പുതിയ ലോക ഭാഷാ​ന്തരം സമർപ്പി​ക്കൽ

¹ “പുതിയ ലോക [ഭാഷാ​ന്തരം] സമ്പാദി​ക്കാൻ തക്ക മൂല്യ​മു​ള്ള​താണ്‌. അതു ശ്രേഷ്‌ഠ​വും ജീവൻ തുടി​ക്കു​ന്ന​തും ആണ്‌. അതു വായന​ക്കാ​രൻ ചിന്തി​ക്കാ​നും പഠിക്കാ​നും ഇടയാ​ക്കു​ന്നു. അത്‌ അമിത​കൃ​ത്തി​പ്പു​കാ​രു​ടെ കൃതിയല്ല, പിന്നെ​യോ ദൈവ​ത്തെ​യും അവന്റെ വചന​ത്തെ​യും മാനി​ക്കുന്ന പണ്ഡിത​ന്മാ​രു​ടേ​താണ്‌.” വിഖ്യാ​ത​നായ ഒരു എബ്രായ, ഗ്രീക്ക്‌ ഭാഷ്യ​കാ​ര​നാണ്‌ അങ്ങനെ പ്രസ്‌താ​വി​ച്ചത്‌. നാമും അതി​നോ​ടു യോജി​ക്കു​ന്നു. ഡിസം​ബ​റിൽ പരിജ്ഞാ​നം പുസ്‌ത​ക​ത്തോ​ടൊ​പ്പം പുതിയ ലോക ഭാഷാ​ന്തരം സമർപ്പി​ക്കു​മ്പോൾ സമാന​മായ വിലമ​തിപ്പ്‌ ഉണ്ടായി​രി​ക്കാൻ നമുക്കു മറ്റുള്ള​വരെ എങ്ങനെ സഹായി​ക്കാൻ കഴിയും?

² “എനി​ക്കൊ​രു ബൈബിൾ ഉണ്ട്‌. ഇനി വേറെ ഒരെണ്ണ​ത്തി​ന്റെ ആവശ്യ​മില്ല,” ചിലരു​ടെ പ്രതി​ക​രണം അങ്ങനെ ആയിരു​ന്നേ​ക്കാം. പുതിയ ലോക ഭാഷാ​ന്തരം കേവലം മറ്റൊരു ബൈബിൾ അല്ല എന്നതു മനസ്സി​ലാ​ക്കാൻ അവരെ സഹായി​ക്കു​ക​യാണ്‌ നമ്മുടെ വെല്ലു​വി​ളി. മൂല പാഠത്തി​ലെ ആശയങ്ങൾ കൃത്യ​മാ​യി പകർത്തുന്ന, ആധുനിക ഭാഷയി​ലുള്ള ഒരു പദാനു​പദ പരിഭാ​ഷ​യാണ്‌ ഇത്‌. 1 കൊരി​ന്ത്യർ 10:25-ലെ ”shambles,” (ജയിംസ്‌ രാജാ​വി​ന്റെ ഭാഷാ​ന്തരം) ”meat market” (പുതിയ ലോക ഭാഷാ​ന്തരം) എന്നിവ പോലുള്ള വാക്കു​ക​ളു​ടെ പരിഭാഷ താരത​മ്യ​പ്പെ​ടു​ത്തി​ക്കൊണ്ട്‌ അതിന്റെ മേന്മയു​ടെ ഒരു വശം കാണിച്ചു കൊടു​ക്കാ​നാ​കും.

³ എന്നാൽ, അനുദിന ജീവി​ത​ത്തിൽ ബൈബിൾ തത്ത്വങ്ങൾ പ്രാ​യോ​ഗി​കം ആയിരി​ക്കു​ന്നത്‌ എങ്ങനെ​യെന്ന്‌ മനസ്സി​ലാ​ക്കാ​തെ​യാണ്‌ ചില ആളുകൾ അതു വായി​ക്കു​ന്നത്‌. നന്മയ്‌ക്ക്‌ ഉതകും​വി​ധം തങ്ങളുടെ ജീവി​തത്തെ സ്വാധീ​നി​ക്കാൻ ദൈവ വചനത്തി​നു സാധി​ക്കു​മെ​ന്നും സത്യസന്ധത, ധാർമി​കത, കുടും​ബ​ജീ​വി​തം എന്നിവ​യു​മാ​യി ബന്ധപ്പെട്ട അതിന്റെ ബുദ്ധ്യു​പ​ദേ​ശങ്ങൾ പിന്തു​ട​രു​ന്നത്‌ ഇന്നത്തെ പ്രശ്‌നങ്ങൾ നേരി​ടാൻ തങ്ങളെ സഹായി​ക്കു​ന്നു എന്നും അവർ മനസ്സി​ലാ​ക്കേ​ണ്ട​തുണ്ട്‌. എന്നാൽ അത്‌ എങ്ങനെ സാധ്യ​മാ​കും?

