പരിജ്ഞാ​നം പുസ്‌ത​ക​ത്തി​ലേക്കു നയിക്കുന്ന ബൈബിൾ ചർച്ചകൾക്കുള്ള നിർദേ​ശ​ങ്ങൾ

1. യുദ്ധങ്ങ​ളും പ്രക്ഷു​ബ്ധ​മായ ലോകാ​വ​സ്ഥ​ക​ളും:

“[ഏറ്റവും പുതിയ വാർത്തകൾ പരാമർശി​ക്കുക.] എത്ര ശ്രേഷ്‌ഠ​മായ ലക്ഷ്യങ്ങ​ളോ​ടു കൂടിയവ ആണെങ്കി​ലും, യുദ്ധത്തെ കുറി​ച്ചുള്ള വാർത്തകൾ കേൾക്കു​മ്പോൾ, ഇങ്ങനെ പോയാൽ ലോക​ത്തിൽ എന്നെങ്കി​ലും സമാധാ​നം ഉണ്ടാകു​മോ അതോ സംഗതി​കൾ ഇനിയും വഷളാ​വു​കയേ ഉള്ളോ എന്നു നാം ചിന്തിച്ചു പോകു​ന്നു. യുദ്ധമി​ല്ലാത്ത ഒരു ലോക​മാണ്‌ എല്ലാവ​രും ആഗ്രഹി​ക്കു​ന്നത്‌ എന്നതിനു സംശയ​മില്ല. എന്നാൽ അതു കൈവ​രു​ത്താൻ മനുഷ്യ​നു സാധി​ക്കും എന്ന്‌ താങ്കൾ കരുതു​ന്നു​ണ്ടോ?” വീട്ടു​കാ​രന്റെ പ്രതി​ക​രണം ശ്രദ്ധാ​പൂർവം കേൾക്കുക. തുടർന്ന്‌ സങ്കീർത്തനം 46:8, 9 അല്ലെങ്കിൽ മീഖാ 4:2-4 വായി​ക്കുക, ദൈവ​ത്തി​ന്റെ ഇടപെടൽ അനിവാ​ര്യ​മാണ്‌ എന്ന്‌ ചൂണ്ടി​ക്കാ​ട്ടുക. പരിജ്ഞാ​നം പുസ്‌ത​ക​ത്തി​ലേക്കു തിരിഞ്ഞ്‌ 98-ാം പേജിലെ 1, 2 ഖണ്ഡിക​ക​ളും 99-ാം പേജിലെ 5-ാം ഖണ്ഡിക​യും ചർച്ച ചെയ്യുക.

2. കുറ്റകൃ​ത്യ​വും ദാരു​ണ​മായ അപകട​ങ്ങ​ളും:

“താങ്കൾ ____________________ [നടന്ന ഏതെങ്കി​ലും ഒരു സംഭവം പറയുക] കുറി​ച്ചുള്ള വാർത്തകൾ കേട്ടു​കാ​ണും. അത്‌ വളരെ ദാരു​ണ​മായ ഒരു സംഭവ​മാ​യി​പ്പോ​യി, അല്ലേ? നമുക്കു ചുറ്റും കാണുന്ന അല്ലെങ്കിൽ നാംതന്നെ അനുഭ​വി​ക്കുന്ന യാതനകൾ സംബന്ധിച്ച്‌ ദൈവം ചിന്തയു​ള്ള​വ​നാ​ണോ എന്നതിനെ കുറിച്ച്‌ താങ്കൾ എപ്പോ​ഴെ​ങ്കി​ലും ആലോ​ചി​ച്ചി​ട്ടു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] ഇതു സംബന്ധിച്ച ദൈവ​ത്തി​ന്റെ വീക്ഷണം ബൈബി​ളിൽ കാണാൻ കഴിയും.” സങ്കീർത്തനം 72:12-17-ൽ നിന്ന്‌ അനു​യോ​ജ്യ​മായ ഏതാനും ഭാഗങ്ങൾ നിങ്ങൾക്കു വായി​ക്കാൻ കഴിയും. എന്നിട്ട്‌, പരിജ്ഞാ​നം പുസ്‌ത​ക​ത്തി​ന്റെ 70-ാം പേജി​ലേക്കു തുറന്ന്‌, ദൈവം കഷ്ടപ്പാട്‌ അനുവ​ദി​ക്കു​ന്നത്‌ എന്തു​കൊണ്ട്‌ എന്ന ചോദ്യ​ത്തി​നുള്ള ഉത്തരം ഈ പുസ്‌തകം നൽകുന്നു എന്ന്‌ ചൂണ്ടി​ക്കാ​ണി​ക്കുക. തുടർന്ന്‌ നിങ്ങൾക്ക്‌ ഇങ്ങനെ പറയാൻ കഴിയും: “ബൈബി​ളിൽനി​ന്നുള്ള ഉത്തരം യഥാർഥ​ത്തിൽ ആശ്വാ​സ​ദാ​യ​ക​മാണ്‌. അതു​കൊണ്ട്‌ ഈ പുസ്‌തകം താങ്കൾക്കു തന്നിട്ടു പോകാൻ ഞാൻ ആഗ്രഹി​ക്കു​ന്നു, നൽകി​യി​രി​ക്കുന്ന ഉത്തരം താങ്കൾ തന്നെ പരി​ശോ​ധി​ച്ചു നോക്കാൻ പ്രോ​ത്സാ​ഹി​പ്പി​ക്കു​ക​യാണ്‌.”

