യഹോ​വ​യു​ടെ മനോഹര നാമത്തിന്‌ ഉന്നത മൂല്യം കൽപ്പി​ക്കു​ക

¹ നമ്മുടെ ആദി മാതാ​പി​താ​ക്കളെ പ്രലോ​ഭി​പ്പി​ച്ചു പാപം ചെയ്യി​ക്കു​ക​വഴി സാത്താൻ യഹോ​വ​യു​ടെ നാമത്തെ അപകീർത്തി​പ്പെ​ടു​ത്തി. യഹോവ ആദാമി​നോ​ടു നുണ പറഞ്ഞു​വെന്നു പിശാച്‌ തന്ത്രപ​ര​മാ​യി സൂചി​പ്പി​ച്ചു. (ഉല്‌പ. 3:1-5) ദിവ്യ​നാ​മം, തന്റെ വചനം നിവർത്തി​ക്കാ​നുള്ള ദൈവ​ത്തി​ന്റെ പ്രാപ്‌തി​യു​മാ​യി ബന്ധപ്പെ​ട്ടി​രി​ക്കു​ന്ന​തു​കൊണ്ട്‌ സാത്താന്റെ ആരോ​പണം അതിനീ​ച​മായ ദൂഷണ​മാ​യി​രു​ന്നു. ദിവ്യോ​ദ്ദേ​ശ്യ​ങ്ങൾ പടിപ​ടി​യാ​യി നിവർത്തി​ച്ചു​കൊണ്ട്‌ യഹോവ തന്റെ നാമത്തി​ന്മേ​ലുള്ള നിന്ദ നീക്കി അതിനെ മനോ​ഹ​ര​മാ​ക്കി​യി​രി​ക്കു​ന്നു.—യെശ. 63:12-14, NW.

² ‘തന്റെ നാമത്തിൽ അറിയ​പ്പെ​ടാൻ’ യഹോവ തിര​ഞ്ഞെ​ടു​ത്തി​രി​ക്കുന്ന ജനം നമ്മളാണ്‌. (പ്രവൃ. 15:14, 17, ഓശാന ബൈബിൾ) അതിന്റെ വിശു​ദ്ധീ​ക​ര​ണത്തെ നാം എങ്ങനെ കണക്കാ​ക്കു​ന്നു എന്നു കാണി​ക്കാൻ അത്‌ നമുക്ക്‌ അവസരം നൽകുന്നു. യഹോ​വ​യു​ടെ നാമം, നന്മയും ദയയും അനുക​മ്പ​യും നീതി​യും ഉള്ള സകല​ത്തെ​യും പ്രതി​നി​ധാ​നം ചെയ്യു​ന്ന​തു​കൊണ്ട്‌ അത്‌ വാസ്‌ത​വ​മാ​യും മനോ​ഹ​ര​മാ​ണെന്നു നാം കാണുന്നു. ദൈവ​ത്തി​ന്റെ ഉത്‌കൃഷ്ട നാമത്തി​ന്റെ മാഹാ​ത്മ്യം നമ്മിൽ ഭയാദ​രവു നിറയ്‌ക്കു​ന്നു. (സങ്കീ. 8:1; 99:3; 148:13) അതു നമ്മെ എന്തു ചെയ്യാൻ പ്രേരി​പ്പി​ക്കണം?

³ ദൈവ​നാ​മം വിശു​ദ്ധീ​ക​രി​ക്കുക: ദൈവ​നാ​മം അങ്ങേയറ്റം വിശു​ദ്ധ​മാ​യ​തി​നാൽ അത്‌ ഇപ്പോ​ഴാ​യി​രി​ക്കു​ന്ന​തി​നെ​ക്കാൾ കൂടുതൽ വിശു​ദ്ധ​മാ​ക്കാൻ സാധി​ക്കു​ക​യില്ല. എന്നാൽ, നല്ല നടത്തയാ​ലും രാജ്യ​പ്ര​സംഗ വേലയാ​ലും ദൈവ​നാ​മ​ത്തിന്‌ ഉന്നത മൂല്യം കൽപ്പി​ക്കു​ന്ന​താ​യി നമുക്കു പ്രകട​മാ​ക്കാൻ സാധി​ക്കും. നമുക്ക്‌ ഇങ്ങനെ ഉദ്‌ഘോ​ഷി​ക്കാം: “യഹോ​വെക്കു സ്‌തോ​ത്രം ചെയ്‌വിൻ; അവന്റെ നാമത്തെ വിളി​ച്ച​പേ​ക്ഷി​പ്പിൻ; ജാതി​ക​ളു​ടെ ഇടയിൽ അവന്റെ പ്രവൃ​ത്തി​കളെ അറിയി​പ്പിൻ; അവന്റെ നാമം ഉന്നതമാ​യി​രി​ക്കു​ന്നു എന്നു പ്രസ്‌താ​വി​പ്പിൻ.” (യെശ. 12:4) നമുക്ക്‌ ഇത്‌ എങ്ങനെ ചെയ്യാൻ കഴിയും?

