രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

‘നിങ്ങളു​ടെ വെളിച്ചം മനുഷ്യ​രു​ടെ മുമ്പാകെ പ്രകാ​ശി​ക്കട്ടെ’

ഗിരി​പ്ര​ഭാ​ഷ​ണ​ത്തിൽ യേശു ശിഷ്യ​ന്മാ​രോട്‌ ഇങ്ങനെ പറഞ്ഞു: “നിങ്ങൾ ലോക​ത്തി​ന്റെ വെളിച്ചം ആകുന്നു.” അവൻ തുടർന്ന്‌ അവരെ ഇങ്ങനെ പ്രോ​ത്സാ​ഹി​പ്പി​ച്ചു: “മനുഷ്യർ നിങ്ങളു​ടെ നല്ല പ്രവൃ​ത്തി​കളെ കണ്ടു, സ്വർഗ്ഗ​സ്ഥ​നായ നിങ്ങളു​ടെ പിതാ​വി​നെ മഹത്വ​പ്പെ​ടു​ത്തേ​ണ്ട​തി​ന്നു നിങ്ങളു​ടെ വെളിച്ചം അവരുടെ മുമ്പിൽ പ്രകാ​ശി​ക്കട്ടെ.”—മത്തായി 5:14-16.

ഇറ്റലി​യിൽ യഹോ​വ​യു​ടെ സാക്ഷി​ക​ളു​ടെ നല്ല പ്രവൃ​ത്തി​കൾ ശ്രദ്ധി​ക്ക​പ്പെ​ടാ​തെ പോയി​ട്ടില്ല. ഉദാഹ​ര​ണ​ത്തിന്‌, തങ്ങളുടെ വാർഷിക കൺ​വെൻ​ഷ​നു​ക​ളിൽ സംബന്ധി​ക്കു​മ്പോ​ഴുള്ള അവരുടെ നല്ല നടത്ത, പിൻവ​രുന്ന റിപ്പോർട്ടു​കൾ തെളി​യി​ക്കു​ന്ന​തു​പോ​ലെ ദൈവ​ത്തി​നു മഹത്ത്വം കരേറ്റു​ന്നു:

◼ ഇറ്റലി​യി​ലെ ടെർനി​യി​ലുള്ള ഒരു സ്‌ത്രീ, ആ നഗരത്തി​ലെ സ്റ്റേഡി​യ​ത്തി​ന​ടു​ത്താ​യി ഒരു ലഘുഭ​ക്ഷ​ണ​ശാല നടത്തു​ന്ന​തി​നു നിരവധി വർഷങ്ങ​ളാ​യി തന്റെ മകളെ സഹായി​ച്ചു വരുക​യാ​യി​രു​ന്നു. അവർ ഇങ്ങനെ വിവരി​ക്കു​ന്നു: “ഇവിടെ ഫുട്‌ബോൾ കളിക്കാ​യി വരുന്ന​വർക്കും യഹോ​വ​യു​ടെ സാക്ഷി​ക​ളു​ടെ കൺ​വെൻ​ഷ​നിൽ പങ്കെടു​ക്കു​ന്ന​വർക്കും ഇടയിൽ ഒരു വലിയ വ്യത്യാ​സം ഞാൻ നിരീ​ക്ഷി​ച്ചു. സാക്ഷികൾ വസ്‌ത്ര​ധാ​ര​ണ​ത്തിൽ മാന്യ​ത​യു​ള്ള​വ​രാ​യി​രു​ന്നു, മാത്രമല്ല അവർ സത്യസ​ന്ധ​രും ആദരണീ​യ​രു​മാ​യി​രു​ന്നു. വ്യത്യസ്‌ത വർഗങ്ങ​ളിൽപ്പെട്ട ആളുകൾക്ക്‌ ഇത്ര നന്നായി യോജി​ച്ചു​പോ​കാൻ സാധി​ക്കു​ന്ന​തെ​ങ്ങ​നെ​യെന്നു ഞാൻ ഒട്ടുമി​ക്ക​പ്പോ​ഴും ചിന്തി​ക്കാ​റു​ണ്ടാ​യി​രു​ന്നു.

