നിങ്ങളു​ടെ സേവന​ത്തിൽ മുഴു​ദേ​ഹി​യോ​ടെ പ്രവർത്തി​ക്കു​ക

¹ യേശു​വി​ന്റെ ശിഷ്യൻമാ​രെ​പ്പോ​ലെ ദൈവ​രാ​ജ്യ​ത്തെ​ക്കു​റി​ച്ചു​ളള സുവാർത്ത പ്രസം​ഗി​ക്കാ​നും യേശു​ക്രി​സ്‌തു​വി​ന്റെ ശിഷ്യൻമാ​രെ ഉളവാ​ക്കാ​നും നാം നിയമി​ക്ക​പ്പെ​ട്ടി​രി​ക്കു​ന്നു. (മത്താ. 24:14; 28:19, 20) അടിയ​ന്തി​ര​ത​യി​ലോ പ്രാധാ​ന്യ​ത്തി​ലോ അതി​നോ​ടു തുല്യ​മായ യാതൊ​രു വേലയും ഭൂമി​യിൽ ഇല്ല. ദശലക്ഷ​ക്ക​ണ​ക്കിന്‌ ആളുക​ളു​ടെ ജീവൻ ഉൾപ്പെ​ട്ടി​രി​ക്കു​ന്നു. നമ്മുടെ ഏററവും നല്ല ശ്രമം അതിന്‌ ആവശ്യ​മാണ്‌. പൗലോ​സി​ന്റെ ബുദ്ധ്യു​പ​ദേശം നല്ലവണ്ണം ബാധക​മാ​കു​ന്നു: “നിങ്ങൾ ചെയ്യു​ന്നത്‌ എന്തായി​രു​ന്നാ​ലും യഹോ​വ​യ്‌ക്കെ​ന്ന​പോ​ലെ മുഴു​ദേ​ഹി​യോ​ടെ അതിൽ പ്രവർത്തി​ക്കുക.” (കൊലോ. 3:23, NW) “മുഴു​ദേ​ഹി​യോ​ടെ” എന്നതു “തീക്ഷ്‌ണ​മായ ഉത്സാഹം എന്നോ ഏകാ​ഗ്ര​ചി​ത്തത” എന്നോ നിർവ​ചി​ക്ക​പ്പെ​ട്ടി​രി​ക്കു​ന്നു. നിങ്ങൾ നിങ്ങളു​ടെ സേവന​ത്തിൽ മുഴു​ദേ​ഹി​യോ​ടെ പ്രവർത്തി​ക്കു​ന്ന​വ​നാ​ണോ?

² മുഴു​ദേ​ഹി​യോ​ടെ പ്രവർത്തി​ക്കു​ന്നതു നമ്മിൽനിന്ന്‌ എന്താണ്‌ ആവശ്യ​പ്പെ​ടു​ന്നത്‌? സ്വീകാ​ര്യ​മായ സേവനത്തെ ഒരു ദശാംശം അഥവാ പത്തി​ലൊ​ന്നാ​യി യഹോവ പരാമർശി​ച്ചു. (മലാ. 3:10) പത്തി​ലൊന്ന്‌ ഒരു നിർദിഷ്ട അളവിനെ അർഥമാ​ക്കു​ന്ന​തി​നേ​ക്കാൾ യഹോ​വ​യോ​ടു​ളള നമ്മുടെ സ്‌നേ​ഹ​ത്തി​ന്റെ ഒരു പ്രകട​ന​മെ​ന്ന​വ​ണ്ണ​വും അവിടു​ത്തോ​ടു​ളള നമ്മുടെ സമർപ്പ​ണ​ത്തി​ന്റെ അംഗീ​ക​ര​ണ​മെ​ന്ന​വ​ണ്ണ​വും നാം യഹോ​വ​യു​ടെ സേവന​ത്തിൽ അർപ്പി​ക്കുന്ന സമയ​ത്തെ​യും ശ്രമ​ത്തെ​യും പ്രതി​നി​ധാ​നം ചെയ്യുന്നു. (w92 12⁄1 പേജ്‌ 15) നമ്മുടെ പ്രവർത്തനം യഹോ​വ​യോ​ടു​ളള നമ്മുടെ ഭക്തിയു​ടെ​യും സ്‌നേ​ഹ​ത്തി​ന്റെ​യും ആഴത്തെ പ്രതി​ഫ​ലി​പ്പി​ക്കണം. മുഴു​ദേ​ഹി​യോ​ടെ പ്രവർത്തി​ക്കുന്ന ഒരു വ്യക്തി തന്റെ ആരോ​ഗ്യ​വും സാഹച​ര്യ​ങ്ങ​ളും അനുവ​ദി​ക്കു​ന്നി​ട​ത്തോ​ളം പൂർണ​മാ​യി യഹോ​വയെ സേവി​ക്കാൻ പ്രേരി​പ്പി​ക്ക​പ്പെ​ടും.

