നമു​ക്കെ​ല്ലാം യഹോ​വ​യെ​യും അവന്റെ പുത്ര​നെ​യും ബഹുമാ​നി​ക്കാം

ഏപ്രിൽ 8-ന്‌ സ്‌മാ​ര​ക​ത്തി​നു ഹാജരാ​കുന്ന എല്ലാവർക്കും അതിൽനി​ന്നു പൂർണ പ്രയോ​ജനം നേടാ​നാ​കുന്ന വിധം

¹ ഇന്ന്‌ ആളുകൾ ആർക്കാണു പ്രത്യേക ബഹുമതി നൽകു​ന്നത്‌? ലോക​ത്തി​ന്റെ ആദരവു പിടി​ച്ചു​പ​റ്റു​ന്ന​തരം നേട്ടങ്ങൾ കൈവ​രി​ച്ചി​രി​ക്കു​ന്ന​വർക്ക്‌. എന്നിരു​ന്നാ​ലും, മിക്ക​പ്പോ​ഴും അവരുടെ നേട്ടങ്ങൾ അഥവാ പ്രവൃ​ത്തി​കൾ പെട്ടെ​ന്നു​തന്നെ വിസ്‌മ​രി​ക്ക​പ്പെ​ടു​ന്നു. എന്നാൽ, മുഴു​മ​നു​ഷ്യ​വർഗ​ത്തി​നും യഥാർഥ പ്രയോ​ജനം ചെയ്യുന്ന പ്രവൃ​ത്തി​ക​ളു​ടെ കാര്യ​മോ? 2001 ഏപ്രിൽ 8-ന്‌ സൂര്യാ​സ്‌തമയ ശേഷം കർത്താ​വി​ന്റെ സന്ധ്യാ​ഭ​ക്ഷണം ആഘോ​ഷി​ക്കവേ നാം അവയിൽ ഏറ്റവും ശ്രേഷ്‌ഠ​മാ​യ​തിന്‌ അടുത്ത ശ്രദ്ധ നൽകും.

² പരമോന്നത ബഹുമ​തി​ക്കു യോഗ്യൻ ആരാണ്‌? ബൈബിൾ ഉത്തരം നൽകുന്നു: ‘കർത്താവേ [യഹോവേ], നീ സർവ്വവും സൃഷ്ടി​ച്ചവൻ . . . ആകയാൽ മഹത്വ​വും ബഹുമാ​ന​വും ശക്തിയും കൈ​ക്കൊൾവാൻ യോഗ്യൻ.’ (വെളി. 4:11) സ്രഷ്ടാവ്‌ എന്നനി​ല​യിൽ യഹോ​വ​യാണ്‌ അഖിലാ​ണ്ഡ​ത്തി​ന്റെ പരമാ​ധി​കാര ഭരണാ​ധി​പൻ. ബഹുമാ​നി​ക്ക​പ്പെ​ടാ​നുള്ള അവന്റെ യോഗ്യത ഒരിക്ക​ലും ഇല്ലാതാ​കു​ക​യില്ല!—1 തിമൊ. 1:17.

³ മനുഷ്യവർഗത്തിനു നിത്യാ​നു​ഗ്ര​ഹങ്ങൾ കൈവ​രു​ത്തുന്ന മൂല്യ​വ​ത്തായ പ്രവൃ​ത്തി​കൾ ദൈവ​പു​ത്ര​നായ യേശു നിർവ​ഹി​ക്കു​ക​യു​ണ്ടാ​യി. അവൻ തന്റെ പിതാ​വി​നെ പൂർണ​മാ​യി അനുക​രി​ച്ചു. (യോഹ. 5:19) അവന്റെ കറതീർന്ന അനുസ​ര​ണ​വും വിശ്വസ്‌ത സേവന​വും അവനെ “ശക്തിയും ധനവും ജ്ഞാനവും ബലവും ബഹുമാ​ന​വും മഹത്വ​വും സ്‌തോ​ത്ര​വും ലഭിപ്പാൻ യോഗ്യൻ” ആക്കിത്തീർത്തു. (വെളി. 5:12) രാജാ​വാ​യി അവരോ​ധി​ച്ചു​കൊണ്ട്‌ പിതാവ്‌ അവനെ ബഹുമാ​നി​ച്ചു. (സങ്കീ. 2:6-8) നമ്മെ സംബന്ധി​ച്ചി​ട​ത്തോ​ളം, 2001 ഏപ്രിൽ 8-ന്‌ കർത്താ​വി​ന്റെ സന്ധ്യാ​ഭ​ക്ഷണം ആഘോ​ഷി​ക്കവേ പിതാ​വി​നെ​യും പുത്ര​നെ​യും ബഹുമാ​നി​ക്കാ​നുള്ള അവസര​മു​ണ്ടാ​യി​രി​ക്കും.

