വിമോ​ച​ന​ത്തി​നി​ട​യാ​ക്കുന്ന അടയാ​ള​മി​ടൽ

¹ തന്റെ നീതി​നി​ഷ്‌ഠ​മായ ന്യായ​വി​ധി​കൾ നടപ്പാ​ക്കു​ന്ന​തി​നു​മുമ്പ്‌, യഹോവ എല്ലായ്‌പോ​ഴും മുന്നറി​യി​പ്പു കൊടു​ക്കു​ക​യും സൗമ്യർക്ക്‌ ഒരു രക്ഷാമാർഗം ഒരുക്കി​ക്കൊ​ടു​ക്കു​ക​യും ചെയ്യുന്നു. യെഹസ്‌കേ​ലി​ന്റെ നാളു​ക​ളിൽ, സംഭവി​ച്ചു​കൊ​ണ്ടി​രുന്ന മ്ലേച്ഛകാ​ര്യ​ങ്ങളെ ഓർത്തു നെടു​വീർപ്പി​ടു​ക​യും ഞരങ്ങു​ക​യും ചെയ്യു​ന്നവർ ഉണ്ടായി​രു​ന്നു. യഹോവ യോഗ്യ​രായ അത്തരം ആളുകൾക്ക്‌ മോച​ന​ത്തി​നു​ളള അടയാ​ള​മി​ടു​വി​ച്ചു. (യെഹെ. 9:4-6) അതേ കാര്യം​ത​ന്നെ​യാണ്‌ ഇന്നു നമ്മുടെ പ്രസം​ഗ​വേ​ല​യാ​ലും നിർവ​ഹി​ക്ക​പ്പെ​ടു​ന്നത്‌. നമുക്ക്‌ അതിൽ ഒരു പ്രധാന പങ്കു വഹിക്കാൻ സാധി​ക്കും.

² ആത്മാർഥ​രായ ആളുകളെ കണ്ടെത്തു​ന്നതു കേവലം ആദ്യ പടിയേ ആകുന്നു​ളളു. നാം ഒരു മടക്കസ​ന്ദർശനം ക്രമീ​ക​രി​ക്കു​ന്നു. സമർപ്പിച്ച ഇനവും ചർച്ച​ചെയ്‌ത വിഷയ​വും കുറി​ച്ചി​ട്ടു​കൊണ്ട്‌ ആദ്യ സന്ദർശ​ന​ത്തിൽതന്നെ മടക്കസ​ന്ദർശ​ന​ത്തി​നു​ളള ഒരുക്കം നടത്തുന്നു. മടങ്ങി​ച്ചെ​ല്ലു​ന്ന​യ​വ​സ​ര​ത്തിൽ നാം പറയാ​നും ചെയ്യാ​നും ഒരുങ്ങി​യി​രി​ക്കുന്ന സംഗതി​യി​ലാ​ണു നമ്മുടെ വിജയം ആശ്രയി​ച്ചി​രി​ക്കു​ന്നത്‌.

³ “വീക്ഷാ​ഗോ​പു​രം” സമർപ്പി​ച്ചി​ടത്തു മടങ്ങി​ച്ചെ​ല്ലു​മ്പോൾ, നിങ്ങൾക്ക്‌ അതിന്റെ പ്രധാന വിഷയ​ത്തി​ന്മേൽ ശ്രദ്ധ കേന്ദ്രീ​ക​രി​ക്കാ​വു​ന്ന​താണ്‌:

◼“വീക്ഷാ​ഗോ​പു​ര​ത്തി​ന്റെ കവർപേ​ജിൽ പ്രത്യ​ക്ഷ​പ്പെ​ടുന്ന ‘യഹോ​വ​യു​ടെ രാജ്യത്തെ പ്രസി​ദ്ധ​മാ​ക്കു​ന്നു’ എന്ന പ്രസ്‌താ​വന ശ്രദ്ധി​ക്കുക. ലോക​ത്തി​ന്റെ പ്രശ്‌ന​ങ്ങൾക്കു​ളള ഒരേ ഒരു പരിഹാ​രം എന്നനി​ല​യിൽ ദൈവ​രാ​ജ്യ​ത്തെ ഉയർത്തി​പ്പി​ടി​ക്കു​ന്നു എന്നത്‌ ഈ മാസി​കയെ അനുപ​മ​മാ​ക്കു​ന്നു. ദൈവ​ത്തി​ന്റെ ഇഷ്ടം ഭൂമി​യിൽ ചെയ്യ​പ്പെ​ടു​മ്പോൾ ദൈവ​രാ​ജ്യം എന്തെല്ലാം നിർവ​ഹി​ക്കു​മെന്ന്‌ അതു വിശദീ​ക​രി​ക്കു​ന്നു. സകല ഭുമി​യി​ലും പ്രഖ്യാ​പി​ക്ക​പ്പെ​ടു​മെന്ന്‌ യേശു പറഞ്ഞ സുവാർത്ത ഇതാണ്‌.” മത്തായി 24:14 വായി​ച്ചിട്ട്‌ വീക്ഷാ​ഗോ​പു​രം എങ്ങനെ ക്രമമാ​യി ലഭിക്കാ​മെ​ന്നും വ്യക്തി​പ​ര​മായ ബൈബിൾ പഠനത്തിന്‌ എങ്ങനെ ഉപയോ​ഗി​ക്കാ​മെ​ന്നും വിശദ​മാ​ക്കുക.