“ഒരു ദിവസം, ഒരു സാക്ഷി തെരു​വിൽവെച്ച്‌ എന്നോട്‌ ദൈവ​ത്തി​ന്റെ പേരറി​യാ​മോ എന്നു ചോദി​ച്ചു. എനിക്ക​റി​യി​ല്ലാ​യി​രു​ന്നു. യഹോ​വ​യു​ടെ സാക്ഷികൾ നല്ലയാ​ളു​ക​ളാ​ണെന്ന്‌ അറിയാ​മാ​യി​രു​ന്ന​തി​നാൽ അവരെന്നെ സന്ദർശി​ക്കു​ന്ന​തിൽ എനിക്ക്‌ എതിർപ്പി​ല്ലാ​യി​രു​ന്നു. മരിച്ച​വ​രു​ടെ അവസ്ഥ​യെ​ക്കു​റി​ച്ചു ഞാൻ ചോദ്യ​ങ്ങൾ ചോദി​ച്ചു. അതിനവർ ബൈബി​ളിൽനിന്ന്‌ ഉത്തരം നൽകി. യാതൊ​രു മടിയും കൂടാതെ, ഞാൻ ഒരു ബൈബി​ള​ധ്യ​യനം സ്വീക​രി​ക്കു​ക​യും രണ്ടാഴ്‌ച​യ്‌ക്കു ശേഷം യോഗ​ങ്ങൾക്കു ഹാജരാ​കാൻ തുടങ്ങു​ക​യും ചെയ്‌തു.

“എന്റെ മകൾ ആദ്യ​മൊ​ക്കെ എതിർത്തെ​ങ്കി​ലും എന്റെ നടത്തയും നിശ്ചയ​ദാർഢ്യ​വും അവളുടെ മനോ​ഭാ​വത്തെ മാറ്റി​യെ​ടു​ത്തു. ഒമ്പതു മാസങ്ങൾക്കു മുമ്പാണു ഞാൻ പഠിക്കാ​നാ​രം​ഭി​ച്ചത്‌. ഇന്ന്‌ എന്റെ മകൾക്കും അവളുടെ ഭർത്താ​വി​നും തങ്ങളുടെ ലഘുഭ​ക്ഷ​ണ​ശാ​ല​യിൽ വരുന്ന സാക്ഷി​ക​ളായ ഉപഭോ​ക്താ​ക്ക​ളെ​ക്കു​റി​ച്ചു വളരെ നല്ല അഭി​പ്രാ​യ​മാ​ണു​ള്ളത്‌. ഞാനാ​ണെ​ങ്കിൽ, ഇതേ സ്റ്റേഡി​യ​ത്തിൽ നടന്ന ഒരു കൺ​വെൻ​ഷ​നിൽ സ്‌നാ​പ​ന​മേറ്റു.”

◼ റോ​സേ​റ്റോ ഡെൽയി ആബ്രൂ​റ്റ്‌സി​യിൽ നടന്ന ഒരു കൺ​വെൻ​ഷ​നു​ശേഷം ഒരു ക്യാമ്പു​സ്ഥ​ല​ത്തി​ന്റെ മാനേജർ ഇങ്ങനെ അഭി​പ്രാ​യ​പ്പെട്ടു: “യഹോ​വ​യു​ടെ സാക്ഷികൾ തങ്ങൾ ചെയ്യു​ന്ന​തി​ലെ​ല്ലാം സത്യസ​ന്ധ​രാ​ണെന്ന്‌ എനിക്കു കാണാൻ കഴിഞ്ഞു. കഴിഞ്ഞ ആഴ്‌ച, അവരിൽപ്പെട്ട 40 പേർ എന്റെ ക്യാമ്പു​സ്ഥ​ല​ത്തു​ണ്ടാ​യി​രു​ന്നു. അവർ യാതൊ​രു​വിധ പ്രശ്‌ന​ങ്ങ​ളും സൃഷ്ടി​ച്ചില്ല. എന്നുത​ന്നെയല്ല, തങ്ങളുടെ താമസ സൗകര്യ​ത്തോ​ടു​കൂ​ടിയ വാഹന​ത്തി​ലോ കൂടാ​ര​ത്തി​ലോ ഒരാൾ കൂടു​ത​ലു​ണ്ടെ​ങ്കിൽ ശ്രദ്ധയിൽപ്പെ​ടു​ത്തുന്ന ഒരേ​യൊ​രു കൂട്ടർ അവർ മാത്ര​മാണ്‌. എന്റെ അഭി​പ്രാ​യ​ത്തിൽ ഏറ്റവും നല്ല ഇടപാ​ടു​കാർ അവരാണ്‌.”

