ആത്മീയ​മാ​യി ശക്തമായ കുടും​ബങ്ങൾ—എങ്ങനെ?

¹ ‘സ്വന്തകു​ടും​ബ​ത്തിൽ ഭക്തി കാണി​ക്കു​ന്ന​തി​നെ’ പ്രതി ക്രിസ്‌തീയ കുടും​ബങ്ങൾ പ്രശംസ അർഹി​ക്കു​ന്നു. (1 തിമൊ. 5:4) എന്നാൽ, നമ്മുടെ വിശ്വാ​സത്തെ ദുർബ​ല​പ്പെ​ടു​ത്തി​യേ​ക്കാ​വുന്ന മോശ​മായ ധാരാളം സ്വാധീ​നങ്ങൾ നമുക്കു ചുറ്റും ഉള്ളതി​നാൽ ആത്മീയ​മാ​യി ബലിഷ്‌ഠ​മാ​യി നില​കൊ​ള്ളാൻ കുടും​ബങ്ങൾ കഠിന​ശ്രമം ചെയ്യേ​ണ്ടത്‌ അത്യന്താ​പേ​ക്ഷി​ത​മാണ്‌. അത്‌ എങ്ങനെ സാധി​ക്കും?

² ക്രിസ്‌തു​സ​മാന ശിരഃ​സ്ഥാ​നം പ്രയോ​ഗി​ക്കുക: തങ്ങളുടെ കുടും​ബ​ങ്ങളെ ബലപ്പെ​ടു​ത്താ​നുള്ള ഉത്തരവാ​ദി​ത്വം വഹിക്കുന്ന കുടും​ബ​ത്ത​ല​വ​ന്മാർ അതു ചെയ്യു​ന്ന​തിൽ യേശു​വി​നെ അനുക​രി​ക്കേ​ണ്ട​തുണ്ട്‌. തന്റെ ബലിമ​ര​ണ​ത്തി​ലൂ​ടെ യേശു ഒരിക്ക​ലാ​യി നമ്മോടു സ്‌നേഹം പ്രകടി​പ്പി​ച്ച​തി​നെ​ക്കാൾ ഉപരി അവൻ ക്രിസ്‌തീയ സഭയെ തുടർച്ച​യാ​യി ‘പോറ്റി​പ്പു​ലർത്തി’ക്കൊണ്ടി​രി​ക്കു​ന്നു. (എഫെ. 5:25-29) തങ്ങളുടെ കുടും​ബ​ത്തി​ന്റെ ദൈനം​ദിന ആത്മീയ ആവശ്യ​ങ്ങൾക്കു ശ്രദ്ധ കൊടു​ത്തു​കൊണ്ട്‌ സ്‌നേ​ഹ​മുള്ള മാതാ​പി​താ​ക്കൾ ആർദ്ര​പ​രി​പാ​ല​ന​ത്തി​ന്റെ ഈ മാതൃക പിൻപ​റ്റു​ന്നു. അതിൽ, ആഴ്‌ച​തോ​റും ബൈബിൾ അധ്യയ​നങ്ങൾ നടത്തു​ന്ന​തും സാധ്യ​മാ​കു​മ്പോ​ഴൊ​ക്കെ പ്രയോ​ജ​ന​പ്ര​ദ​മായ ആത്മീയ ചർച്ചകൾ നടത്തു​ന്ന​തും പ്രശ്‌നങ്ങൾ ഉയർന്നു​വ​രു​മ്പോൾ അവ പരിഹ​രി​ക്കു​ന്ന​തും ഉൾപ്പെ​ടു​ന്നു.—ആവ. 6:6, 7.

