അറിയിപ്പുകൾ
◼ സാഹിത്യ സമർപ്പണം. ജൂലൈ, ആഗസ്റ്റ്: താഴെക്കൊടുത്തിരിക്കുന്ന 32 പേജുള്ള ഏതെങ്കിലും ലഘുപത്രിക സമർപ്പിക്കാവുന്നതാണ്: സകലർക്കും വേണ്ടിയുള്ള ഒരു ഗ്രന്ഥം, ഒരു സംതൃപ്ത ജീവിതം—അത് എങ്ങനെ നേടാം?, ദൈവം യഥാർത്ഥത്തിൽ നമ്മെ സംബന്ധിച്ചു കരുതുന്നുവോ?, നിങ്ങൾ ത്രിത്വത്തിൽ വിശ്വസിക്കണമോ?, പറുദീസ സ്ഥാപിക്കുന്ന ഗവൺമെന്റ്, പടച്ചവന്റെ മാർഗനിർദേശം—ഫിർദോസിലേക്കുള്ള നമ്മുടെ വഴി, ദൈവം നമ്മിൽനിന്ന് എന്ത് ആവശ്യപ്പെടുന്നു?, ജീവിതത്തിന്റെ ഉദ്ദേശ്യം എന്ത്?—അതു നിങ്ങൾക്കെങ്ങനെ കണ്ടെത്താം?, നിങ്ങൾ സ്നേഹിക്കുന്ന ആരെങ്കിലും മരിക്കുമ്പോൾ. സെപ്റ്റംബർ: ബൈബിൾ യഥാർഥത്തിൽ എന്തു പഠിപ്പിക്കുന്നു? ആദ്യ സന്ദർശനത്തിൽ ബൈബിളധ്യയനം ആരംഭിക്കാൻ പ്രത്യേക ശ്രമം ചെയ്യുക. വീട്ടുകാരുടെ പക്കൽ ഈ പുസ്തകം ഉണ്ടെങ്കിൽ ഒരു ബൈബിളധ്യയനം ഹ്രസ്വമായി പ്രകടിപ്പിച്ചുകൊണ്ട് അവർക്ക് ഇതിൽനിന്ന് എങ്ങനെ പ്രയോജനം നേടാനാകുമെന്നു കാണിക്കുക. ഒക്ടോബർ: വീക്ഷാഗോപുരവും ഉണരുക!യും. താത്പര്യം കാണിക്കുന്നിടത്ത് ബൈബിളിനെ കുറിച്ച് കൂടുതൽ അറിയാൻ നിങ്ങൾ ആഗ്രഹിക്കുന്നുവോ? എന്ന ലഘുലേഖ നൽകി, അധ്യയനം ആരംഭിക്കുക എന്ന ലക്ഷ്യത്തോടെ അതു ചർച്ചചെയ്യുക.
◼ ആഗസ്റ്റിൽ അഞ്ച് പൂർണ വാരാന്തങ്ങൾ ഉള്ളതിനാൽ സഹായ പയനിയർ സേവനത്തിനു പറ്റിയ ഒരു മാസമാണിത്.
◼ സെപ്റ്റംബർ മുതൽ സർക്കിട്ട് മേൽവിചാരകൻ നടത്തുന്ന പരസ്യ പ്രസംഗത്തിന്റെ വിഷയം “നിഷ്കളങ്കപാതയിൽ നടക്കുക” എന്നതായിരിക്കും.
◼ സാഹിത്യത്തിനായി പ്രസാധകർ വ്യക്തിപരമായി അയയ്ക്കുന്ന അപേക്ഷകൾ ബ്രാഞ്ച് ഓഫീസ് സ്വീകരിക്കുന്നതല്ല. സഭയുടെ പ്രതിമാസ സാഹിത്യ അപേക്ഷ സൊസൈറ്റിക്ക് അയയ്ക്കുന്നതിനുമുമ്പ് ഓരോ മാസവും സഭയിൽ ഒരു അറിയിപ്പു നടത്താൻ അധ്യക്ഷ മേൽവിചാരകൻ ക്രമീകരിക്കണം. അങ്ങനെയാകുമ്പോൾ വ്യക്തിപരമായ സാഹിത്യ ഇനങ്ങൾ ലഭിക്കാൻ ആഗ്രഹിക്കുന്ന എല്ലാവർക്കും അക്കാര്യം സാഹിത്യം കൈകാര്യംചെയ്യുന്ന സഹോദരനെ അറിയിക്കാൻ സാധിക്കും. ഏതൊക്കെ പ്രസിദ്ധീകരണങ്ങളാണ് പ്രത്യേക അപേക്ഷാ ഇനങ്ങൾ എന്നതു ദയവായി ശ്രദ്ധിക്കുക.