◼ അതേ കൺ​വെൻ​ഷനു ശേഷം, ഒരു ഹോട്ടൽ മാനേജർ ഇങ്ങനെ പറഞ്ഞു: “യഹോ​വ​യു​ടെ സാക്ഷി​ക​ളെ​ല്ലാ​വ​രും സമാധാ​ന​പ്രി​യ​രാണ്‌. അവർ റൗഡി​കളല്ല. അവർ നേരത്തേ ഉറങ്ങുന്നു. അവർ യഥാർഥ​മാ​യും ദയയു​ള്ള​വ​രും സത്യസ​ന്ധ​രും നല്ല പെരു​മാ​റ്റ​രീ​തി​കൾ പാലി​ക്കു​ന്ന​വ​രു​മാണ്‌. എല്ലാവ​രും അവരെ​പ്പോ​ലെ​യാ​യി​രു​ന്നെ​ങ്കിൽ അതു വളരെ വിസ്‌മ​യ​ക​ര​മാ​കു​മാ​യി​രു​ന്നു. മറ്റുള്ളവർ കയ്യിൽകി​ട്ടു​ന്ന​തെ​ല്ലാം മോഷ്ടി​ക്കു​ന്നു—പൂപ്പാ​ത്രങ്ങൾ, ആഷ്‌​ട്രേകൾ തുടങ്ങി ടോയ്‌ലെറ്റ്‌ പേപ്പറും പഞ്ചസാ​ര​യും പോലും! നിങ്ങളിൽനിന്ന്‌ അങ്ങനെ​യൊ​ന്നും ഒരിക്ക​ലും സംഭവി​ച്ചി​ട്ടില്ല. നിങ്ങളു​ടെ കുട്ടികൾ വൈകു​ന്നേരം ഫ്രിഡ്‌ജിൽനിന്ന്‌ ഐസ്‌ക്രീം എടുക്കു​മ്പോൾ, അവർ എന്താ​ണെ​ടു​ത്ത​തെന്നു പോയി പരി​ശോ​ധി​ക്കാൻ ഞാൻ മിന​ക്കെ​ടാ​റില്ല. അവർ എനിക്കു തരാനു​ള്ളതു കൃത്യ​മാ​യി കണക്കു​കൂ​ട്ടി വേഗം പണമട​യ്‌ക്കാൻ വരുന്നു. എനിക്ക​വരെ പൂർണ​വി​ശ്വാ​സ​മാണ്‌. മറ്റുള്ള​വ​രും അവരെ​പ്പോ​ലെ​യാ​യി​രു​ന്നെ​ങ്കിൽ എത്ര നന്നായി​രു​ന്നു! എന്റെ ഹോട്ട​ലി​ലെ താമസ​ക്കാ​രെ​ല്ലാം യഹോ​വ​യു​ടെ സാക്ഷി​ക​ളാ​യി​രു​ന്നെ​ങ്കിൽ എന്നു ഞാൻ ആശിക്കു​ന്നു.”

ഭൂമി​യു​ടെ മറ്റനേകം ഭാഗങ്ങ​ളി​ലെ​ന്ന​പോ​ലെ ഇറ്റലി​യി​ലും യഹോ​വ​യു​ടെ സാക്ഷികൾ സുപ്ര​സി​ദ്ധ​രാണ്‌. അവർ ജനതക​ളു​ടെ ഇടയിൽ തങ്ങളുടെ “നടപ്പു നന്നായി” സൂക്ഷി​ക്കാൻ പ്രയത്‌നി​ക്കു​ക​യും അങ്ങനെ തങ്ങൾ ആരുടെ നാമമാ​ണോ വഹിക്കു​ന്നത്‌ ആ സത്യ​ദൈ​വ​ത്തി​നു മഹത്ത്വം കരേറ്റു​ക​യും ചെയ്യുന്നു.—1 പത്രൊസ്‌ 2:12.