മുൻകാല തെറ്റു​ക​ളിൽനി​ന്നു പഠിക്കൽ

നമ്മുടെ സ്രഷ്ടാ​വി​ന്റെ ധാർമിക നിയമങ്ങൾ നിത്യ​വും അചഞ്ചല​വു​മാണ്‌. ആയതി​നാൽ, ഗലാത്യർ 6:7-ലെ തത്ത്വം ഇന്നും ബാധക​മാണ്‌: “മനുഷ്യൻ വിതെ​ക്കു​ന്നതു തന്നേ കൊയ്യും.” ദൈവ​ത്തോ​ടുള്ള ഉത്തരവാ​ദി​ത്വ​ത്തെ ഒരുവൻ നിഷേ​ധി​ച്ചേ​ക്കാം എന്നതു സത്യമാണ്‌, പക്ഷേ ദിവ്യ​നി​യമം മാറ്റമി​ല്ലാ​തെ തുടരു​ന്നു. അന്തിമ​മാ​യി, ഒരു മനുഷ്യ​നും തന്റെ പ്രവർത്ത​ന​ങ്ങ​ളു​ടെ പരിണത ഫലങ്ങളിൽനിന്ന്‌ ഒഴിവു​ള്ള​വനല്ല.

വഴിപി​ഴച്ച ഒരു ജീവിതം നയിച്ചിട്ട്‌ പിന്നീടു മാറ്റം വരുത്തി ദൈവ​ത്തി​ന്റെ ദാസനാ​യി​ത്തീ​രുന്ന ഒരുവന്റെ കാര്യ​മോ? അദ്ദേഹം അപ്പോ​ഴും തന്റെ മുൻ ജീവി​ത​രീ​തി​യു​ടെ ഭവിഷ്യ​ത്തു​ക​ളും പേറി ജീവി​ക്കേണ്ടി വന്നേക്കാം. എന്നാൽ ദൈവം അദ്ദേഹ​ത്തോ​ടു ക്ഷമിച്ചി​ട്ടി​ല്ലെന്ന്‌ ഇത്‌ അർഥമാ​ക്കു​ന്നില്ല. ബത്ത്‌-ശേബയു​മാ​യുള്ള ദാവീദ്‌ രാജാ​വി​ന്റെ വ്യഭി​ചാ​ര​ബന്ധം അവന്റെ ജീവി​ത​ത്തിൽ അനേകം ദുരി​തങ്ങൾ വരുത്തി​ക്കൂ​ട്ടി. അവന്‌ അതിൽനി​ന്നു രക്ഷപ്പെ​ടാൻ കഴിഞ്ഞില്ല. എന്നാൽ, അവൻ അനുത​പി​ച്ചു, ദൈവ​ത്തി​ന്റെ ക്ഷമ ലഭിക്കു​ക​യും ചെയ്‌തു.—2 ശമൂവേൽ 12:13-19; 13:1-31.

ചെയ്‌ത തെറ്റു​ക​ളു​ടെ ഭവിഷ്യ​ത്തു​കൾ അനുഭ​വി​ക്കവേ, നിങ്ങൾ എന്നെങ്കി​ലും ഭഗ്നാശ​നാ​യി​ട്ടു​ണ്ടോ? ശരിയായ വിധത്തിൽ വീക്ഷി​ക്കു​ന്നെ​ങ്കിൽ, ‘നീതി​കേ​ടി​ലേക്കു തിരി​യാ​തെ സൂക്ഷി’ക്കാനുള്ള ഒരു ഓർമി​പ്പി​ക്ക​ലാ​യി വ്യസനം ഉപകരി​ക്കും. (ഇയ്യോബ്‌ 36:21) അതേ, വ്യസനം തോന്നു​ന്നത്‌ തെറ്റ്‌ ആവർത്തി​ക്കാ​തി​രി​ക്കാൻ നമ്മെ സഹായി​ക്കും. കൂടുതൽ മെച്ചമാ​യി, താൻ ചെയ്‌ത പാപത്തിൽനി​ന്നു നേടിയ അനുഭ​വങ്ങൾ തന്റെ മാത്രമല്ല മറ്റുള്ള​വ​രു​ടെ​യും പ്രയോ​ജ​ന​ത്തി​നാ​യി ദാവീദ്‌ ഉപയോ​ഗി​ച്ചു. അവൻ പറഞ്ഞു: “ഞാൻ അതി​ക്ര​മ​ക്കാ​രോ​ടു നിന്റെ വഴികളെ ഉപദേ​ശി​ക്കും; പാപികൾ നിങ്ക​ലേക്കു മനംതി​രി​യും.”—സങ്കീർത്തനം 51:13.

[7-ാം പേജിലെ ചിത്രങ്ങൾ]

ബത്ത്‌-ശേബയു​മാ​യുള്ള പാപത്തിൽനി​ന്നു ദാവീദ്‌ ഒരു പാഠം പഠിച്ചു