³ വയൽ ശുശ്രൂ​ഷ​യിൽ: യഹോ​വ​യെ​യും അവന്റെ ഉദ്ദേശ്യ​ങ്ങ​ളെ​യും കുറിച്ചു മറ്റുള്ള​വ​രോ​ടു സാക്ഷീ​ക​രി​ക്കു​ന്നത്‌ തങ്ങളുടെ ആരാധ​ന​യു​ടെ പ്രമുഖ വശമാ​ണെന്ന കാര്യം എല്ലാ കുടും​ബാം​ഗ​ങ്ങ​ളും മനസ്സി​ലാ​ക്കണം. (യെശ. 43:10-12) നിങ്ങളു​ടെ മക്കൾ യഹോ​വ​യു​ടെ വിശ്വസ്‌ത സാക്ഷി​ക​ളാ​യി​രി​ക്കാൻ മാതാ​പി​താ​ക്ക​ളായ നിങ്ങൾ ആഗ്രഹി​ക്കു​ന്നെ​ങ്കിൽ, വളരെ നേര​ത്തേ​തന്നെ നിങ്ങൾ അവരുടെ ഹൃദയത്തെ ശുശ്രൂ​ഷയ്‌ക്കാ​യി ഒരുക്കി​ത്തു​ട​ങ്ങണം. സേവന​ത്തിൽ ആത്മത്യാഗ മനോ​ഭാ​വം ഉണ്ടായി​രി​ക്കേ​ണ്ട​തി​ന്റെ​യും അതിൽ വാരം​തോ​റും ഏർപ്പെ​ടേ​ണ്ട​തി​ന്റെ​യും കാരണങ്ങൾ ചർച്ച ചെയ്യുക. (മത്താ. 22:37-39) തുടർന്ന്‌, അവർക്കു നിങ്ങ​ളോ​ടൊ​പ്പം വയൽ ശുശ്രൂ​ഷ​യിൽ ക്രമമാ​യി പങ്കെടു​ക്കാ​നുള്ള ക്രമീ​ക​ര​ണങ്ങൾ ചെയ്യുക.

⁴ വാരം​തോ​റു​മുള്ള കുടുംബ അധ്യയന വേളക​ളിൽ, ഫലകര​മായ അവതര​ണങ്ങൾ തയ്യാറാ​കാ​നും പരിശീ​ലി​ക്കാ​നു​മാ​യി സമയം മാറ്റി​വെ​ച്ചു​കൊണ്ട്‌ പ്രസം​ഗ​വേ​ല​യോ​ടുള്ള വിലമ​തി​പ്പു വർധി​പ്പി​ക്കുക. ശുശ്രൂ​ഷ​യിൽ നിങ്ങളു​ടെ കുട്ടി​കൾക്കു വ്യക്തി​ഗ​ത​മായ സഹായം നൽകുക. അങ്ങനെ, അവരുടെ പ്രായ​ത്തി​നും കഴിവി​നും അനുസൃ​ത​മായ പുരോ​ഗതി വരുത്താൻ അവരെ സഹായി​ക്കുക. സേവന​ത്തിൽ ഒരുമി​ച്ചു പങ്കെടുത്ത ശേഷം, അവർ യഹോ​വ​യു​ടെ നന്മ നേരിട്ടു കണ്ടതെ​ങ്ങ​നെ​യെന്നു ചർച്ച ചെയ്യുക. വിശ്വാ​സത്തെ ബലപ്പെ​ടു​ത്തുന്ന അനുഭ​വങ്ങൾ പങ്കു​വെ​ക്കുക. ‘കർത്താവു നല്ലവനാ​ണെന്നു’ കുടും​ബങ്ങൾ എത്ര​ത്തോ​ളം ‘അനുഭ​വി​ച്ച​റി​യു​ന്നു​വോ’ “എല്ലാ തിന്മ”യെയും ചെറു​ക്കാൻ തക്കവിധം ശക്തി പ്രാപി​ച്ചു​കൊണ്ട്‌ അവർ യഹോ​വ​യോട്‌ അത്ര​ത്തോ​ളം അടുത്തു​വ​രും.—1 പത്രൊ. 2:1-3, പി. ഒ. സി. ബൈബിൾ.

