ബൈബിൾ വ്യാഖ്യാ​നം—ആരുടെ സ്വാധീ​ന​ത്താൽ?

“വ്യക്തി​പ​ര​മായ വിശ്വാ​സ​ത്തി​ന്റെ​യോ വിലയി​രു​ത്ത​ലി​ന്റെ​യോ സാഹച​ര്യ​ത്തി​ന്റെ​യോ വെളി​ച്ച​ത്തിൽ അഭി​പ്രായ രൂപവ​ത്‌ക​രണം നടത്തുക” എന്നാണ്‌ “വ്യാഖ്യാ​നി​ക്കുക” (“interpret”) എന്നതിന്റെ ഒരു നിർവ​ചനം. (വെബ്‌സ്റ്റേ​ഴ്‌സ്‌ നയൻത്‌ ന്യൂ കൊളീ​ജി​യറ്റ്‌ ഡിക്‌ഷ​ണറി) അതു​കൊണ്ട്‌ ഒരുവന്റെ പശ്ചാത്ത​ല​വും വിദ്യാ​ഭ്യാ​സ​വും ബാല്യ​കാല പരിശീ​ല​ന​വും അയാളു​ടെ ഏതൊരു വ്യാഖ്യാ​ന​ത്തെ​യും പൊതു​വെ സ്വാധീ​നി​ക്കു​ന്നു.

എന്നാൽ, ബൈബിൾ വ്യാഖ്യാ​ന​ത്തി​ന്റെ കാര്യ​മോ? നമ്മുടെ സ്വന്തം “വിശ്വാ​സ​ത്തി​ന്റെ​യോ വിലയി​രു​ത്ത​ലി​ന്റെ​യോ സാഹച​ര്യ​ത്തി​ന്റെ​യോ” അടിസ്ഥാ​ന​ത്തിൽ ബൈബിൾ ഭാഗങ്ങൾ വിശദീ​ക​രി​ക്കാൻ നമുക്കു സ്വാത​ന്ത്ര്യ​മു​ണ്ടോ? തങ്ങൾ അപ്രകാ​രം ചെയ്യു​ന്നില്ല, മറിച്ച്‌ ദൈവ​ത്താൽ തങ്ങൾ നയിക്ക​പ്പെ​ടു​ക​യാ​ണെന്ന്‌ മിക്ക ബൈബിൾ പണ്ഡിത​ന്മാ​രും പരിഭാ​ഷ​ക​രും അവകാ​ശ​പ്പെ​ടു​ന്നു.

“ഒരു കത്തോ​ലി​ക്കൻ” എന്ന തൂലി​കാ​നാ​മ​ത്തിൽ ജോൺ ലിംഗാർഡ്‌ 1836-ൽ പ്രസി​ദ്ധീ​ക​രിച്ച ചതുർ സുവി​ശേ​ഷ​ങ്ങ​ളു​ടെ ഒരു നവീന ഭാഷാ​ന്ത​ര​ത്തിൽ (ഇംഗ്ലീഷ്‌) യോഹ​ന്നാൻ 1:1-ന്റെ അടിക്കു​റി​പ്പാ​യി കൊടു​ത്തി​രി​ക്കു​ന്നത്‌ അതിന്‌ ഒരു ഉദാഹ​ര​ണ​മാണ്‌. അത്‌ ഇങ്ങനെ പറയുന്നു: “എല്ലാ മതവി​ശ്വാ​സ​ങ്ങ​ളി​ലും ഉള്ള ആളുകൾ തങ്ങളുടെ അഭി​പ്രാ​യ​ങ്ങൾക്കുള്ള തെളിവ്‌ വിശുദ്ധ ഗ്രന്ഥങ്ങ​ളിൽ ഉണ്ടെന്നു വിശ്വ​സി​ക്കു​ന്നു: എന്നാൽ വാസ്‌ത​വ​ത്തിൽ അവരെ വഴിന​യി​ക്കു​ന്നതു തിരു​വെ​ഴു​ത്തല്ല, മറിച്ച്‌ തിരു​വെ​ഴു​ത്തു സ്വന്തമാ​യി വ്യാഖ്യാ​നി​ക്കുന്ന അവർ തന്നെയാണ്‌.”

സംഗതി ശരിയാ​ണെ​ങ്കി​ലും, ആ എഴുത്തു​കാ​രന്റെ ഉദ്ദേശ്യം എന്തായി​രു​ന്നു? ആ വാക്യത്തെ കുറി​ച്ചുള്ള സ്വന്തം വ്യാഖ്യാ​നത്തെ പിന്താ​ങ്ങാ​നാ​യി​രു​ന്നു അദ്ദേഹം അങ്ങനെ അഭി​പ്രാ​യ​പ്പെ​ട്ടത്‌. അദ്ദേഹം അത്‌ ഇപ്രകാ​രം പരിഭാ​ഷ​പ്പെ​ടു​ത്തി: “ആരംഭ​ത്തിൽ ‘വചനം’ ഉണ്ടായി​രു​ന്നു, ‘വചനം’ ദൈവ​ത്തോ​ടു കൂടെ ആയിരു​ന്നു; ‘വചനം’ ദൈവ​മാ​യി​രു​ന്നു.” ഒരു ഒന്നാന്തരം ത്രി​ത്വോ​പ​ദേശ പരിഭാഷ.

