെ സഹായി​ക്കു​ക​യും വേണം.

⁵ ഓരോ ഭാഗത്തി​ന്റെ​യും ആമുഖം​തന്നെ അധ്യയ​ന​ത്തി​നുള്ള ഓരോ പാഠങ്ങ​ളാ​യി വെവ്വേറെ പട്ടിക​പ്പെ​ടു​ത്തി​യി​ട്ടുണ്ട്‌. ഓരോ​ന്നി​ന്റെ​യും ആമുഖം വായി​ച്ച​ശേഷം നിർവാ​ഹകൻ, താൻ തയ്യാറാ​ക്കി​യി​ട്ടുള്ള ചോദ്യ​ങ്ങൾ ചോദി​ക്കും. തുടർന്നു​വ​രുന്ന പാഠങ്ങൾ പഠിക്കാ​നുള്ള നല്ലൊരു അടിസ്ഥാ​ന​മാ​യി​രി​ക്കും അത്‌. ആത്മീയ​ഗു​ണങ്ങൾ വളർത്തി​യെ​ടു​ക്കാ​നും അങ്ങനെ നമ്മുടെ സ്വർഗീയ പിതാ​വായ യഹോ​വ​യോട്‌ കൂടുതൽ അടുത്തു​ചെ​ല്ലാ​നും ഈ പുസ്‌ത​ക​ത്തി​ന്റെ പഠനം നമ്മെ സഹായി​ക്കട്ടെ.—യാക്കോ. 4:8.