പ്രയോ​ജ​ന​പ്ര​ദ​മാ​യി​ത്തീർന്ന നിദ്രാ​ര​ഹിത രാവുകൾ

രാജാ​ക്ക​ന്മാർക്കു പോലും നിദ്രാ​ര​ഹിത രാവു​ക​ളുണ്ട്‌. പൊ.യു.മു. അഞ്ചാം നൂറ്റാ​ണ്ടി​ലെ ശക്തനായ പേർഷ്യൻ ഭരണാ​ധി​പ​നാ​യി​രുന്ന അഹശ്വേ​രോ​ശിന്‌ അതു സംഭവി​ച്ചു. ചില കർത്തവ്യ​ങ്ങൾ അവഗണി​ച്ചു​വെന്ന തോന്ന​ലു​കൊ​ണ്ടാ​കാം, രാജദി​ന​വൃ​ത്താന്ത ഗ്രന്ഥം തന്നെ വായി​ച്ചു​കേൾപ്പി​ക്കാൻ അവൻ ആവശ്യ​പ്പെട്ടു. വിശ്വസ്‌ത ദാസനായ മൊർദ്ദെ​ഖാ​യി, തനി​ക്കെ​തി​രായ ഒരു വധഗൂ​ഢാ​ലോ​ചന വിഫല​മാ​ക്കി​യി​രു​ന്നെ​ന്നും എന്നാൽ അവന്‌ പ്രതി​ഫലം നൽകി​യി​ട്ടി​ല്ലെ​ന്നും രാജാവ്‌ മനസ്സി​ലാ​ക്കി. അശ്രദ്ധ​കൊ​ണ്ടു​പ​റ്റിയ ഈ പിശക്‌ ഉടനടി പരിഹ​രി​ക്കാൻ അഹശ്വേ​രോശ്‌ തീരു​മാ​നി​ച്ചു. അദ്ദേഹ​ത്തി​ന്റെ നടപടി​കൾക്ക്‌ ദൈവ​ജ​ന​ത്തി​ന്മേ​ലു​ണ്ടാ​യി​രുന്ന പ്രയോ​ജ​ന​ക​ര​മായ ഫലങ്ങൾ രാജാ​വി​ന്റെ നിദ്രാ​രാ​ഹി​ത്യ​ത്തി​നു കാരണം ദൈവ​മാ​യി​രു​ന്നെന്നു സൂചി​പ്പി​ക്കു​ന്നു.—എസ്ഥേർ 6:1-10.

ദക്ഷിണാ​ഫ്രി​ക്കൻ തീരദേശ പട്ടണമായ ഹെർമാ​ന​സി​ലെ യഹോ​വ​യു​ടെ സാക്ഷി​ക​ളു​ടെ സഭയ്‌ക്ക്‌ ബൈബി​ളി​ലെ ഈ ഭാഗം ഓർമി​ക്കു​ന്ന​തിന്‌ കാരണ​മുണ്ട്‌. അവർ പതിവാ​യി യോഗം ചേർന്നി​രു​ന്നത്‌ വാടക​യ്‌ക്കെ​ടുത്ത ഒരു ഹാളി​ലാ​യി​രു​ന്നു. സ്വന്തം രാജ്യ​ഹാൾ പണിയു​ന്ന​തി​നു സ്ഥലം വാങ്ങാൻ അവർ വർഷങ്ങ​ളോ​ളം ശ്രമിച്ചു. ഒടുവിൽ, 1991-ൽ ടൗൺ കൗൺസിൽ ഏറ്റവും മെച്ചപ്പെട്ട ഒരു സ്ഥലം വാഗ്‌ദാ​നം ചെയ്‌തു.

എന്നാൽ, ഈ സ്ഥലം യഹോ​വ​യു​ടെ സാക്ഷി​കൾക്കു വിൽക്കു​ന്ന​തി​നെ ചിലർ എതിർത്തു. കുറെ വർഷത്തെ കാലതാ​മ​സ​ത്തി​നു​ശേഷം, ആരാധ​നാ​ല​യ​ങ്ങൾക്കു സ്ഥലം വിൽക്കു​ന്നത്‌ മൂന്നു​വർഷ​ത്തേക്ക്‌ മരവി​പ്പി​ച്ചെ​ന്നും സ്ഥലവാ​ഗ്‌ദാ​നം പിൻവ​ലി​ച്ചെ​ന്നും സഭയെ അറിയി​ച്ചു. തീരു​മാ​നം പുനഃ​പ​രി​ശോ​ധി​ക്കാൻ കൗൺസി​ലി​നോട്‌ അഭ്യർഥി​ച്ചു​കൊണ്ട്‌ 1993 മേയിൽ സഭ വീണ്ടും കത്തെഴു​തി. ആ താത്‌കാ​ലിക വിൽപ്പ​നാ​നി​രോ​ധനം അപ്പോ​ഴും പ്രാബ​ല്യ​ത്തി​ലാ​ണെന്നു പ്രസ്‌താ​വി​ക്കുന്ന ഒരുവാ​ചകം മാത്ര​മുള്ള ഒരു കത്ത്‌ അവർക്കു ലഭിച്ചു.