3. മരിച്ച​വ​രു​ടെ അവസ്ഥ:

“രോഗം നിമിത്തം ദിവസ​വും ആയിര​ക്ക​ണ​ക്കിന്‌ ആളുകൾ മരിക്കു​ന്നു. ഒരു കുടും​ബാം​ഗ​മോ അടുത്ത ബന്ധുവോ മരിക്കു​മ്പോ​ഴുള്ള ദുഃഖം ഒരുപക്ഷേ താങ്കൾ അനുഭ​വി​ച്ചി​ട്ടു​ണ്ടാ​വും. വർഷങ്ങൾക്കു ശേഷം പോലും നമ്മുടെ പ്രിയ​പ്പെ​ട്ട​വ​രു​ടെ വേർപാ​ടിൽ നാം ദുഃഖി​ച്ചേ​ക്കാം.” (1) വീട്ടു​കാ​രൻ തന്റെ അനുഭ​വത്തെ കുറിച്ചു പറയു​ന്നെ​ങ്കിൽ ശ്രദ്ധാ​പൂർവം അതു കേട്ടതി​നു ശേഷം നിങ്ങൾക്ക്‌ ഇങ്ങനെ പറയാ​വു​ന്ന​താണ്‌, “എന്നെ ആശ്വസി​പ്പിച്ച ചില വാക്കുകൾ ഞാൻ കാണി​ക്കാം.” ലൂക്കൊസ്‌ 20:38 അല്ലെങ്കിൽ 1 തെസ്സ​ലൊ​നീ​ക്യർ 4:13 കാണി​ച്ചിട്ട്‌ ഇങ്ങനെ ചോദി​ക്കുക, “മനുഷ്യൻ വൃദ്ധനാ​കു​ക​യും മരിക്കു​ക​യും ചെയ്യു​ന്ന​തി​ന്റെ കാരണം എന്താ​ണെന്ന്‌ കണ്ടെത്താൻ താങ്കൾ ആഗ്രഹി​ക്കു​ന്നോ?” പരിജ്ഞാ​നം പുസ്‌ത​ക​ത്തി​ന്റെ 53-ാം പേജിലെ 1-3 ഖണ്ഡിക​ക​ളി​ലേക്ക്‌ വീട്ടു​കാ​രന്റെ ശ്രദ്ധ ക്ഷണിക്കുക. (2) വീട്ടു​കാ​രൻ തന്റെ അനുഭ​വത്തെ കുറിച്ച്‌ ഒന്നും പറയു​ന്നി​ല്ലെ​ങ്കിൽ നിങ്ങൾക്ക്‌ ഇങ്ങനെ ചോദി​ക്കാം, “മരിച്ചവർ പറുദീ​സ​യിൽ പ്രവേ​ശി​ക്കു​ന്നു അല്ലെങ്കിൽ സ്വർഗ​ത്തിൽ പോകു​ന്നു എന്നൊക്കെ ചില ആളുകൾ പറയാ​റുണ്ട്‌, എന്നാൽ മറ്റുചി​ലർ പറയു​ന്നത്‌ അവർ പൊടി​യി​ലേക്കു മടങ്ങുന്നു എന്നാണ്‌. താങ്കൾക്ക്‌ എന്തു തോന്നു​ന്നു?” തുടർന്ന്‌ സഭാ​പ്ര​സം​ഗി 9:5, 10 വായി​ച്ചിട്ട്‌ പരിജ്ഞാ​നം പുസ്‌ത​ക​ത്തി​ന്റെ 83-ാം പേജിലെ 9, 10 ഖണ്ഡിക​ക​ളി​ലേക്കു ശ്രദ്ധ തിരി​ക്കുക.

