അറിയിപ്പുകൾ
◼ സാഹിത്യ സമർപ്പണം: മാർച്ച്: നിത്യജീവനിലേക്കു നയിക്കുന്ന പരിജ്ഞാനം. പുസ്തകം സമർപ്പിക്കുന്നതോടൊപ്പം, ഭവന ബൈബിളധ്യയനങ്ങൾ തുടങ്ങാൻ ശ്രമം നടത്തുക. ഏപ്രിൽ, മേയ്: വീക്ഷാഗോപുരത്തിന്റെയും ഉണരുക!യുടെയും ഒറ്റ പ്രതികൾ വിശേഷവത്കരിക്കുക. താത്പര്യക്കാർക്ക്—സ്മാരകത്തിലോ മറ്റു ദിവ്യാധിപത്യ കൂടിവരവുകളിലോ സംബന്ധിക്കുന്നവരും എന്നാൽ സഭയോട് സജീവമായി സഹവസിക്കുന്നില്ലാത്തവരുമായ ആളുകളും ഇതിൽ ഉൾപ്പെടുന്നു—മടക്കസന്ദർശനം നടത്തുമ്പോൾ ദൈവത്തെ ആരാധിക്കുക പുസ്തകം സമർപ്പിക്കുന്നതിൽ ശ്രദ്ധ കേന്ദ്രീകരിക്കുക. ബൈബിളധ്യയനം ആരംഭിക്കുക എന്നതായിരിക്കണം ലക്ഷ്യം, വിശേഷിച്ചും പരിജ്ഞാനം പുസ്തകവും ആവശ്യം ലഘുപത്രികയും പഠിച്ചുകഴിഞ്ഞവരുമായി. ജൂൺ: മഹാനായ അധ്യാപകനിൽനിന്നു പഠിക്കുക (ഇംഗ്ലീഷ്) പുസ്തകം സമർപ്പിക്കുക. തങ്ങൾക്കു കുട്ടികൾ ഇല്ലെന്നോ, ഇംഗ്ലീഷ് അറിയില്ലെന്നോ വീട്ടുകാർ പറയുന്നെങ്കിൽ ആവശ്യം ലഘുപത്രിക സമർപ്പിക്കാവുന്നതാണ്. ബൈബിളധ്യയനങ്ങൾ തുടങ്ങാൻ പ്രത്യേകം ശ്രമം നടത്തുക.
◼ വീക്ഷാഗോപുര, ഉണരുക! മാസികകൾ ലഭിച്ചാലുടൻ അവ സഭയിൽ വിതരണം ചെയ്യണം. അങ്ങനെയാകുമ്പോൾ വയലിൽ സമർപ്പിക്കുന്നതിനു മുമ്പേതന്നെ അതിലെ വിവരങ്ങൾ വായിച്ചറിയാൻ പ്രസാധകർക്കു കഴിയും. നമ്മുടെ രാജ്യ ശുശ്രൂഷയും ലഭിച്ചാലുടൻ പ്രസാധകർക്കു നൽകണം. അത് സഭാ പുസ്തകാധ്യയന ക്രമീകരണത്തിലൂടെ ചെയ്യാവുന്നതാണ്.
◼ വ്യക്തിപരമായ വിദേശയാത്രാ വേളകളിൽ, അവിടെ സഭായോഗങ്ങൾക്കോ സമ്മേളനത്തിനോ കൺവെൻഷനോ ഹാജരാകുന്നതിന് അതുമായി ബന്ധപ്പെട്ട തീയതികൾ, സമയം, സ്ഥലം എന്നിവ അറിയാൻ ആ രാജ്യത്തെ വേലയുടെ മേൽനോട്ടം വഹിക്കുന്ന ബ്രാഞ്ചുമായി ബന്ധപ്പെടേണ്ടതാണ്. ബ്രാഞ്ച് ഓഫീസുകളുടെ മേൽവിലാസം പുതിയ വാർഷികപുസ്തകത്തിന്റെ അവസാന പേജിൽ കൊടുത്തിട്ടുണ്ട്.
◼ സഭാ സെക്രട്ടറിമാർ നിരന്തര പയനിയർ സേവന അപേക്ഷാഫാറം (S-205), സഹായ പയനിയർ സേവന അപേക്ഷാഫാറം (S-205b) എന്നിവയുടെ മതിയായ ശേഖരം സൂക്ഷിക്കേണ്ടതാണ്. ഇവ ലഭിക്കാൻ സാഹിത്യ അപേക്ഷാഫാറം (S-14) ഉപയോഗിച്ച് അപേക്ഷ അയയ്ക്കാവുന്നതാണ്. കുറഞ്ഞത് ഒരു വർഷത്തേക്ക് ആവശ്യമായത്ര ശേഖരം ഉണ്ടായിരിക്കണം.
◼ 2005 മാർച്ച് 24-നാണ് സ്മാരകാചരണം. നിങ്ങളുടെ സഭയുടെ യോഗം സാധാരണ വ്യാഴാഴ്ച ആണെങ്കിൽ രാജ്യഹാൾ ലഭ്യമായിരിക്കുന്നപക്ഷം നിങ്ങൾക്ക് അത് മറ്റൊരു ദിവസത്തേക്കു മാറ്റാവുന്നതാണ്. അതു സാധ്യമല്ലെങ്കിൽ നിങ്ങളുടെ സഭയ്ക്കു വിശേഷാൽ ബാധകമാകുന്ന സേവനയോഗ ഭാഗങ്ങൾ മറ്റൊരു ദിവസത്തെ സേവനയോഗ പരിപാടിയിൽ ഉൾപ്പെടുത്താവുന്നതാണ്.
◼ യഹോവയുടെ സാക്ഷികളുടെ ഇടയിൽ അടുത്തകാലത്തു വിതരണം ചെയ്യപ്പെടുന്ന, ഒരു പ്രത്യേക താളത്തിൽ പാടി റെക്കോർഡ് ചെയ്ത രാജ്യഗീതങ്ങളെക്കുറിച്ച് പല പ്രസാധകരും ഫോൺ ചെയ്ത് ബ്രാഞ്ച് ഓഫീസിനോട് അന്വേഷിക്കുകയുണ്ടായി. ഇവയ്ക്ക് സംഘടനയുടെ അംഗീകാരമുണ്ടോയെന്ന് അറിയുന്നതിനായിരുന്നു അത്. ഈ ഗീതങ്ങളെക്കുറിച്ചു ഞങ്ങളും അറിഞ്ഞിരുന്നു, എന്നാൽ അവയ്ക്ക് ഞങ്ങളുടെ അംഗീകാരം ഇല്ല. ദയവായി അവ വിതരണം ചെയ്യുകയോ ഇന്റർനെറ്റിൽനിന്ന് ഡൗൺലോഡ് ചെയ്യുകയോ ചെയ്യരുത്. ഇതു സംബന്ധിച്ചു നിങ്ങൾക്കുള്ള ചോദ്യങ്ങൾക്ക് മുകളിൽ പറഞ്ഞ വിവരങ്ങൾ ഉത്തരം പ്രദാനം ചെയ്യുമെന്നു കരുതട്ടെ.