⁴ ദുഃഖകരമെന്നു പറയട്ടെ, മനുഷ്യ​ച​രി​ത്ര​ത്തിൽ താരത​മ്യേന ചുരുക്കം ചിലരേ യഹോ​വ​യ്‌ക്കും അവന്റെ പുത്ര​നും അർഹമായ ബഹുമാ​നം നൽകി​യി​ട്ടു​ള്ളൂ. ചില​പ്പോ​ഴൊ​ക്കെ ദൈവ​ത്തി​ന്റെ പുരാതന ജനമായ ഇസ്രാ​യേ​ല്യർ പോലും യഹോ​വ​യ്‌ക്കു നാമമാ​ത്ര സേവന​മാണ്‌ അർപ്പി​ച്ചി​രു​ന്നത്‌. അത്‌ അങ്ങേയ​റ്റത്തെ അനാദ​ര​വാ​യി​രു​ന്നു. (മലാ. 1:6) ഉചിത​മായ ആദരവ്‌, സ്‌നേ​ഹ​ത്തി​ലും അതു​പോ​ലെ​തന്നെ യഹോ​വ​യും അവന്റെ പുത്ര​നും നമുക്കാ​യി ചെയ്‌ത സകലത്തി​നോ​ടു​മുള്ള വിലമ​തി​പ്പി​ലും അധിഷ്‌ഠി​ത​മായ വിശ്വസ്‌ത അനുസ​രണം ആവശ്യ​മാ​ക്കി​ത്തീർക്കു​ന്നു. അത്തരം ബഹുമാ​ന​വും ആദരവും നൽകു​ന്ന​തിൽ, നമ്മുടെ എല്ലാ വഴിക​ളി​ലും യഹോ​വ​യെ​യും യേശു​വി​നെ​യും അംഗീ​ക​രി​ച്ചു​കൊണ്ട്‌ നാം ദൈവ​ഭ​യ​വും ഭക്ത്യാ​ദ​ര​വും പ്രകട​മാ​ക്കു​ന്നത്‌ ഉൾപ്പെ​ടു​ന്നു. അങ്ങനെ ചെയ്യാൻ മറ്റുള്ള​വരെ പഠിപ്പി​ക്കാ​നും സഹായി​ക്കാ​നും ക്രിസ്‌തീയ സഭ യത്‌നി​ക്കു​ന്നു.

⁵ ബഹുമാനം കാണി​ക്കു​ന്ന​തി​നുള്ള ഒരു പ്രത്യേക അവസരം: യഹോ​വ​യു​ടെ ജനത്തിന്റെ ഏറ്റവും പ്രധാ​ന​പ്പെട്ട കൂടി​വ​ര​വാണ്‌ വർഷം​തോ​റു​മുള്ള സ്‌മാരക ആഘോഷം. യഹോ​വയെ സേവി​ക്കാ​നും ബഹുമാ​നി​ക്കാ​നും ആഗ്രഹി​ക്കുന്ന ഏവരും അതിനു ഹാജരാ​യി​രി​ക്കണം. (ലൂക്കൊ. 22:19) 60 ലക്ഷം സജീവ സാക്ഷി​കളെ കൂടാതെ താത്‌പ​ര്യ​ക്കാ​രും ഹാജരാ​കു​ന്ന​തി​നാൽ, മൊത്തം ഹാജർ 1 കോടി 40 ലക്ഷത്തി​ലും അധികം വരു​മെന്നു പ്രതീ​ക്ഷി​ക്ക​പ്പെ​ടു​ന്നു. നമ്മുടെ സ്വർഗീയ പിതാ​വി​നെ ബഹുമാ​നി​ക്കു​ന്ന​തി​നുള്ള എത്ര നല്ല അവസരം! ആഘോഷം യേശു​വിൽ ശ്രദ്ധ കേന്ദ്രീ​ക​രി​ക്കവേ, അവൻ ചെയ്‌ത​തി​നോ​ടുള്ള ബഹുമാ​ന​വും ആദരവും അവനെ അയച്ച പിതാ​വി​നു മഹത്ത്വം കരേറ്റു​ന്നു.—യോഹ. 5:23.

