സത്പേരു നിലനിർത്തുകസു
ന്ദരമായ ഒരു ചിത്രത്തിന്റെ പരിശോധന മൂല്യവത്തായ ഒരു സംഗതിയാണ്. കാൻവാസിൽ വിവിധ വർണങ്ങൾ പകർത്താൻ ഒരു കലാകാരൻ തന്റെ ബ്രഷ് നൂറുകണക്കിനു പ്രാവശ്യം ചലിപ്പിച്ചിരിക്കുന്നത് സൂക്ഷ്മ നിരീക്ഷണം നടത്തുന്ന ഒരുവൻ ശ്രദ്ധിക്കും.
സമാനമാണ് സത്പേരിന്റെ കാര്യവും. പ്രതീകാത്മകമായി പറഞ്ഞാൽ, സത്പേരാകുന്ന ചിത്രം ലഭിക്കാൻ ബ്രഷ് വിശാലമായി ഒരു പ്രാവശ്യം ചലിപ്പിച്ചതുകൊണ്ടായില്ല. അത് ചെറിയ പ്രവൃത്തികളിലൂടെ കുറെ കാലം കൊണ്ടു നേടിയെടുക്കുന്ന ഒന്നാണ്. അതേ, നമ്മുടെ സത്പ്രവൃത്തികളിലൂടെ ക്രമേണ സത്പേര് ഉണ്ടായിവരുന്നു.
നേരെമറിച്ച്, അസ്ഥാനത്തുള്ള ഒരു ബ്രഷ് സ്പർശം മതി ഒരു ചിത്രത്തിന്റെ വില ഇടിച്ചുകളയാൻ. നമ്മുടെ പേരിന്റെ കാര്യത്തിലും ഇതു സത്യമാണ്. ജ്ഞാനിയായ ശലോമോൻ ഇങ്ങനെ എഴുതി: “മനുഷ്യന്റെ ഭോഷത്വമോ അവന്റെ വഴിയെ മറിച്ചുകളയുന്നു.” (സദൃശവാക്യങ്ങൾ 19:3) ഒരു സത്പേരിനെ കളങ്കപ്പെടുത്താൻ അൽപ്പം ഭോഷത്വം മതി—ഉഗ്രമായ ഒരു കോപ പ്രകടനം, ലഹരിപാനീയങ്ങളുടെ ഒരിക്കലുള്ള അമിതോപയോഗം, അല്ലെങ്കിൽ അശുദ്ധമായ ഒരു ലൈംഗിക നടപടി. (സദൃശവാക്യങ്ങൾ 6:32; 14:17; 20:1) അപ്പോൾ, ഒരു നല്ല പേരു സമ്പാദിക്കാൻ യത്നിക്കുന്നതും അതു നിലനിർത്താൻ ഉത്സാഹത്തോടെ പ്രവർത്തിക്കുന്നതും എത്ര പ്രധാനമാണ്.— വെളിപ്പാടു 3:5 താരതമ്യം ചെയ്യുക.