4. ക്രിയാ​ത്മക വീക്ഷണം ഉണ്ടായി​രി​ക്കു​ന്ന​തി​ന്റെ മൂല്യം:

“ഇന്ന്‌ അനേകം ആളുകൾ വിഷാ​ദ​ത്തിന്‌ അടിമ​ക​ളാണ്‌. കാര്യ​ങ്ങളെ നിഷേ​ധാ​ത്മ​ക​മാ​യി വീക്ഷി​ക്കു​ന്ന​തിന്‌ അവർ പ്രവണത കാണി​ച്ചേ​ക്കാം. ഈ പ്രശ്‌ന​ത്തിൽ അവരെ സഹായി​ക്കാൻ എന്തിനു കഴിയും, താങ്കൾ എന്തു വിചാ​രി​ക്കു​ന്നു? [പ്രതി​ക​രി​ക്കാൻ അനുവ​ദി​ക്കുക.] ബൈബി​ളി​ലെ ഈ തിരു​വെ​ഴുത്ത്‌ വളരെ സഹായ​ക​മാ​ണെന്ന്‌ ഞാൻ കണ്ടെത്തി​യി​രി​ക്കു​ന്നു.” മത്തായി 6:34 വായിച്ച ശേഷം പരിജ്ഞാ​നം പുസ്‌ത​ക​ത്തി​ന്റെ 16-ാം പേജിലെ 13-ാം ഖണ്ഡിക​യിൽ കാണുന്ന, ഒരു വിദ്യാ​ഭ്യാ​സ​പ്ര​വർത്ത​കന്റെ അഭി​പ്രാ​യ​പ്ര​ക​ടനം വായി​ക്കുക. ഗിരി​പ്ര​ഭാ​ഷ​ണ​ത്തി​ലെ ഏതാനും ഉപദേ​ശ​ങ്ങ​ളും നിങ്ങൾക്കു ചർച്ച ചെയ്യാ​വു​ന്ന​താണ്‌.

5. കുടും​ബാം​ഗ​ങ്ങൾക്കി​ട​യി​ലെ നല്ല ആശയവി​നി​മയം:

