“മേഘപാ​ളി​ക​ളിൽ ജ്ഞാനത്തെ വെച്ചവ​നാർ”?

“പടിഞ്ഞാ​റു​നി​ന്നു മേഘം പൊങ്ങു​ന്നതു കാണു​മ്പോൾ പെരുമഴ വരുന്നു എന്നു നിങ്ങൾ ഉടനെ പറയുന്നു; അങ്ങനെ സംഭവി​ക്ക​യും ചെയ്യുന്നു. തെക്കൻകാ​ററു ഊതു​ന്നതു കണ്ടാലോ അത്യു​ഷ്‌ണം ഉണ്ടാകും എന്നു പറയുന്നു; അതു സംഭവി​ക്ക​യും ചെയ്യുന്നു.” സുവി​ശേഷ എഴുത്തു​കാ​ര​നായ ലൂക്കൊസ്‌ രേഖ​പ്പെ​ടു​ത്തിയ യേശു​വി​ന്റെ ഈ വാക്കുകൾ പുരാതന പാലസ്‌തീ​നി​ലെ കാലാ​വസ്ഥാ പ്രവച​ന​ങ്ങ​ളു​ടെ ഉദാഹ​ര​ണങ്ങൾ ആണ്‌. (ലൂക്കൊസ്‌ 12:54, 55) ചില സാഹച​ര്യ​ങ്ങ​ളിൽ, അടയാ​ളങ്ങൾ നോക്കി കൃത്യ​മായ ഹ്രസ്വ​കാല പ്രവച​നങ്ങൾ നടത്താൻ പ്രാചീ​നർക്കു കഴിഞ്ഞി​രു​ന്നു.

ദീർഘ​കാ​ല അടിസ്ഥാ​ന​ത്തിൽ കാലാവസ്ഥ മനസ്സി​ലാ​ക്കാൻ കാലാ​വസ്ഥാ ശാസ്‌ത്രജ്ഞർ ഭൂമിയെ ചുറ്റുന്ന ഉപഗ്ര​ഹങ്ങൾ, ഡോപ്ലർ റഡാർ, കാര്യ​ക്ഷമത കൂടിയ കമ്പ്യൂ​ട്ട​റു​കൾ തുടങ്ങിയ അത്യാ​ധു​നിക ഉപകര​ണങ്ങൾ ഉപയോ​ഗി​ക്കു​ന്നു. എന്നാൽ അവരുടെ പ്രവച​നങ്ങൾ മിക്ക​പ്പോ​ഴും തെറ്റി​പ്പോ​കു​ന്നു. എന്തു​കൊണ്ട്‌?

കൃത്യ​മാ​യ കാലാ​വസ്ഥാ പ്രവച​നത്തെ ദുഷ്‌ക​ര​മാ​ക്കുന്ന അനവധി ഘടകങ്ങ​ളുണ്ട്‌. ഉദാഹ​ര​ണ​ത്തിന്‌, താപനില, ഈർപ്പം, വായു​മർദം, കാറ്റിന്റെ വേഗം, അതിന്റെ ദിശ തുടങ്ങിയ സംഗതി​ക​ളിൽ ഉണ്ടാകുന്ന അപ്രതീ​ക്ഷിത വ്യതി​യാ​നങ്ങൾ കാര്യ​ങ്ങളെ സങ്കീർണ​മാ​ക്കു​ന്നു. കൂടാതെ, സൂര്യ​ന്റെ​യും മേഘങ്ങ​ളു​ടെ​യും സമു​ദ്ര​ങ്ങ​ളു​ടെ​യും സങ്കീർണ​മായ പ്രതി​പ്ര​വർത്ത​ന​ങ്ങ​ളും ഉണ്ട്‌. ശാസ്‌ത്ര​ജ്ഞ​ന്മാർ അവയെ​ക്കു​റിച്ച്‌ ഇനിയും പൂർണ​മാ​യി മനസ്സി​ലാ​ക്കി​യി​ട്ടില്ല. അക്കാര​ണ​ത്താൽ, കാലാ​വസ്ഥാ പ്രവചനം കൃത്യ​ത​യി​ല്ലാത്ത ഒരു ശാസ്‌ത്ര​മാ​യി അവശേ​ഷി​ക്കു​ന്നു.

കാലാവസ്ഥ സംബന്ധി​ച്ചു മനുഷ്യ​നുള്ള അൽപ്പമാ​ത്ര ജ്ഞാനം ഇയ്യോ​ബി​നോ​ടു ചോദിച്ച ചോദ്യ​ങ്ങ​ളാ​ണു നമ്മുടെ മനസ്സി​ലേക്കു കൊണ്ടു​വ​രു​ന്നത്‌: “മഞ്ഞുതു​ള്ളി​കളെ ജനിപ്പി​ച്ച​താർ? ആരുടെ ഗർഭത്തിൽനി​ന്നു ഹിമം പുറ​പ്പെ​ടു​ന്നു? . . . ജലപ്ര​വാ​ഹം നിന്നെ മൂടേ​ണ്ട​തി​ന്നു നിനക്കു മേഘങ്ങ​ളോ​ളം ശബ്ദം ഉയർത്താ​മോ? . . . അന്തരം​ഗ​ത്തിൽ [“മേഘപാ​ളി​ക​ളിൽ,” NW] ജ്ഞാനത്തെ വെച്ചവ​നാർ? മനസ്സിന്നു [“നഭോ പ്രതി​ഭാ​സ​ത്തിന്‌,” NW] വിവേകം കൊടു​ത്തവൻ ആർ? . . . ജ്ഞാനത്താൽ മേഘങ്ങളെ എണ്ണുന്ന​താർ? ആകാശ​ത്തി​ലെ തുരു​ത്തി​കളെ ചരിക്കു​ന്ന​താർ?”—ഇയ്യോബ്‌ 38:28-38.

ഈ ചോദ്യ​ങ്ങൾക്കെ​ല്ലാം ഉള്ള ഉത്തരം മനുഷ്യൻ എന്നല്ല, മറിച്ച്‌ യഹോവ എന്നാണ്‌. അതേ, എത്രയോ ജ്ഞാനം ഉള്ളവരാണ്‌ മനുഷ്യർ എന്നു തോന്നി​യാ​ലും സ്രഷ്ടാ​വി​ന്റെ ജ്ഞാനം അതി​നെ​ക്കാൾ വളരെ​യേറെ ശ്രേഷ്‌ഠ​മാണ്‌. നമ്മുടെ പാത വിജയ​പ്ര​ദ​മാ​ക്കാൻ കഴി​യേ​ണ്ട​തിന്‌ ബൈബി​ളി​ന്റെ പേജു​ക​ളിൽ അവൻ തന്റെ ജ്ഞാനം ലഭ്യമാ​ക്കി​യി​രി​ക്കു​ന്നു എന്നത്‌ വാസ്‌ത​വ​ത്തിൽ സ്‌നേ​ഹ​മ​സൃ​ണ​മായ ഒരു സംഗതി​യാണ്‌.—സദൃശ​വാ​ക്യ​ങ്ങൾ 5:1, 2.