³ പ്രത്യാ​ശ​യു​ടെ അടിസ്ഥാ​ന​ത്തിൽ “കഠിന​മാ​യി പ്രവർത്തി​ക്കു​ക​യും തീവ്ര​ശ്രമം ചെയ്യു​ക​യും” ചെയ്യുന്ന ക്രിസ്‌ത്യാ​നി​ക​ളെ​ക്കു​റി​ച്ചു പൗലോസ്‌ മതി​പ്പോ​ടെ സംസാ​രി​ച്ചു. (1 തിമൊ. 4:10, NW) യഹോ​വ​യു​ടെ അനു​ഗ്രഹം അവർക്കു പ്രതി​ഫ​ല​മാ​യി ലഭിക്കു​ന്നു, അത്‌ ‘അവരെ സമ്പന്നരാ​ക്കു​ന്നു’. (സദൃ. 10:22) അതിൽനി​ന്നു വ്യത്യ​സ്‌ത​മാ​യി തങ്ങളുടെ സമയവും ഊർജ​വും ലോഭ​മാ​യോ പിറു​പി​റു​പ്പോ​ടെ​യോ നൽകു​ന്നവർ, കൊടു​ക്കു​ന്ന​തിൽനി​ന്നു ലഭിക്കുന്ന സന്തോഷം അനുഭ​വി​ക്കു​ന്നില്ല. (പ്രവൃ​ത്തി​കൾ 20:35) നമ്മുടെ ഏററവും ഉത്തമമാ​യതു കൊടു​ക്കു​ന്ന​തി​ലെ വിമുഖത കാട്ടൽ യഥാർഥ​ത്തിൽ യഹോ​വ​യ്‌ക്കു കൊടു​ക്കേണ്ട “ദശാംശ”ത്തിൽനി​ന്നു​ളള കവർച്ച ചെയ്യലാണ്‌.—മലാ. 3:8.

⁴ നമ്മുടെ ഏററവും ഉത്തമമാ​യതു കൊടു​ക്കൽ: നാം വയൽസേ​വ​ന​ത്തിൽ പങ്കെടു​ക്കു​ക​യും നമ്മുടെ റിപ്പോർട്ടു കൊടു​ക്കു​ക​യും ചെയ്യു​മ്പോൾ ആ റിപ്പോർട്ട്‌ കൃത്യ​ത​യു​ള​ള​താ​ണോ? നമ്മുടെ ശുശ്രൂഷ പുസ്‌തകം പേജ്‌ 108-9 ഇപ്രകാ​രം പ്രസ്‌താ​വി​ക്കു​ന്നു: “നിങ്ങളു​ടെ വയൽസേവന സമയം നിങ്ങൾ സാക്ഷ്യ​വേല ആരംഭി​ക്കു​മ്പോൾ തുടങ്ങു​ക​യും ഓരോ സാക്ഷീ​കരണ ഘട്ടത്തി​ലെ​യും അവസാന സന്ദർശനം പൂർത്തി​യാ​ക്കു​മ്പോൾ അവസാ​നി​ക്കു​ക​യും വേണം. ഒരു വയൽസേ​വ​ന​ഘ​ട്ട​ത്തിൽ ലഘുഭ​ക്ഷ​ണ​ങ്ങൾക്കോ ഭക്ഷണങ്ങൾക്കോ എടുക്കുന്ന സമയം കണക്കാ​ക്കാ​വു​ന്നതല്ല.” നാം വയൽസേ​വ​ന​ത്തിൽ ആയിരി​ക്കു​മ്പോൾ പരമാ​വധി നേടാൻ നല്ല ആസൂ​ത്ര​ണ​വും ശ്രമവും ആവശ്യ​മാണ്‌.

