ആരെയാണ്‌ കുറ്റ​പ്പെ​ടു​ത്തേ​ണ്ടത്‌?

തങ്ങളുടെ പ്രശ്‌ന​ങ്ങൾക്ക്‌ അനേകർ ദൈവത്തെ കുറ്റ​പ്പെ​ടു​ത്തു​ന്നു. ഒരു ബൈബിൾ സദൃശ​വാ​ക്യം പറയുന്നു: “മനുഷ്യ​ന്റെ ഭോഷത്തം അയാളെ നാശത്തി​ലേക്ക്‌ നയിക്കു​മ്പോൾ അയാളു​ടെ ഹൃദയം കർത്താ​വി​നെ​തി​രെ രോഷം​കൊ​ള്ളു​ന്നു.” (സദൃശ​വാ​ക്യ​ങ്ങൾ 19:3, ഓശാന ബൈ.) എന്നാൽ മനുഷ്യ​ന്റെ കഷ്ടങ്ങൾക്ക്‌ ദൈവത്തെ ഉത്തരവാ​ദി​യാ​ക്കു​ന്നത്‌, മദ്യപി​ച്ചു വാഹനം ഓടി​ക്കു​ന്ന​തി​നാ​ലുള്ള അപകട​ങ്ങൾക്ക്‌ കാർ നിർമാ​താ​വി​നെ കുറ്റ​പ്പെ​ടു​ത്തു​ന്നതു പോ​ലെ​യാണ്‌.

ദൈവം മാനവ​രാ​ശിക്ക്‌ തന്റെ വചനമായ ബൈബി​ളിൽ മൂല്യ​വ​ത്തായ മാർഗ​നിർദേശം നൽകി​യി​ട്ടുണ്ട്‌. ആ ദിവ്യ ഗ്രന്ഥ​ശേ​ഖരം പഠിക്കു​ന്ന​തി​നാ​ലും അതിൽ കൊടു​ത്തി​രി​ക്കുന്ന നിയമ​ങ്ങ​ളും തത്ത്വങ്ങ​ളും അനുസ​രി​ച്ചു ജീവി​ക്കു​ന്ന​തി​നാ​ലും ജീവി​ത​ത്തി​ലെ ഒട്ടനവധി കെണികൾ നമുക്ക്‌ ഒഴിവാ​ക്കാൻ കഴിയും. നേരേ​മ​റിച്ച്‌, ദൈവ​ത്തി​ന്റെ മാർഗ​നിർദേ​ശ​ത്തി​നു വിരു​ദ്ധ​മാ​യി പ്രവർത്തി​ക്കു​ന്നത്‌ ആപത്‌ക​ര​മാണ്‌. ദൃഷ്ടാ​ന്ത​ത്തിന്‌, അമിത ഭക്ഷണം, പുകവലി, അമിത മദ്യപാ​നം, ദുർമാർഗം ഇവമൂലം മിക്ക​പ്പോ​ഴും ആളുകൾക്ക്‌ ദാരു​ണ​മായ ആരോഗ്യ പ്രശ്‌നങ്ങൾ ഉണ്ടാകു​ന്നു. (ലൂക്കൊസ്‌ 21:34; 1 കൊരി​ന്ത്യർ 6:18; 2 കൊരി​ന്ത്യർ 7:1) ക്രിസ്‌തീയ അപ്പൊ​സ്‌ത​ല​നായ പൗലൊസ്‌ എഴുതി: “മനുഷ്യൻ വിതെ​ക്കു​ന്നതു തന്നേ കൊയ്യും. ജഡത്തിൽ വിതെ​ക്കു​ന്നവൻ ജഡത്തിൽനി​ന്നു നാശം കൊയ്യും; ആത്മാവിൽ വിതെ​ക്കു​ന്നവൻ ആത്മാവിൽനി​ന്നു നിത്യ​ജീ​വനെ കൊയ്യും.”—ഗലാത്യർ 6:7, 8.

ദൈവ​ത്തി​ന്റെ നിയമ​ങ്ങ​ളും തത്ത്വങ്ങ​ളും അനുസ​രി​ച്ചു ജീവി​ക്കു​ന്നത്‌ എത്രയോ മെച്ചമാണ്‌! നാം അപ്രകാ​രം ചെയ്യു​ന്നെ​ങ്കിൽ, യെശയ്യാ പ്രവാ​ച​ക​നി​ലൂ​ടെ ദൈവം വാഗ്‌ദാ​നം ചെയ്‌തി​രി​ക്കു​ന്ന​തി​ന്റെ നിവൃത്തി നാം അനുഭ​വി​ക്കും: “ശുഭക​ര​മാ​യി പ്രവർത്തി​പ്പാൻ നിന്നെ അഭ്യസി​പ്പി​ക്ക​യും നീ പോ​കേ​ണ്ടുന്ന വഴിയിൽ നിന്നെ നടത്തു​ക​യും ചെയ്യുന്ന നിന്റെ ദൈവ​മായ യഹോവ ഞാൻ തന്നേ. അയ്യോ, നീ എന്റെ കല്‌പ​ന​കളെ കേട്ടനു​സ​രി​ച്ച​ങ്കിൽ കൊള്ളാ​യി​രു​ന്നു! എന്നാൽ നിന്റെ സമാധാ​നം നദി​പോ​ലെ​യും നിന്റെ നീതി സമു​ദ്ര​ത്തി​ലെ തിര​പോ​ലെ​യും ആകുമാ​യി​രു​ന്നു.”—യെശയ്യാ​വു 48:17, 18.