‘അവർ മറ്റുള്ള​വരെ സഹായി​ക്കു​ന്ന​തിൽ തത്‌പ​ര​രാണ്‌’

യഹോ​വ​യു​ടെ സാക്ഷി​ക​ളെ​ക്കു​റി​ച്ചു ന്യൂ​യോർക്ക്‌ നഗരത്തി​ലെ ഒരു പൊലീ​സു​കാ​രൻ പറഞ്ഞത്‌ അങ്ങനെ​യാണ്‌. ന്യൂ​യോർക്കി​ലെ ബ്രൂക്ലി​നി​ലെ യഹോ​വ​യു​ടെ സാക്ഷി​ക​ളു​ടെ ലോകാ​സ്ഥാ​നത്തു സേവന​മ​നു​ഷ്‌ഠി​ക്കുന്ന ഒരു മുഴു​സമയ സ്വമേ​ധ​യാ​സേ​വ​ക​യായ കാത്‌ലീ​നോ​ടു സംസാ​രി​ക്കു​ക​യാ​യി​രു​ന്നു അദ്ദേഹം.

ഇളം​വെ​യി​ലു​ള്ള ഒരു ശരത്‌കാല ദിനത്തിൽ ഉച്ചയ്‌ക്കുള്ള ഇടവേള സമയത്ത്‌ അടുത്തുള്ള ഒരു പ്രോ​മ​നേ​ഡിൽ (വിഹാ​ര​സ്ഥ​ലത്ത്‌) ഒരു ബഞ്ചിലാ​യി കാത്‌ലീൻ ഇരുന്നു. ഹെഡ്‌ഫോ​ണു​ക​ളോ​ടു​കൂ​ടിയ ഓഡി​യോ കാസെറ്റ്‌ പ്ലെയർ കേട്ടു​കൊ​ണ്ടി​രി​ക്കു​ക​യാ​യി​രു​ന്നു അവർ. ഈസ്റ്റേൺ നദിക്ക്‌ അക്കരെ​യാ​യി ഹെലി​പ്പോർട്ടിൽ, നഗരം സന്ദർശി​ക്കു​ക​യാ​യി​രുന്ന മാർപാ​പ്പ​യു​ടെ വിട​കൊ​ള്ള​ലി​നാ​യുള്ള ഒരുക്കങ്ങൾ നടക്കു​ക​യാ​യി​രു​ന്നു. എല്ലായി​ട​ത്തും കനത്ത സുരക്ഷാ ഏർപ്പാ​ടു​കൾ ഉണ്ടായി​രു​ന്നു. പൊലീ​സു​കാർ പ്രോ​മ​നേ​ഡിൽ റോന്തു ചുറ്റു​ന്നു​ണ്ടാ​യി​രു​ന്നു. അവരി​ലൊ​രാൾ കാത്‌ലീ​നെ സമീപിച്ച്‌ എന്തെടു​ക്കു​ക​യാ​ണെന്നു ചോദി​ച്ചു. കാത്‌ലീൻ മറുപടി പറഞ്ഞു: “ഞാൻ റഷ്യൻ ഭാഷയി​ലുള്ള ഒരു ടേപ്പ്‌ കേട്ടു​കൊ​ണ്ടി​രി​ക്കു​ക​യാണ്‌. ഞാൻ യഹോ​വ​യു​ടെ സാക്ഷി​ക​ളി​ലൊ​രാ​ളാണ്‌. ഈ നഗരത്തിൽ താമസി​ക്കാ​നെ​ത്തി​യി​രി​ക്കുന്ന റഷ്യൻ ഭാഷ സംസാ​രി​ക്കുന്ന ആളുക​ളു​മാ​യി ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത പങ്കു​വെ​ക്കാ​നാ​യി എനിക്കു റഷ്യൻ ഭാഷ പഠിക്കണം.”

