ഗ്രീസിൽ യഹോ​വ​യു​ടെ സാക്ഷി​കൾക്കു വീണ്ടു​മൊ​രു വിജയം

ഏഥൻസി​ലെ മൂന്നംഗ മജിസ്‌​ട്രേറ്റ്‌ കോടതി, 1995 ഒക്ടോബർ 6-ന്‌ യഹോ​വ​യു​ടെ സാക്ഷി​ക​ളു​ടെ രണ്ടു മുഴു​സമയ ശുശ്രൂ​ഷ​ക​രുൾപ്പെ​ടുന്ന ഒരു നിയമ​പ​ര​മായ കേസിന്റെ വിചാരണ കേട്ടു. മതപരി​വർത്ത​ന​മാ​യി​രു​ന്നു അവർക്കെ​തി​രെ​യു​ണ്ടാ​യി​രുന്ന കുറ്റം. ഒരു പൊലീസ്‌ ഉദ്യോ​ഗസ്ഥൻ, സാക്ഷികൾ തന്റെ വീടു സന്ദർശി​ച്ച​ശേഷം സമർപ്പിച്ച പരാതി​യു​ടെ അടിസ്ഥാ​ന​ത്തി​ലാ​യി​രു​ന്നു ഈ കോടതി നടപടി.

അധ്യക്ഷത വഹിച്ച ജഡ്‌ജി ഉന്നയിച്ച ചോദ്യ​ങ്ങൾ, യഹോ​വ​യു​ടെ സാക്ഷി​ക​ളു​ടെ വേലയിൽ അവർക്കു വളരെ​യ​ധി​കം താത്‌പ​ര്യ​മു​ള്ള​താ​യി വ്യക്തമാ​ക്കി. ഉദാഹ​ര​ണ​ത്തിന്‌, അവർ ചോദി​ച്ചു: “നിങ്ങൾ ഈ വേല ചെയ്യാൻ തുടങ്ങി​യിട്ട്‌ എത്ര കാലമാ​യി? വർഷങ്ങ​ളി​ലു​ട​നീ​ളം ആളുകൾ നിങ്ങ​ളോട്‌ എങ്ങനെ​യാ​ണു പെരു​മാ​റി​യി​ട്ടു​ള്ളത്‌? നിങ്ങളു​ടെ വേലയ്‌ക്ക്‌ ഏതു തരത്തി​ലുള്ള പ്രതി​ക​ര​ണ​മാ​ണു ലഭിച്ചി​ട്ടു​ള്ളത്‌? ആളുക​ളോട്‌ അവരുടെ വീട്ടിൽവെച്ച്‌ നിങ്ങൾ എന്താണു പറയുക?” നൽകപ്പെട്ട നല്ല സാക്ഷ്യം കോടതി മുറി​യി​ലി​രുന്ന സകലരും ചെവി​കൂർപ്പി​ച്ചു കേട്ടു.

