“ലഭ്യമാ​യ​തിൽ ഏറ്റവും മികച്ച വരിമധ്യ പുതി​യ​നി​യമം അതാണ്‌”

ഗ്രീക്കു തിരു​വെ​ഴു​ത്തു​ക​ളു​ടെ രാജ്യ​വ​രി​മധ്യ ഭാഷാ​ന്ത​രത്തെ ഡോ. ജയ്‌സൺ ബെഡൂൺ വർണി​ക്കു​ന്നത്‌ അങ്ങനെ​യാണ്‌. അദ്ദേഹം ഇങ്ങനെ വിശദീ​ക​രി​ക്കു​ന്നു:

“ബ്ലൂമി​ങ്‌ട​ണി​ലെ [യു.എസ്‌.എ.] ഇൻഡ്യാന യൂണി​വേ​ഴ്‌സി​റ്റി​യി​ലെ മതപഠന വിഭാ​ഗ​ത്തി​ന്റെ ഒരു കോഴ്‌സിൽ ഞാൻ പഠിപ്പി​ച്ചു​ക​ഴി​ഞ്ഞ​തേ​യു​ള്ളൂ . . . അതു പ്രധാ​ന​മാ​യും സുവി​ശേ​ഷ​ങ്ങളെ അധിക​രി​ച്ചുള്ള ഒരു കോഴ്‌സാണ്‌. ഗ്രീക്കു തിരു​വെ​ഴു​ത്തു​ക​ളു​ടെ രാജ്യ​വ​രി​മധ്യ ഭാഷാ​ന്ത​ര​ത്തി​ന്റെ കോപ്പി​ക​ളാ​യി​രു​ന്നു നിങ്ങളു​ടെ പക്കൽനി​ന്നുള്ള സഹായം. എന്റെ വിദ്യാർഥി​കൾ ക്ലാസ്സിലെ പാഠപു​സ്‌ത​ക​ങ്ങ​ളി​ലൊ​ന്നാ​യി അതുപ​യോ​ഗി​ച്ചു. ഈ ചെറു ഗ്രന്ഥങ്ങൾ പാഠ്യ​പ​ദ്ധ​തി​യിൽ അമൂല്യ​മാ​യി​രു​ന്നു. എന്റെ വിദ്യാർഥി​കൾക്ക്‌ അവ പ്രിയ​ങ്ക​ര​വു​മാ​യി​രു​ന്നു.”

