ദൈവ​ത്തി​ന്റെ കരുണ​യ്‌ക്കുള്ള നന്ദി

¹ ഒരു ക്രിസ്‌ത്യാ​നി ആയിത്തീ​രു​ന്ന​തി​നു മുമ്പ്‌, ക്രിസ്‌ത്യാ​നി​ത്വ​ത്തി​ന്റെ പ്രചര​ണത്തെ അതിശ​ക്ത​മാ​യി എതിർത്തി​രുന്ന ഒരുവ​നാ​യി​രു​ന്നു അപ്പൊ​സ്‌ത​ല​നായ പൗലൊസ്‌. എന്നിരു​ന്നാ​ലും, അവൻ അപ്രകാ​രം പ്രവർത്തി​ച്ചത്‌ അജ്ഞത നിമിത്തം ആയിരു​ന്ന​തി​നാൽ, അവനു കരുണ ലഭിച്ചു. യഹോവ അനർഹദയ പ്രകട​മാ​ക്കു​ക​യും പൗലൊ​സിന്‌ പ്രസം​ഗി​ക്കാ​നുള്ള നിയമനം നൽകു​ക​യും ചെയ്‌തു. പൗലൊസ്‌ ആ നിയമ​നത്തെ അമൂല്യ​മാ​യി കരുതി. (പ്രവൃ. 26:9-18; 1 തിമൊ. 1:12-14) യഹോവ തന്നോടു കാണിച്ച കരുണ​യ്‌ക്കുള്ള നന്ദി, ശുശ്രൂ​ഷ​യ്‌ക്കാ​യി തന്നെത്തന്നെ ഉഴിഞ്ഞു​വെ​ക്കാൻ പൗലൊ​സി​നെ പ്രേരി​പ്പി​ച്ചു.—2 കൊരി. 12:15.

² ദൈവം തന്റെ കരുണ​യാൽ നമുക്കും ഒരു ശുശ്രൂഷ നൽകി​യി​രി​ക്കു​ന്നു. (2 കൊരി. 4:1) പൗലൊ​സി​നെ പോലെ, ആത്മീയ​മാ​യി പുരോ​ഗ​മി​ക്കാൻ മറ്റുള്ള​വരെ സഹായി​ക്കു​ന്ന​തിന്‌ തീവ്ര​ശ്രമം ചെയ്‌തു​കൊണ്ട്‌ നമ്മോടു കാണി​ച്ചി​രി​ക്കുന്ന ഈ കരുണ​യ്‌ക്കുള്ള നന്ദി നമുക്കു പ്രകട​മാ​ക്കാം. അതിനുള്ള ഒരു മാർഗം ബൈബി​ള​ധ്യ​യ​നങ്ങൾ ആരംഭി​ക്കു​ക​യും അവ തുടർന്നു നടത്തു​ക​യും ചെയ്യു​ന്ന​താണ്‌.

³ ബൈബിളധ്യയനങ്ങൾ ആരംഭി​ക്കൽ: ബൈബി​ള​ധ്യ​യ​നങ്ങൾ ആരംഭി​ക്കാ​നുള്ള ഒരു മാർഗം, ഒരു മാസി​കാ​റൂട്ട്‌ സ്ഥാപി​ക്കു​ക​യാണ്‌. നമ്മുടെ മാസി​കാ​റൂ​ട്ടി​ലു​ള്ള​വരെ ക്രമമാ​യി സന്ദർശി​ക്കവേ, അവരുടെ താത്‌പ​ര്യ​ങ്ങൾ എന്തൊ​ക്കെ​യാ​ണെന്ന്‌ നമുക്കു നന്നായി മനസ്സി​ലാ​കും. കാലാ​ന്ത​ര​ത്തിൽ, മാസി​ക​ക​ളി​ലെ ഏതെങ്കി​ലും ഒരു ലേഖനം ആവശ്യം ലഘുപ​ത്രിക ഉപയോ​ഗിച്ച്‌ ഒരു ബൈബി​ള​ധ്യ​യനം തുടങ്ങാ​നുള്ള ചവിട്ടു​പ​ടി​യാ​യി വർത്തി​ച്ചേ​ക്കാം. പിന്നീട്‌ വീട്ടു​കാ​രന്‌ മാസി​കകൾ നൽകാ​നാ​യി നാം സന്ദർശ​നങ്ങൾ നടത്തു​മ്പോൾ ആവശ്യം ലഘുപ​ത്രി​ക​യിൽനി​ന്നുള്ള ചർച്ചകൾ തുടരാൻ കഴി​ഞ്ഞേ​ക്കും.

⁴ പ്രാർഥനാപൂർവകമായ ശ്രമം ആവശ്യം: പ്രാർഥ​ന​യും അതോ​ടൊ​പ്പ​മുള്ള ഉത്സാഹ​ത്തോ​ടു​കൂ​ടിയ ശ്രമവും നമ്മുടെ പ്രസം​ഗ​വേ​ലയെ ഊർജി​ത​പ്പെ​ടു​ത്തും. ഒരു ബൈബി​ള​ധ്യ​യനം മാത്രം ഉണ്ടായി​രുന്ന ഒരു പയനിയർ സഹോ​ദരി കൂടുതൽ ബൈബി​ള​ധ്യ​യ​നങ്ങൾ നൽകി തന്നെ അനു​ഗ്ര​ഹി​ക്ക​ണ​മെന്ന്‌ യഹോ​വ​യോ​ടു പ്രാർഥി​ച്ചു. പ്രാർഥ​ന​യ്‌ക്കു ചേർച്ച​യിൽ അവൾ അതിനു വേണ്ടി ശ്രമി​ക്കു​ക​യും ചെയ്‌തു. അവൾ തന്റെ ശുശ്രൂ​ഷയെ വിലയി​രു​ത്തി, മടക്കസ​ന്ദർശ​നങ്ങൾ നടത്തു​മ്പോൾ താൻ ബൈബി​ള​ധ്യ​യ​നങ്ങൾ വാഗ്‌ദാ​നം ചെയ്യു​ന്നി​ല്ലെന്ന്‌ അവൾ മനസ്സി​ലാ​ക്കി. എന്നാൽ അങ്ങനെ ചെയ്യാൻ തുടങ്ങി​യ​പ്പോൾ താമസി​യാ​തെ അവൾക്ക്‌ രണ്ട്‌ അധ്യയ​നങ്ങൾ കൂടെ ലഭിച്ചു.

⁵ ‘ദൈവ​കൃ​പ​യു​ടെ സുവി​ശേഷം’ ഘോഷി​ക്കുക എന്ന എത്ര മഹത്തായ പദവി​യാണ്‌ നമുക്കു​ള്ളത്‌! (പ്രവൃ. 20:24) ദൈവ​ത്തി​ന്റെ കരുണ​യ്‌ക്കുള്ള നന്ദി, യഹോ​വ​യു​ടെ അനർഹ​ദ​യ​യിൽനി​ന്നു പ്രയോ​ജനം നേടാൻ മറ്റുള്ള​വരെ സഹായി​ക്കു​ന്ന​തിൽ ഉത്സാഹം ഉള്ളവരാ​യി​രി​ക്കാൻ നമ്മെ പ്രചോ​ദി​പ്പി​ക്കു​മാ​റാ​കട്ടെ.