ജോലി​യും വിശ്ര​മ​വും സമനി​ല​യിൽ നിർത്തൽ

“മനോ​ഹ​ര​മായ ഒരു ഉടയാ​ട​യാ​ണു വിശ്രമം. പക്ഷേ, അതു സ്ഥിരം ധരിക്കാ​നു​ള്ളതല്ല.” ഇങ്ങനെ പറഞ്ഞു​കൊണ്ട്‌ ഒരു അജ്ഞാത എഴുത്തു​കാ​രൻ വിശ്ര​മ​ത്തി​ന്റെ മൂല്യം യഥോ​ചി​തം ചിത്രീ​ക​രി​ക്കു​ന്നു. എന്നുവ​രി​കി​ലും, വിശ്ര​മ​വും ഉത്‌പാ​ദ​ന​ക്ഷ​മ​മായ പ്രവർത്ത​ന​വും സമനി​ല​യിൽ നിർത്തേ​ണ്ട​തുണ്ട്‌ എന്ന്‌ അദ്ദേഹം വ്യക്തമാ​ക്കു​ന്നു.

നിശ്വ​സ്‌ത ബൈബിൾ എഴുത്തു​കാ​ര​നായ ശലോ​മോ​നും ഇതേക്കു​റിച്ച്‌ എഴുതി​യി​രു​ന്നു. ഒഴിവാ​ക്കേ​ണ്ട​തായ അതിരു​കടന്ന രണ്ടു നിലപാ​ടു​കൾ ജ്ഞാനി​യായ ആ രാജാവ്‌ വ്യക്തമാ​ക്കി. ആദ്യ​ത്തെ​തി​നെ കുറിച്ച്‌ അവൻ ഇങ്ങനെ എഴുതി: “മൂഢൻ കയ്യും കെട്ടി​യി​രു​ന്നു സ്വന്തമാം​സം തിന്നുന്നു.” (സഭാ​പ്ര​സം​ഗി 4:5) അതേ, അലസത ഒരുവനെ ദാരി​ദ്ര്യ​ത്തിൽ ആഴ്‌ത്തി​യേ​ക്കാം. മടിയന്റെ ആരോ​ഗ്യ​ത്തെ, ജീവനെ പോലും അപകട​ത്തി​ലാ​ക്കാൻ അതിനു കഴിയും. നേരെ വിപരീ​ത​മാ​യി, കഠിനാ​ധ്വാ​ന​ത്തി​ന്റെ പേരിൽ സകലതും ബലിക​ഴി​ക്കാൻ മുതി​രുന്ന ചിലരുണ്ട്‌. അവരുടെ നിരന്ത​ര​മായ കഠിനാ​ധ്വാ​നത്തെ, “മായയും വൃഥാ​പ്ര​യ​ത്‌ന​വും” എന്നു ശലോ​മോൻ വിശേ​ഷി​പ്പി​ച്ചു.—സഭാ​പ്ര​സം​ഗി 4:4.

സമനില പാലി​ക്കാൻ ശലോ​മോൻ ഇങ്ങനെ ശുപാർശ ചെയ്‌തതു നല്ല കാരണ​ത്തോ​ടെ​യാണ്‌: ‘രണ്ടു കയ്യും നിറയെ അദ്ധ്വാ​ന​വും വൃഥാ​പ്ര​യ​ത്‌ന​വും ഉള്ളതി​നെ​ക്കാൾ ഒരു കൈ നിറയെ വിശ്രാ​മം അധികം നല്ലതു.’ (സഭാ​പ്ര​സം​ഗി 4:6) ഒരുവൻ “തന്റെ പ്രയത്‌ന​ത്താൽ സുഖം അനുഭ​വിക്ക”ണം, അതായത്‌, തന്റെ സമ്പാദ്യം ആസ്വദി​ക്കാൻ ഇടയ്‌ക്കി​ടെ സമയം കണ്ടെത്തണം. (സഭാ​പ്ര​സം​ഗി 2:24) ലൗകിക തൊഴിൽ ആയിരി​ക്ക​രുത്‌ ജീവി​ത​ത്തിൽ സർവ​പ്ര​ധാ​നം. നമ്മുടെ സമയത്തിൽ കുറച്ച്‌ കുടും​ബ​ത്തി​നു വേണ്ടി​യും നീക്കി​വെ​ക്കണം. ലൗകിക തൊഴിൽ ചെയ്യു​ന്നതല്ല മറിച്ച്‌, ദൈവത്തെ സേവി​ക്കു​ന്ന​താ​ണു നമ്മുടെ പ്രഥമ കടപ്പാട്‌ എന്നു ശലോ​മോൻ ഊന്നി​പ്പ​റഞ്ഞു. (സഭാ​പ്ര​സം​ഗി 12:13) ജോലി​യെ കുറിച്ചു സമനി​ല​യുള്ള വീക്ഷണ​മാ​ണോ നിങ്ങൾക്കു​ള്ളത്‌?