“ആഴമുള്ള വെള്ളം” കോരി​യെ​ടു​ക്കൽ

ഒരു ബൈബിൾ പഴമൊ​ഴി പ്രസ്‌താ​വി​ക്കു​ന്നു: “മനു​ഷ്യ​ന്റെ ഹൃദയ​ത്തി​ലെ ആലോചന ആഴമുള്ള വെള്ളം; വിവേ​ക​മുള്ള പുരു​ഷ​നോ അതു കോരി എടുക്കും.” (സദൃശ​വാ​ക്യ​ങ്ങൾ 20:5) ഇന്നത്തെ പല രാജ്യ​ങ്ങ​ളി​ലെ​യും അവസ്ഥ​യോ​ടുള്ള താരത​മ്യ​ത്തിൽ ബൈബിൾ കാലങ്ങ​ളിൽ, വെള്ളം കോരി​യെ​ടു​ക്കു​ന്നതു വളരെ ശ്രമക​ര​മാ​യി​രു​ന്നു. യേശു ശമര്യ​സ്‌ത്രീ​യോട്‌ സംസാ​രി​ച്ച​പ്പോൾ അവൾ യാക്കോ​ബി​ന്റെ ഉറവിൽനി​ന്നു വെള്ളം കോരു​ക​യാ​യി​രു​ന്നു, അത്‌ ഏതാണ്ട്‌ 23 മീറ്റർ ആഴമുള്ള ഒരു കിണറാ​യി​രു​ന്നു!—യോഹ​ന്നാൻ 4:5-15.

സദൃശ​വാ​ക്യ​ങ്ങൾ 20:5 സൂചി​പ്പി​ക്കു​ന്ന​തു​പോ​ലെ, ഒരു വ്യക്തി​യു​ടെ ഹൃദയ​ത്തി​ലുള്ള ആഴമേ​റിയ വികാ​ര​വി​ചാ​രങ്ങൾ കോരി​യെ​ടു​ക്കു​ന്ന​തിന്‌ വിവേകം ആവശ്യ​മാണ്‌, ഒരു കിണറ്റിൽനി​ന്നു വെള്ളം കോരി​യെ​ടു​ക്കു​ന്ന​തി​നു ശ്രമം ആവശ്യ​മാ​യി​രി​ക്കു​ന്ന​തു​പോ​ലെ. ജീവി​ത​ത്തി​ന്റെ മിക്ക തുറക​ളി​ലും ഇതു സത്യമാണ്‌. ദൃഷ്ടാ​ന്ത​ത്തിന്‌, നിരവധി വർഷം​കൊണ്ട്‌ ധാരാളം അറിവും അനുഭ​വ​സ​മ്പ​ത്തും ആർജി​ച്ചി​ട്ടുള്ള വ്യക്തി​കളെ നിങ്ങൾക്ക​റി​യാ​മാ​യി​രി​ക്കും. ആവശ്യ​പ്പെ​ടാ​തെ, സ്വമന​സ്സാ​ലെ ഉപദേശം തരാൻ ഇവർ ചായ്‌വു​ള്ള​വ​ര​ല്ലെ​ങ്കിൽ, നിങ്ങൾ അതു കോരി​യെ​ടു​ക്കേ​ണ്ട​തു​ണ്ടാ​യി​രി​ക്കാം. താത്‌പ​ര്യം കാണി​ക്കു​ക​യും ചോദ്യ​ങ്ങൾ ചോദി​ക്കു​ക​യും നയപൂർവം ചുഴി​ഞ്ഞി​റ​ങ്ങു​ക​യും ചെയ്യു​ക​വഴി നിങ്ങൾ ആഴമുള്ള ഒരു ജ്ഞാനക്കി​ണ​റി​ലേക്ക്‌ തൊട്ടി​യി​റ​ക്കു​ക​യാ​കും ചെയ്യു​ന്നത്‌.

സദൃശ​വാ​ക്യ​ങ്ങൾ 20:5-ലെ ബുദ്ധ്യു​പ​ദേശം കുടും​ബ​ത്തി​ലും ബാധക​മാണ്‌. ഭാര്യ​മാർ മിക്ക​പ്പോ​ഴും ഇങ്ങനെ പറയു​ന്ന​താ​യി കേട്ടി​ട്ടുണ്ട്‌: “എന്റെ ഭർത്താവ്‌ ഒരിക്ക​ലും അദ്ദേഹ​ത്തിന്‌ എന്തു തോന്നു​ന്നു​വെന്ന്‌ എന്നോടു പറയാ​റില്ല!” ഒരു ഭർത്താവു പറഞ്ഞേ​ക്കാം: “ഭാര്യ​യ്‌ക്ക്‌ എന്നോട്‌ മിണ്ടാ​ട്ട​മില്ല!” അത്തരം സാഹച​ര്യ​ങ്ങ​ളിൽ, ഇണയുടെ ഹൃദയ​ത്തി​ന്റെ അടിത്ത​ട്ടി​ലുള്ള വിചാ​രങ്ങൾ കോരി​യെ​ടു​ക്കു​ന്ന​തിന്‌ വിവേ​ക​മാ​വ​ശ്യ​മാണ്‌. നയപൂർവ​മുള്ള ചോദ്യ​ങ്ങൾ (ഇന്നെ​ന്തെ​ങ്കി​ലും ബുദ്ധി​മു​ട്ടു​ക​ളു​ണ്ടാ​യി​രു​ന്നോ? എന്തുപറ്റി? ഞാൻ എന്തു സഹായ​മാ​ണു ചെയ്യേ​ണ്ടത്‌?) മിക്ക​പ്പോ​ഴും ഹൃദയം​തു​റന്ന്‌ ആശയവി​നി​യമം നടത്താൻ പ്രേരി​പ്പി​ച്ചേ​ക്കാം. അത്തരം വിവേകം പ്രകട​മാ​ക്കു​ന്നത്‌ വിവാ​ഹ​ബ​ന്ധത്തെ ബലിഷ്‌ഠ​മാ​ക്കി​ക്കൊണ്ട്‌ ഭാര്യ​യ്‌ക്കും ഭർത്താ​വി​നും പ്രയോ​ജനം ചെയ്യും.