“കത്തോ​ലി​ക്ക​രായ നമുക്ക്‌ അവരിൽനി​ന്നു ധാരാളം പഠിക്കാ​നുണ്ട്‌”

യഹോ​വ​യു​ടെ സാക്ഷി​ക​ളെ​ക്കു​റിച്ച്‌ അങ്ങനെ അഭി​പ്രാ​യ​പ്പെ​ട്ടത്‌ ഇറ്റലി​യി​ലെ ബാരി​യി​ലുള്ള ഒരു അധ്യാ​പി​ക​യാണ്‌. തന്റെ ഹൈസ്‌കൂൾ ക്ലാസ്സിൽ മതചരി​ത്ര​ത്തെ​ക്കു​റി​ച്ചു പഠിപ്പി​ക്കുന്ന അവസര​ത്തി​ലാ​യി​രു​ന്നു അത്‌. പഠിപ്പി​ക്കൽ സഹായി​യാ​യി താൻ വീഡി​യോ കാസെ​റ്റു​കൾ ഉപയോ​ഗി​ക്കു​മെന്ന്‌ അവർ വിദ്യാർഥി​ക​ളോ​ടു പറഞ്ഞി​രു​ന്നു. ഇതു കേട്ട​പ്പോൾ വിദ്യാർഥി​ക​ളിൽ ഒരാളായ 18 വയസ്സുള്ള റോ​ബേർട്ടോ തന്റെ മതത്തെ​യും ചർച്ചയിൽ ഉൾപ്പെ​ടു​ത്ത​ണ​മെന്നു നിർദേ​ശി​ച്ചു. അവൻ അധ്യാ​പി​ക​യ്‌ക്ക്‌ യഹോ​വ​യു​ടെ സാക്ഷികൾ—ആ പേരിനു പിമ്പിലെ സ്ഥാപനം എന്ന വീഡി​യോ കൊടു​ത്തു. റോ​ബേർട്ടോ​യു​ടെ നിർദേശം അവർ സ്വീക​രി​ച്ചു. അങ്ങനെ ആ ക്ലാസ്സിലെ 30-ഓളം വരുന്ന വിദ്യാർഥി​കൾ ആ വീഡി​യോ കണ്ടു. “യഹോ​വ​യു​ടെ സാക്ഷി​ക​ളു​ടെ ഇടയിലെ ഐക്യ​വും സംഘാ​ട​ന​വും ആഴമായ സ്‌നേ​ഹ​വും എല്ലാവ​രി​ലും മതിപ്പു​ള​വാ​ക്കി. വീക്ഷാ​ഗോ​പു​ര​ത്തി​ന്റെ 4 കോടി കോപ്പി​ക​ളും ഉണരുക!യുടെ 3.6 കോടി കോപ്പി​ക​ളും ഓരോ മാസവും അച്ചടി​ക്ക​പ്പെ​ടു​ന്നുണ്ട്‌ എന്നു കേട്ട​പ്പോൾ അവർ അതി​ലേറെ അതിശ​യി​ച്ചു​പോ​യി” എന്ന്‌ റോ​ബേർട്ടോ പറയുന്നു.

“നിങ്ങൾ ഇത്രമാ​ത്രം സംഘടി​ത​രാ​ണെന്നു ഞാൻ കരുതി​യില്ല” എന്ന്‌ ആ വീഡി​യോ കണ്ടശേഷം റോ​ബേർട്ടോ​യു​ടെ സഹപാ​ഠി​ക​ളിൽ പലരും അഭി​പ്രാ​യ​പ്പെട്ടു. യഹോ​വ​യു​ടെ സാക്ഷി​ക​ളെ​ക്കു​റിച്ച്‌ അവരുടെ അധ്യാ​പിക കുട്ടി​ക​ളോട്‌ ഇപ്രകാ​രം പറഞ്ഞു: “വളരെ ഐക്യ​മു​ള്ള​വ​രും സംഘടി​ത​രും ആയിരി​ക്കാൻ വിശ്വാ​സം അവരെ പ്രചോ​ദി​പ്പി​ക്കു​ന്നത്‌ എങ്ങനെ​യെന്നു നോക്കുക. കത്തോ​ലി​ക്ക​രായ നമുക്ക്‌ അവരിൽനി​ന്നു ധാരാളം പഠിക്കാ​നുണ്ട്‌.” ആ വീഡി​യോ പ്രദർശ​ന​വും തുടർന്നുള്ള ക്ലാസ്സ്‌ ചർച്ചയും യഹോ​വ​യു​ടെ സാക്ഷി​ക​ളെ​ക്കു​റിച്ച്‌ മെച്ചമായ ഒരു ഗ്രാഹ്യം പ്രദാനം ചെയ്യാൻ വളരെ ഉപകരി​ച്ചു.