മടക്കസ​ന്ദർശ​നങ്ങൾ നടത്തു​ക​യെന്ന വെല്ലു​വി​ളി​യെ നേരിടൽ

¹ സുവാർത്ത​യു​ടെ ശുശ്രൂ​ഷ​ക​രെന്ന നിലയിൽ, ശിഷ്യരെ ഉളവാ​ക്കാൻ നമ്മോടു കൽപ്പി​ച്ചി​രി​ക്കു​ന്നു. (മത്താ. 28:19, 20) ഇതിൽ മടക്കസ​ന്ദർശ​ന​ങ്ങൾക്കാ​യി ആസൂ​ത്രണം ചെയ്യു​ന്നത്‌ ഉൾപ്പെ​ടു​ന്നു. മടക്കസ​ന്ദർശ​നങ്ങൾ നടത്തു​ന്ന​തിൽ വിദഗ്‌ധർ ആയിത്തീ​രുക എന്നത്‌ ഒരു വെല്ലു​വി​ളി ആയിരു​ന്നേ​ക്കാം. മറ്റുള്ള​വ​രു​മാ​യി രാജ്യ​പ്ര​ത്യാ​ശ പങ്കു​വെ​ക്കു​ന്ന​തിന്‌, വ്യക്തി​പ​ര​മായ ചില സംഗതി​കൾ നാം മാറ്റി​വെ​ക്കേണ്ടി വന്നേക്കാം. ആത്മാർഥ ഹൃദയ​രായ ആളുക​ളു​ടെ ആത്മീയ ആവശ്യങ്ങൾ തൃപ്‌തി​പ്പെ​ടു​ത്തു​ന്ന​തിന്‌ അവരെ സഹായി​ക്കാ​നുള്ള അവസരം മടക്കസ​ന്ദർശ​നങ്ങൾ പ്രദാനം ചെയ്യുന്നു.

² താത്‌പ​ര്യം പ്രകട​മാ​ക്കുന്ന എല്ലാവ​രെ​യും സന്ദർശി​ക്കുക: രാജ്യ​ദൂ​തിൽ താത്‌പ​ര്യം പ്രകട​മാ​ക്കുന്ന എല്ലാവർക്കും, അവർ നമ്മുടെ പ്രസി​ദ്ധീ​ക​ര​ണങ്ങൾ നിരസി​ച്ചാൽപോ​ലും, മടക്കസ​ന്ദർശ​നങ്ങൾ നടത്തണം. എന്നാൽ എങ്ങനെ​യാണ്‌ നിങ്ങൾ രാജ്യ​ദൂ​തിൽ താത്‌പ​ര്യം ജനിപ്പി​ക്കു​ന്നത്‌? ദൈവ വചനമായ ബൈബിൾ ഉപയോ​ഗി​ക്കു​ന്ന​താണ്‌ അതിനുള്ള മുഖ്യ സംഗതി. ആളുകളെ പ്രസക്ത​മായ തിരു​വെ​ഴു​ത്തു വിഷയ​ങ്ങളെ കുറി​ച്ചുള്ള ചർച്ചക​ളിൽ ഉൾപ്പെ​ടു​ത്തി​ക്കൊണ്ട്‌ അവരിൽ എപ്രകാ​രം രാജ്യ​ദൂ​തി​നോ​ടുള്ള താത്‌പ​ര്യം വളർത്തി​യെ​ടു​ക്കാ​മെന്ന്‌ യേശു​വും അപ്പൊസ്‌ത​ല​ന്മാ​രും പ്രകട​മാ​ക്കു​ക​യു​ണ്ടാ​യി.—മർക്കൊ. 10:17-21; പ്രവൃ. 2:37-41.

³ ബൈബിൾ അധ്യയനം ആരംഭി​ക്കുക എന്നതാ​യി​രി​ക്കണം വീണ്ടും സന്ദർശി​ക്കു​മ്പോ​ഴുള്ള നമ്മുടെ ഉദ്ദേശ്യം. ഭവന ബൈബിൾ അധ്യയനം നടത്തു​ന്നത്‌ എങ്ങനെ​യാ​ണെന്ന്‌ വീട്ടു​കാ​രനെ പ്രകടി​പ്പി​ച്ചു കാണി​ക്കാൻ നമുക്കു സാധി​ച്ചേ​ക്കും. സത്യം പഠിപ്പി​ക്കാ​നാ​യി പരമാർഥ ഹൃദയ​മുള്ള ഒരു വ്യക്തിയെ കണ്ടെത്താൻ സഹായി​ക്കാ​നുള്ള നിങ്ങളു​ടെ പ്രാർഥ​നയ്‌ക്ക്‌ യഹോവ ഉത്തരം നൽകു​മെന്ന്‌ ഉറപ്പു​ള്ളവർ ആയിരി​ക്കുക. അതു​കൊണ്ട്‌ മടക്കസ​ന്ദർശന പ്രവർത്ത​ന​ത്തിൽ ഏർപ്പെ​ടു​ന്ന​തി​നു മുമ്പ്‌, അവ ബൈബിൾ അധ്യയ​ന​ങ്ങ​ളാ​യി മാറ്റാൻ യഹോ​വ​യു​ടെ സഹായം തേടരു​തോ? നാം മടക്കസ​ന്ദർശനം നടത്തുന്ന എല്ലാവ​രും ബൈബിൾ അധ്യയ​ന​ത്തി​നു സമ്മതി​ക്കു​ക​യില്ല എന്നതു ശരിതന്നെ. എന്നാൽ താത്‌പ​ര്യ​ക്കാ​രു​ടെ ഹൃദയ​ങ്ങളെ പ്രചോ​ദി​പ്പി​ക്കാൻ യഹോ​വ​യോ​ടു നമുക്ക്‌ പ്രാർഥ​ന​യി​ലൂ​ടെ അപേക്ഷി​ക്കാ​വു​ന്ന​താണ്‌.