⁵ നമ്മുടെ ഏററവും ഉത്തമമാ​യതു കൊടു​ക്കൽ എന്നതിന്റെ അർഥം നാം സേവന​ത്തിൽ ആയിരി​ക്കു​മ്പോൾ നമുക്കാ​വു​ന്നി​ട​ത്തോ​ളം ചെയ്യണം എന്നാണ്‌. മുഴു​ദേ​ഹി​യോ​ടെ പ്രവർത്തി​ക്കുന്ന ഒരുവൻ വീടു തോറു​മു​ളള വേലയിൽ പങ്കുപ​റ​റു​ന്ന​തി​നു പകരം അനൗപ​ചാ​രിക സാക്ഷീ​ക​ര​ണ​ത്തിൽ വല്ലപ്പോ​ഴു​മു​ളള ശ്രമങ്ങ​ളിൽ മാത്രം തന്റെ പ്രസംഗം മനഃപൂർവം പരിമി​ത​പ്പെ​ടു​ത്തു​ക​യില്ല. മുഴു​ദേ​ഹി​യോ​ടെ പ്രവർത്തി​ക്കുന്ന, സ്‌നാ​പ​ന​മേൽക്കാത്ത ഒരു യുവ പ്രസാ​ധകൻ വീടു​തോ​റും പോകു​ന്ന​തി​ലോ പ്രസം​ഗ​വി​ഷയം അവതരി​പ്പി​ക്കു​ന്ന​തിൽ പങ്കെടു​ക്കു​ന്ന​തി​ലോ താത്‌പ​ര്യം ഇല്ലെന്നു പ്രകട​മാ​ക്കി​ക്കൊണ്ട്‌ തന്റെ മാതാ​പി​താ​ക്ക​ളു​ടെ നിർബ​ന്ധ​ത്തി​നു വഴങ്ങി മാത്രം പ്രസം​ഗി​ക്കാൻ പോകു​ക​യില്ല.

⁶ അലസരാ​യി​ത്തീ​രാ​തി​രി​ക്കേ​ണ്ട​തി​നു നമ്മുടെ കഠിന​ശ്ര​മത്തെ നിലനിർത്താൻ പൗലോസ്‌ നമ്മെ പ്രോ​ത്സാ​ഹി​പ്പി​ക്കു​ന്നു. (എബ്രാ. 6:11, 12) നാം മുഴു​ദേ​ഹി​യോ​ടെ പ്രവർത്തി​ച്ച​തി​നാൽ നമ്മുടെ വ്യക്തി​പ​ര​മായ സേവനം അവലോ​കനം ചെയ്‌തു​നോ​ക്കി​യിട്ട്‌ ലജ്ജിക്കു​ന്ന​തി​നു കാരണ​മി​ല്ലാ​ത്തത്‌ എന്തൊരു സന്തോ​ഷ​മാണ്‌! (2 തിമൊ. 2:15) നാം വ്യക്തി​ഗ​ത​മാ​യി സഹായി​ച്ചി​ട്ടു​ളള വ്യക്തി​കളെ മഹോ​പ​ദ്ര​വത്തെ അതിജീ​വി​ക്കു​ന്ന​വ​രു​ടെ ഇടയിൽ കാണു​മ്പോൾ നമ്മുടെ ഏററവും വലിയ സന്തോഷം യാഥാർഥ്യ​മാ​യി​ത്തീ​രും. തീർച്ച​യാ​യും, യഹോ​വയെ മുഴു​ദേ​ഹി​യോ​ടെ സേവി​ക്കു​ന്ന​വർക്ക്‌ അവിടു​ന്നു സമൃദ്ധ​മാ​യി പ്രതി​ഫലം നൽകുന്നു.