നിങ്ങൾ ഓർമി​ക്കു​ന്നു​വോ?

വീക്ഷാ​ഗോ​പു​ര​ത്തി​ന്റെ സമീപ​കാല ലക്കങ്ങൾ നിങ്ങൾ ശ്രദ്ധാ​പൂർവം പരിചി​ന്തി​ച്ചു​വോ? അങ്ങനെ​യെ​ങ്കിൽ, പിൻവ​രു​ന്നവ അനുസ്‌മ​രി​ക്കു​ന്നതു നിങ്ങൾ ആസ്വദി​ക്കും:

□ വിവാ​ഹ​നി​ശ്ച​യത്തെ കുറിച്ചു ചിന്തി​ക്കു​ന്ന​തി​നു മുമ്പ്‌ ഉൾപ്പെ​ട്ടി​രി​ക്കുന്ന രണ്ടു ക്രിസ്‌ത്യാ​നി​കൾക്കും തങ്ങളോ​ടു​തന്നെ ചോദി​ക്കാ​വുന്ന ചില ചോദ്യ​ങ്ങൾ ഏവ?

‘ആ വ്യക്തി​യു​ടെ ആത്മീയ​ത​യും ദൈവ​ഭ​ക്തി​യും സംബന്ധിച്ച്‌ എനിക്ക്‌ ഉറപ്പു​ണ്ടോ? ആയുഷ്‌കാ​ലം മുഴു​വ​നും ആ വ്യക്തി​യോ​ടൊ​പ്പം ദൈവത്തെ സേവി​ക്കു​ന്നത്‌ എനിക്കു വിഭാവന ചെയ്യാൻ കഴിയു​മോ? ഞങ്ങൾ ഇരുവ​രും വ്യക്തിത്വ സവി​ശേ​ഷ​തകൾ പരസ്‌പരം വേണ്ടവി​ധം മനസ്സി​ലാ​ക്കി​യി​ട്ടു​ണ്ടോ? ഞങ്ങൾ എക്കാല​വും ഇണങ്ങി​ക്ക​ഴി​യാ​വു​ന്നവർ ആയിരി​ക്കു​മെന്ന്‌ എനിക്ക്‌ ഉറപ്പു​ണ്ടോ? ഇരുവ​രു​ടെ​യും കഴിഞ്ഞ​കാല പ്രവൃ​ത്തി​കളെ കുറി​ച്ചും ഇപ്പോ​ഴത്തെ സാഹച​ര്യ​ങ്ങളെ കുറി​ച്ചും ഞങ്ങൾക്കു വേണ്ടത്ര അറിയാ​മോ?’—8/15, പേജ്‌ 31.

◻ “നിങ്ങൾ ഭൂമി​യു​ടെ ഉപ്പാകു​ന്നു” എന്ന്‌ തന്റെ അനുഗാ​മി​ക​ളോ​ടു പറഞ്ഞ​പ്പോൾ യേശു എന്താണ്‌ അർഥമാ​ക്കി​യത്‌? (മത്തായി 5:13)

ദൈവരാജ്യത്തെ കുറി​ച്ചുള്ള തന്റെ അനുഗാ​മി​ക​ളു​ടെ പ്രസം​ഗ​ത്തി​നു ശ്രോ​താ​ക്ക​ളു​ടെ​മേൽ സംരക്ഷ​ക​മോ ജീവര​ക്ഷാ​ക​ര​മോ ആയ സ്വാധീ​നം ഉണ്ടായി​രി​ക്കും എന്നാണ്‌ യേശു അർഥമാ​ക്കി​യത്‌. യഥാർഥ​ത്തിൽ, യേശു​വി​ന്റെ വാക്കുകൾ അനുസ​രി​ക്കു​ന്നവർ ലോക​ത്തി​ലെ ധാർമി​ക​വും ആത്മീയ​വു​മായ അപക്ഷയ​ത്തിൽ നിന്നും സംരക്ഷി​ക്ക​പ്പെ​ടു​മാ​യി​രു​ന്നു.—8/15, പേജ്‌ 32.

◻ കോർട്ടിങ്‌ നടത്തുന്ന ഇണകൾക്ക്‌ ലൈം​ഗിക അധാർമി​കത എന്ന കെണി എങ്ങനെ ഒഴിവാ​ക്കാ​നാ​കും?