കോ​ളെ​ജി​ലെ പാഠ്യ​പ​ദ്ധ​തി​യിൽ ഡോ. ബെഡൂൺ രാജ്യ​വ​രി​മധ്യ ഭാഷാ​ന്തരം ഉപയോ​ഗി​ക്കാ​നുള്ള കാരണ​മെ​ന്താണ്‌? അദ്ദേഹം ഉത്തരം നൽകുന്നു: “ലളിത​മാ​യി പറഞ്ഞാൽ, ലഭ്യമാ​യ​തിൽ ഏറ്റവും മികച്ച വരിമധ്യ പുതി​യ​നി​യമം അതാണ്‌. ഞാൻ ഒരു പരിശീ​ലിത ബൈബിൾ പണ്ഡിത​നാണ്‌. ആധുനിക ബൈബിൾപ​ഠ​ന​ങ്ങ​ളിൽ ഉപയോ​ഗി​ക്കുന്ന ഗ്രന്ഥങ്ങ​ളും ഉപാധി​ക​ളും പരിച​യ​മുള്ള ഞാൻ ഒരു യഹോ​വ​യു​ടെ സാക്ഷി​യ​ല്ലെ​ന്നു​കൂ​ടെ പറഞ്ഞോ​ട്ടെ. എങ്കിലും, ഗുണ​മേ​ന്മ​യുള്ള പ്രസി​ദ്ധീ​ക​രണം കണ്ടാൽ തിരി​ച്ച​റി​യാൻ എനിക്കു സാധി​ക്കും. നിങ്ങളു​ടെ ‘പുതി​യ​ലോക ബൈബിൾ ഭാഷാന്തര കമ്മിറ്റി’ ഉത്‌കൃ​ഷ്ട​മായ ഒരു വേലയാ​ണു നിർവ​ഹി​ച്ചി​രി​ക്കു​ന്നത്‌. നിങ്ങളു​ടെ വരിമധ്യ ഇംഗ്ലീഷ്‌ തർജമ കൃത്യ​ത​യു​ള്ള​തും അങ്ങേയറ്റം പൊരു​ത്ത​മു​ള്ള​തു​മാണ്‌. ഗ്രീക്കു സംസാ​രി​ച്ചി​രുന്ന ലോക​ത്തെ​യും നമ്മുടെ ലോക​ത്തെ​യും തമ്മിൽ വേർതി​രി​ച്ചു​നിർത്തുന്ന ഭാഷാ​പ​ര​വും സാംസ്‌കാ​രി​ക​വും ആശയപ​ര​വു​മായ വിടവു​കൾ മനസ്സി​ലാ​ക്കാൻ അതു വായന​ക്കാ​രനെ നിർബ​ന്ധി​ത​നാ​ക്കു​ന്നു. ഗ്രീക്കു​പാ​ഠ​ത്തോ​ടു വിശ്വ​സ്‌തത പുലർത്തു​ന്ന​തിൽ പരമ്പരാ​ഗത അബദ്ധ വ്യാഖ്യാ​നങ്ങൾ ഒഴിവാ​ക്കുന്ന, ഉന്നത നിലവാ​ര​മുള്ള ഒരു അക്ഷരീയ പരിഭാ​ഷ​യാണ്‌ നിങ്ങളു​ടെ ‘പുതി​യ​ലോക ഭാഷാ​ന്തരം.’ അത്‌ ഇന്ന്‌ ഉപയോ​ഗ​ത്തി​ലി​രി​ക്കുന്ന ഏറ്റവും നല്ല ഭാഷാ​ന്ത​ര​ങ്ങ​ളെ​ക്കാ​ളും അനേകം വിധങ്ങ​ളിൽ ശ്രേഷ്‌ഠ​മാണ്‌.”

ബൈബി​ളി​ന്റെ മൂല ഗ്രീക്കു​പാ​ഠ​വു​മാ​യി പരിചി​ത​രാ​കാൻ ദൈവ​വചന പ്രേമി​കളെ സഹായി​ക്കു​ന്ന​തിന്‌ യഹോ​വ​യു​ടെ സാക്ഷികൾ പ്രസി​ദ്ധീ​ക​രി​ച്ചി​രി​ക്കു​ന്ന​താണ്‌ ഗ്രീക്കു തിരു​വെ​ഴു​ത്തു​ക​ളു​ടെ രാജ്യ​വ​രി​മധ്യ ഭാഷാ​ന്തരം. അതിൽ പേജിന്റെ ഇടതു​വ​ശ​ത്താ​യി ആദിമ ഗ്രീക്കി​ലുള്ള പുതി​യ​നി​യമം (ബി. എഫ്‌. വെസ്‌ക്കോ​ട്ടും എഫ്‌. ജെ. എ. ഹോർട്ടും സമാഹ​രി​ച്ചത്‌) കൊടു​ത്തി​രി​ക്കു​ന്നു. ഗ്രീക്കു​പാ​ഠ​ത്തി​ലെ വരികൾക്ക​ടി​യിൽ അക്ഷരീയ പദാനു​പദ ഇംഗ്ലീഷ്‌ തർജമ കാണാം. വലതു​വ​ശ​ത്തുള്ള വീതി​കു​റഞ്ഞ കോള​ത്തിൽ വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം കൊടു​ത്തി​രി​ക്കു​ന്നു. ബൈബി​ളി​ന്റെ ഒരു ആധുനിക ഇംഗ്ലീഷ്‌ ഭാഷാ​ന്ത​രത്തെ വരിമ​ധ്യ​ഭാ​ഷാ​ന്ത​ര​വു​മാ​യി താരത​മ്യം ചെയ്യാൻ അതു നിങ്ങളെ സഹായി​ക്കു​ന്നു.