രാജ്യ​പ്ര​സം​ഗം ജീവര​ക്ഷാ​കരം!

¹ ഇന്ന്‌ ലോകത്തു നടക്കുന്ന ഏറ്റവും പ്രധാ​ന​പ്പെട്ട വേലയാണ്‌ അത്‌. യഹോ​വ​യും യേശു​ക്രിസ്‌തു​വും അസംഖ്യം ദൂതന്മാ​രും ആ വേലയിൽ ശ്രദ്ധ കേന്ദ്രീ​ക​രി​ച്ചി​രി​ക്കു​ന്നു. ഏതാണ്‌ ആ വേല? എന്തു​കൊ​ണ്ടാണ്‌ അത്‌ അടിയ​ന്തി​ര​മാ​യി​രി​ക്കു​ന്നത്‌? അതു രാജ്യ​പ്ര​സംഗ വേലയാണ്‌. ജീവര​ക്ഷാ​ക​ര​മായ ഒന്ന്‌!—റോമ. 1:16; 10:13, 14.

² ചുറ്റു​മുള്ള ലോകത്തെ നന്നാക്കാൻ ശ്രമി​ക്കു​ന്ന​താണ്‌ മറ്റുള്ള​വരെ സേവി​ക്കു​ന്ന​തി​നുള്ള മെച്ചപ്പെട്ട മാർഗ​മെന്നു ചിലർ കരുതി​യേ​ക്കാം. അനേകർ സമാധാ​നം കൈവ​രു​ത്താ​നോ രോഗങ്ങൾ സുഖ​പ്പെ​ടു​ത്താ​നോ സമ്പദ്‌വ്യ​വസ്ഥ മെച്ച​പ്പെ​ടു​ത്താ​നോ ഉള്ള ശ്രമങ്ങ​ളിൽ മുഴു​കി​യി​രി​ക്കു​ന്നു. എന്നാൽ ആളുകൾക്ക്‌ ഏറ്റവും സഹായ​ക​മാ​യത്‌ എന്താണ്‌?

³ ഒരു സുപ്ര​ധാന വേല: ജീവി​ത​ത്തി​ന്റെ ഉദ്ദേശ്യം, മനുഷ്യൻ കഷ്ടപ്പാട്‌ അനുഭ​വി​ക്കു​ന്ന​തി​ന്റെ കാരണം, ഭാവി സംബന്ധിച്ച ആശ്രയ​യോ​ഗ്യ​മായ ഏക പ്രത്യാശ എന്നിവയെ കുറിച്ച്‌ രാജ്യ​സ​ന്ദേശം മാത്രമേ വിശദീ​ക​രി​ക്കു​ന്നു​ള്ളൂ. യഹോ​വ​യു​ടെ സ്‌നേ​ഹി​തർ ആയിത്തീ​രാ​നും “സകലബു​ദ്ധി​യേ​യും കവിയുന്ന ദൈവ​സ​മാ​ധാ​നം” സ്വീക​രി​ക്കാ​നും സുവാർത്ത ആളുകളെ പ്രാപ്‌ത​രാ​ക്കു​ന്നു. (ഫിലി. 4:7) ജീവിത പ്രശ്‌ന​ങ്ങളെ ഇപ്പോൾ വിജയ​ക​ര​മാ​യി തരണം ചെയ്യാ​നു​ത​കുന്ന പ്രാ​യോ​ഗിക മാർഗ​നിർദേശം നൽകു​ക​യും ഭാവി​യിൽ ഈ ദുഷ്ട ലോകം നശിപ്പി​ക്ക​പ്പെ​ടു​മ്പോൾ എങ്ങനെ അതിജീ​വി​ക്കാ​മെന്നു വിശദീ​ക​രി​ക്കു​ക​യും ചെയ്യു​ന്നത്‌ രാജ്യ​സ​ന്ദേശം മാത്ര​മാണ്‌. (1 യോഹ. 2:17) അതു​കൊണ്ട്‌, രാജ്യ പ്രസം​ഗ​ത്തി​നാ​യി സകല ശ്രമവും ചെയ്യു​ന്നതു മൂല്യ​വ​ത്തല്ലേ?