നിങ്ങൾ ഡേറ്റി​ങ്ങിൽ ഏർപ്പെ​ടു​ന്നെ​ങ്കിൽ, അനുചിത സാഹച​ര്യ​ങ്ങ​ളിൽ നിങ്ങളു​ടെ ഭാവി വിവാഹ ഇണയോ​ടൊ​പ്പം തനിച്ചാ​യി​രി​ക്കു​ന്നത്‌ ഒഴിവാ​ക്കു​ന്നതു ജ്ഞാനമാണ്‌. ഒരു കൂട്ട​ത്തോ​ടൊ​പ്പ​മോ പൊതു സ്ഥലങ്ങളി​ലോ ആയിരി​ക്കു​മ്പോൾ പരസ്‌പര സഹവാസം ആസ്വദി​ക്കു​ന്ന​താണ്‌ ഏറ്റവും മെച്ചം. ഓരോ വ്യക്തി​യും മറ്റേ വ്യക്തി​യു​ടെ വികാ​ര​ങ്ങ​ളെ​യും മനസ്സാ​ക്ഷി​യെ​യും ആദരി​ച്ചു​കൊണ്ട്‌ വാത്സല്യ പ്രകട​ന​ങ്ങൾക്കു പരിധി​കൾ വെക്കുക.—9/1, പേജുകൾ 17, 18.

◻ ഗ്രാഹ്യം എന്നാൽ എന്ത്‌?

ഒരു കാര്യത്തെ അതിന്റെ ഉള്ളി​ലേക്ക്‌ ഇറങ്ങി​ച്ചെന്നു കാണാ​നും അതിന്റെ ഭാഗങ്ങൾക്ക്‌ മുഴു സംഗതി​യു​മാ​യുള്ള ബന്ധം മനസ്സി​ലാ​ക്കു​ക​വഴി അതിന്റെ ഘടന വിവേ​ചിച്ച്‌ അറിയാ​നും ഉള്ള പ്രാപ്‌തി​യാണ്‌ ഗ്രാഹ്യം. (സദൃശ​വാ​ക്യ​ങ്ങൾ 4:1, NW)—9/15, പേജ്‌ 13.

◻ ഇന്ന്‌ യഹോവ നമ്മോട്‌ ആവശ്യ​പ്പെ​ടു​ന്നത്‌ എന്താണ്‌?

തന്റെ പുത്രനു ശ്രദ്ധ കൊടു​ക്കാ​നും അവന്റെ മാതൃ​ക​യും പഠിപ്പി​ക്ക​ലു​ക​ളും പിൻപ​റ്റാ​നു​മാണ്‌ അടിസ്ഥാ​ന​പ​ര​മാ​യി യഹോവ നമ്മോട്‌ ആവശ്യ​പ്പെ​ടു​ന്നത്‌. (മത്തായി 16:24; 1 പത്രൊസ്‌ 2:21)—9/15, പേജ്‌ 22.

◻ ആർക്കു മാത്രമേ സമാധാ​നം അനുഭ​വി​ക്കാൻ സാധിക്കൂ?

യഹോവ “സമാധാ​ന​ത്തി​ന്റെ ദൈവം” ആയതി​നാൽ ദൈവ​ത്തോ​ടു സ്‌നേ​ഹ​വും അവന്റെ നീതി​യുള്ള തത്ത്വങ്ങ​ളോട്‌ ആഴമായ ആദരവും ഉള്ളവർക്കു മാത്രമേ സമാധാ​നം അനുഭ​വി​ക്കാൻ സാധിക്കൂ. (റോമർ 15:33)—10/1, പേജ്‌ 11.

◻ പോത്തി​ഫ​റി​ന്റെ ഭാര്യ​യു​ടെ നാൾതോ​റു​മുള്ള പ്രലോ​ഭ​നത്തെ ചെറു​ത്തു​നിൽക്കാ​നുള്ള ധാർമിക കരുത്ത്‌ യോ​സേഫ്‌ എങ്ങനെ​യാണ്‌ ആർജി​ച്ചത്‌?

ക്ഷണിക സുഖ​ത്തെ​ക്കാൾ യഹോ​വ​യു​മാ​യുള്ള ബന്ധത്തിന്‌ അവൻ അത്യധി​കം മൂല്യം കൽപ്പിച്ചു. അതു മാത്രമല്ല, ഒരു ദിവ്യ നിയമ​സം​ഹി​ത​യ്‌ക്കു കീഴിൽ അല്ലായി​രു​ന്നെ​ങ്കി​ലും ധാർമിക തത്ത്വങ്ങൾ സംബന്ധിച്ച വ്യക്തമായ ഗ്രാഹ്യം യോ​സേ​ഫിന്‌ ഉണ്ടായി​രു​ന്നു. (ഉല്‌പത്തി 39:9)—10/1, പേജ്‌ 29.