⁴ യഹോ​വ​യു​ടെ നാമ​ത്തെ​യും അത്‌ പ്രതി​നി​ധാ​നം ചെയ്യുന്ന സകല​ത്തെ​യും കുറിച്ച്‌ ഉദ്‌ഘോ​ഷി​ക്കാ​നാ​യി എല്ലാ അവസര​ങ്ങ​ളും നമുക്കു വിനി​യോ​ഗി​ക്കാം. ഔപചാ​രി​ക​മാ​യോ അനൗപ​ചാ​രി​ക​മാ​യോ, വീടു​തോ​റു​മോ കടകൾതോ​റു​മോ, തെരു​വി​ലോ അതുമ​ല്ലെ​ങ്കിൽ ടെല​ഫോ​ണി​ലൂ​ടെ​യോ നാം നടത്തുന്ന പ്രസം​ഗ​പ്ര​വർത്തനം യഹോ​വയ്‌ക്കു മഹത്ത്വം കരേറ്റു​ന്നു. നാം പറയു​ന്നതു ശ്രദ്ധി​ക്കുന്ന താത്‌പ​ര്യ​ക്കാ​രെ കണ്ടെത്തു​മ്പോൾ അവരെ വീണ്ടും സന്ദർശി​ക്കു​ന്ന​തി​നും യഹോ​വയെ കുറിച്ച്‌ കൂടുതൽ കാര്യങ്ങൾ പഠിപ്പി​ക്കു​ന്ന​തി​നും കൃത്യ​മായ സമയം ക്രമീ​ക​രി​ക്കണം. ക്രമീ​ക​രിച്ച സമയത്തു​തന്നെ നാം അവരുടെ അടുക്കൽ ചെല്ലു​ക​യും ഭവന ബൈബിൾ അധ്യയ​നങ്ങൾ തുടങ്ങാ​നുള്ള നമ്മുടെ ശ്രമങ്ങൾ തുടരു​ക​യും ചെയ്യണ​മെന്ന്‌ അത്‌ അർഥമാ​ക്കു​ന്നു. സന്തോ​ഷ​ക​ര​മെന്നു പറയട്ടെ, ഓരോ വർഷവും നൂറു​ക​ണ​ക്കിന്‌ ആളുകൾ യഹോ​വ​യു​ടെ മനോഹര നാമം അറിയാ​നും മഹത്ത്വീ​ക​രി​ക്കാ​നും വിശു​ദ്ധീ​ക​രി​ക്കാ​നും ഇടയാ​കു​ന്നു.

⁵ ദൈവ​നാ​മം വിശു​ദ്ധീ​ക​രി​ക്കുന്ന വേലയിൽ നാം മുഴു​ഹൃ​ദ​യ​ത്തോ​ടെ പങ്കെടു​ക്കു​ന്നത്‌, ഏദെനിൽവെച്ച്‌ സാത്താൻ ഉയർത്തിയ വിവാ​ദ​വി​ഷയം സംബന്ധിച്ച നമ്മുടെ നിലപാ​ടു വ്യക്തമാ​ക്കു​ന്നു. നമുക്ക്‌ ചെയ്യാ​വു​ന്ന​തി​ലേ​ക്കും ഏറ്റവും ഉത്‌കൃ​ഷ്ട​വും ശ്രേഷ്‌ഠ​വു​മായ വേലയാണ്‌ ഇത്‌. ഉന്നത മൂല്യം കൽപ്പി​ച്ചു​കൊണ്ട്‌ തീക്ഷ്‌ണ​ത​യോ​ടെ യഹോ​വ​യു​ടെ മനോഹര നാമത്തെ നമുക്കു സ്‌തു​തി​ക്കാം!—1 ദിന. 29:13, NW.