നിങ്ങൾ ക്രിസ്‌തു​വി​ന്റെ സ്‌നേ​ഹ​ത്തോ​ടു പ്രതി​ക​രി​ക്കു​ന്നു​വോ?

¹ തന്റെ ഗുരു​വി​ന്റെ ജീവി​ത​ഗ​തി​യെ കുറിച്ചു ചിന്തി​ച്ച​പ്പോൾ അപ്പൊ​സ്‌ത​ല​നായ യോഹ​ന്നാൻ ഇങ്ങനെ എഴുതാൻ പ്രേരി​ത​നാ​യി: ‘യേശു ലോക​ത്തിൽ തനിക്കു സ്വന്തമാ​യു​ള്ള​വരെ സ്‌നേ​ഹി​ച്ചു; അവസാ​നം​വരെ സ്‌നേ​ഹി​ച്ചു.’ (യോഹ. 13:1, പി.ഒ.സി. ബൈബിൾ) ഈ സ്‌മാ​ര​ക​കാ​ലത്ത്‌, ക്രിസ്‌തു​വി​ന്റെ ഏറ്റവും വലിയ സ്‌നേ​ഹ​പ്ര​ക​ട​നത്തെ കുറി​ച്ചുള്ള ഓർമകൾ നമ്മുടെ മനസ്സിൽ നിറയു​ന്നു. മറുവി​ല​യാ​ഗ​ത്തിൽ വിശ്വാ​സം പ്രകടി​പ്പി​ച്ചു​കൊ​ണ്ടും പ്രസംഗ പ്രവർത്ത​ന​ത്തിൽ തീക്ഷ്‌ണ​മാ​യി പങ്കുപ​റ്റി​ക്കൊ​ണ്ടും യേശു ചെയ്‌തതു പോലെ “അവസാ​ന​ത്തോ​ളം” സഹിച്ചു​നി​ന്നു​കൊ​ണ്ടും നമുക്ക്‌ ആ സ്‌നേ​ഹ​ത്തോ​ടു പ്രതി​ക​രി​ക്കാൻ കഴിയും.—മത്താ. 24:13; 28:19, 20; യോഹ. 3:16.

² ക്രിസ്‌തു​വി​ന്റെ സ്‌നേ​ഹ​ത്തോ​ടു പ്രതി​ക​രി​ക്കൽ: തന്റെ ഭൗമി​ക​ജീ​വി​ത​ത്തി​ന്റെ അവസാ​നത്തെ ആഴ്‌ച​യിൽ പോലും യേശു ശുശ്രൂ​ഷ​യിൽ വളരെ തിരക്കു​ള്ള​വ​നാ​യി​രു​ന്നു. (മത്താ. 21:23; 23:1; 24:3) ക്രിസ്‌തു​വി​ന്റെ അനുകാ​രി​ക​ളായ നാമും സ്‌നേ​ഹ​ത്താൽ പ്രേരി​ത​രാ​യി യഹോ​വ​യു​ടെ സേവന​ത്തിൽ ‘കഠിന​മാ​യി യത്‌നി​ക്കു​ന്നു.’ (ലൂക്കൊ. 13:24, NW) ഏപ്രിൽ മാസം ശുശ്രൂ​ഷ​യിൽ കൂടുതൽ സമയം ചെലവ​ഴി​ച്ചു​കൊണ്ട്‌, വർധിച്ച പ്രസംഗ പ്രവർത്ത​ന​ത്തി​നാ​യി നടത്തി​യി​രി​ക്കുന്ന ക്രമീ​ക​ര​ണ​ങ്ങ​ളിൽനി​ന്നു പ്രയോ​ജനം നേടാൻ നിങ്ങൾക്കാ​കു​മോ?