⁴ ഉപയോ​ഗി​ക്കാ​വുന്ന ഒരു അവതരണം: “ഇന്ന്‌, ധാർമിക മൂല്യങ്ങൾ അതിശീ​ഘ്രം മാറി​ക്കൊ​ണ്ടി​രി​ക്കു​ക​യാണ്‌. ഭാവി സംബന്ധി​ച്ചുള്ള അനിശ്ചി​ത​ത്വ​വും നിലവി​ലുണ്ട്‌. അതി​നോ​ടുള്ള ബന്ധത്തിൽ ജീവി​ത​ത്തിൽ നമുക്ക്‌ ആശ്രയ​യോ​ഗ്യ​മായ ഒരു വഴികാ​ട്ടി വേണം എന്നതി​നോ​ടു താങ്കൾ യോജി​ക്കു​മോ? [മറുപടി പറയാൻ അനുവ​ദി​ക്കുക.] ബൈബിൾ ഏറ്റവും പഴക്കമുള്ള ഗ്രന്ഥം ആണെങ്കി​ലും, ആധുനിക ജീവി​ത​ത്തി​നും സന്തുഷ്ട കുടുംബ ജീവി​ത​ത്തി​നും വേണ്ട പ്രാ​യോ​ഗി​ക​മായ ബുദ്ധ്യു​പ​ദേശം അതു നൽകുന്നു.” തുടർന്ന്‌ പരിജ്ഞാ​നം പുസ്‌ത​ക​ത്തി​ന്റെ 2-ാം അധ്യായം എടുത്ത്‌ 2 തിമൊ​ഥെ​യൊസ്‌ 3:16-ഉം 17-ഉം ഉൾപ്പെടെ 10-ാം ഖണ്ഡിക​യും 11-ാം ഖണ്ഡിക​യു​ടെ ആദ്യ വാചക​വും വായി​ക്കുക. താത്‌പ​ര്യം കാണി​ക്കു​ന്നെ​ങ്കിൽ, പരിജ്ഞാ​നം പുസ്‌തകം സമർപ്പി​ക്കുക, നമ്മുടെ സൗജന്യ ബൈബിൾ അധ്യയന പരിപാ​ടി വിവരി​ക്കുക, പുതിയ ലോക ഭാഷാ​ന്തരം സമർപ്പി​ക്കുക. ആവശ്യം ലഘുപ​ത്രിക ഉപയോ​ഗിച്ച്‌ അധ്യയനം തുടങ്ങു​ന്ന​താണ്‌ നല്ലത്‌ എന്ന്‌ നിങ്ങൾ കരുതു​ന്നെ​ങ്കിൽ, അങ്ങനെ ചെയ്യാ​വു​ന്ന​താണ്‌. അനു​യോ​ജ്യ​മായ കൂടുതൽ മുഖവു​രകൾ ന്യായ​വാ​ദം പുസ്‌ത​ക​ത്തി​ന്റെ 9-15 പേജു​ക​ളിൽ കാണാ​വു​ന്ന​താണ്‌.

⁵ ഒരു ഉത്‌കൃഷ്ട ഗ്രന്ഥമായ പുതിയ ലോക ഭാഷാ​ന്ത​ര​ത്തോ​ടുള്ള വിലമ​തി​പ്പു നമുക്കു പ്രകട​മാ​ക്കാം. അതേ, ഡിസം​ബ​റിൽ അത്‌ ഉത്സാഹ​ത്തോ​ടെ സമർപ്പി​ച്ചു​കൊ​ണ്ടു നമുക്ക്‌ അങ്ങനെ ചെയ്യാ​വു​ന്ന​താണ്‌.