അറിയിപ്പുകൾ
◼ ജനുവരി: ലഘുപത്രികകൾ: യഹോവയുടെ സാക്ഷികൾ ഇരുപതാം നൂറ്റാണ്ടിൽ, യഹോവയുടെ സാക്ഷികൾ—ലോകവ്യാപകമായി ഐക്യത്തിൽ ദൈവത്തിന്റെ ഇഷ്ടം ചെയ്യുന്നു. പഴയ 192 പേജ് പുസ്തകങ്ങളും സമർപ്പിക്കാവുന്നതാണ്. ഫെബ്രുവരി: ജീവൻ—അത് ഇവിടെ എങ്ങനെ വന്നു? പരിണാമത്താലോ സൃഷ്ടിയാലോ? വെളിപാട്—അതിന്റെ മഹത്തായ പാരമ്യം സമീപിച്ചിരിക്കുന്നു! അല്ലെങ്കിൽ, സഭയിൽ സ്റ്റോക്കുള്ള ഏതെങ്കിലും പഴയ 192 പേജ് പുസ്തകം. മാർച്ച്: നിത്യജീവനിലേക്കു നയിക്കുന്ന പരിജ്ഞാനം. ബൈബിൾ അധ്യയനങ്ങൾ തുടങ്ങാൻ ഒരു പ്രത്യേക ശ്രമം നടത്തപ്പെടുന്നതായിരിക്കും. ഏപ്രിൽ: വീക്ഷാഗോപുരവും ഉണരുക!യും. മടക്കസന്ദർശനം നടത്തുമ്പോൾ താത്പര്യം കാണിക്കുന്നിടത്ത് ഇവയുടെ വരിസംഖ്യകൾ നൽകാവുന്നതാണ്. ജീവിച്ചിരുന്നിട്ടുള്ളതിലേക്കും ഏറ്റവും മഹാനായ മനുഷ്യൻ പുസ്തകമോ എന്റെ ബൈബിൾ കഥാ പുസ്തകമോ സമർപ്പിക്കുക.
◼ 2001-ലെ കലണ്ടറിന്റെ അവസാന ഭാഗത്തു സൂചിപ്പിച്ചിരിക്കുന്നതു പോലെ 2002-ലെ സ്മാരകം മാർച്ച് 22, വെള്ളിയാഴ്ച ആയിരിക്കുകയില്ല എന്നതു പ്രത്യേകം ശ്രദ്ധിക്കുക. പകരം അത് മാർച്ച് 28, വ്യാഴാഴ്ച സൂര്യാസ്തമയശേഷം ആയിരിക്കും ആചരിക്കപ്പെടുന്നത്. ഒന്നിലധികം സഭകൾ ഒരു രാജ്യഹാൾതന്നെ ഉപയോഗിക്കുമ്പോൾ, മറ്റു സൗകര്യങ്ങൾ തേടേണ്ടിവരുന്ന സഭകൾക്ക് ആവശ്യമായ റിസർവേഷനോ കരാറോ ചെയ്യുന്നതിനു വേണ്ടിയാണ് മുന്നമേതന്നെ ഇക്കാര്യം അറിയിക്കുന്നത്. സമാധാനപരവും ക്രമീകൃതവുമായ ഒരു വിധത്തിൽ സ്മാരകാചരണം നടക്കേണ്ടതിന് കെട്ടിടത്തിലെ മറ്റു പ്രവർത്തനങ്ങളിൽ നിന്ന് യാതൊരു ശല്യവും ഉണ്ടായിരിക്കുകയില്ല എന്ന് ഉറപ്പുവരുത്തുന്ന ഒരു ഉടമ്പടി ഹാളിന്റെ ഭാരവാഹികളുമായി മൂപ്പന്മാർ ചെയ്തിരിക്കണം. വളരെ പ്രധാനപ്പെട്ട അവസരമായിരിക്കുന്നതിനാൽ, സ്മാരക പ്രസംഗം നടത്താൻ മൂപ്പന്മാരുടെ സംഘം നല്ല യോഗ്യതയുള്ള ഒരു മൂപ്പനെ വേണം നിയമിക്കാൻ, അല്ലാതെ അവർ കേവലം തങ്ങളുടെ ഊഴമനുസരിച്ച് നടത്തുകയോ എല്ലാ വർഷവും ഒരേ സഹോദരനെ തന്നെ നിയമിക്കുകയോ ചെയ്യരുത്. എന്നാൽ, അഭിഷിക്തരിൽപ്പെട്ട പ്രാപ്തനായ ഒരു മൂപ്പൻ ഉണ്ടെങ്കിൽ നിയമനം അദ്ദേഹത്തിനു നൽകേണ്ടതാണ്.
◼ ജനുവരി 8-ന് ആരംഭിക്കുന്ന വാരത്തിലെ സേവനയോഗത്തിന് ഹാജരാകുന്ന എല്ലാ പ്രസാധകർക്കും മുൻകൂർ വൈദ്യ നിർദേശം/വിമുക്തമാക്കൽ കാർഡും കുട്ടികൾക്കുവേണ്ടിയുള്ള തിരിച്ചറിയിക്കൽ കാർഡും വാങ്ങാവുന്നതാണ്.
◼ ഫെബ്രുവരി മുതൽ—വൈകിയാൽ മാർച്ച് 4 മുതൽ—സർക്കിട്ട് മേൽവിചാരകന്മാർ നടത്തുന്ന പരസ്യ പ്രസംഗത്തിന്റെ വിഷയം “ന്യായവിധി ദിവസം—ഭയപ്പെടാനുള്ള സമയമോ പ്രത്യാശയ്ക്കുള്ള സമയമോ?” എന്നതായിരിക്കും.