⁶ ഈ പ്രത്യേക അവസര​ത്തിൽ നമുക്ക്‌ എന്തു ചെയ്യാൻ കഴിയും? പൂർണ പ്രയോ​ജനം നേടാൻ നമുക്കു പുതി​യ​വരെ സഹായി​ക്കാ​വു​ന്ന​താണ്‌. ഹാജരാ​കു​ന്ന​തിന്‌ അവരെ പ്രോ​ത്സാ​ഹി​പ്പി​ക്കുക, എത്തി​ച്ചേ​രു​ന്ന​തി​നു സഹായം ആവശ്യ​മെ​ങ്കിൽ അതു നൽകാ​മെന്നു പറയുക. പ്രസം​ഗ​ത്തി​ന്റെ ഉദ്ദേശ്യം വിശദീ​ക​രി​ക്കുക. അവരെ മറ്റുള്ള​വർക്കു പരിച​യ​പ്പെ​ടു​ത്തുക. അവർ കാണു​ന്ന​തും കേൾക്കു​ന്ന​തു​മായ കാര്യങ്ങൾ യഹോ​വയെ ബഹുമാ​നി​ക്കു​ന്ന​തിൽ നമ്മോ​ടൊ​പ്പം ചേരാൻ അവരെ പ്രേരി​പ്പി​ച്ചേ​ക്കാം.

⁷ പരിപാടിയുടെ മൂല്യത്തെ വിലകു​റച്ചു കാണരുത്‌. അതി​നോ​ടുള്ള ഒരു സർവക​ലാ​ശാല വിദ്യാർഥി​യു​ടെ പ്രതി​ക​രണം ഇതായി​രു​ന്നു: “ഞാൻ പള്ളിയിൽനി​ന്നു പല പ്രാവ​ശ്യം കുർബാന കൈ​ക്കൊ​ണ്ടി​ട്ടുണ്ട്‌, എന്നാൽ ഇതു തികച്ചും വ്യത്യ​സ്‌ത​മാണ്‌. ഇതു ബൈബിൾ പറയു​ന്നതു പോ​ലെ​തന്നെ ആണെന്നു ഞാൻ മനസ്സി​ലാ​ക്കു​ന്നു. നിങ്ങളു​ടെ പക്കലാണു സത്യമു​ള്ള​തെന്ന്‌ ഞാൻ വിചാ​രി​ക്കു​ന്നു.” ക്രമമാ​യി യോഗ​ങ്ങൾക്കു ഹാജരാ​കാൻ തുടങ്ങിയ ആ വിദ്യാർഥി താമസി​യാ​തെ സ്‌നാ​പ​ന​മേറ്റു.