ന്യൂ​യോർക്ക്‌ നഗരത്തിൽ റോന്തു​ചു​റ്റുന്ന ഉദ്യോ​ഗ​സ്ഥ​നെന്ന നിലയിൽ, കഴിഞ്ഞ 15 വർഷമാ​യി താൻ യഹോ​വ​യു​ടെ സാക്ഷി​കളെ ക്രമേണ വിലമ​തി​ക്കാൻ തുടങ്ങി​യി​രി​ക്കു​ന്ന​താ​യി അദ്ദേഹം മറുപടി പറഞ്ഞു. അദ്ദേഹം പറഞ്ഞു: “തങ്ങളുടെ സമൂഹ​ത്തി​ലെ മറ്റുള്ള​വരെ സഹായി​ക്കു​ന്ന​തിൽ ആത്മാർഥ​മാ​യി തത്‌പ​ര​രായ അംഗങ്ങ​ളുള്ള ഒരു സംഘടിത മതമായി ഞാൻ യഹോ​വ​യു​ടെ സാക്ഷി​കളെ വീക്ഷി​ക്കു​ന്നു.”

തങ്ങൾ ചെയ്യുന്ന വീടു​തോ​റു​മുള്ള പ്രസം​ഗ​വേ​ല​യ്‌ക്കു യഹോ​വ​യു​ടെ സാക്ഷികൾ ലോക​വ്യാ​പ​ക​മാ​യി അറിയ​പ്പെ​ടു​ന്നു. (പ്രവൃ​ത്തി​കൾ 20:20) മനുഷ്യ​വർഗത്തെ ചൂഴ്‌ന്നു​നിൽക്കുന്ന പ്രശ്‌ന​ങ്ങൾക്കുള്ള ഏകപരി​ഹാ​ര​മാ​യി അവർ ദൈവ​രാ​ജ്യ​ത്തെ ചൂണ്ടി​ക്കാ​ണി​ക്കു​മ്പോൾതന്നെ ജീവി​ത​ത്തി​ന്റെ ഗുണമേന്മ വർധി​പ്പി​ക്കാൻ തക്കവണ്ണം തങ്ങളുടെ ജീവി​ത​ത്തിൽ ബൈബിൾ തത്ത്വങ്ങൾ ബാധക​മാ​ക്കാൻ ആളുകളെ പ്രോ​ത്സാ​ഹി​പ്പി​ച്ചു​കൊണ്ട്‌ അവർ ആളുകളെ സഹായി​ക്കു​ക​യും ചെയ്യുന്നു. ഉദാഹ​ര​ണ​ത്തിന്‌, വീടു​ക​ളിൽ പഠനത്തിന്‌ ഉതകുന്ന സാഹച​ര്യ​മു​ണ്ടാ​ക്കാൻ സാക്ഷികൾ മാതാ​പി​താ​ക്കളെ പ്രോ​ത്സാ​ഹി​പ്പി​ക്കു​ന്നു. തൊഴി​ലു​ട​മകൾ മൂല്യം കൽപ്പി​ക്കുന്ന വൈദ​ഗ്‌ധ്യ​ങ്ങ​ളും ഗുണങ്ങ​ളും കൈവ​രി​ക്കാൻ പ്രോ​ത്സാ​ഹി​പ്പി​ച്ചു​കൊണ്ട്‌ സത്യസ​ന്ധ​രും നിയമാ​നു​വർത്തി​ക​ളു​മാ​കാൻ അവർ വ്യക്തി​കളെ പ്രബോ​ധി​പ്പി​ക്കു​ന്നു.

അതേ, ജീവിതം മെച്ച​പ്പെ​ടു​ത്താൻ സമൂഹ​ത്തി​ലെ ആളുകളെ സഹായി​ക്കു​ന്ന​തിൽ യഹോ​വ​യു​ടെ സാക്ഷികൾ വളരെ​യ​ധി​കം തത്‌പ​ര​രാണ്‌. താഴെ​ക്കൊ​ടു​ത്തി​രി​ക്കുന്ന വാഗ്‌ദാ​ന​ത്തോ​ടു പ്രതി​ക​രി​ക്കാൻ നിങ്ങളെ ഊഷ്‌മ​ള​മാ​യി ക്ഷണിച്ചു​കൊ​ള്ളു​ന്നു.