നിങ്ങൾ വിവാ​ഹ​ത്തെ​ക്കു​റി​ച്ചു ചിന്തി​ക്കു​ക​യാ​ണോ?

ആഗോള വിവാ​ഹ​മോ​ച​നത്തെ ഒരു ഭൂകമ്പ​ത്തോ​ടു താരത​മ്യം ചെയ്യു​ന്നെ​ങ്കിൽ, ഐക്യ​നാ​ടു​കൾ ഭൂകമ്പ കേന്ദ്ര​മാ​യി​രി​ക്കും. ഈയിടെ അവിടെ ഒരു വർഷം പത്തുല​ക്ഷ​ത്തിൽ അധികം വിവാ​ഹ​മോ​ച​ന​ങ്ങ​ളാണ്‌ നടന്നത്‌—ഓരോ മിനി​റ്റി​ലും ശരാശരി രണ്ടെണ്ണം വീതം. എന്നാൽ വിവാ​ഹ​ത്ത​കർച്ച ഐക്യ​നാ​ടു​ക​ളിൽ മാത്രമല്ല സംഭവി​ക്കു​ന്നത്‌ എന്നു നിങ്ങൾക്ക്‌ അറിയാ​മാ​യി​രി​ക്കും.

ഒരു പഠനം അനുസ​രിച്ച്‌, 1970-നുശേഷം കാനഡ, ഇംഗ്ലണ്ട്‌, വെയ്‌ൽസ്‌, ഫ്രാൻസ്‌, ഗ്രീസ്‌, നെതർലൻഡ്‌സ്‌ എന്നിവി​ട​ങ്ങ​ളിൽ വിവാ​ഹ​മോ​ചന നിരക്ക്‌ ഇരട്ടി​യി​ല​ധി​കം ആയിരി​ക്കു​ന്നു.

പരസ്‌പ​രം സ്‌നേ​ഹി​ക്കു​ന്ന​തു​കൊ​ണ്ടും ആജീവ​നാ​ന്തം ഒരുമി​ച്ചു ജീവി​ക്കാൻ ആഗ്രഹി​ക്കു​ന്ന​തു​കൊ​ണ്ടും ആണ്‌ മിക്ക ദമ്പതി​ക​ളും വിവാ​ഹ​ബ​ന്ധ​ത്തി​ലേക്കു പ്രവേ​ശി​ക്കു​ന്നത്‌ എന്നു നമുക്ക്‌ അറിയാം. എന്നാൽ സങ്കടക​ര​മെന്നു പറയട്ടെ, ഒരു സന്തുഷ്ട വിവാ​ഹ​ജീ​വി​തം എന്ന സ്വപ്‌നം പലപ്പോ​ഴും വെറും സ്വപ്‌ന​മാ​യി അവശേ​ഷി​ക്കു​ന്നു. യാഥാർഥ്യം മനസ്സി​ലാ​ക്കു​മ്പോൾ, തങ്ങൾ വളരെ നേര​ത്തെ​യോ അല്ലെങ്കിൽ ചേർച്ച​യി​ല്ലാത്ത ആളെയോ ആണ്‌ വിവാഹം ചെയ്‌തി​രി​ക്കു​ന്ന​തെന്ന്‌ അനേക​രും പറഞ്ഞി​ട്ടുണ്ട്‌. ചിലരു​ടെ കാര്യ​ത്തിൽ ഇതു രണ്ടും ഒരു പ്രശ്‌ന​മാ​യി​രു​ന്നേ​ക്കാം.

അനേകം വിവാ​ഹ​ങ്ങ​ളും പരാജ​യ​പ്പെ​ടു​ന്നത്‌ എന്തു​കൊണ്ട്‌? “ഒരുക്ക​മി​ല്ലാ​യ്‌മ​യാണ്‌ ഒരു മുഖ്യ കാരണം” എന്നു കോർട്ടി​ങ്ങി​നെ കുറി​ച്ചുള്ള ഒരു പുസ്‌ത​ക​ത്തി​ന്റെ എഴുത്തു​കാ​രി പറയുന്നു. അവർ ഇങ്ങനെ കൂട്ടി​ച്ചേർക്കു​ന്നു: “വൈവാ​ഹിക പ്രശ്‌ന​ങ്ങ​ളാൽ നീറുന്ന ദമ്പതി​ക​ളു​ടെ കേസുകൾ കൈകാ​ര്യം ചെയ്യു​മ്പോൾ എന്നിൽ രണ്ടു വികാ​രങ്ങൾ പൊന്തി​വ​രും—സഹതാ​പ​വും ദേഷ്യ​വും. പരസ്‌പരം സംതൃ​പ്‌തി​ദാ​യ​ക​മായ ഒരു ബന്ധം ഉണ്ടായി​രി​ക്കണം എന്ന അവരുടെ സ്വപ്‌നം സാക്ഷാ​ത്‌ക​രി​ച്ചി​ല്ല​ല്ലോ എന്നതി​നാ​ലാണ്‌ സഹതാപം തോന്നു​ന്നത്‌. വിവാ​ഹ​ത്തി​ന്റെ സങ്കീർണ​തയെ കുറിച്ച്‌ അവർ അജ്ഞരാണ്‌ എന്നതി​നാൽ ദേഷ്യ​വും.”

