ദൈവ​വി​ശ്വാ​സം അതിന്‌ അത്ഭുതം അനിവാ​ര്യ​മോ?

ആൽബർട്ട്‌ ദൈവത്തെ അന്വേ​ഷി​ക്കാൻ തുടങ്ങു​മ്പോൾ അവന്‌ 20 വയസ്സു കഴിഞ്ഞതേ ഉണ്ടായി​രു​ന്നു​ള്ളൂ. പല മതങ്ങളും പരി​ശോ​ധി​ച്ചു​നോ​ക്കി​യെ​ങ്കി​ലും അവൻ തൃപ്‌ത​നാ​യില്ല. ബൈബി​ളി​ന്റെ ചില ഭാഗങ്ങൾ വായി​ക്കവെ നോഹ, അബ്രാ​ഹാം, സാറാ, മോശ തുടങ്ങിയ വ്യക്തി​ക​ളു​മാ​യി ദൈവം ഇടപെട്ട വിധ​ത്തെ​ക്കു​റിച്ച്‌ അവൻ മനസ്സി​ലാ​ക്കി. ബൈബി​ളി​ലെ ദൈവ​ത്തിൽ ആൽബർട്ട്‌ ആകൃഷ്ട​നാ​യി. എന്നാൽ, ആ ദൈവം വാസ്‌ത​വ​മാ​യും അസ്‌തി​ത്വ​ത്തി​ലു​ണ്ടെന്ന്‌ അവന്‌ ഉറപ്പു​ണ്ടാ​യി​രി​ക്കാൻ കഴിയു​മാ​യി​രു​ന്നോ?

ഒരു സായന്ത​ന​ത്തിൽ, ഒറ്റപ്പെട്ട ഒരിട​ത്തു​പോ​യി ആൽബർട്ട്‌ ഇങ്ങനെ പ്രാർഥി​ച്ചു: “ദൈവമേ, നീ അസ്‌തി​ത്വ​ത്തി​ലു​ണ്ടെ​ന്ന​തി​നു തെളി​വാ​യി എന്തെങ്കി​ലു​മൊ​രു അടയാളം എനിക്കു നൽകണമേ.” ആൽബർട്ട്‌ വളരെ​നേരം കാത്തി​രു​ന്നു. ഒന്നും സംഭവി​ച്ചില്ല. അതോടെ തന്റെ പ്രതീക്ഷ “നിരാ​ശ​യ്‌ക്ക്‌, ശൂന്യ​ത​യ്‌ക്ക്‌, ദേഷ്യ​ത്തിന്‌ വഴിമാ​റി”യതായി അവൻ അനുസ്‌മ​രി​ക്കു​ന്നു.

തങ്ങൾ ദൈവത്തെ അന്വേ​ഷി​ച്ചതു വൃഥാ​വി​ലാ​യെന്ന്‌ അനേകർക്കും തോന്നു​ന്നു. പുരോ​ഹി​ത​ന്മാ​രു​ടെ മതപ്ര​സം​ഗങ്ങൾ അവർക്ക്‌ ആശയക്കു​ഴപ്പം വരുത്തി​യേ​ക്കാം അല്ലെങ്കിൽ ടെലി​വി​ഷൻ സുവി​ശേ​ഷ​ക​രു​ടെ കച്ചവട​സാ​മർഥ്യം അവരെ മിഥ്യാ​ബോധ വിമു​ക്ത​രാ​ക്കി​യേ​ക്കാം. ഒട്ടനവധി അയൽക്കാ​രി​ലും പ്രകട​മാ​യി​രി​ക്കുന്ന കാപട്യ​ത്തിൽ സ്‌തബ്ധ​രാ​യി എന്തിൽ വിശ്വ​സി​ക്ക​ണ​മെന്നു ചിലർക്കു തിട്ടമില്ല. എന്നാൽ, പുരാതന ഇസ്രാ​യേ​ലി​ലെ ദാവീദ്‌ രാജാവ്‌ തന്റെ പുത്ര​നായ ശലോ​മോന്‌ ഈ ഉറപ്പേകി: “നീ [ദൈവത്തെ] അന്വേ​ഷി​ക്കു​ന്നു എങ്കിൽ അവനെ കണ്ടെത്തും.”—1 ദിനവൃ​ത്താ​ന്തം 28:9.