◻ നമ്മുടെ സഹോ​ദ​ര​ങ്ങ​ളോ​ടു ക്ഷമിക്കാൻ മനസ്സൊ​രു​ക്കം കാട്ടു​ന്നത്‌ എത്ര പ്രധാ​ന​മാണ്‌?

ദൈവത്തിന്റെ ക്ഷമ നേടു​ന്നതു കൂടു​ത​ലും, സഹോ​ദ​ര​ങ്ങ​ളോ​ടു ക്ഷമിക്കാൻ നാം എത്രമാ​ത്രം മനസ്സൊ​രു​ക്കം കാട്ടുന്നു എന്നതിനെ ആശ്രയി​ച്ചി​രി​ക്കു​ന്നു. (മത്തായി 6:12, 14; ലൂക്കൊസ്‌ 11:4)—10/15, പേജ്‌ 17.

◻ മത്തായി 18:15-17 ഏതു തരം പാപങ്ങ​ളെ​യാണ്‌ അർഥമാ​ക്കു​ന്നത്‌, അത്‌ എങ്ങനെ മനസ്സി​ലാ​ക്കാ​നാ​കും?

തെറ്റുകാരനെ “പുറജാ​തി​ക്കാ​ര​നും ചുങ്കക്കാ​ര​നും എന്നപോ​ലെ” വീക്ഷി​ക്കു​ന്ന​തി​ലേക്കു നയിക്ക​ത്ത​ക്ക​വണ്ണം ഗൗരവാ​വ​ഹ​മാ​യി​രുന്ന പാപങ്ങ​ളെ​യാണ്‌ യേശു അർഥമാ​ക്കി​യത്‌. യഹൂദ​ന്മാർ പുറജാ​തി​ക്കാ​രു​മാ​യി സഹവസി​ക്കു​ക​യി​ല്ലാ​യി​രു​ന്നു, അവർ ചുങ്കക്കാ​രെ ഒഴിവാ​ക്കി​യി​രു​ന്നു. അതു​കൊണ്ട്‌, മത്തായി 18:15-17-ൽ സൂചി​പ്പി​ക്കു​ന്നതു ഗൗരവാ​വ​ഹ​മായ പാപ​ത്തെ​യാണ്‌, അല്ലാതെ കേവലം ക്ഷമിക്കാ​നും മറക്കാ​നും സാധി​ക്കുന്ന പിഴവു​ക​ളെ​യോ വ്രണ​പ്പെ​ടു​ത്ത​ലു​ക​ളെ​യോ അല്ല. (മത്തായി 18:21, 22)—10/15, പേജ്‌ 19.

◻ ദൈവ​വ​ച​നത്തെ യഥാർഥ​മാ​യും സ്‌നേ​ഹി​ക്കു​ന്ന​തിൽ എന്ത്‌ ഉൾപ്പെ​ടു​ന്നു?

ദൈവവചനത്തെ സ്‌നേ​ഹി​ക്കു​ന്നത്‌ അതിന്റെ നിബന്ധ​ന​കൾക്കു ചേർച്ച​യിൽ ജീവി​ക്കു​ന്ന​തി​ലേക്ക്‌ ഒരുവനെ നയിക്കു​ന്നു. (സങ്കീർത്തനം 119:97, 101, 105) അതിന്‌ ഒരുവന്റെ ചിന്തയി​ലും ജീവിത രീതി​യി​ലും നിരന്ത​ര​മായ പൊരു​ത്ത​പ്പെ​ടു​ത്ത​ലു​കൾ വരു​ത്തേ​ണ്ടത്‌ ആവശ്യ​മാണ്‌.—11/1, പേജ്‌ 14.

◻ ഏറ്റവും വലിയ രാജാ​വും ദാതാ​വു​മായ യഹോ​വ​യാം ദൈവ​ത്തിൽ നിന്നു വളരെ​യേറെ ദാനങ്ങൾ സ്വീക​രി​ച്ചി​രി​ക്കുന്ന സ്ഥിതിക്ക്‌ നമുക്ക്‌ എന്താണ്‌ അവനു തിരികെ നൽകാൻ കഴിയുക?