◼ കൈവശമുള്ള മുഴുവൻ സാഹിത്യങ്ങളുടെയും മാസികകളുടെയും വാർഷിക കണക്കെടുപ്പ് 2008 ആഗസ്റ്റ് 31-നോ അതിനോടടുത്ത് സാധിക്കുന്ന ഒരു തീയതിയിലോ നടത്തണം. സാഹിത്യ ഏകോപകൻ മാസംതോറും എടുക്കുന്ന യഥാർഥ കണക്കെടുപ്പിനു സമാനമായ ഒന്നാണിത്. സാഹിത്യ ഇനവിവര ഫാറത്തിൽ (S-18) ഓരോ ഇനത്തിന്റെയും മൊത്തം എണ്ണം രേഖപ്പെടുത്തണം. മാസികാ ദാസനിൽ (ദാസന്മാരിൽ) നിന്ന് മാസികയുടെ മൊത്തം എണ്ണം സമ്പാദിക്കാവുന്നതാണ്. ഏകോപന സഭയുടെ സെക്രട്ടറി സ്റ്റോക്കെടുപ്പിനു മേൽനോട്ടം വഹിക്കണം. അദ്ദേഹവും ഏകോപന സഭയുടെ അധ്യക്ഷ മേൽവിചാരകനും ഫാറത്തിൽ ഒപ്പിടണം. ഓരോ ഏകോപന സഭയ്ക്കും മൂന്നു സാഹിത്യ ഇനവിവര ഫാറം ലഭിക്കുന്നതാണ്. ദയവായി അസ്സൽ സെപ്റ്റംബർ 6-നു മുമ്പായി സൊസൈറ്റിക്ക് അയയ്ക്കുക. ഒരു കോപ്പി നിങ്ങളുടെ ഫയലിൽ സൂക്ഷിക്കുക. മൂന്നാമത്തെ കോപ്പി നിങ്ങൾക്കു വർക്ക് ഷീറ്റായി ഉപയോഗിക്കാവുന്നതാണ്.
◼ ആവശ്യം ലഘുപത്രികയ്ക്കുപകരം ബൈബിൾ പഠിപ്പിക്കുന്നു പുസ്തകം ഉപയോഗിച്ചുവേണം ബൈബിളധ്യയനങ്ങൾ തുടങ്ങാനും നടത്താനും. സ്റ്റോക്ക് തീരുന്നതുവരെ ഈ ലഘുപത്രിക വയലിൽ സമർപ്പിക്കാവുന്നതാണ്.
◼ വാർഷിക ഇനങ്ങൾക്കായുള്ള പ്രത്യേക അപേക്ഷാഫാറം (Special Request Form for Annual Items) സഭകൾക്ക് അയച്ചിട്ടുണ്ട്. 2009-ലെ വാർഷികപുസ്തകം, കലണ്ടർ, തിരുവെഴുത്തുകൾ ദൈനംദിനം പരിശോധിക്കൽ എന്നിവയ്ക്കായി ഇതുവരെയും അപേക്ഷിച്ചിട്ടില്ലാത്ത സഭകൾ ഉടൻതന്നെ അവയ്ക്കുള്ള അപേക്ഷ അയയ്ക്കേണ്ടതാണ്. രാജ്യഹാൾ സാഹിത്യ ഇനവിവര ക്രമീകരണത്തിനുകീഴിൽ വരുന്ന സഭകൾ അവയുടെ “ഏകോപന സഭ”യിലൂടെ മാത്രമേ അപേക്ഷകൾ അയയ്ക്കാവൂ. എന്നിരുന്നാലും, തങ്ങളുടെ സാഹിത്യ കൂട്ടത്തിലുള്ള ഓരോ സഭയ്ക്കും ആവശ്യമായ ഓർഡർ അപേക്ഷയിൽ ഉൾപ്പെടുത്തിയിട്ടുണ്ടെന്ന് ഏകോപന സഭയുടെ സെക്രട്ടറി ഉറപ്പുവരുത്തണം.
◼ ലഭ്യമായ പുതിയ പ്രസിദ്ധീകരണങ്ങൾ:
നിങ്ങളുടെ പ്രസംഗ-പഠിപ്പിക്കൽ പ്രാപ്തികൾ മെച്ചപ്പെടുത്താവുന്ന വിധം —ബംഗാളി
◼ വീണ്ടും ലഭ്യമായ പ്രസിദ്ധീകരണങ്ങൾ:
യഹോവയ്ക്കു സ്തുതിഗീതങ്ങൾ പാടുക (29 പാട്ടുകൾ) —മറാഠി