ദൈവം ഈ ലോകത്തെ നശിപ്പി​ക്കു​മോ?

ജോൺ പോൾ രണ്ടാമൻ പാപ്പാ പറയു​ന്ന​ത​നു​സ​രിച്ച്‌, മനുഷ്യർക്ക്‌ ആത്മവി​ശ്വാ​സ​ത്തോ​ടെ ഭാവി​യി​ലേക്കു നോക്കാൻ കഴിയും. ചരി​ത്ര​ത്തി​ലു​ട​നീ​ളം “മനുഷ്യർ പാപം ചെയ്യു​ന്ന​തിൽ തുടർന്നി​ട്ടുണ്ട്‌, ഒരുപക്ഷേ, ജലപ്ര​ള​യ​ത്തി​നു മുമ്പു​ണ്ടാ​യി​രു​ന്ന​താ​യി വിവരി​ക്ക​പ്പെ​ട്ടി​രി​ക്കു​ന്ന​വ​യെ​ക്കാൾ വലിയ പാപങ്ങൾപോ​ലും,” അദ്ദേഹം അഭി​പ്രാ​യ​പ്പെട്ടു. എന്നിരു​ന്നാ​ലും, പാപ്പാ വിശദീ​ക​രി​ച്ചു: “താൻ സൃഷ്ടിച്ച ലോകത്തെ നശിപ്പി​ക്കാൻ ദൈവത്തെ പ്രേരി​പ്പി​ക്കുന്ന യാതൊ​രു പാപവും ഇപ്പോ​ഴി​ല്ലെന്ന്‌ നോഹ​യു​മാ​യി ദൈവ​മു​ണ്ടാ​ക്കിയ ഉടമ്പടി​യിൽനിന്ന്‌ നാം മനസ്സി​ലാ​ക്കു​ന്നു.”

ദൈവം ഒരിക്ക​ലും ഈ ലോകത്തെ നശിപ്പി​ക്കു​ക​യി​ല്ലെ​ന്നത്‌ സത്യമാ​ണോ? ജലപ്ര​ള​യ​ത്തി​നു​ശേഷം ദൈവം നോഹ​യോട്‌ പിൻവ​രുന്ന പ്രകാരം പറഞ്ഞെന്ന്‌ ബൈബിൾ പ്രസ്‌താ​വി​ക്കു​ന്നു: “ഇനി സകലജ​ഡ​വും ജലപ്ര​ള​യ​ത്താൽ നശിക്ക​യില്ല; ഭൂമിയെ നശിപ്പി​പ്പാൻ ഇനി ജലപ്ര​ളയം ഉണ്ടാക​യു​മില്ല.” (ഉല്‌പത്തി 9:11) “നാശത്തിൽനിന്ന്‌ [ഭൂമിയെ] സംരക്ഷി​ക്കാൻ” ഈ വാക്കു​ക​ളാൽ ദൈവം “സ്വയം പ്രതി​ജ്ഞാ​ബദ്ധ”നായെന്ന്‌ പാപ്പാ പറയുന്നു.

നമ്മുടെ ഗ്രഹം നശിപ്പി​ക്ക​പ്പെ​ടാൻ സ്രഷ്ടാവ്‌ അനുവ​ദി​ക്കു​ക​യി​ല്ലെന്ന്‌ ബൈബിൾ വ്യക്തമാ​ക്കു​ന്നു. “ഭൂമി​യോ എന്നേക്കും നില്‌ക്കു​ന്നു” എന്ന്‌ ബൈബിൾ പറയുന്നു. (സഭാ​പ്ര​സം​ഗി 1:4) എന്നാൽ ജലപ്ര​ള​യ​ത്തിൽനിന്ന്‌, പാപ്പാ പരാമർശി​ക്കാഞ്ഞ കൂടു​ത​ലായ ചിലതു പഠിക്കാ​നുണ്ട്‌.

തന്റെ ഭാവി സാന്നി​ധ്യ​ത്തി​ന്റെ സമയത്ത്‌ ഭൂമി​യി​ലെ അവസ്ഥകൾ “നോഹ​യു​ടെ കാലം​പോ​ലെ തന്നേ”യായി​രി​ക്കു​മെ​ന്നും അന്ന്‌ “ജലപ്ര​ളയം വന്നു എല്ലാവ​രെ​യും നീക്കി​ക്ക​ള​യു​വോ​ളം അവർ അറിഞ്ഞ​തു​മി”ല്ലെന്നും യേശു പറഞ്ഞു. (മത്തായി 24:37-39) സമാന​മാ​യി, “അന്നുള്ള ലോകം ജലപ്ര​ള​യ​ത്തിൽ മുങ്ങി നശിച്ചു” എന്നും അതു​പോ​ലെ​തന്നെ “ന്യായ​വി​ധി​യും ഭക്തികെട്ട മനുഷ്യ​രു​ടെ നാശവും സംഭവി​പ്പാ​നുള്ള ദിവസ”ത്തിന്റെ ഭീതി​യിൻ കീഴി​ലാണ്‌ ഇന്നത്തെ ലോക​മെ​ന്നും പത്രൊസ്‌ അപ്പോ​സ്‌തലൻ എഴുതി.—2 പത്രൊസ്‌ 3:5-7.

യേശു​വും പത്രൊ​സും നോഹ​യു​മാ​യുള്ള ദൈവ​ത്തി​ന്റെ ഉടമ്പടി മറന്നു​പോ​യോ? തീർച്ച​യാ​യു​മില്ല! നോഹ​യു​മാ​യുള്ള ഉടമ്പടി​യിൽ ദൈവം പ്രസ്‌താ​വി​ച്ച​തു​പോ​ലെ​തന്നെ, ഈ ദുഷ്ടവ്യ​വ​സ്ഥി​തിക്ക്‌ അന്തം വരുത്താൻ ദൈവം പ്രളയ​ജലം ഉപയോ​ഗി​ക്കില്ല. പകരം, “രാജാ​ധി​രാ​ജാ​വും കർത്താ​ധി​കർത്താ​വു”മായ യേശു​ക്രി​സ്‌തു​വി​ന്റെ ശക്തി അവൻ ഉപയോ​ഗ​പ്പെ​ടു​ത്തും. (വെളി​പ്പാ​ടു [അപ്പോ​കാ​ലി​പ്‌സ്‌] 19:11-21) അതു​കൊണ്ട്‌ ബൈബിൾ പറയു​ന്ന​ത​നു​സ​രിച്ച്‌, ഭൂമി നശിപ്പി​ക്ക​പ്പെ​ടു​ക​യില്ല, പിന്നെ​യോ ദുഷ്ടമ​നു​ഷ്യ​വർഗ​മാ​കുന്ന “ലോകം” നിശ്ചയ​മാ​യും അവസാ​നി​ക്കും. (സദൃശ​വാ​ക്യ​ങ്ങൾ 2:21, 22; വെളി​പ്പാ​ടു 11:18) അതിനു​ശേഷം, “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.”—സങ്കീർത്തനം 37:29.