ത്രി​ത്വോ​പ​ദേ​ശത്തെ പിന്താ​ങ്ങുന്ന വിധത്തിൽ യോഹ​ന്നാൻ 1:1 പരിഭാ​ഷ​പ്പെ​ടു​ത്താൻ ആ എഴുത്തു​കാ​രനെ പ്രേരി​പ്പി​ച്ചത്‌ എന്തായി​രു​ന്നു? അപ്രകാ​രം ചെയ്യാൻ അദ്ദേഹത്തെ ‘വഴിന​യി​ച്ചത്‌ തിരു​വെ​ഴുത്ത്‌’ ആണോ? അത്‌ അസാധ്യ​മാണ്‌. കാരണം, ത്രിത്വ പഠിപ്പി​ക്കൽ ബൈബി​ളിൽ ഒരിട​ത്തു​മില്ല. ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക ഈ വിഷയത്തെ കുറിച്ചു പറയു​ന്നതു ശ്രദ്ധി​ക്കുക: “ത്രിത്വം എന്ന പദമോ അത്തരം ഒരു വ്യക്തമായ ഉപദേ​ശ​മോ പുതിയ നിയമ​ത്തിൽ കാണു​ന്നില്ല.” കൂടാതെ, യേൽ യൂണി​വേ​ഴ്‌സി​റ്റി​യി​ലെ പ്രൊ​ഫ​സ​റായ ഇ. വോഷ്‌ബേൺ ഹോപ്‌കിൻസ്‌ ഇങ്ങനെ അഭി​പ്രാ​യ​പ്പെട്ടു: “വ്യക്തമാ​യും യേശു​വി​നും പൗലൊ​സി​നും ത്രി​ത്വോ​പ​ദേശം അജ്ഞാത​മാ​യി​രു​ന്നു; . . . അവർ അതേക്കു​റിച്ച്‌ ഒന്നും പറയു​ന്നില്ല.”

അപ്പോൾ, യോഹ​ന്നാൻ 1:1-ഓ മറ്റേ​തെ​ങ്കി​ലും ബൈബിൾ വാക്യ​മോ ത്രിത്വ​വാദ വ്യാഖ്യാ​ന​ത്തി​നാ​യി ഉപയോ​ഗി​ക്കു​ന്ന​വരെ കുറിച്ച്‌ നമുക്ക്‌ എന്തു നിഗമനം ചെയ്യാൻ കഴിയും? ശ്രീ. ലിംഗാർഡി​ന്റെ തന്നെ മാനദണ്ഡം അനുസ​രി​ച്ചാ​ണെ​ങ്കിൽ, “അവരെ വഴിന​യി​ക്കു​ന്നത്‌ തിരു​വെ​ഴു​ത്തല്ല, മറിച്ച്‌ തിരു​വെ​ഴുത്ത്‌ സ്വന്തമാ​യി വ്യാഖ്യാ​നി​ക്കുന്ന അവർ തന്നെയാണ്‌.”

സന്തോ​ഷ​ക​ര​മെ​ന്നു പറയട്ടെ, ഇക്കാര്യ​ത്തിൽ നമ്മെ വഴിന​യി​ക്കാൻ ദൈവ​ത്തി​ന്റെ സ്വന്തം വചനമുണ്ട്‌. അപ്പൊ​സ്‌ത​ല​നായ പത്രൊസ്‌ എഴുതി: “തിരു​വെ​ഴു​ത്തി​ലെ പ്രവചനം ഒന്നും സ്വയമായ വ്യാഖ്യാ​ന​ത്താൽ ഉളവാ​കു​ന്നതല്ല എന്നു ആദ്യം തന്നേ അറിഞ്ഞു​കൊ​ള്ളേണം. പ്രവചനം ഒരിക്ക​ലും മനുഷ്യ​ന്റെ ഇഷ്ടത്താൽ വന്നതല്ല, ദൈവ​ക​ല്‌പ​ന​യാൽ മനുഷ്യർ പരിശു​ദ്ധാ​ത്മ​നി​യോ​ഗം പ്രാപി​ച്ചി​ട്ടു സംസാ​രി​ച്ച​ത​ത്രേ.”—2 പത്രൊസ്‌ 1:20, 21.