⁸ പുരോഗതി പ്രാപി​ക്കാൻ പുതി​യ​വരെ സഹായി​ക്കുക: സ്‌മാ​ര​ക​ത്തി​നു ഹാജരാ​കുന്ന പുതി​യ​വരെ ശ്രദ്ധി​ക്കു​ക​യും അവർ കേൾക്കു​ക​യും കാണു​ക​യും ചെയ്‌ത നവോ​ന്മേ​ഷ​പ്ര​ദ​മായ കാര്യ​ങ്ങ​ളെ​ക്കു​റിച്ച്‌ അവലോ​കനം നടത്താൻ പെട്ടെ​ന്നു​തന്നെ അവരെ സന്ദർശി​ക്കു​ക​യും ചെയ്യുക. അവരുടെ ബൈബിൾ പരിജ്ഞാ​നം വർധി​പ്പി​ക്കാൻ ഉതകുന്ന മറ്റു യോഗ​ങ്ങ​ളെ​ക്കു​റി​ച്ചും പറയുക. പരിജ്ഞാ​നം പുസ്‌ത​ക​ത്തി​ലെ “ദൈവ​ജ​ന​ത്തി​ന്റെ ഇടയിൽ സുരക്ഷി​ത​ത്വം കണ്ടെത്തുക” എന്ന 17-ാം അധ്യായം അവരു​മൊത്ത്‌ അവലോ​കനം ചെയ്യു​ന്നത്‌, വിപു​ല​മായ അളവിൽ സഭയി​ലൂ​ടെ ലഭ്യമാ​ക്കുന്ന ആത്മീയ കരുത​ലു​ക​ളെ​ക്കു​റി​ച്ചു മനസ്സി​ലാ​ക്കാൻ അവരെ സഹായി​ക്കും. നമ്മുടെ മുഴു സഹോ​ദ​ര​വർഗ​വും എന്ന വീഡി​യോ അവരെ കാണി​ക്കാൻ ക്രമീ​ക​രണം ചെയ്യുക. യഹോ​വ​യു​ടെ ജനത്തിന്റെ ഇടയിലെ ഐക്യ​വും സന്തോ​ഷ​വും തീക്ഷ്‌ണ​ത​യും അവർ നേരിട്ടു കാണാൻ അത്‌ ഇടയാ​ക്കും!

⁹ വ്യക്തിപരമായി യഹോ​വ​യോട്‌ ബഹുമാ​ന​വും ആദരവും കാണി​ക്കാൻ കഴിയുന്ന വിധ​ത്തെ​ക്കു​റിച്ച്‌ താത്‌പ​ര്യ​ക്കാർ പഠിക്കു​ന്നതു പ്രധാ​ന​മാണ്‌. ഹൃദയം​ഗ​മ​മായ പ്രാർഥന യഹോ​വയെ പ്രസാ​ദി​പ്പി​ക്കു​ന്നു​വെ​ന്നും അത്‌ ആത്മീയ നവോ​ന്മേ​ഷ​ത്തി​ന്റെ ഒരു നിരന്തര ഉറവാ​ണെ​ന്നും വിശദീ​ക​രി​ക്കുക. (1 യോഹ. 5:14) ആവശ്യം ലഘുപ​ത്രി​ക​യു​ടെ 8-12 പാഠങ്ങൾ ഉപയോ​ഗിച്ച്‌, യഹോ​വയെ ബഹുമാ​നി​ക്കുന്ന വിധത്തി​ലുള്ള നടത്ത​യെ​ക്കു​റി​ച്ചു വിവരി​ക്കുക. യഹോ​വ​യു​ടെ സാക്ഷികൾ ലഘുപ​ത്രി​ക​യു​ടെ 30-1 പേജു​ക​ളി​ലെ വിവരങ്ങൾ ചർച്ച ചെയ്‌തു​കൊണ്ട്‌, പ്രസം​ഗ​വേ​ല​യിൽ വ്യക്തി​പ​ര​മാ​യി പങ്കുപ​റ്റു​ന്ന​തി​ലൂ​ടെ യഹോ​വയെ എങ്ങനെ ബഹുമാ​നി​ക്കാൻ കഴിയും എന്നതി​നെ​ക്കു​റി​ച്ചു ചിന്തി​ക്കാൻ പുതി​യ​വരെ പ്രോ​ത്സാ​ഹി​പ്പി​ക്കുക.

¹⁰ യേശുവിന്റെ ബലി​യോ​ടും അവന്റെ ശിഷ്യ​ന്മാ​രെന്ന നിലയിൽ സേവി​ക്കാ​നുള്ള നമ്മുടെ പദവി​യോ​ടും ഉള്ള വിലമ​തിപ്പ്‌ സ്വർഗീയ പിതാ​വി​നു ബഹുമാ​ന​വും മറ്റുള്ള​വർക്ക്‌ അനു​ഗ്ര​ഹ​ങ്ങ​ളും കൈവ​രു​ത്തു​ന്നു. യേശു ഇങ്ങനെ വാഗ്‌ദാ​നം ചെയ്‌തു: “എനിക്കു ശുശ്രൂഷ ചെയ്യു​ന്ന​വനെ പിതാവു മാനി​ക്കും [“ബഹുമാ​നി​ക്കും,” NW].”—യോഹ. 12:26.