“ജോലി​സ്ഥ​ല​ത്തും വിദ്യാ​ല​യ​ങ്ങ​ളി​ലും സമ്മർദം ഉണ്ടാക്കുന്ന സാഹച​ര്യ​ങ്ങൾ വർധി​ക്കു​ക​യാണ്‌. തന്നിമി​ത്തം, കുടും​ബാം​ഗ​ങ്ങൾക്ക്‌ പ്രോ​ത്സാ​ഹ​ന​ത്തി​ന്റെ ആവശ്യം ഉണ്ടായി​രു​ന്നേ​ക്കാം. എന്നിരു​ന്നാ​ലും, നമ്മൾതന്നെ വർധിച്ച സമ്മർദത്തെ നേരി​ടു​ക​യാ​യി​രി​ക്കാം എന്നതു​കൊണ്ട്‌ മറ്റുള്ള​വരെ പ്രോ​ത്സാ​ഹി​പ്പി​ക്കു​ന്ന​തിന്‌ ചില​പ്പോ​ഴൊ​ക്കെ നാം മനഃപൂർവം ശ്രമം ചെയ്യേ​ണ്ട​തു​ണ്ടാ​യി​രി​ക്കാം. കുടും​ബാം​ഗ​ങ്ങ​ളോട്‌ നാം എന്തു പറയുന്നു എന്നത്‌ പ്രധാ​ന​മാ​ണെ​ങ്കി​ലും നാം മനസ്സിൽ പിടി​ക്കേണ്ട അതിലും പ്രാധാ​ന്യ​മുള്ള മറ്റൊരു സംഗതി ബൈബിൾ ചൂണ്ടി​ക്കാ​ണി​ക്കു​ന്നു. [സദൃശ​വാ​ക്യ​ങ്ങൾ 16:23, 24 വായി​ക്കുക.] വിജയ​പ്ര​ദ​മായ ആശയവി​നി​മ​യ​ത്തി​നുള്ള താക്കോൽ ഹൃദയ​മാണ്‌, വായല്ല എന്ന്‌ ഈ തിരു​വെ​ഴു​ത്തു പറയുന്നു.” പരിജ്ഞാ​നം പുസ്‌ത​ക​ത്തി​ന്റെ 143-ാം പേജിലെ 9-ാം ഖണ്ഡിക​യി​ലേക്കു തുറന്ന്‌ അന്യോ​ന്യം കരുതൽ പ്രകട​മാ​ക്കേ​ണ്ട​തി​ന്റെ പ്രാധാ​ന്യം എടുത്തു​കാ​ട്ടുക. കൂടാതെ, നല്ല ആശയവി​നി​മയം നടത്താൻ ബുദ്ധി​മുട്ട്‌ അനുഭ​വ​പ്പെ​ട്ടേ​ക്കാ​വു​ന്ന​തി​ന്റെ കാരണം സംബന്ധിച്ച്‌ 7-ാം ഖണ്ഡിക​യിൽനി​ന്നു ചർച്ച ചെയ്യാ​നും കഴിയും.

6. മക്കളോ​ടുള്ള ഇടപെ​ട​ലിൽ ന്യായ​ബോ​ധം പ്രകട​മാ​ക്കൽ:

“കുട്ടി​കൾക്ക്‌ ഒരുപാട്‌ സമ്മർദം നേരി​ടേ​ണ്ടി​വ​രു​ന്നു എന്ന വസ്‌തുത സംബന്ധിച്ച്‌ അടുത്ത കാലത്താ​യി നാം കൂടുതൽ ബോധ​വാ​ന്മാ​രാ​യി​രി​ക്കു​ന്നു. പല കുട്ടി​ക​ളും നല്ല ചുറ്റു​പാ​ടു​ക​ളി​ലാണ്‌ വളർത്ത​പ്പെ​ടു​ന്നത്‌ എന്നതി​നാൽ ഈ പ്രശ്‌ന​ത്തി​ന്റെ കാരണം എന്തായി​രി​ക്കും എന്നാണ്‌ താങ്കൾക്കു തോന്നു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] ഈ വാക്കു​കളെ കുറിച്ച്‌ താങ്കൾ എന്തു വിചാ​രി​ക്കു​ന്നു? [കൊ​ലൊ​സ്സ്യർ 3:21 വായി​ച്ചിട്ട്‌ പ്രതി​ക​രി​ക്കാൻ അനുവ​ദി​ക്കുക.] കേൾക്കു​മ്പോൾ എളുപ്പ​മാ​ണെന്നു തോന്നി​യേ​ക്കാ​മെ​ങ്കി​ലും, ചില നിയമ​ങ്ങ​ളു​ടെ ആവശ്യകത മനസ്സി​ലാ​ക്കാൻ കുട്ടി​കളെ സഹായി​ക്കുക വാസ്‌ത​വ​ത്തിൽ ബുദ്ധി​മു​ട്ടു​ത​ന്നെ​യാണ്‌ എന്നതി​നോ​ടു താങ്കളും യോജി​ച്ചേ​ക്കും.” പരിജ്ഞാ​നം പുസ്‌ത​ക​ത്തി​ന്റെ 136-ാം പേജി​ലേക്കു തുറന്ന്‌ 17-ാം ഖണ്ഡിക​യു​ടെ ആദ്യ വാചകം വായി​ക്കുക. 17, 18 ഖണ്ഡിക​ക​ളിൽനി​ന്നുള്ള ആശയങ്ങൾ ചർച്ച ചെയ്യുക.