വൃദ്ധർക്കു ബുദ്ധി​മു​ട്ടേ​റിയ നാളുകൾ

ഓനീയൻ അമ്മച്ചിക്കു വയസ്സ്‌ 68. പശ്ചിമാ​ഫ്രി​ക്ക​യി​ലെ ഒരു വൻ നഗരത്തി​ലാ​ണു താമസം. ജീവി​ത​സാ​യാ​ഹ്നം മക്കളോ​ടും പേരക്കി​ടാ​ങ്ങ​ളോ​ടു​മൊ​പ്പം സ്വസ്ഥമാ​യി ആസ്വദി​ക്ക​ണ​മെന്ന്‌ ചെറു​പ്പ​ത്തിൽ അവർ മോഹി​ച്ചി​രു​ന്നു. എന്നാൽ, ഇപ്പോൾ അവർ ഉഷ്‌ണ​മേ​ഖ​ല​യി​ലെ ചുട്ടു​പൊ​ള്ളുന്ന വെയി​ലിൽ തണുത്ത വെള്ളം വിറ്റു​കൊ​ണ്ടു നാളുകൾ കഴിച്ചു​കൂ​ട്ടു​ക​യാണ്‌. തന്റെ തുച്ഛ വരുമാ​നം​കൊണ്ട്‌ അവർ ഒരുവി​ധ​ത്തിൽ കഴിഞ്ഞു​കൂ​ടു​ന്നു. അവരുടെ രണ്ടു പുത്ര​ന്മാർ ഒരു വിദൂര രാജ്യ​ത്താണ്‌. പുത്ര​ന്മാർ അവർക്കു പണമയ​ച്ചു​കൊ​ടു​ത്തിട്ട്‌ ഇപ്പോൾ ഒരുപാ​ടു കാലമാ​യി.

പോയ​കാ​ല​ങ്ങ​ളിൽ ആഫ്രി​ക്ക​യിൽ വൃദ്ധരെ അത്യന്തം ആദര​വോ​ടെ​യാ​ണു വീക്ഷി​ച്ചി​രു​ന്നത്‌. അവരുടെ അനുഭ​വ​സ​മ്പ​ത്തും അറിവും ജ്ഞാനവും വിവേ​ക​വു​മെ​ല്ലാം നിമിത്തം അവർ ആദരി​ക്ക​പ്പെ​ട്ടി​രു​ന്നു. പേരക്കി​ടാ​ങ്ങളെ വളർത്തി​ക്കൊ​ണ്ടു​വ​രാൻ അവർ സഹായി​ച്ചി​രു​ന്നു. ചെറു​പ്പ​ക്കാർ അവരുടെ ഉപദേ​ശ​വും അംഗീ​കാ​ര​വും തേടി​യി​രു​ന്നു. ആളുകൾ പിൻവ​രുന്ന ബൈബിൾ ബുദ്ധ്യു​പ​ദേ​ശ​മ​നു​സ​രി​ച്ചാ​ണു ജീവി​ച്ചി​രു​ന്നത്‌: “നരച്ചവന്റെ മുമ്പാകെ എഴു​ന്നേ​ല്‌ക്ക​യും വൃദ്ധന്റെ [അല്ലെങ്കിൽ വൃദ്ധയു​ടെ] മുഖം ബഹുമാ​നി​ക്ക​യും . . . വേണം.”—ലേവ്യ​പു​സ്‌തകം 19:32.

കാലം മാറി​യി​രി​ക്കു​ന്നു. ദാരി​ദ്ര്യം, പണപ്പെ​രു​പ്പം, തൊഴി​ലി​ല്ലായ്‌മ, നഗരങ്ങ​ളി​ലേ​ക്കുള്ള കൂട്ടമായ കുടി​യേറ്റം എന്നിവ വൃദ്ധരായ അനേക​രെ​യും കാര്യാ​ദി​കൾ സ്വയം നോക്കി​ന​ട​ത്താൻ നിർബ​ന്ധി​ത​രാ​ക്കു​ന്നു. ഹെൽപ്പേജ്‌ കെനി​യ​യു​ടെ ഡയറക്ട​റായ കാമി​ലസ്‌ വെർ ഇങ്ങനെ പറയുന്നു: “വൃദ്ധർക്ക്‌ താങ്ങും തണലു​മേ​കുന്ന കീഴ്‌വ​ഴ​ക്ക​ത്തി​നു നാൾക്കു​നാൾ പ്രസക്തി​യി​ല്ലാ​താ​കു​ക​യാണ്‌.”

കുടും​ബ​ബ​ന്ധ​ങ്ങ​ളു​ടെ ബലക്ഷയം ആഫ്രിക്കൻ ദേശങ്ങ​ളു​ടെ മാത്രം പ്രത്യേ​ക​തയല്ല. ജപ്പാ​നെ​ക്കു​റിച്ച്‌ ഗാർഡി​യൻ വീക്ക്‌ലി ഇങ്ങനെ റിപ്പോർട്ടു ചെയ്യുന്നു: “കൺഫ്യൂ​ഷ്യസ്‌ മതം നിഷ്‌കർഷി​ച്ചി​രുന്ന മാതൃ-പിതൃ​ഭക്തി ജപ്പാന്റെ മൂല്യ​വ്യ​വ​സ്ഥ​യു​ടെ മൂലക്ക​ല്ലാ​യി​രു​ന്നു. എന്നാൽ അതിനു നഗരവ​ത്‌ക​ര​ണ​ത്തെ​യും ശിഥി​ല​മായ കുടും​ബ​ബ​ന്ധ​ങ്ങ​ളെ​യും അതിജീ​വി​ക്കാ​നാ​യില്ല. ഇന്നു ജപ്പാൻകാ​രിൽ 85 ശതമാ​ന​വും ആശുപ​ത്രി​ക​ളി​ലോ വൃദ്ധമ​ന്ദി​ര​ങ്ങ​ളി​ലോ​വെ​ച്ചാണ്‌ അന്ത്യശ്വാ​സം വലിക്കു​ന്നത്‌.”

സ്ഥിതി​ഗ​തി​കൾ എന്തൊ​ക്കെ​യാ​യി​രു​ന്നാ​ലും ദൈവത്തെ പ്രീതി​പ്പെ​ടു​ത്താൻ ആത്മാർഥ​മാ​യി ആഗ്രഹി​ക്കു​ന്നവർ തങ്ങളുടെ മാതാ​പി​താ​ക്കളെ ബഹുമാ​നി​ക്കാൻ കിണഞ്ഞു പരി​ശ്ര​മി​ക്കു​ന്നു. അവർ ബൈബി​ളി​ന്റെ പിൻവ​രുന്ന ബുദ്ധ്യു​പ​ദേശം ചെവി​ക്കൊ​ള്ളു​ന്നു: ‘“നിനക്കു നൻമ ഉണ്ടാകു​വാ​നും നീ ഭൂമി​യിൽ ദീർഘാ​യു​സ്സോ​ടി​രി​പ്പാ​നും നിന്റെ അപ്പനെ​യും അമ്മയെ​യും ബഹുമാ​നിക്ക.”’ (എഫെസ്യർ 6:2, 3) വൃദ്ധമാ​താ​പി​താ​ക്കളെ ബഹുമാ​നി​ക്കു​ന്ന​തും പരിച​രി​ക്കു​ന്ന​തും എല്ലായ്‌പോ​ഴും അത്ര എളുപ്പ​മ​ല്ലെ​ങ്കി​ലും അതു സമൃദ്ധ​മായ പ്രതി​ഫ​ലങ്ങൾ കൈവ​രു​ത്തും.