അറിയിപ്പുകൾ
◼ സാഹിത്യ സമർപ്പണം: മേയ്: വീക്ഷാഗോപുരത്തിന്റെയും ഉണരുക!യുടെയും ഒറ്റ പ്രതികൾ വിശേഷവത്കരിക്കുക. സ്മാരകത്തിനോ മറ്റ് ദിവ്യാധിപത്യ പരിപാടികൾക്കോ ഹാജരായവരും എന്നാൽ ഇതുവരെ ക്രമമായി സഭയോടു സഹവസിക്കാത്തവരുമായവർ ഉൾപ്പെടെയുള്ള താത്പര്യക്കാർക്കു മടക്കസന്ദർശനം നടത്തുമ്പോൾ ബൈബിൾ പഠിപ്പിക്കുന്നു പുസ്തകം സമർപ്പിക്കാൻ പ്രത്യേക ശ്രമം ചെയ്യുക. ബൈബിളധ്യയനം തുടങ്ങുക എന്നതായിരിക്കണം ലക്ഷ്യം. ജൂൺ: കുടുംബ സന്തുഷ്ടി പുസ്തകം സമർപ്പിക്കുക. ജൂലൈ, ആഗസ്റ്റ്: താഴെ കൊടുത്തിരിക്കുന്ന 32 പേജുള്ള ഏതെങ്കിലും ലഘുപത്രിക: ദൈവം യഥാർത്ഥത്തിൽ നമ്മെ സംബന്ധിച്ചു കരുതുന്നുവോ?, ജാഗരൂകർ ആയിരിക്കുവിൻ!, നിങ്ങൾ ത്രിത്വത്തിൽ വിശ്വസിക്കണമോ?, പറുദീസ സ്ഥാപിക്കുന്ന ഗവൺമെന്റ്, മരിക്കുമ്പോൾ നമുക്ക് എന്തു സംഭവിക്കുന്നു?, ജീവിതത്തിന്റെ ഉദ്ദേശ്യം എന്ത്?—അതു നിങ്ങൾക്കെങ്ങനെ കണ്ടെത്താം?, നിങ്ങൾ സ്നേഹിക്കുന്ന ആരെങ്കിലും മരിക്കുമ്പോൾ.
◼ ലോകവ്യാപക വേലയ്ക്കുവേണ്ടി ഡിസ്ട്രിക്റ്റ് കൺവെൻഷൻ സമയത്തു നൽകുന്നതോ ആ ഉദ്ദേശ്യത്തിൽ ബ്രാഞ്ച് ഓഫീസിനു നേരിട്ട് അയയ്ക്കുന്നതോ ആയ സംഭാവനകളുടെ ചെക്കോ ഡിമാൻഡ് ഡ്രാഫ്റ്റോ “Watch Tower Bible and Tract Society of India” എന്ന പേരിലും ബാംഗ്ലൂരിൽ മാറാവുന്നതും ആയിരിക്കണം.
◼ ദുരന്തങ്ങൾ നേരിടുന്നതിനെക്കുറിച്ചുള്ള 2006 ജൂലൈ 6-ലെ കത്ത് മൂപ്പന്മാരുടെ സംഘം പുനരവലോകനം ചെയ്ത് ഓരോ പ്രസാധകനുമായും ബന്ധപ്പെടാനുള്ള വിവരങ്ങൾ തങ്ങളുടെ പക്കൽ ഉണ്ടെന്ന് ഉറപ്പുവരുത്തുക. ദുരന്ത സാധ്യതയുള്ള പ്രദേശങ്ങളിൽ, അടിയന്തിര സാഹചര്യത്തിൽ ബന്ധപ്പെടാനുള്ള മറ്റൊരു അഡ്രസ്സും ലഭ്യമായിരിക്കണം. അടിയന്തിര സാഹചര്യത്തിൽ മാത്രമല്ല, പ്രസാധകർ കുറെക്കാലത്തേക്കു മറ്റ് എവിടെയെങ്കിലും പോകുന്ന സന്ദർഭത്തിലും (അതായത്, ആശുപത്രിയിൽ കഴിയേണ്ടിവരുക, വെക്കേഷനോടോ ബിസിനസ്സിനോടോ അനുബന്ധിച്ച് യാത്രചെയ്യേണ്ടിവരുക തുടങ്ങിയ സന്ദർഭങ്ങൾ) ഈ വിവരം പുസ്തകാധ്യയന മേൽവിചാരകനെയോ മറ്റൊരു മൂപ്പനെയോ അറിയിക്കുന്നതു നന്നായിരിക്കും.
◼ ലഭ്യമായ പുതിയ പ്രസിദ്ധീകരണങ്ങൾ:
“എല്ലാ തിരുവെഴുത്തും—ആധികാരികവും പ്രയോജനപ്രദവും,” ലഘുപത്രിക 2 (2007-ലെ ദിവ്യാധിപത്യ ശുശ്രൂഷാസ്കൂളിനു വേണ്ടിയുള്ളത്) —ഹിന്ദി, കന്നഡ, തെലുങ്ക്