⁵ യോഗ​ങ്ങ​ളിൽ: കുടും​ബാം​ഗങ്ങൾ എല്ലാവ​രും എല്ലാ സഭാ​യോ​ഗ​ങ്ങൾക്കും ഹാജരാ​കാൻ തക്കവിധം അവർ പരസ്‌പരം സഹായി​ക്കു​ന്നത്‌ എത്ര നല്ലതാണ്‌. കുടും​ബ​ത്തി​ലെ ഒരംഗ​ത്തി​നു ക്ഷീണമോ നിരു​ത്സാ​ഹ​മോ മടുപ്പോ തോന്നു​ന്നെ​ങ്കിൽ ഇതു വിശേ​ഷാൽ സത്യമാണ്‌. ഒരു യുവസ​ഹോ​ദരി പറയുന്നു: “പിതാവ്‌ ജോലി കഴിഞ്ഞു ക്ഷീണി​ച്ചാ​ണു വീട്ടിൽ വരുക. എങ്കിലും, അന്നു വൈകു​ന്നേരം യോഗ​ത്തിൽ ചർച്ച ചെയ്യാൻ പോകുന്ന ഒരാശയം ഞാൻ അദ്ദേഹ​വു​മാ​യി പങ്കു​വെ​ക്കാ​റുണ്ട്‌. അത്‌ യോഗ​ത്തി​നു പോകാൻ അദ്ദേഹത്തെ പ്രേരി​പ്പി​ക്കു​ന്നു. എനിക്കു ക്ഷീണം അനുഭ​വ​പ്പെ​ടു​മ്പോൾ യോഗ​ത്തി​നു പോകാ​നാ​യി പിതാവ്‌ എന്നെ പ്രോ​ത്സാ​ഹി​പ്പി​ക്കു​ന്നു.”—എബ്രാ. 10:24, 25.

⁶ കാര്യങ്ങൾ ഒത്തൊ​രു​മി​ച്ചു ചെയ്യുക: വീട്ടു​ജോ​ലി​കൾ പോലുള്ള കാര്യങ്ങൾ കുടും​ബാം​ഗങ്ങൾ ഒത്തൊ​രു​മി​ച്ചു ചെയ്യണം. നല്ല വിനോ​ദ​പ​രി​പാ​ടി​കൾക്കാ​യും സമയം നീക്കി​വെ​ക്കണം. പിക്ക്‌നി​ക്കി​നു പോകു​ന്ന​തും നടക്കാൻ പോകു​ന്ന​തും കളിക​ളിൽ ഏർപ്പെ​ടു​ന്ന​തും കുടും​ബാം​ഗ​ങ്ങ​ളെ​യോ സുഹൃ​ത്തു​ക്ക​ളെ​യോ സന്ദർശി​ക്കാൻ യാത്ര ചെയ്യു​ന്ന​തും പിന്നീട്‌ ഓർമി​ക്കാൻ കഴിയുന്ന സന്തോ​ഷ​ക​ര​മായ വേളകൾക്കും അനർഘ​നി​മി​ഷ​ങ്ങൾക്കു​മുള്ള അവസരം പ്രദാനം ചെയ്യുന്നു.—സഭാ. 3:4.

⁷ ആത്മീയ​ത​യ്‌ക്കു നേരെ ദൈനം​ദി​നം ഉയർന്നു​വ​രുന്ന ഏതു വെല്ലു​വി​ളി​ക​ളെ​യും ആത്മീയ​മാ​യി ശക്തമായ കുടും​ബങ്ങൾ അതിജീ​വി​ക്കു​ന്നു. യഹോ​വ​യോ​ടു കൂടുതൽ അടുത്തു​വ​ന്നു​കൊണ്ട്‌ അവൻ പ്രദാനം ചെയ്യുന്ന ശക്തി അവർ അനുഭ​വി​ച്ച​റി​യു​ന്നു.—എഫെ. 6:10.