ബ്രാഞ്ചിൽനി​ന്നുള്ള കത്ത്‌

പ്രിയ രാജ്യ പ്രസാ​ധ​കരേ,

തമിഴ്‌നാ​ട്ടിൽ നമ്മുടെ വേലയ്‌ക്ക്‌ ഏർപ്പെ​ടു​ത്തി​യി​രുന്ന നിയ​ന്ത്ര​ണങ്ങൾ പിൻവ​ലി​ച്ച​തിൽ ഇന്ത്യയി​ലെ​ങ്ങു​മുള്ള സഹോ​ദ​ര​ങ്ങൾക്ക്‌ അതിയായ സന്തോ​ഷ​മുണ്ട്‌. കഴിഞ്ഞ ഏതാനും വർഷങ്ങൾ അവി​ടെ​യുള്ള സഹോ​ദ​ര​ങ്ങളെ സംബന്ധി​ച്ചി​ട​ത്തോ​ളം ഒരു പരിശീ​ലന കാലഘ​ട്ട​മാ​യി​രു​ന്നു. വയൽശു​ശ്രൂ​ഷ​യോ​ടുള്ള ബന്ധത്തി​ലും അധികാ​രി​കളെ നേരിൽ കാണു​ന്ന​തി​ലും ഉചിത​മായ സമീപനം കൈ​ക്കൊ​ള്ളാൻ അവർ പഠിച്ചി​രി​ക്കു​ന്നു. (1 പത്രൊ. 3:15) തീക്ഷ്‌ണ​ത​യും വിവേ​ച​ന​യും സമനി​ല​യിൽ നിറു​ത്തു​ക​യും യാന്ത്രി​ക​മായ ഒരു വിധത്തി​ല​ല്ലാ​തെ ബോധ്യം വരുത്തുന്ന ന്യായ​വാ​ദങ്ങൾ ഉപയോ​ഗി​ച്ചു​കൊണ്ട്‌ സുവാർത്ത അവതരി​പ്പി​ക്കു​ക​യും ചെയ്യു​മ്പോൾ സുവി​ശേഷ വേലയിൽ നല്ല ഫലങ്ങൾ ലഭിക്കു​ന്നു.—സദൃ. 16:21, 23.

മറ്റു രാജ്യ​ങ്ങ​ളി​ലും നമ്മുടെ സഹോ​ദ​രങ്ങൾ വർധിച്ച പ്രവർത്ത​ന​ത്തി​നാ​യി തയ്യാ​റെ​ടു​ക്കു​ക​യാണ്‌. ഐക്യ​നാ​ടു​ക​ളി​ലെ വാൾക്കിൽ അച്ചടി​ശാ​ല​യിൽ, മണിക്കൂ​റിൽ 90,000 മാസി​കകൾ വീതം അച്ചടി​ക്കുന്ന രണ്ടു പ്രസ്സു​ക​ളോ​ടൊ​പ്പം, മിനി​ട്ടിൽ 120 പുസ്‌ത​ക​ങ്ങൾക്കു കട്ടിബ​യൻഡി​ടുന്ന ഒരു പുതിയ മെഷീ​നും സ്ഥാപി​ച്ചി​രി​ക്കു​ന്നു. അച്ചടി​ശാല വാൾക്കി​ലി​ലേക്കു മാറ്റി സ്ഥാപി​ച്ച​തി​നാൽ, ബ്രുക്ലി​നി​ലെ 360 ഫർമാൻ സ്‌ട്രീ​റ്റി​ലുള്ള കെട്ടിടം വിൽക്കാൻ സാധിച്ചു.

സ്‌മാ​ര​ക​കാ​ലത്ത്‌ ഇന്ത്യയി​ലെ സഹോ​ദ​രങ്ങൾ തീക്ഷ്‌ണ​ത​യോ​ടെ പ്രവർത്തി​ച്ചു. ഏപ്രി​ലിൽ മൊത്തം 2,368 പേരാണ്‌ സഹായ പയനി​യർമാ​രാ​യി സേവി​ച്ചത്‌. ബൈബി​ള​ധ്യ​യ​ന​ങ്ങ​ളു​ടെ പുതിയ അത്യുച്ചം 18,114 ആയിരു​ന്നു. 61,538 പേർ കർത്താ​വി​ന്റെ സന്ധ്യാ​ഭ​ക്ഷ​ണ​ത്തി​ന്റെ ആചരണ​ത്തിൽ സംബന്ധി​ച്ചു.

ഇന്ത്യയിൽ ഒക്ടോ​ബ​റിൽ ആരംഭി​ക്കുന്ന “ദൈവ​ത്തോ​ടു​കൂ​ടെ നടക്കുക” ഡിസ്‌ട്രി​ക്‌റ്റ്‌ കൺ​വെൻ​ഷ​നാ​യും ശുശ്രൂ​ഷാ പരിശീ​ലന സ്‌കൂ​ളി​ന്റെ ആറാമത്തെ ക്ലാസ്സി​നാ​യും നാം ആകാം​ക്ഷ​യോ​ടെ കാത്തി​രി​ക്കു​ക​യാണ്‌. 2005 സേവന വർഷം ആരംഭി​ക്കവേ, “കർത്താ​വി​ന്റെ വേലയിൽ എപ്പോ​ഴും വർദ്ധിച്ച” അളവിൽ പ്രവർത്തി​ക്കു​ന്ന​തിൽ നിങ്ങ​ളോ​ടൊ​പ്പം ഞങ്ങളും ആനന്ദി​ക്കു​ന്നു.—1 കൊരി. 15:58.

നിങ്ങളുടെ സഹോ​ദ​രങ്ങൾ,

ബ്രാഞ്ച്‌ ഓഫീസ്‌, ഇന്ത്യ