നിശ്ചയ​മാ​യും, വിവാഹം എങ്ങനെ വിജയി​പ്പി​ക്കാ​നാ​കും എന്നതു സംബന്ധിച്ച്‌ കാര്യ​മായ, അല്ലെങ്കിൽ ഒട്ടും​തന്നെ വിവര​മി​ല്ലാ​തെ​യാണ്‌ അനേക​രും വിവാ​ഹ​ബ​ന്ധ​ത്തിൽ പ്രവേ​ശി​ക്കു​ന്നത്‌. ഇതിൽ അത്ഭുത​പ്പെ​ടാ​നൊ​ന്നു​മില്ല. ഒരു വിദ്യാ​ഭ്യാ​സ വിചക്ഷണൻ ഇങ്ങനെ അഭി​പ്രാ​യ​പ്പെ​ടു​ക​യു​ണ്ടാ​യി: “എത്ര​യെത്ര യുവജ​ന​ങ്ങ​ളാണ്‌ കോ​ളെ​ജിൽ എലിക​ളു​ടെ​യും പല്ലിക​ളു​ടെ​യും സ്വഭാ​വ​വി​ശേ​ഷ​ങ്ങളെ കുറിച്ചു പഠിക്കു​ക​യും അതേസ​മയം ഭാര്യ​യും ഭർത്താ​വും എന്ന രണ്ടാളു​ക​ളു​ടെ സ്വഭാ​വ​വി​ശേ​ഷ​ങ്ങളെ കുറിച്ചു പഠിക്കാൻ പരാജ​യ​പ്പെ​ടു​ക​യും ചെയ്യു​ന്നത്‌?”

നിങ്ങൾ വിവാ​ഹി​തൻ ആകുന്ന​തി​നെ കുറി​ച്ചോ വിവാ​ഹി​ത​നെ​ങ്കിൽ ഇപ്പോ​ഴത്തെ നിങ്ങളു​ടെ അവസ്ഥയെ കുറി​ച്ചോ ചിന്തി​ക്കാ​റു​ണ്ടോ? രണ്ടിൽ ഏതായാ​ലും, യഥാർഥ ജീവി​ത​ബന്ധം ചലച്ചി​ത്ര​ങ്ങ​ളി​ലും ടെലി​വി​ഷൻ പരിപാ​ടി​ക​ളി​ലും പ്രേമ​നോ​വ​ലു​ക​ളി​ലും ചിത്രീ​ക​രി​ക്ക​പ്പെ​ടു​ന്ന​വ​യിൽനി​ന്നു വളരെ വ്യത്യ​സ്‌ത​മാ​ണെന്ന ബോധം നിങ്ങൾക്ക്‌ ഉണ്ടായി​രി​ക്കണം. അതേസ​മയം, യഥാർഥ സ്‌നേ​ഹ​മുള്ള പക്വമ​തി​ക​ളായ രണ്ടാളു​ക​ളു​ടെ വിവാഹം ദൈവ​ത്തിൽനി​ന്നുള്ള ഒരു അനു​ഗ്ര​ഹ​മാ​യി കരുതാ​വു​ന്ന​താണ്‌. (സദൃശ​വാ​ക്യ​ങ്ങൾ 18:22; 19:14) അപ്പോൾ വിവാ​ഹ​ബന്ധം വിജയ​പ്ര​ദ​മാ​ക്കാൻ നിങ്ങൾ സജ്ജനാ​ണെന്ന്‌ നിങ്ങൾക്ക്‌ എങ്ങനെ ഉറപ്പാ​ക്കാൻ കഴിയും? ഒരു ഇണയെ തിര​ഞ്ഞെ​ടു​ക്കു​ന്ന​തിൽ നിങ്ങൾ എന്തെല്ലാം ഘടകങ്ങൾ പരിചി​ന്തി​ക്കണം? നിങ്ങൾ വിവാ​ഹി​ത​നെ​ങ്കിൽ, നിങ്ങളു​ടെ വിവാ​ഹ​ജീ​വി​തത്തെ എപ്പോ​ഴും സന്തുഷ്ട​മാ​യി നിലനിർത്താ​നുള്ള സാധ്യ​തയെ നിങ്ങൾക്ക്‌ എങ്ങനെ വർധി​പ്പി​ക്കാം?