സുവാർത്ത ഭരമേൽപ്പി​ക്ക​പ്പെ​ട്ടി​രി​ക്കു​ന്നു

¹ ദൈവത്തിന്റെ സുവാർത്ത ഭരമേൽപ്പി​ക്ക​പ്പെ​ട്ടി​രി​ക്കു​ന്നവർ എന്ന നിലയിൽ നമുക്ക്‌ എത്ര വലിയ പദവി​യാ​ണു​ള്ളത്‌! (1 തെസ്സ. 2:4) ചിലർ ഈ ശക്തമായ സന്ദേശ​ത്തി​നു​നേരെ പുറം തിരി​ച്ചേ​ക്കാ​മെ​ങ്കി​ലും, ഹൃദ്യ​മായ പരിമ​ള​ത്തി​ലേക്ക്‌ എന്നപോ​ലെ പരമാർഥ​ഹൃ​ദ​യ​രായ ആളുകൾ അതി​ലേക്ക്‌ ആകർഷി​ക്ക​പ്പെ​ടു​ന്നു. (2 കൊരി. 2:14-16) സുവാർത്ത കേട്ട്‌ അനുസ​രി​ക്കു​ന്ന​വർക്ക്‌ അത്‌ രക്ഷയെ അർഥമാ​ക്കു​ന്നു. (റോമ. 1:16) സുവാർത്ത ഭരമേൽപ്പി​ക്ക​പ്പെ​ട്ടി​രി​ക്കു​ന്നവർ എന്ന നിലയിൽ നാം എന്തു ചെയ്യണം?

² യേശുവും അപ്പൊ​സ്‌ത​ല​ന്മാ​രും: യേശു സുവാർത്താ ഘോഷ​ണത്തെ ജീവി​ത​ത്തിൽ ഒന്നാമതു വെച്ചു. (ലൂക്കൊ. 4:18, 43) ക്ഷീണി​ച്ചും വിശന്നും ഇരുന്ന​പ്പോൾപ്പോ​ലും സുവാർത്ത പങ്കു​വെ​ക്കാൻ ആളുക​ളോ​ടുള്ള സ്‌നേ​ഹ​വും സന്ദേശ​ത്തോ​ടുള്ള വിലമ​തി​പ്പും അവനെ പ്രചോ​ദി​പ്പി​ച്ചു. (മർക്കൊ. 6:30-34) തന്റെ വാക്കി​നാ​ലും പ്രവൃ​ത്തി​യാ​ലും അവൻ ശിഷ്യ​ന്മാ​രു​ടെ മനസ്സിൽ രാജ്യ പ്രസംഗ വേലയു​ടെ പ്രാധാ​ന്യം ആഴത്തിൽ പതിപ്പി​ച്ചു.—മത്താ. 28:18-20; മർക്കൊ. 13:10.

³ യേശുവിനെ അനുക​രി​ച്ചു​കൊണ്ട്‌ അപ്പൊ​സ്‌ത​ല​ന്മാ​രും സതീക്ഷ്‌ണം രാജ്യ​സ​ന്ദേശം ഘോഷി​ച്ചു. അവരെ അടിച്ചിട്ട്‌ പ്രസംഗ പ്രവർത്തനം നിറു​ത്താൻ കൽപ്പി​ച്ച​പ്പോൾ പോലും ‘അവർ വിടാതെ ഉപദേ​ശി​ക്ക​യും സുവി​ശേ​ഷി​ക്ക​യും ചെയ്‌തു​കൊ​ണ്ടി​രു​ന്നു.’ (പ്രവൃ. 5:40-42) അപ്പൊ​സ്‌ത​ല​നായ പൗലൊസ്‌ ഈ വേലയിൽ അക്ഷീണം പ്രയത്‌നി​ച്ചു. (1 കൊരി. 15:9, 10; കൊലൊ. 1:29) സുവാർത്ത പങ്കു​വെ​ക്കാ​നുള്ള പദവിയെ സഹമനു​ഷ്യ​രോ​ടു തനിക്കുള്ള ഒരു കടത്തോ​ടാണ്‌ അവൻ ഉപമി​ച്ചത്‌. അതു നിറ​വേ​റ്റാ​നാ​യി തന്റെ വ്യക്തി​പ​ര​മായ സൗകര്യ​ങ്ങൾ വേണ്ടെന്നു വെക്കാൻ അവൻ സന്നദ്ധനാ​യി​രു​ന്നു.—പ്രവൃ. 20:24; റോമ. 1:14-16.