◼ ഈ വർഷം ഏപ്രിൽ 8 ഞായറാഴ്ച സൂര്യാസ്തമയശേഷം സ്മാരകം ആഘോഷിക്കാൻ സഭകൾ ക്രമീകരണങ്ങൾ ചെയ്യണം. പ്രസംഗം നേരത്തേ തുടങ്ങാമെങ്കിലും സ്മാരക ചിഹ്നങ്ങളുടെ വിതരണം സൂര്യൻ അസ്തമിക്കാതെ ആരംഭിക്കരുത്. നിങ്ങളുടെ പ്രദേശത്തെ സൂര്യാസ്തമയം എപ്പോഴാണെന്നു നിശ്ചയപ്പെടുത്താൻ പ്രാദേശിക കേന്ദ്രങ്ങളുമായി ബന്ധപ്പെടുക. ആ ദിവസം വയൽസേവന യോഗമല്ലാതെ മറ്റ് യോഗങ്ങളൊന്നും നടത്താൻ പാടില്ലാത്തതിനാൽ, വീക്ഷാഗോപുര അധ്യയനം മറ്റൊരു സമയത്ത് നടത്താനുള്ള ഉചിതമായ ക്രമീകരണങ്ങൾ ചെയ്യേണ്ടതാണ്. പ്രാദേശിക സാഹചര്യങ്ങൾ അനുസരിച്ച് സർക്കിട്ട് മേൽവിചാരകന്മാരും പ്രസ്തുത വാരത്തിലെ തങ്ങളുടെ യോഗ പട്ടികയിൽ പൊരുത്തപ്പെടുത്തലുകൾ വരുത്തണം. ഓരോ സഭയും സ്വന്തം സ്മാരക ആഘോഷങ്ങൾ നടത്തുന്നത് അഭികാമ്യമാണെങ്കിലും ഇത് എല്ലായ്പോഴും സാധ്യമായെന്നുവരില്ല. സാധാരണമായി പല സഭകൾ ഒരേ രാജ്യഹാൾ ഉപയോഗിക്കുന്നിടത്ത് ഒരുപക്ഷേ ഒന്നോ അതിലധികമോ സഭകൾക്ക് ആ വൈകുന്നേരത്തേക്കുവേണ്ടി മറ്റൊരു സ്ഥലം ഉപയോഗിക്കാൻ ക്രമീകരിക്കാവുന്നതാണ്. ഒരു ഹാളിൽ ഒന്നിൽ കൂടുതൽ സ്മാരക ശുശ്രൂഷകൾ നടത്തപ്പെടുമ്പോൾ സാധ്യമെങ്കിൽ, പരിപാടികൾക്കിടയിൽ 40 മിനിട്ടെങ്കിലും ഉണ്ടായിരിക്കാൻ നിർദേശിക്കുന്നു. സന്ദർശകരെ അഭിവാദനം ചെയ്യുന്നതിനും പുതിയതായിട്ടു വരുന്ന താത്പര്യക്കാരെ പ്രോത്സാഹിപ്പിക്കുന്നതിനും അവസരത്തിൽനിന്നു പൂർണ പ്രയോജനം നേടുന്നതിനും വേണ്ടിയാണ് ഇത്. താത്പര്യക്കാരെയും മറ്റും വാഹനങ്ങളിൽ സ്മാരകാഘോഷത്തിനു കൊണ്ടുവരുകയും തിരികെ കൊണ്ടുവിടുകയും ചെയ്യുന്ന കാര്യവും വണ്ടികൾ സൗകര്യാർഥം പാർക്ക് ചെയ്യുന്ന കാര്യവും പ്രത്യേകം പരിഗണനയിലെടുക്കേണ്ടതാണ്. പ്രാദേശികമായി ഏതു ക്രമീകരണങ്ങളായിരിക്കും ഏറ്റവും ഉചിതമെന്നു മൂപ്പന്മാരുടെ സംഘം തീരുമാനിക്കണം.
◼ 2001 സ്മാരക കാലത്തേക്കുള്ള പ്രത്യേക പരസ്യ പ്രസംഗം ഏപ്രിൽ 1 ഞായറാഴ്ച നടത്തപ്പെടും. അതിന്റെ വിഷയം “ആർ രക്ഷ പ്രാപിക്കും?” എന്നതായിരിക്കും. പ്രസംഗത്തിന്റെ ബാഹ്യരേഖ എല്ലാ സഭകൾക്കും നൽകപ്പെടും. ആ വാരത്തിൽ സർക്കിട്ട് മേൽവിചാരകന്റെ സന്ദർശനമോ സർക്കിട്ട് സമ്മേളനമോ പ്രത്യേക സമ്മേളനദിനമോ ഉള്ള സഭകൾക്ക് ഏപ്രിൽ 9-ന് തുടങ്ങുന്ന വാരത്തിൽ പ്രസംഗം നടത്താവുന്നതാണ്. 2001 ഏപ്രിൽ 1-ന് മുമ്പായി ഒരു സഭയും പ്രത്യേക പ്രസംഗം നടത്തരുത്.
◼ 2001 ജനുവരി 8 ലക്കം മുതൽ ഉണരുക! ഉർദുവിൽ പ്രതിമാസപ്പതിപ്പായി പ്രസിദ്ധീകരിക്കുന്നതായിരിക്കും.