ആ വർഷം ഒക്‌ടോ​ബ​റിൽ ടൗൺ കൗൺസി​ലർമാ​രിൽ ഒരാൾക്കു നിദ്രാ​രാ​ഹി​ത്യം അനുഭ​വ​പ്പെട്ടു. ശ്രദ്ധയാ​വ​ശ്യ​മുള്ള ഏതെങ്കി​ലും കാര്യ​ങ്ങ​ളു​ണ്ടോ​യെന്ന്‌ മനസ്സി​ലാ​ക്കാ​നാ​യി അവർ പഴയ കൗൺസിൽ യോഗ​ങ്ങ​ളു​ടെ രേഖകൾ മറിച്ചു​നോ​ക്കി​ക്കൊണ്ട്‌ സമയം തള്ളിനീ​ക്കി. തീരു​മാ​നം പുനഃ​പ​രി​ശോ​ധി​ക്കാൻ അപേക്ഷി​ച്ചു​കൊണ്ട്‌ സാക്ഷികൾ കൗൺസി​ലിന്‌ എഴുതിയ കത്ത്‌ അവരുടെ ശ്രദ്ധയിൽപ്പെട്ടു. അടുത്ത യോഗ​ത്തി​നുള്ള അജണ്ടയിൽ ആ വിഷയം ഉൾപ്പെ​ടു​ത്താൻ അവർ തീരു​മാ​നി​ച്ചു. ആരാധ​നാ​ല​യ​ങ്ങൾക്കുള്ള സ്ഥലത്തി​നു​മേൽ താത്‌കാ​ലിക നിരോ​ധനം ഏർപ്പെ​ടു​ത്തു​ന്ന​തി​നു മുമ്പാണ്‌ യഹോ​വ​യു​ടെ സാക്ഷികൾ സ്ഥലത്തി​നു​വേണ്ടി അപേക്ഷി​ച്ച​തെന്നു ചൂണ്ടി​ക്കാ​ട്ടാൻ അവർ ആഗ്രഹി​ച്ചു.

ഒടുവിൽ, ആദ്യം 1991-ൽ വാഗ്‌ദാ​നം​ചെയ്‌ത അതേ സ്ഥലംതന്നെ സഭയ്‌ക്ക്‌ അനുവ​ദി​ച്ചു​കി​ട്ടി! അത്‌ പ്രധാന നിരത്തി​നു സമീപ​മാണ്‌, സഭാം​ഗ​ങ്ങൾക്കും താത്‌പ​ര്യ​ക്കാർക്കും അനായാ​സം എത്തി​ച്ചേ​രാ​നാ​കും. അവർ മനോ​ഹ​ര​മാ​യൊ​രു രാജ്യ​ഹാൾ പണിത്‌ 1996 ഒക്‌ടോ​ബർ 5-ന്‌ അത്‌ യഹോ​വ​യ്‌ക്കു സമർപ്പി​ച്ചു.

നിദ്രാ​ര​ഹി​ത രാവ്‌ കൗൺസി​ലർക്കു​ള​വാ​ക്കിയ അസൗക​ര്യ​ത്തിൽ സഭ ഖേദി​ക്കു​ന്നു. എന്നാൽ അഹശ്വേ​രോശ്‌ രാജാ​വി​നും അപ്രകാ​ര​മൊന്ന്‌ അനുഭ​വ​പ്പെ​ട്ടെ​ന്നുള്ള വസ്‌തുത അവർക്ക്‌ ആശ്വാ​സ​മേ​കി​യേ​ക്കാം. രണ്ടു സംഭവ​ങ്ങ​ളി​ലും പരിണ​ത​ഫലം പ്രയോ​ജ​ന​പ്ര​ദ​മാ​യി​രു​ന്നു. സത്യാ​രാ​ധ​ന​യു​ടെ​യും ജനപ്രീ​തി​യാർജിച്ച ഈ തീരദേശ പട്ടണത്തി​ലെ ദിവ്യാ​ധി​പത്യ പരിശീ​ല​ന​ത്തി​ന്റെ​യും കേന്ദ്ര​മാ​യി ഒരു രാജ്യ​ഹാൾ സ്വന്തമാ​യി​ട്ടു​ള്ള​തിൽ ഹെർമാ​ന​സി​ലെ സഭയ്‌ക്കു തീർച്ച​യാ​യും അങ്ങേയറ്റം കൃതജ്ഞ​ത​യുണ്ട്‌.—എബ്രായർ 10:24, 25.