⁴ ഉദാഹ​ര​ണ​ത്തിന്‌, താമസി​യാ​തെ പൊട്ടി​യൊ​ഴു​കി നാശം വിതയ്‌ക്കാൻ പോകുന്ന ഒരു അണക്കെ​ട്ടി​നു താഴ്‌ഭാ​ഗത്ത്‌ ഉറക്കത്തി​ലാ​യി​രി​ക്കുന്ന ഗ്രാമ​വാ​സി​കളെ സഹായി​ക്കാ​നുള്ള മെച്ചപ്പെട്ട വിധം എന്തായി​രി​ക്കും? ദുർബ​ല​മാ​യി​ക്കൊ​ണ്ടി​രി​ക്കുന്ന അണക്കെ​ട്ടി​ലെ വെള്ളം കോരി​ക്ക​ള​യു​ന്ന​താ​ണോ? നശിക്കാൻ പോകുന്ന ആ ഗ്രാമത്തെ മോടി​പി​ടി​പ്പി​ക്കു​ന്ന​താ​ണോ? അല്ല! പകരം, നാം ഗ്രാമ​വാ​സി​കളെ വിളി​ച്ചു​ണർത്തണം, സംഭവി​ക്കാൻ പോകുന്ന വിപത്തി​നെ കുറിച്ച്‌ അവർക്കു മുന്നറി​യി​പ്പു കൊടു​ക്കണം, രക്ഷപ്പെ​ടാൻ അവരെ സഹായി​ക്കണം! ഇന്ന്‌ ആത്മീയ​മാ​യി ഉറങ്ങു​ന്ന​വ​രും വളരെ അപകട​ക​ര​മായ സാഹച​ര്യ​ത്തി​ലാണ്‌. (ലൂക്കൊ. 21:34-36) ഈ വ്യവസ്ഥി​തി താമസി​യാ​തെ നീങ്ങി​പ്പോ​കു​മെ​ന്ന​തി​നാൽ, നമുക്കു വളരെ അടിയ​ന്തി​ര​ത​യോ​ടെ സാധി​ക്കു​ന്ന​വ​രോ​ടെ​ല്ലാം സുവാർത്ത പ്രസം​ഗി​ക്കാൻ ശ്രമി​ക്കാം.—2 തിമൊ. 4:2; 2 പത്രൊ. 3:11, 12.

⁵ ഈ വേലയിൽ സ്ഥിരോ​ത്സാ​ഹം കാട്ടുക: ആത്മാർഥ​ഹൃ​ദ​യ​രായ കൂടുതൽ ആളുക​ളു​ടെ പക്കൽ സുവാർത്ത എത്തിക്കാ​നുള്ള മാർഗങ്ങൾ സംബന്ധിച്ച്‌ നമുക്കു ശ്രദ്ധാ​ലു​ക്ക​ളാ​യി​രി​ക്കാം. വീടു​തോ​റും സന്ദർശി​ച്ചും തെരു​വിൽവെ​ച്ചും ടെലി​ഫോൺ മുഖാ​ന്ത​ര​വും അനൗപ​ചാ​രി​ക​മാ​യു​മൊ​ക്കെ നമുക്കു സാക്ഷീ​ക​രി​ക്കാൻ കഴിയും. യഹോവ നൽകി​യി​രി​ക്കു​ന്നത്‌ നമുക്കു ചെയ്യാൻ കഴിയുന്ന അതി​പ്ര​ധാ​ന​വേ​ല​യാണ്‌. നാം തീക്ഷ്‌ണ​ത​യോ​ടെ ചെയ്യു​ന്ന​പക്ഷം അത്‌ ‘നമ്മു​ടെ​യും നമ്മെ ശ്രദ്ധി​ക്കു​ന്ന​വ​രു​ടെ​യും രക്ഷയിൽ’ കലാശി​ക്കും.’—1 തിമൊ. 4:16.