³ ഈ വർഷം, കർത്താ​വി​ന്റെ സന്ധ്യാ​ഭക്ഷണ ആചരണം ഏപ്രിൽ 19-ാം തീയതി ബുധനാഴ്‌ച വൈകു​ന്നേ​ര​മാണ്‌. ഈ സുപ്ര​ധാന വേളയിൽ എത്ര പേർ കൂടി​വ​രും? അതു വലിയ ഒരളവു​വരെ നമ്മെ ഓരോ​രു​ത്ത​രെ​യും ആശ്രയി​ച്ചാ​ണി​രി​ക്കു​ന്നത്‌. ബൈബിൾ വിദ്യാർഥി​കൾ, മറ്റു താത്‌പ​ര്യ​ക്കാർ, ബന്ധുക്കൾ, ജോലി​സ്ഥ​ലത്തെ പരിച​യ​ക്കാർ, സഹപാ​ഠി​കൾ എന്നിങ്ങനെ ക്ഷണി​ക്കേ​ണ്ട​വ​രു​ടെ ഒരു ലിസ്റ്റ്‌ നിങ്ങൾ ഉണ്ടാക്കി​യി​ട്ടു​ണ്ടോ? നിങ്ങൾ അവരെ നേരിൽക്കണ്ട്‌ ഹൃദയം​ഗ​മ​മാ​യി ക്ഷണിച്ചി​ട്ടു​ണ്ടോ? സ്‌മാ​ര​ക​ത്തിന്‌ ഏതാനും ദിവസം മുമ്പ്‌ നിങ്ങൾ ഒരിക്കൽക്കൂ​ടി അവരെ ഓർമി​പ്പി​ക്കു​മോ? സ്‌മാ​ര​കാ​ച​ര​ണ​ത്തിന്‌ എത്തി​ച്ചേ​രാൻ അവർക്കു നിങ്ങളു​ടെ സഹായം ആവശ്യ​മു​ണ്ടോ? നിഷ്‌ക്രി​യ​രായ പ്രസാ​ധ​കരെ മൂപ്പന്മാർ ക്ഷണിക്കു​ന്ന​താ​യി​രി​ക്കും. സ്‌മാ​രകം വാരാ​ന്ത​ത്തി​ലല്ല എന്ന കാരണ​ത്താൽ അതിനു ഹാജരാ​കേ​ണ്ട​തി​ന്റെ പ്രാധാ​ന്യം ആരും കുറച്ചു​കാ​ണ​രുത്‌.

⁴ തയ്യാറാ​യി വരിക: നന്നായി തയ്യാറാ​യി, ശരിയായ മാനസി​ക​നി​ല​യോ​ടെ സ്‌മാ​ര​ക​ത്തി​നു ഹാജരാ​കേ​ണ്ടതു മർമ​പ്ര​ധാ​ന​മാണ്‌. സന്ദർഭ​ത്തി​ന്റെ ഗൗരവം മനസ്സിൽ പിടി​ക്കാൻ പൗലൊസ്‌ സഹവി​ശ്വാ​സി​കളെ ഉദ്‌ബോ​ധി​പ്പി​ച്ചു. (1 കൊരി. 11:20-26) കുടുംബ അധ്യയന വേളയിൽ യോഹ​ന്നാ​ന്റെ സുവി​ശേഷം, 13 മുതൽ 17 വരെയുള്ള അധ്യാ​യങ്ങൾ വായി​ക്കാ​നും തങ്ങളെ സംബന്ധി​ച്ചി​ട​ത്തോ​ളം യേശു​വി​ന്റെ മറുവി​ല​യാ​ഗ​ത്തിന്‌ എന്ത്‌ അർഥമാ​ണു​ള്ള​തെന്ന്‌ വിശദീ​ക​രി​ക്കാൻ ഓരോ കുടും​ബാം​ഗ​ത്തെ​യും പ്രോ​ത്സാ​ഹി​പ്പി​ക്കാ​നും കഴി​ഞ്ഞേ​ക്കും. സ്‌മാരക ആഴ്‌ച​ത്തേ​ക്കാ​യി പട്ടിക​പ്പെ​ടു​ത്തി​യി​രി​ക്കുന്ന ബൈബിൾവാ​യന ഭാഗങ്ങൾ ദിവസ​വും വായി​ക്കാൻ മറക്കരുത്‌!

⁵ ക്രിസ്‌തു​വി​നോ​ടു നമുക്ക്‌ ആഴമായ സ്‌നേഹം ഉണ്ട്‌. ഏപ്രിൽ 19-ാം തീയതി കഴിയു​ന്ന​തോ​ടെ അതു നിലച്ചു​പോ​കു​ക​യില്ല. അവനോ​ടുള്ള നമ്മുടെ സ്‌നേഹം എന്നെന്നും പ്രകടി​പ്പി​ക്കാൻ നാം ദൃഢനി​ശ്ചയം ചെയ്‌തി​രി​ക്കു​ന്നു! ഈ വർഷത്തെ സ്‌മാ​ര​കാ​ച​രണം നമ്മുടെ ഈ തീരു​മാ​നത്തെ ബലപ്പെ​ടു​ത്തും.