നിങ്ങൾക്ക്‌ ആരുടെ വാഗ്‌ദാ​ന​ങ്ങളെ ആശ്രയി​ക്കാ​നാ​കും?

ഭാവി​യെ​ക്കു​റി​ച്ചു ചർച്ച​ചെ​യ്യു​ന്ന​തിന്‌ 1893-ൽ 74 സാമൂ​ഹിക വിദഗ്‌ധ​രു​ടെ ഒരു സംഘം ചിക്കാ​ഗോ ലോക മേളയിൽ സമ്മേളി​ച്ചു. (അതിന്റെ സ്ഥാനം മുകളിൽ കാണി​ച്ചി​രി​ക്കു​ന്നു.) 100 വർഷം മുന്നോട്ട്‌, അതായത്‌ 1993-ലേക്ക്‌, നോക്കി​ക്കൊണ്ട്‌ അവർ ചില പ്രവച​നങ്ങൾ നടത്തി. അവയിൽ ചിലതാ​ണു പിൻവ​രു​ന്നത്‌: “അനേക​മാ​ളു​കൾ 150 വയസ്സു​വരെ ജീവി​ക്കും.” “ജയിലു​കൾ കുറയു​ക​യും വിവാ​ഹ​മോ​ചനം അനാവ​ശ്യ​മാ​യി കരുത​പ്പെ​ടു​ക​യും ചെയ്യും.” “മാഹാ​ത്മ്യ​ത്തി​ന്റെ അളവു​കോൽ എല്ലായ്‌പോ​ഴും ലാളി​ത്യ​മാ​യി​രി​ക്കു​മെ​ന്ന​തി​നാൽ ഭരണനിർവ​ഹണം കൂടുതൽ ലളിത​മാ​യി​രി​ക്കും.”

സമാന​മാ​യി, 2000-ാമാണ്ട്‌ (ഇംഗ്ലീഷ്‌) എന്ന ശീർഷ​ക​ത്തോ​ടു​കൂ​ടിയ ഒരു പുസ്‌തകം 1967-ൽ ഇങ്ങനെ പ്രവചി​ച്ചു: “സാധ്യ​ത​യ​നു​സ​രിച്ച്‌, 2000-ാമാ​ണ്ടോ​ടെ കമ്പ്യൂ​ട്ട​റു​കൾ ഒരുപക്ഷേ മമനു​ഷ്യ​ന്റെ കലാപ​ര​വും സർഗാ​ത്മ​ക​വു​മായ ചില പ്രാപ്‌തി​കൾ ഉൾപ്പെ​ടെ​യുള്ള അവന്റെ ഏറ്റവും വലിയ ‘മനുഷ്യ-സമാന’ ബൗദ്ധിക പ്രാപ്‌തി​കൾക്കു തുല്യ​മാ​കു​ക​യോ അതിനെ അനുക​രി​ക്കു​ക​യോ കടത്തി​വെ​ട്ടു​ക​യോ ചെയ്യും.” “മിതമായ വിലയുള്ള റോ​ബോ​ട്ടു​കൾ ഭൂരി​ഭാ​ഗം വീട്ടു​ജോ​ലി​ക​ളും ചെയ്യു​ക​യെന്ന ആശയം . . . 2000-ാമാ​ണ്ടോ​ടെ അങ്ങേയറ്റം ന്യായ​യു​ക്ത​മാ​യി​രി​ക്കു​മെന്നു തോന്നു​ന്നു.”

ഭാവി​സം​ഭ​വ​ങ്ങൾ മുൻകൂ​ട്ടി​ക്കാ​ണാ​നുള്ള മനുഷ്യ​വർഗ​ത്തി​ന്റെ അപ്രാ​പ്‌തി ശ്രദ്ധേ​യ​മാ​യും ദൈവ​ത്തി​ന്റെ പ്രാപ്‌തിക്ക്‌ നേർവി​പ​രീ​ത​മാണ്‌. ദൃഷ്ടാ​ന്ത​ത്തിന്‌ മുൻപ്ര​സ്‌താ​വിച്ച പ്രവച​ന​ങ്ങളെ, ഏതാണ്ട്‌ 20 നൂറ്റാ​ണ്ടു​കൾക്കു​മുമ്പ്‌ നമ്മുടെ നാളി​നെ​ക്കു​റിച്ച്‌ ബൈബിൾ മുൻകൂ​ട്ടി​പ്പ​റ​ഞ്ഞ​തു​മാ​യി താരത​മ്യം ചെയ്യുക: “മനുഷ്യർ സ്വസ്‌നേ​ഹി​ക​ളും ദ്രവ്യാ​ഗ്ര​ഹി​ക​ളും വമ്പു പറയു​ന്ന​വ​രും അഹങ്കാ​രി​ക​ളും ദൂഷക​ന്മാ​രും അമ്മയപ്പ​ന്മാ​രെ അനുസ​രി​ക്കാ​ത്ത​വ​രും നന്ദി​കെ​ട്ട​വ​രും അശുദ്ധ​രും വാത്സല്യ​മി​ല്ലാ​ത്ത​വ​രും ഇണങ്ങാ​ത്ത​വ​രും ഏഷണി​ക്കാ​രും അജി​തേ​ന്ദ്രി​യ​ന്മാ​രും ഉഗ്രന്മാ​രും സൽഗു​ണ​ദ്വേ​ഷി​ക​ളും ദ്രോ​ഹി​ക​ളും ധാർഷ്ട്യ​ക്കാ​രും നിഗളി​ക​ളു​മാ​യി ദൈവ​പ്രി​യ​മി​ല്ലാ​തെ ഭോഗ​പ്രി​യ​രാ​യി ഭക്തിയു​ടെ വേഷം ധരിച്ചു അതിന്റെ ശക്തി ത്യജി​ക്കു​ന്ന​വ​രു​മാ​യി​രി​ക്കും.”—2 തിമൊ​ഥെ​യൊസ്‌ 3:1-5.

