‘വിശ്വാ​സ​ത്താൽ പ്രേരി​ത​മായ ധാർമിക ബലം’

വളരെ​യ​ധി​കം നിരൂ​പ​ക​രു​ടെ പ്രശംസ പിടി​ച്ചു​പ​റ്റിയ, ഫ്രഞ്ച്‌ ഭാഷയിൽ ഗെ കാനൊ​നിക്‌ എഴുതിയ, ലേ തേംവെൻ ദ ഷാവോവ ഫസ്‌ അ ഇറ്റ്‌ലർ (ഹിറ്റ്‌ല​റി​ന്റെ ഭീഷണി​ക്കു മുമ്പിൽ യഹോ​വ​യു​ടെ സാക്ഷികൾ) എന്ന ഒരു പുതിയ പുസ്‌തകം 1998-ൽ പ്രകാ​ശനം ചെയ്യു​ക​യു​ണ്ടാ​യി. അത്യന്തം ആദരി​ക്ക​പ്പെ​ടുന്ന ഫ്രഞ്ച്‌ ചരി​ത്ര​കാ​ര​നായ ഫ്രാൻസ്‌ സേദാ​രിദ ആ പുസ്‌ത​ക​ത്തി​ന്റെ ആമുഖ​ത്തിൽ ഇങ്ങനെ എഴുതി: “വളരെ​യ​ധി​കം സ്വാഗതം ചെയ്യ​പ്പെ​ടുന്ന ഒരു പുസ്‌ത​ക​മാ​ണിത്‌. അത്‌ [പ്രസാധന പരമ്പര​യി​ലെ] ഒരു വിടവ്‌ നികത്തു​ന്ന​തു​കൊണ്ട്‌ മാത്രമല്ല, തക്ക സമയത്തു പ്രസി​ദ്ധീ​ക​രി​ക്ക​പ്പെ​ട്ടി​രി​ക്കു​ന്ന​തു​കൊ​ണ്ടു​മാണ്‌. . . . ‘മൂന്നാം റൈച്ചി’ൽ യഹോ​വ​യു​ടെ സാക്ഷി​കൾക്കു​ണ്ടായ ദുരി​ത​ങ്ങളെ കുറിച്ച്‌, ആ വിഷയ​ത്തിൽ പ്രത്യേക പഠനം നടത്തി​യി​ട്ടു​ള്ള​വർക്ക​ല്ലാ​തെ ആർക്കാണ്‌ അറിയാ​വു​ന്നത്‌? ആ 12 വർഷ ഭരണകാ​ലത്ത്‌ ഉടനീളം നിർദ​യ​മായ ക്രൂര​ത​യോ​ടും ഹിംസാ​ത്മ​ക​ത​യോ​ടും കൂടിയ ഉഗ്രപീ​ഡ​ന​ത്തിന്‌ അവർ ഇരകളാ​യി. തടങ്കൽ പാളയ​ങ്ങ​ളി​ലെ ഭീകര​ത​യും അവർ അനുഭ​വി​ച്ചു. വിശ്വാ​സ​ത്തെ​യും ബോധ്യ​ങ്ങ​ളെ​യും പ്രതി അവരും കനത്ത വില​യൊ​ടു​ക്കേണ്ടി വന്നു. ചരിത്രം ഈ ക്രിസ്‌ത്യാ​നി​കളെ മറന്ന​തെന്തേ? . . .

“നിരു​പ​ദ്ര​വ​കാ​രി​ക​ളായ, ചിതറി​പ്പാർക്കുന്ന ഈ ചെറിയ മതവി​ഭാ​ഗ​ത്തി​ന്മേൽ ഇത്ര ക്രൂര​വും ആസൂ​ത്രി​ത​വു​മായ പീഡനം നടന്ന​തെ​ന്തു​കൊണ്ട്‌? അതാണ്‌ ആ വിരോ​ധാ​ഭാ​സ​ത്തി​ലെ മുഖ്യ വിഷമ വൃത്തം. ജർമനി​യി​ലെ വളരെ ചെറി​യൊ​രു ന്യൂന​പക്ഷം മാത്ര​മാ​യി​രു​ന്നു യഹോ​വ​യു​ടെ സാക്ഷികൾ—സ്ഥിതി​വി​വര കണക്കുകൾ അനുസ​രിച്ച്‌, ആറു കോടി​യി​ല​ധി​കം വരുന്ന മൊത്തം ജനസം​ഖ്യ​യിൽ ഏകദേശം 20,000 സാക്ഷികൾ മാത്രമേ ഉണ്ടായി​രു​ന്നു​ള്ളൂ. മാത്രമല്ല, അവർ എല്ലാവ​രും നിയമത്തെ ആദരി​ച്ചി​രു​ന്ന​വ​രും ആരെയും ഭീഷണി​പ്പെ​ടു​ത്താ​ത്ത​വ​രും ജോലി​ചെ​യ്യാൻ മനസ്സൊ​രു​ക്ക​മു​ള്ള​വ​രും മക്കളെ ശരിയാം​വണ്ണം വളർത്തു​ന്ന​വ​രും, ആയിരു​ന്നു. . . .

