അറിയിപ്പുകൾ
◼ സാഹിത്യ സമർപ്പണം. ഡിസംബർ: ജീവിച്ചിരുന്നിട്ടുള്ളതിലേക്കും ഏററവും മഹാനായ മനുഷ്യൻ. പകരം സമർപ്പണമെന്ന നിലയിൽ, എന്റെ ബൈബിൾ കഥാ പുസ്തകം, നിങ്ങൾക്കു ഭൂമിയിലെ പറുദീസയിൽ എന്നേക്കും ജീവിക്കാൻ കഴിയും എന്നിവയിൽ ഏതെങ്കിലും ഉപയോഗിക്കാവുന്നതാണ്. ജനുവരി: സഭയുടെ സ്റ്റോക്കിൽ ഉണ്ടായിരുന്നേക്കാവുന്ന, 1988-ന് മുമ്പു പ്രസിദ്ധീകരിച്ച ഏതൊരു പുസ്തകവും. ഇവ സ്റ്റോക്കില്ലെങ്കിൽ, അടുത്തുള്ള സഭകളിൽ പഴയ പ്രസിദ്ധീകരണങ്ങൾ അധികമായുണ്ടോ എന്ന് ദയവായി അന്വേഷിക്കുക. ഉണ്ടെങ്കിൽ അത് ഉപയോഗിക്കാവുന്നതാണ്. പഴയ പുസ്തകങ്ങൾ ഇല്ലാത്ത സഭകൾക്ക് കുടുംബസന്തുഷ്ടിയുടെ രഹസ്യം, യുവജനങ്ങൾ ചോദിക്കുന്ന ചോദ്യങ്ങളും പ്രായോഗികമായ ഉത്തരങ്ങളും എന്നിവയിൽ ഏതെങ്കിലും സമർപ്പിക്കാവുന്നതാണ്. ഫെബ്രുവരി: യഹോവയോട് അടുത്തു ചെല്ലുവിൻ. ഈ പ്രസിദ്ധീകരണം ലഭ്യമല്ലെങ്കിൽ, ജീവൻ—അത് ഇവിടെ എങ്ങനെ വന്നു? പരിണാമത്താലോ സൃഷ്ടിയാലോ? അല്ലെങ്കിൽ വെളിപാട്—അതിന്റെ മഹത്തായ പാരമ്യം സമീപിച്ചിരിക്കുന്നു! എന്നിവയിൽ ഏതെങ്കിലും പകരം സമർപ്പിക്കാവുന്നതാണ്. മാർച്ച്: നിത്യജീവനിലേക്കു നയിക്കുന്ന പരിജ്ഞാനം. ഭവന ബൈബിളധ്യയനങ്ങൾ ആരംഭിക്കാൻ പ്രത്യേക ശ്രമം ചെയ്യപ്പെടും. ആളുകളുടെ പക്കൽ ഈ പ്രസിദ്ധീകരണം ഉണ്ടെങ്കിൽ ദാനീയേൽ പ്രവചനത്തിനു ശ്രദ്ധ കൊടുപ്പിൻ! പുസ്തകം സമർപ്പിക്കാവുന്നതാണ്.
◼ ലോകവ്യാപക വേലയ്ക്കും രാജ്യഹാൾ ഫണ്ടിനും വേണ്ടിയുള്ള സംഭാവനപ്പെട്ടികളിൽനിന്നു ലഭിക്കുന്ന പണം മാസംതോറും അടയ്ക്കേണ്ടതാണ്, രാജ്യഹാൾ വായ്പ തിരിച്ചടയ്ക്കാനായോ ഇതര സഭാ ചെലവുകൾക്കായോ അത് ഉപയോഗിക്കരുത് എന്ന് സഭാ കണക്കുകൾ കൈകാര്യം ചെയ്യുന്ന സഹോദരങ്ങളെ ഓർമിപ്പിക്കാൻ ആഗ്രഹിക്കുന്നു.
◼ ദയവായി ശ്രദ്ധിക്കുക: 2005-ലെ സ്മാരകം മാർച്ച് 24 വ്യാഴാഴ്ച സൂര്യാസ്തമയശേഷം ആയിരിക്കും. ഒന്നിലധികം സഭകൾ ഒരു രാജ്യഹാൾതന്നെ ഉപയോഗിക്കുമ്പോൾ, മറ്റെവിടെയെങ്കിലും സ്മാരകാചരണം ക്രമീകരിക്കേണ്ടി വരുന്ന സഭകൾക്ക് ആവശ്യമായ ബുക്കിങ്ങും മറ്റും ചെയ്യുന്നതിനു വേണ്ടിയാണ് വളരെ മുന്നമേതന്നെ ഇക്കാര്യം അറിയിക്കുന്നത്. സമാധാനപരവും ക്രമീകൃതവുമായ ഒരു വിധത്തിൽ സ്മാരകാചരണം നടക്കേണ്ടതിന് കെട്ടിടത്തിലെ മറ്റു പ്രവർത്തനങ്ങൾ നിമിത്തം യാതൊരു ശല്യവും ഉണ്ടായിരിക്കുകയില്ല എന്ന് ഉറപ്പുവരുത്തുന്ന ഒരു ഉടമ്പടി ഹാളിന്റെ ഭാരവാഹികളുമായി മൂപ്പന്മാർ ചെയ്തിരിക്കണം. വളരെ പ്രധാനപ്പെട്ട അവസരമായിരിക്കുന്നതിനാൽ, സ്മാരക പ്രസംഗം നടത്താൻ മൂപ്പന്മാരുടെ സംഘം കൂടുതൽ യോഗ്യതയുള്ള മൂപ്പന്മാരിൽ ഒരാളെ വേണം നിയമിക്കാൻ, അല്ലാതെ അവർ കേവലം തങ്ങളുടെ ഊഴമനുസരിച്ചു നടത്തുകയോ എല്ലാ വർഷവും ഒരേ സഹോദരനെത്തന്നെ നിയമിക്കുകയോ ചെയ്യരുത്. എന്നാൽ പ്രസംഗം നടത്താൻ തക്ക ആരോഗ്യസ്ഥിതിയുള്ള അഭിഷിക്തനായ ഒരു മൂപ്പൻ ഉണ്ടെങ്കിൽ നിയമനം അദ്ദേഹത്തിനു നൽകേണ്ടതാണ്.
◼ സഭാ പുസ്തകാധ്യയനത്തിന് 2004 മാർച്ച് 15 മുതൽ 2005 മേയ് 16 വരെ യഹോവയോട് അടുത്തു ചെല്ലുവിൻ എന്ന പുസ്തകമായിരിക്കും പരിചിന്തിക്കുന്നത്.
◼ വീണ്ടും ലഭ്യമായ പ്രസിദ്ധീകരണം:
കുടുംബജീവിതം ആസ്വദിക്കുക (ലഘുലേഖ നമ്പർ 21) —പഞ്ചാബി