“അന്ത്യകാല”ത്തെക്കു​റി​ച്ചുള്ള ഈ ബൈബിൾ പ്രവചനം നമ്മുടെ നാളിൽ നിവൃ​ത്തി​യേ​റി​യി​ട്ടുള്ള അനേകം പ്രവച​ന​ങ്ങ​ളിൽ ഒന്നുമാ​ത്ര​മാണ്‌. യേശു​വി​ന്റെ സാന്നി​ധ്യ​ത്തി​ന്റെ “അടയാള”ത്തിൽ ലോക​യു​ദ്ധം, ഭക്ഷ്യക്ഷാ​മം, പകർച്ച​വ്യാ​ധി, ഭൂകമ്പങ്ങൾ, ദൈവ​രാ​ജ്യ സുവാർത്ത​യു​ടെ ലോക​വ്യാ​പക പ്രസംഗം എന്നിവ ഉൾപ്പെ​ടു​മെന്ന്‌ ദൈവ​വ​ചനം മുൻകൂ​ട്ടി​പ​റഞ്ഞു.—മത്തായി 24:3-14; ലൂക്കൊസ്‌ 21:11.

ദൈവിക വാഗ്‌ദാ​ന​ങ്ങ​ളു​ടെ തെറ്റു​പ​റ്റാ​നാ​കാത്ത കൃത്യത, നൂറ്റാ​ണ്ടു​കൾക്കു മുമ്പ്‌ പിൻവ​രുന്ന പ്രകാരം ഘോഷി​ക്കാൻ ബൈബി​ളെ​ഴു​ത്തു​കാ​രനെ പ്രേരി​പ്പി​ച്ചു: “നിങ്ങളു​ടെ ദൈവ​മായ യഹോവ നിങ്ങ​ളെ​ക്കു​റി​ച്ചു അരുളി​ച്ചെ​യ്‌തി​ട്ടുള്ള സകലന​ന്മ​ക​ളി​ലും​വെച്ചു ഒന്നിന്നും വീഴ്‌ച​വ​ന്നി​ട്ടി​ല്ലെന്നു നിങ്ങൾക്കു പൂർണ്ണ​ഹൃ​ദ​യ​ത്തി​ലും പൂർണ്ണ​മ​ന​സ്സി​ലും ബോധ​മാ​യി​രി​ക്കു​ന്നു; സകലവും നിങ്ങൾക്കു സംഭവി​ച്ചു ഒന്നിന്നും വീഴ്‌ച​വ​ന്നി​ട്ടില്ല.”—യോശുവ 23:14

അതേ, ദൈവ​ത്തി​ന്റെ എല്ലാ വാഗ്‌ദാ​ന​ങ്ങ​ളും പെട്ടെ​ന്നു​തന്നെ നിവൃ​ത്തി​യേ​റു​മെന്ന്‌ നമുക്ക്‌ ഉറപ്പു​ള്ള​വ​രാ​യി​രി​ക്കാം. ദൈവ​രാ​ജ്യം രോഗം, കുറ്റകൃ​ത്യം, മയക്കു​മ​രു​ന്നാ​സക്തി, ദാരി​ദ്ര്യം, യുദ്ധം എന്നിവ​യ്‌ക്കെ​ല്ലാം അറുതി​വ​രു​ത്തും—മുഴു​ഭൂ​മി​യും ഒരു പറുദീ​സ​യാ​യി​രി​ക്കും. (സങ്കീർത്തനം 37:10, 11, 29; വെളി​പ്പാ​ടു 21:3, 4) ഈ പ്രവച​ന​ത്തി​ന്റെ നിവൃത്തി നിങ്ങൾക്ക്‌ ഉറപ്പാ​യും പ്രതീ​ക്ഷി​ക്കാൻ കഴിയും! “ഭോഷ്‌കി​ല്ലാത്ത ദൈവ”മായ നമ്മുടെ സ്രഷ്ടാ​വിൽനി​ന്നാണ്‌ അത്‌ വരുന്നത്‌.—തീത്തൊസ്‌ 1:2; എബ്രായർ 6:13-19 താരത​മ്യം ചെയ്യുക.

[32-ാം പേജിലെ ചിത്ര​ത്തിന്‌ കടപ്പാട]

Cleveland State University Archive