ദൈവ​നാ​മം പുനഃ​സ്ഥി​തീ​ക​രി​ക്ക​പ്പെ​ടു​ന്നു

“അനേക വർഷക്കാ​ലം, ഒരുപക്ഷേ നൂറ്റാ​ണ്ടു​ക​ളോ​ളം, യഹോവ എന്ന നാമം ബൈബി​ളിൽനി​ന്നു നീക്കം ചെയ്യ​പ്പെ​ട്ടി​രു​ന്നു. ആ ചതുരക്ഷരിa പുനഃ​സ്ഥി​തീ​ക​രി​ക്കാൻ ശക്തമായ നിലപാ​ടെ​ടുത്ത ഒരേ​യൊ​രു ക്രിസ്‌തീയ മതം അവന്റെ ആധുനി​ക​കാല സാക്ഷി​ക​ളാണ്‌.”

ആസിസ്‌ ബ്രാസിൽ എന്ന ബ്രസീ​ലി​യൻ എഴുത്തു​കാ​രന്റെ ഷിയോവ ദെൻത്രു ദൂ ഷുദയ്‌സ്‌മൂ ഇ ദൂ ക്രിസ്‌ത്യാ​നി​സ്‌മൂ (യഹോവ, യഹൂദ​മ​ത​ത്തി​ലും ക്രിസ്‌ത്യാ​നി​ത്വ​ത്തി​ലും) എന്ന പുസ്‌ത​ക​ത്തിൽ നിന്നുള്ള ഉദ്ധരണി​യാണ്‌ മുകളിൽ കൊടു​ത്തി​രി​ക്കു​ന്നത്‌. എന്നാൽ ഉയർന്നു വന്നേക്കാ​വുന്ന ചോദ്യം ഇതാണ്‌, ഏതെങ്കി​ലും ഒരു വിധത്തിൽ ദിവ്യ​നാ​മം ഉപയോ​ഗി​ക്കുന്ന ഏതാനും ബൈബിൾ പരിഭാ​ഷകൾ ഉണ്ടെങ്കി​ലും, എന്തു​കൊ​ണ്ടാണ്‌ മറ്റു മതങ്ങൾ ആ നാമം തങ്ങളുടെ ബൈബി​ളിൽനി​ന്നു നീക്കം ചെയ്‌തി​രി​ക്കു​ന്നത്‌? ബ്രാസിൽ പറയുന്നു: “ദൈവ​നാ​മം നീക്കം ചെയ്‌തത്‌ ഒന്നുകിൽ അന്ധവി​ശ്വാ​സ​ങ്ങ​ളോ . . . ഗൂഢോ​ദ്ദേ​ശ്യ​ങ്ങ​ളോ നിമിത്തം ആണ്‌, അല്ലെങ്കിൽ യേശു​വി​ന്റെ​യും അവന്റെ മാതാ​വായ മറിയ​യു​ടെ​യും നാമങ്ങളെ ഉയർത്തി​ക്കാ​ട്ടാ​നുള്ള ആഗ്രഹം നിമി​ത്ത​മാണ്‌.”

എന്നിരു​ന്നാ​ലും, ബ്രാസിൽ ഉചിത​മാ​യി ചൂണ്ടി​ക്കാ​ട്ടു​ന്ന​തു​പോ​ലെ, “ദിവ്യ​നാ​മ​ത്തി​ന്റെ നീക്കം ചെയ്യലി​നെ പോർച്ചു​ഗീസ്‌ ഭാഷയി​ലുള്ള വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം പൂർണ​മാ​യി തിരു​ത്തി​യി​രി​ക്കു​ന്നു.” എങ്ങനെ? ആ ബൈബി​ളി​ലെ ഉചിത​മായ സ്ഥാനത്ത്‌ യഹോവ എന്ന നാമം പുനഃ​സ്ഥി​തീ​ക​രി​ച്ചു​കൊ​ണ്ടാണ്‌ അങ്ങനെ ചെയ്‌തി​രി​ക്കു​ന്നത്‌. പുതി​യ​ലോക ഭാഷാ​ന്ത​ര​ത്തിൽ യഹോവ എന്ന നാമം 7,200-ലധികം പ്രാവ​ശ്യം കാണാം.

പോർച്ചു​ഗീസ്‌ ഭാഷയി​ലുള്ള ഈ ആധുനിക, അക്ഷരീയ പരിഭാഷ പുറത്തു​വ​ന്നതു മുതൽ, അതിന്റെ 65 ലക്ഷത്തി​ല​ധി​കം കോപ്പി​കൾ വിതരണം ചെയ്യ​പ്പെട്ടു കഴിഞ്ഞു. അതു​കൊണ്ട്‌, ഡിയാ​രി​യൂ ദൂ നോർദെ​സ്‌തേ എന്ന ബ്രസീ​ലി​യൻ പത്രത്തിൽ എഴുതുന്ന ഒരു പത്ര​പ്ര​വർത്തകൻ ഇങ്ങനെ ചോദി​ക്കാൻ പ്രചോ​ദി​ത​നാ​യി, “ദൈവ​ത്തിന്‌ ഒരു പേര്‌ ഉണ്ടെന്ന്‌ നിങ്ങൾക്ക്‌ അറിയാ​മാ​യി​രു​ന്നോ?” ഈ ആധുനിക ബൈബിൾ പരിഭാ​ഷ​യു​ടെ സഹായ​ത്താൽ ദശലക്ഷ​ങ്ങൾക്ക്‌ ഇപ്പോൾ ആ ചോദ്യ​ത്തിന്‌ ഉത്തരമുണ്ട്‌. “അതേ. ദൈവ​ത്തി​ന്റെ പേര്‌ യഹോവ എന്നാണ്‌.”

[അടിക്കു​റി​പ്പു​കൾ]