⁴ ഇന്നത്തെ നമ്മുടെ പദവി: നമ്മെ ഭരമേൽപ്പി​ച്ചി​രി​ക്കുന്ന പാവന നിയോ​ഗ​ത്തോ​ടുള്ള വിലമ​തിപ്പ്‌, പ്രസം​ഗ​വേ​ല​യിൽ നമ്മുടെ പങ്ക്‌ വർധി​പ്പി​ക്കാ​നുള്ള വഴികൾ തേടാൻ നമ്മെ പ്രചോ​ദി​പ്പി​ക്കും. (റോമ. 15:15) വീൽച്ചെ​യ​റിൽ കഴിഞ്ഞു​കൂ​ടി​യി​രുന്ന എഡ്വാർഡ്‌ ഒരു ഹോട്ട​ലി​ന്റെ കവാട​ത്തിൽ ഇരുന്ന്‌, അവിടെ താമസി​ക്കു​ന്ന​വ​രോട്‌ തന്റെ വിശ്വാ​സ​ത്തെ​പ്പറ്റി സംസാ​രി​ക്കു​മാ​യി​രു​ന്നു. എന്നിരു​ന്നാ​ലും, കൂടുതൽ ചെയ്യാ​നുള്ള ആഗ്രഹം നിമിത്തം ഒരു പിക്ക്‌-അപ്‌ ട്രക്കിൽ പ്രത്യേക കാബിൻ നിർമിച്ച്‌ അതിൽ ആയിര​ക്ക​ണ​ക്കിന്‌ കിലോ​മീ​റ്റർ യാത്ര​ചെ​യ്‌ത്‌ വർഷങ്ങ​ളോ​ളം അദ്ദേഹം പയനി​യ​റിങ്‌ ചെയ്‌തു. ഇന്ന്‌ അനേകം ആളുകൾ സുവാർത്ത പ്രചരി​പ്പി​ക്കു​ന്ന​തിൽ തങ്ങളുടെ പങ്ക്‌ വർധി​പ്പി​ക്കാ​നാ​യി എഡ്വാർഡി​നെ​പ്പോ​ലെ തങ്ങളുടെ സാഹച​ര്യ​ങ്ങൾക്ക്‌ പൊരു​ത്ത​പ്പെ​ടു​ത്ത​ലു​കൾ വരുത്തി​യി​ട്ടുണ്ട്‌.

⁵ യേശുവിനെയും അപ്പൊ​സ്‌ത​ല​ന്മാ​രെ​യും അനുക​രി​ച്ചു​കൊണ്ട്‌ നമുക്കും പ്രസം​ഗ​വേ​ല​യ്‌ക്ക്‌ ജീവി​ത​ത്തിൽ എല്ലായ്‌പോ​ഴും ഒന്നാം സ്ഥാനം നൽകാം. അങ്ങനെ ചെയ്യു​മ്പോൾ, ആളുക​ളോ​ടുള്ള നമ്മുടെ സ്‌നേ​ഹ​വും നമ്മെ ഭരമേൽപ്പി​ച്ചി​രി​ക്കുന്ന സുവാർത്ത​യോ​ടുള്ള വിലമ​തി​പ്പും നാം പ്രകട​മാ​ക്കു​ക​യാ​യി​രി​ക്കും.