⁴ കേവലം ബൈബി​ളിൽ മാത്രം ശ്രദ്ധ കേന്ദ്രീ​ക​രിച്ച്‌, അതു ക്രമമാ​യി വായി​ക്കേ​ണ്ട​തി​ന്റെ ആവശ്യം ഊന്നി​പ്പ​റ​യാൻ നിങ്ങൾ ഇഷ്ടപ്പെ​ട്ടേ​ക്കാം. നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“അനുദിന ജീവി​ത​ത്തി​ലെ പ്രശ്‌നങ്ങൾ എങ്ങനെ നേരി​ടാ​മെ​ന്നതു സംബന്ധിച്ച്‌ എന്തെങ്കി​ലും പ്രാ​യോ​ഗിക ഉപദേ​ശ​മു​ണ്ടെ​ങ്കിൽ അതു നമുക്ക്‌ അറിയാ​വുന്ന മിക്കവാ​റു​മെ​ല്ലാ​വ​രും വിലമ​തി​ക്കും, ഇല്ലേ? നമുക്ക്‌ ആശ്രയി​ക്കാ​വുന്ന ഉപദേശം എവിടെ കണ്ടെത്താ​നാ​വു​മെ​ന്നാ​ണു നിങ്ങൾ വിചാ​രി​ക്കു​ന്നത്‌? [പ്രതി​ക​ര​ണ​ത്തിന്‌ അനുവ​ദി​ക്കുക.] സുഹൃ​ത്തു​ക്കൾ നൽകി​യ​തോ പണം സ്വീക​രിച്ച്‌ വിദഗ്‌ധർ നൽകി​യ​തോ ആയ ഉപദേ​ശ​ത്തി​ലാ​ശ്ര​യിച്ച അനേകർ ഭയങ്കര നിരാ​ശ​യി​ലാണ്‌. നേരേ​മ​റിച്ച്‌, ലക്ഷക്കണ​ക്കിന്‌ ആളുകൾ ബൈബി​ളി​നെ യഥാർഥ​ത്തിൽ ആശ്രയി​ക്കാ​വുന്ന ഉപദേ​ശ​ത്തി​ന്റെ ഏക ഉറവായി കണ്ടെത്തി​യി​രി​ക്കു​ന്നു. നാം അഭിമു​ഖീ​ക​രി​ച്ചേ​ക്കാ​വുന്ന ഏതൊരു പ്രശ്‌ന​ത്തെ​യും എങ്ങനെ നേരി​ടാ​മെ​ന്നതു സംബന്ധി​ച്ചു ബൈബിൾ പ്രബോ​ധനം പ്രദാനം ചെയ്യുന്നു. [2 തിമൊ​ഥെ​യൊസ്‌ 3:16, 17 വായി​ക്കുക.] ബൈബിൾ മനസ്സി​ലാ​ക്കാൻ ബുദ്ധി​മു​ട്ടു​ള​ള​താ​യി നിങ്ങൾക്കു തോന്നി​യേ​ക്കാ​മെ​ങ്കി​ലും, ജ്ഞാനമു​ളള ബുദ്ധ്യു​പ​ദേ​ശ​ങ്ങ​ളു​ടെ ഒരു കലവറ തുറക്കാൻ അതു നിങ്ങൾക്കെ​ങ്ങനെ ഉപയോ​ഗി​ക്കാ​നാ​വു​മെന്നു ഞാൻ നിങ്ങൾക്കു കാണി​ച്ചു​ത​രട്ടെ.” പുതി​യ​ലോക ഭാഷാ​ന്ത​ര​ത്തി​ന്റെ അവസാന ഭാഗത്തു​ളള “ബൈബിൾ പദസൂ​ചിക” എന്ന ഭാഗത്ത്‌, “സ്‌നേഹം” എന്നതി​ലേക്കു തിരി​ഞ്ഞു​കൊണ്ട്‌ സംഭാ​ഷണം തുടരു​ക​യും മറ്റുള​ള​വ​രു​മാ​യു​ളള ഭിന്നതകൾ പരിഹ​രി​ക്കാൻ സ്‌നേ​ഹ​ത്തി​നു നമ്മെ എങ്ങനെ സഹായി​ക്കാ​നാ​വു​മെന്നു പ്രകട​മാ​ക്കുന്ന ഏതാനും പരാമർശങ്ങൾ ചൂണ്ടി​ക്കാ​ണി​ക്കു​ക​യും ചെയ്യുക.