⁴ ലഘു​ലേ​ഖകൾ നന്നായി ഉപയോ​ഗി​ക്കുക: ബൈബിൾ അധ്യയ​നങ്ങൾ ആരംഭി​ക്കു​ന്ന​തിന്‌ മടക്കസ​ന്ദർശന വേളയിൽ ലഘു​ലേ​ഖകൾ ഫലപ്ര​ദ​മാ​യി ഉപയോ​ഗി​ക്കാ​വു​ന്ന​താണ്‌. വിശേ​ഷി​ച്ചും, മുൻ സന്ദർശ​ന​ങ്ങ​ളിൽ പ്രസി​ദ്ധീ​ക​ര​ണങ്ങൾ ഒന്നും സ്വീക​രി​ക്കാ​തി​രുന്ന ഇടങ്ങളിൽ. അവയുടെ പുറം​താ​ളി​ലെ ചിത്ര​ത്തെ​ക്കു​റിച്ച്‌ കേവലം ചർച്ച​ചെയ്‌തു​കൊണ്ട്‌ ഒരു സംഭാ​ഷണം തുടങ്ങാൻ അനേകർക്കു സാധി​ച്ചി​ട്ടുണ്ട്‌. വീട്ടു​കാ​ര​നോ​ടൊത്ത്‌ ഓരോ ഖണ്ഡിക വീതം വായി​ക്കുക. ചോദ്യ​മുള്ള ഭാഗത്ത്‌ എത്തു​മ്പോൾ വായന നിർത്തി തന്റെ അഭി​പ്രാ​യം പറയാൻ അദ്ദേഹത്തെ ക്ഷണിക്കുക. തിരു​വെ​ഴു​ത്തു​കൾ എടുത്തു നോക്കി അവ ബാധക​മാ​കു​ന്നത്‌ എങ്ങനെ​യെന്ന്‌ കാണി​ച്ചു​കൊ​ടു​ക്കുക. തുടർന്ന്‌, അധ്യയനം നടത്താൻ സാധി​ക്കുന്ന ഒരു പ്രസി​ദ്ധീ​ക​ര​ണ​ത്തി​ലേക്കു സംഭാ​ഷണം തിരി​ച്ചു​വി​ടാ​വു​ന്ന​താണ്‌.

⁵ വെല്ലു​വി​ളി​യെ വിജയ​പ്ര​ദ​മാ​യി നേരിടൽ: “കൂടു​ത​ലായ എന്തെങ്കി​ലും ചോദ്യ​ങ്ങൾ ഉണ്ടെങ്കിൽ, ദയവായി ഈ പ്രസി​ദ്ധീ​ക​ര​ണ​ത്തി​ന്റെ പിൻപേ​ജി​ലുള്ള വിലാ​സ​ത്തിൽ എഴുതുക” എന്ന്‌ ചില പ്രസാ​ധകർ വീട്ടു​കാ​ര​നോട്‌ പറയു​ന്ന​താ​യി സഞ്ചാര മേൽവി​ചാ​ര​ക​ന്മാർ റിപ്പോർട്ടു ചെയ്‌തി​ട്ടുണ്ട്‌. എന്നാൽ, മേൽവി​വ​രിച്ച നിർദേ​ശങ്ങൾ മനസ്സിൽ പിടി​ക്കു​ന്ന​തി​നാ​ലും നമ്മുടെ രാജ്യ ശുശ്രൂ​ഷ​യു​ടെ 1997 മാർച്ച്‌ ലക്കത്തിലെ “മടക്കസ​ന്ദർശ​ന​ങ്ങൾക്കാ​യി ധൈര്യം സംഭരി​ക്കുക” എന്ന വിഷയ​മുള്ള അനുബന്ധം ശ്രദ്ധാ​പൂർവം പുനര​വ​ലോ​കനം ചെയ്യു​ന്ന​തി​നാ​ലും മടക്കസ​ന്ദർശനം നടത്തു​ന്ന​തി​ന്റെ വെല്ലു​വി​ളി​യെ നമുക്കു വിജയ​പ്ര​ദ​മാ​യി നേരി​ടാ​നാ​കും.