“ധീരോ​ദാ​ത്ത​ത​യും രക്തസാ​ക്ഷി​ത്വ​വും അനിവാ​ര്യ​മാ​ക്കുന്ന ഘട്ടത്തോ​ളം എത്തിയ പൊലീ​സ്‌രാ​ജി​ന്റെ ശാരീ​രിക പീഡനം ഉൾപ്പെ​ടെ​യുള്ള ബാഹ്യ സമ്മർദ​ങ്ങളെ ചെറു​ക്കാൻ തങ്ങളെ പ്രാപ്‌ത​രാ​ക്കിയ, യേശു​ക്രി​സ്‌തു​വി​ലുള്ള വിശ്വാ​സ​ത്തിൽ അധിഷ്‌ഠി​ത​മായ ആന്തരിക ശക്തിയു​ടെ ഉടമക​ളാ​യി​രുന്ന ആ വിശ്വാ​സി​ക​ളു​ടെ സുദൃ​ഢ​വും വിജ​യോ​ജ്വ​ല​വു​മായ ആത്മീയ പ്രതി​രോ​ധ​ത്തിന്‌ എതി​രെ​യാണ്‌ ആ പീഡനം ഉയർന്നു​വ​ന്നത്‌.”

മത അസഹി​ഷ്‌ണു​ത​യിൻ മധ്യേ തങ്ങളുടെ ക്രിസ്‌തീയ വിശ്വാ​സ​ത്തി​നു​വേണ്ടി രക്തസാ​ക്ഷി​ക​ളായ യഹോ​വ​യു​ടെ സാക്ഷി​കളെ സംബന്ധിച്ച ആ വിവരണം ശക്തമായ ഒന്നാണ്‌. ആ പുസ്‌ത​കത്തെ വിലയി​രു​ത്തി​ക്കൊണ്ട്‌, ഒരു പ്രമുഖ ഫ്രഞ്ച്‌ കാത്തലിക്‌ ദിനപ​ത്ര​മായ ലാ ക്‌ർവ ഹൃദയ​സ്‌പർശ​ക​മാം വിധം ഇങ്ങനെ കൂട്ടി​ച്ചേർത്തു: “കുട്ടി​ക​ളു​ടെ കാര്യ​ത്തിൽ പോലും അവസാ​ന​ത്തോ​ളം അചഞ്ചല​മാ​യി​രുന്ന, ഏറ്റവും ലളിത​മായ വാക്കു​ക​ളിൽ പ്രകടി​പ്പി​ക്ക​പ്പെ​ട്ടി​രുന്ന, വിശ്വാ​സ​ത്താൽ പ്രേരി​ത​മായ അവരുടെ ധാർമിക ബലം സംബന്ധിച്ച്‌ ഒരുവനെ സ്‌തബ്ധ​നാ​ക്കുന്ന ധാരാളം തെളി​വു​കൾ അത്ര അറിയ​പ്പെ​ടാത്ത അവരുടെ ചരി​ത്ര​ത്തിൽ നിന്ന്‌ ഗെ കാനൊ​നി​സി അവതരി​പ്പി​ച്ചി​രി​ക്കു​ന്നു. യഹോ​വ​യു​ടെ സാക്ഷി​ക​ളു​ടെ ക്രിസ്‌തീയ സ്വഭാ​വ​ത്തെ​ക്കു​റി​ച്ചുള്ള ഇപ്പോ​ഴത്തെ വിവാ​ദ​ങ്ങൾക്ക്‌ ഈ ഓർമി​പ്പി​ക്കൽ ഒരു പശ്ചാത്തലം നൽകേ​ണ്ട​താണ്‌.”