⁵ ഒരു ബൈബി​ള​ധ്യ​യനം തുടങ്ങ​ണ​മെന്ന ലക്ഷ്യത്തിൽ “നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും” എന്ന പുസ്‌തകം ഉപയോ​ഗി​ക്കാൻ നിങ്ങൾ തിര​ഞ്ഞെ​ടു​ത്തേ​ക്കാം, പിൻവ​രുന്ന മുഖവു​ര​യോ​ടെ:

◼“നാം നമ്മുടെ കുടും​ബ​ങ്ങളെ സ്‌നേ​ഹി​ക്കു​ക​യും അവർ ഏറ്റവും നല്ല നിലയി​ലാ​യി​രി​ക്കാൻ ആഗ്രഹി​ക്കു​ക​യും ചെയ്യുന്നു. ഇതു​പോ​ലൊ​രു ലോക​ത്തിൽ ജീവി​ക്കു​ന്ന​തിൽനി​ന്നു നിങ്ങളു​ടെ കുടും​ബം എങ്ങനെ പ്രയോ​ജനം നേടും?” 156-7 പേജു​ക​ളി​ലെ ചിത്രീ​ക​ര​ണങ്ങൾ കാണി​ക്കുക. ആ പേജു​ക​ളിൽ ഉദ്ധരി​ച്ചി​രി​ക്കുന്ന ഒന്നോ രണ്ടോ തിരു​വെ​ഴു​ത്തു​കൾ വായി​ക്കു​ക​യും നുണപ​റ​യാൻ കഴിയാത്ത യഹോ​വ​യാം ദൈവ​മാണ്‌ ഈ വാഗ്‌ദാ​നങ്ങൾ നടത്തി​യി​രി​ക്കു​ന്നത്‌ എന്നു വിശദ​മാ​ക്കു​ക​യും ചെയ്യുക. 5-6 പേജു​ക​ളി​ലെ അധ്യാ​യ​ങ്ങ​ളു​ടെ പട്ടിക പരാമർശിച്ച്‌ അതിൽ ഏതു വിഷയ​ത്തി​ലാ​ണു വീട്ടു​കാ​രന്‌ ഏറ്റവും കൂടുതൽ താത്‌പ​ര്യ​മെന്നു ചോദി​ക്കുക; അദ്ദേഹം തിര​ഞ്ഞെ​ടു​ക്കുന്ന അധ്യായം എടുക്കുക. എന്നിട്ട്‌ ഒന്നോ രണ്ടോ ഖണ്ഡികകൾ ചർച്ച​ചെ​യ്യുക.

⁶ വിമോ​ച​ന​ത്തി​നു​വേണ്ടി അടയാളം ഇടപ്പെ​ടേ​ണ്ട​തി​നു മറ്റൊരു വ്യക്തിയെ സഹായി​ക്കാൻ നിങ്ങൾ ഇഷ്ടപ്പെ​ടു​ന്നു​വോ? നന്നായി ഒരുങ്ങി​ക്കൊ​ണ്ടും താത്‌പ​ര്യം കണ്ടെത്തു​ന്നി​ട​ങ്ങ​ളിൽ സത്വരം മടക്കസ​ന്ദർശ​നങ്ങൾ നടത്തി​ക്കൊ​ണ്ടും ‘നിങ്ങളു​ടെ ശുശ്രൂഷ പൂർണ​മാ​യി നിർവ​ഹി​ക്കുന്ന’തിലാണു വിജയം കുടി​കൊ​ള​ളു​ന്നത്‌.—2 തിമൊ. 4:5, NW.