“നമ്മുടെ ഇടവക​കളെ എങ്ങനെ ഉണർത്തും?”

ഈയിടെ ഫാമിയെ ക്രേറ്റ്‌യെൻ (ക്രിസ്‌തീയ കുടും​ബം) എന്ന ഫ്രഞ്ച്‌ കത്തോ​ലി​ക്കാ മാസിക ഉന്നയിച്ച മേലു​ദ്ധ​രിച്ച ചോദ്യം, അനേക​രെ​യും തെല്ലും അതിശ​യി​പ്പി​ക്കു​ന്നില്ല. ബ്രിട്ടന്റെ കർദി​നാൾ ഹ്യൂം, ഇടവക​കളെ “ഉറങ്ങുന്ന അതികാ​യ​ന്മാർ” എന്നു പോലും വിളി​ക്കു​ക​യു​ണ്ടാ​യി. ഉറക്കം തൂങ്ങൽ ഒഴിവാ​ക്കാ​നുള്ള മാർഗ​മെന്ന നിലയിൽ, മറ്റുള്ള​വ​രോ​ടു സുവി​ശേഷം പ്രസം​ഗി​ക്കുന്ന ഇടവക അടിസ്ഥാ​ന​ത്തി​ലുള്ള സംഘങ്ങൾ രൂപീ​ക​രി​ക്കുക എന്ന നിർദേശം മുന്നോ​ട്ടു വെക്ക​പ്പെ​ട്ടി​രി​ക്കു​ന്നു. “പുതിയ രീതി​യിൽ നേരിട്ടു സുവി​ശേ​ഷി​ക്കൽ” എന്ന്‌ ഇറ്റലി​യി​ലെ ഒരു പുരോ​ഹി​തൻ അതിനെ വിളി​ക്കു​ന്നു. അത്തര​മൊ​രു നടപടി​യെ ഈയിടെ പാപ്പാ പ്രോ​ത്സാ​ഹി​പ്പി​ച്ചെ​ങ്കി​ലും തങ്ങളുടെ വിശ്വാ​സം പങ്കി​ടേ​ണ്ടത്‌ ആവശ്യ​മാ​ണെന്ന അഭി​പ്രാ​യം എല്ലാവർക്കു​മൊ​ന്നു​മില്ല.

മിലാ​നി​ലെ വികാ​രി​യായ പിജി പെറിനി അടുത്ത​യി​ടെ ആഫ്രിക്ക സന്ദർശി​ക്കു​ക​യു​ണ്ടാ​യി. അവിടെ വെച്ച്‌ ഒരു കന്യാ​സ്‌ത്രീ അദ്ദേഹ​ത്തോട്‌ ഇങ്ങനെ പറഞ്ഞു: “ഞാൻ ഇവിടെ വന്നിട്ട്‌ 40 വർഷമാ​യി. ആഫ്രിക്കൻ സംസ്‌കാ​ര​ത്തി​നു ക്ഷതമേൽക്കാ​തി​രി​ക്കാൻ യേശു​വി​ന്റെ നാമം ഒരിക്ക​ലും ഉപയോ​ഗി​ക്കാ​തി​രി​ക്കു​ന്ന​തിൽ ഞാൻ വിജയി​ച്ചി​രി​ക്കു​ന്നു.” ആ വികാരി ഇങ്ങനെ ഉപസം​ഹ​രി​ക്കു​ന്നു: “ഞങ്ങൾ മേലാൽ യേശു​വി​നെ കുറിച്ചു സംസാ​രി​ക്കു​ന്നില്ല, മേലാൽ യേശു​വി​നെ കുറി​ച്ചുള്ള വിവരങ്ങൾ പങ്കു​വെ​ക്കു​ന്നില്ല, മേലാൽ സുവി​ശേഷം പ്രസം​ഗി​ക്കു​ന്നില്ല!” നേരെ മറിച്ച്‌, പ്രസം​ഗ​വേല തങ്ങളുടെ ജീവി​ത​ത്തി​ലെ ഒരു പ്രമുഖ ഭാഗമാ​ക്കി​യി​രി​ക്കുന്ന നിരവധി ആളുക​ളുണ്ട്‌. അവരെ സംബന്ധി​ച്ചി​ട​ത്തോ​ളം അത്‌ ആത്മീയ​മാ​യി ഉണർന്നി​രി​ക്കാ​നുള്ള ഒരു മാർഗം കൂടി​യാണ്‌. പിജി പെറിനി ഇങ്ങനെ സമ്മതിച്ചു പറയുന്നു: “ചന്ത സ്ഥലങ്ങളിൽ ക്രിസ്‌തു​വി​നെ കുറിച്ചു സംസാ​രി​ക്കുന്ന അല്ലെങ്കിൽ കയ്യിൽ ബൈബിൾ പിടി​ച്ചി​രി​ക്കുന്ന രണ്ടു വ്യക്തി​കളെ നിങ്ങൾ കണ്ടെത്തു​ന്നു. അപ്പോൾ നിങ്ങൾ മനസ്സിൽ പറയുന്നു: ദാ, യഹോ​വ​യു​ടെ സാക്ഷികൾ!”

ദശലക്ഷ​ക്ക​ണ​ക്കിന്‌ ആളുകൾ യഹോ​വ​യു​ടെ സാക്ഷി​ക​ളു​മാ​യി ദൈവ​വ​ചനം ചർച്ച ചെയ്യു​ന്നത്‌ ആസ്വദി​ക്കു​ന്നു. നിങ്ങളു​ടെ പ്രദേ​ശ​ത്തും സാക്ഷികൾ ബൈബിൾ ചർച്ചകൾ ക്രമീ​ക​രി​ച്ചി​ട്ടുണ്ട്‌ എന്നതിൽ യാതൊ​രു സംശയ​വു​മില്ല. ഒന്നാം നൂറ്റാ​ണ്ടി​ലേതു പോലെ, തീക്ഷ്‌ണ​ത​യുള്ള ഈ ക്രിസ്‌ത്യാ​നി​കൾ മറ്റുള്ള​വ​രു​മാ​യി തങ്ങളുടെ വിശ്വാ​സം പങ്കിടാൻ പരസ്‌പരം പ്രോ​ത്സാ​ഹി​പ്പി​ക്കു​ന്നു. അവരുടെ യോഗ​സ്ഥ​ല​ങ്ങ​ളിൽ (രാജ്യ​ഹാ​ളു​കൾ എന്ന്‌ അറിയ​പ്പെ​ടു​ന്നു) ഊഷ്‌മ​ള​ത​യും സൗഹൃ​ദ​വും കളിയാ​ടു​ന്നു. യഹോ​വ​യു​ടെ സാക്ഷികൾ നടത്തുന്ന ഒരു യോഗ​ത്തി​നു ഹാജരാ​യി ആത്മീയ മാന്ദ്യ​ത്തി​നെ​തി​രെ എങ്ങനെ പോരാ​ടാ​മെന്നു മനസ്സി​ലാ​ക്ക​രു​തോ?