പ്രോ​സി​ക്യൂ​ട്ടർപോ​ലും തങ്ങൾക്ക്‌ അനുകൂ​ല​മാ​യി സംസാ​രി​ച്ചതു സാക്ഷി​കളെ അത്ഭുത​പ്പെ​ടു​ത്തി. തന്റെ സമാപന പ്രസ്‌താ​വ​ന​ക​ളിൽ അദ്ദേഹം ഇങ്ങനെ വ്യക്തമാ​ക്കി: “യഹോ​വ​യു​ടെ സാക്ഷി​കൾക്കു തങ്ങളുടെ ദൈവ​ത്തിൽ വിശ്വ​സി​ക്കു​ന്ന​തി​നും അവനെ ആരാധി​ക്കു​ന്ന​തി​നും മാത്രമല്ല തങ്ങളുടെ വിശ്വാ​സം വീടു​തോ​റും പൊതു ചത്വര​ങ്ങ​ളി​ലും തെരു​വു​ക​ളി​ലും—താത്‌പ​ര്യ​മു​ള്ള​പക്ഷം തങ്ങളുടെ സാഹി​ത്യം സൗജന്യ​മാ​യി വിതരണം ചെയ്‌തു​കൊ​ണ്ടു​പോ​ലും—പ്രചരി​പ്പി​ക്കു​ന്ന​തി​നും ഭരണഘ​ട​നാ​പ​ര​മായ അവകാ​ശ​മുണ്ട്‌.” കോട​തി​ക​ളും കൗൺസിൽ ഓഫ്‌ സ്റ്റേറ്റും പുറ​പ്പെ​ടു​വി​പ്പിച്ച നിരവധി മോച​ന​വി​ധി​ക​ളെ​ക്കു​റി​ച്ചു പ്രോ​സി​ക്യൂ​ട്ടർ പരാമർശി​ച്ചു. യൂറോ​പ്യൻ മനുഷ്യാ​വ​കാശ കോടതി യഹോ​വ​യു​ടെ സാക്ഷി​കൾക്ക്‌ അനുകൂ​ല​മാ​യി വിധിച്ച കൊക്കി​നാ​ക്കിസ്‌ വേഴ്‌സസ്‌ ഗ്രീസ്‌ എന്ന കേസും അദ്ദേഹം പരാമർശി​ച്ചു.a “ആ കേസിൽ ഗ്രീസ്‌ പിഴ അടയ്‌ക്കു​ക​പോ​ലു​മു​ണ്ടാ​യി എന്നതു ദയവായി ശ്രദ്ധി​ക്കുക. അതു​കൊണ്ട്‌, ഇത്തരം കേസു​ക​ളിൽ വിധി കൽപ്പി​ക്കു​മ്പോൾ നാം വളരെ ജാഗരൂ​ക​രാ​യി​രി​ക്കണം. വാസ്‌ത​വ​ത്തിൽ, ഇത്തരം കേസുകൾ ഒരിക്ക​ലും കോട​തി​യിൽ കൊണ്ടു​വ​രു​കയേ അരുത്‌,” പ്രോ​സി​ക്യൂ​ട്ടർ മുന്നറി​യി​പ്പു നൽകി.

പ്രോ​സി​ക്യൂ​ട്ട​റു​ടെ പ്രസ്‌താ​വ​ന​ക​ളെ​ത്തു​ടർന്നു സാക്ഷി​ക​ളു​ടെ വക്കീലിന്‌ അധിക​മൊ​ന്നും പറയേ​ണ്ടി​വ​ന്നില്ല. എങ്കിലും, മതപരി​വർത്തന നിയമം ഭരണഘ​ടനാ വിരു​ദ്ധ​മാ​ണെ​ന്നും അതു രാജ്യാ​ന്ത​ര​ത​ല​ത്തിൽ ഗ്രീസി​നെ ലജ്ജിപ്പി​ക്കു​ന്നു​വെ​ന്നും ഊന്നി​പ്പ​റ​യാൻ അദ്ദേഹം കിട്ടിയ അവസരം വിനി​യോ​ഗി​ച്ചു.

അധ്യക്ഷത വഹിച്ച ജഡ്‌ജി മറ്റു രണ്ടു ജഡ്‌ജി​മാ​രു​ടെ നേർക്കു വെറുതെ കണ്ണോ​ടി​ച്ചു. ആ സഹോ​ദ​ര​നും സഹോ​ദ​രി​യും കുറ്റവി​മു​ക്ത​രാ​ണെന്ന്‌ ഐകക​ണ്‌ഠ്യേന തീർപ്പു കൽപ്പിച്ചു. ഒരു മണിക്കൂ​റും പത്തു മിനി​റ്റും നീണ്ടു​നിന്ന വിചാരണ യഹോ​വ​യു​ടെ നാമത്തി​നും അവന്റെ ജനത്തി​നും ഒരു വിജയ​മാ​യി​രു​ന്നു.

യൂറോ​പ്യൻ മനുഷ്യാ​വ​കാശ കോടതി കൊക്കി​നാ​ക്കി​സി​ന്റെ വിചാരണ കേട്ടതി​നു ശേഷം മതപരി​വർത്തന കേസുകൾ ഉൾപ്പെട്ട നാലാ​മത്തെ മോച​ന​വി​ധി​യാ​ണിത്‌. പ്രസം​ഗ​വേ​ല​യോ​ടുള്ള ബന്ധത്തിൽ പ്രശ്‌നങ്ങൾ ഒന്നും​തന്നെ ഇല്ലാത്ത​തി​ലും തങ്ങളുടെ വേല നിർബാ​ധം തുടരാൻ സാധി​ക്കു​ന്ന​തി​ലും ഗ്രീസി​ലെ യഹോ​വ​യു​ടെ സാക്ഷികൾ ആനന്ദി​ക്കു​ന്നു.

[അടിക്കു​റിപ്പ്‌]