നമുക്ക്‌ യഹോ​വ​യ്‌ക്കു നൽകാൻ കഴിയുന്ന ഏറ്റവും നല്ല ദാനം “സ്‌തോ​ത്ര​യാ​ഗം” ആണെന്നു ബൈബിൾ വെളി​പ്പെ​ടു​ത്തു​ന്നു. (എബ്രായർ 13:15) എന്തു​കൊണ്ട്‌? എന്തെന്നാൽ, ആ യാഗം ജീവൻ രക്ഷിക്കു​ന്ന​തി​നോ​ടു നേരിട്ടു ബന്ധപ്പെ​ട്ടി​രി​ക്കു​ന്നു. ഈ അന്ത്യകാ​ലത്ത്‌ യഹോ​വ​യ്‌ക്ക്‌ ഏറ്റവും താത്‌പ​ര്യ​മുള്ള ഒരു സംഗതി​യാണ്‌ അത്‌. (യെഹെ​സ്‌കേൽ 18:23)—11/1, പേജ്‌ 21.

◻ “ജ്ഞാനി​ക​ളു​ടെ വചനങ്ങൾ മുടി​ങ്കോൽ പോലെ” ആണെന്ന്‌ എഴുതി​യ​പ്പോൾ ശലോ​മോൻ എന്താണ്‌ അർഥമാ​ക്കി​യത്‌? (സഭാ​പ്ര​സം​ഗി 12:11)

ദൈവിക ജ്ഞാനം ഉള്ളവരു​ടെ വാക്കുകൾ, വായി​ച്ച​തോ കേട്ടതോ ആയ ജ്ഞാന​മൊ​ഴി​കൾക്ക്‌ അനുസൃ​ത​മായ പുരോ​ഗ​തി​കൾ വരുത്താൻ വായന​ക്കാ​രെ അല്ലെങ്കിൽ ശ്രോ​താ​ക്കളെ പ്രേരി​പ്പി​ക്കു​ന്നു.—11/15, പേജ്‌ 21.

◻ എന്താണു ദൈവിക വിവേകം?

ശരിയും തെറ്റും വേർതി​രി​ച്ച​റി​യാ​നും എന്നിട്ട്‌ ശരിയായ ഗതി തിര​ഞ്ഞെ​ടു​ക്കാ​നു​മുള്ള പ്രാപ്‌തി​യാണ്‌ ദൈവിക വിവേകം. ദൈവ​വ​ചനം പഠിക്കു​ന്ന​തി​ലൂ​ടെ​യും ബാധക​മാ​ക്കു​ന്ന​തി​ലൂ​ടെ​യും വിവേകം ലഭിക്കു​ന്നു.—11/15, പേജ്‌ 25.

◻ ഉത്തരവാ​ദി​ത്വ​ങ്ങൾ സ്വീക​രി​ക്കാ​നുള്ള മനസ്സൊ​രു​ക്കത്തെ എന്തി​നോ​ടൊ​പ്പം സമനി​ല​യിൽ നിർത്തേ​ണ്ട​തുണ്ട്‌? (1 തിമൊ​ഥെ​യൊസ്‌ 3:1)

അതിനെ നല്ല ന്യായ​ബോ​ധ​ത്തോ​ടൊ​പ്പം സമനി​ല​യിൽ നിർത്തേ​ണ്ട​തുണ്ട്‌. യഹോ​വ​യു​ടെ സേവന​ത്തി​ലെ സന്തോഷം നഷ്ടപ്പെ​ടു​മാറ്‌ ആരും ആവതി​ല​ധി​കം നിയമ​നങ്ങൾ സ്വീക​രി​ക്ക​രുത്‌. സന്നദ്ധ മനോ​ഭാ​വം പ്രശം​സ​നീ​യം തന്നെ. എന്നാൽ, മനസ്സൊ​രു​ക്ക​ത്തോ​ടൊ​പ്പം എളിമ​യും “സുബോധ”വും പ്രതി​ഫ​ലി​ക്കേ​ണ്ട​തുണ്ട്‌. (തീത്തൊസ്‌ 2:13; വെളി​പ്പാ​ടു 3:15, 16)—12/1, പേജ്‌ 28.

◻ കുട്ടി​കളെ വളർത്തു​ന്ന​തി​ലെ വെല്ലു​വി​ളി​യെ എങ്ങനെ നേരി​ടാം?

കുട്ടികൾക്കു മാതൃക വെക്കാ​നും അവരുടെ സുഹൃ​ത്തു​ക്കൾ ആയിരി​ക്കാ​നും അവരു​മാ​യി ആശയവി​നി​മയം നടത്താ​നും അവരെ പ്രബോ​ധി​പ്പി​ക്കാ​നും ദൈവം മാതാ​പി​താ​ക്കളെ ബുദ്ധി​യു​പ​ദേ​ശി​ക്കു​ന്നു. (ആവർത്ത​ന​പു​സ്‌തകം 6:6, 7)—12/1, പേജ്‌ 32.