ഇത്തരം കാഴ്‌ച​ക​ളിൽനിന്ന്‌ നാം എന്നെങ്കി​ലും വിമു​ക്ത​രാ​കു​മോ?

ഇക്കാലത്ത നാം എവി​ടേക്കു തിരി​ഞ്ഞാ​ലും അക്രമങ്ങൾ, ഏറ്റുമു​ട്ട​ലു​കൾ, യുദ്ധങ്ങൾ എന്നിവ​യെ​ക്കു​റി​ച്ചുള്ള സുവ്യ​ക്ത​മായ ചിത്രങ്ങൾ കാണുന്നു. നിങ്ങൾക്ക്‌ ഇതി​നോ​ടകം അറിയാ​വുന്ന ദുർവാർത്ത​ക​ളു​ടെ കൂട്ടത്തി​ലേക്ക്‌ ഒരെണ്ണം കൂടെ ചേർക്കു​ക​യെ​ന്നതല്ല ഈ മാസി​ക​യു​ടെ ഉദ്ദേശ്യം. മറിച്ച്‌ ഈ പ്രത്യേക ലക്കം ആശ്വാസം പകരുന്ന, ചുരു​ങ്ങി​യത്‌ രണ്ടു സത്യങ്ങ​ളെ​ങ്കി​ലും അവതരി​പ്പി​ക്കും. ആദ്യ​ത്തേത്‌, ബൈബി​ളി​ലെ പുരാതന പ്രവച​നങ്ങൾ വാസ്‌ത​വ​ത്തിൽ നമ്മുടെ യുഗത്തി​ലെ ഞെട്ടി​ക്കുന്ന ദുർവാർത്ത​ക​ളിൽ അധിക​വും മുൻകൂ​ട്ടി​പ്പ​റ​ഞ്ഞി​രു​ന്നു എന്നതാണ്‌; രണ്ടാമ​ത്തേത്‌, ഇതേ പ്രവചന പുസ്‌തകം ഇവിടെ കാണി​ച്ചി​രി​ക്കു​ന്ന​തു​പോ​ലെ​യു​ള്ളത്‌ ഉൾപ്പെടെ അത്തരം രംഗങ്ങൾ പൊയ്‌പോയ സംഗതി​ക​ളാ​യി​രി​ക്കു​മെ​ന്നും മുൻകൂ​ട്ടി പറയുന്നു. മേലാൽ യുദ്ധങ്ങ​ളില്ല. മേലാൽ ബോംബ്‌ വർഷം, വെടി​വെപ്പ്‌, കുഴി​ബോം​ബു​കൾ, ഭീകര​പ്ര​വർത്തനം എന്നിവ​യില്ല. മേലാൽ വേദനി​ക്കുന്ന അനാഥ​രോ ഭവനര​ഹി​ത​രായ അഭയാർഥി​ക​ളോ ഇല്ല. യഥാർഥ, ഹൃദയാ​ശ്വാ​സ​മേ​കുന്ന സമാധാ​നം നിറഞ്ഞ ഒരു ലോകം. അത്തര​മൊ​രു കാലം കാണാൻ നിങ്ങൾക്ക്‌ ആഗ്രഹ​മു​ണ്ടോ? ബൈബി​ളിന്‌ പറയാ​നു​ള്ളതു പരിചി​ന്തി​ക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നു. സാധ്യ​മെന്നു നിങ്ങൾ കരുതി​യി​ട്ടു​ള്ള​തി​നെ​ക്കാൾ അധികം ആശ്വാസം നിങ്ങൾ അതിൽ കണ്ടെത്തി​യേ​ക്കാം.