അങ്ങനെ​യെ​ങ്കിൽ, ദൈവം എങ്ങനെ​യാ​ണു സ്വയം വെളി​പ്പെ​ടു​ത്തു​ന്നത്‌? ദൈവം അസ്‌തി​ത്വ​ത്തി​ലു​ണ്ടെന്നു തെളി​യി​ക്കുന്ന ഒരടയാ​ളം—എന്തെങ്കി​ലും പ്രകൃ​ത്യാ​തീത അനുഭവം—നിങ്ങൾ പ്രതീ​ക്ഷി​ക്ക​ണ​മോ? ഈയിടെ ടൈം മാഗസി​നിൽ റിപ്പോർട്ടു ചെയ്യപ്പെട്ട ഒരു അഭി​പ്രായ വോ​ട്ടെ​ടു​പ്പ​നു​സ​രിച്ച്‌, മൂന്നിൽ രണ്ടു ഭാഗത്തി​ല​ധി​കം അമേരി​ക്ക​ക്കാ​രും അത്ഭുത​ങ്ങ​ളിൽ വിശ്വ​സി​ക്കു​ന്നു. “അമേരി​ക്ക​യിൽ ത്വരി​ത​ഗ​തി​യിൽ വളരുന്ന സഭകൾ കരിസ്‌മാ​റ്റിക്ക്‌, പെന്ത​ക്കോ​സ്‌ത്‌ എന്നീ വിഭാ​ഗ​ങ്ങ​ളിൽപ്പെ​ട്ട​വ​യാണ്‌. അവയുടെ ആരാധന ‘അടയാ​ള​ങ്ങ​ളെ​യും അത്ഭുത​ങ്ങ​ളെ​യും’ ചുറ്റി​പ്പ​റ്റി​യു​ള്ള​താണ്‌.”

ദൈവ​ത്തിൽ വിശ്വ​സി​ക്കു​ന്ന​തിന്‌ “അടയാ​ള​ങ്ങ​ളും അത്ഭുത​ങ്ങ​ളും” അവശ്യ​മാ​ണോ? മുൻകാ​ല​ങ്ങ​ളിൽ അവൻ അത്ഭുതങ്ങൾ പ്രവർത്തി​ച്ചി​ട്ടുണ്ട്‌. തർസൊ​സു​കാ​ര​നായ ശൌലി​ന്റെ ഉദാഹ​ര​ണ​മെ​ടു​ക്കാം: ദൈവ​പു​ത്ര​നായ യേശു​ക്രി​സ്‌തു​വി​ന്റെ അനുഗാ​മി​കളെ അവൻ പീഡി​പ്പി​ച്ചു​കൊ​ണ്ടി​രു​ന്നു. യെരൂ​ശ​ലേ​മിൽനി​ന്നു ദമസ്‌കൊ​സി​ലേ​ക്കുള്ള വഴിയിൽവെച്ച്‌ അവന്‌ അസാധാ​ര​ണ​മായ ഒരനു​ഭ​വ​മു​ണ്ടാ​യി. പുനരു​ത്ഥാ​നം പ്രാപിച്ച യേശു​വു​മാ​യുള്ള അത്ഭുത​ക​ര​മായ കൂടി​ക്കാഴ്‌ച ശൌലി​ന്റെ മാനസാ​ന്ത​ര​ത്തി​ലേക്കു നയിച്ചു. (പ്രവൃ​ത്തി​കൾ 9:1-22) അങ്ങനെ ഒരു മുൻപീ​ഡകൻ, ക്രിസ്‌ത്യാ​നി​ത്വ​ത്തി​ന്റെ സമുന്നത വക്താക്ക​ളിൽ ഒരുവ​നായ പൗലൊസ്‌ അപ്പോ​സ്‌തലൻ ആയിത്തീർന്നു!

എന്നാൽ അത്ഭുതങ്ങൾ എല്ലായ്‌പോ​ഴും അത്തരം അനുകൂല പ്രതി​ക​രണം ഉളവാ​ക്കു​ന്നു​വോ? യഥാർഥ ദൈവ​വി​ശ്വാ​സം, ഒരുവ​നു​ണ്ടാ​കുന്ന അത്ഭുത​ക​ര​മായ അനുഭ​വത്തെ ആശ്രയി​ച്ചി​രി​ക്കു​ന്നു​വോ?

[3-ാം പേജിലെ ചിത്രം]

ദൈവപുത്രൻ തർസൊ​സു​കാ​ര​നായ ശൌലി​നോട്‌ അത്ഭുത​ക​ര​മാ​യി സംസാ​രി​ച്ചു. നിങ്ങൾ ഒരത്ഭുതം പ്രതീ​ക്ഷി​ക്ക​ണ​മോ?